مہاراشٹر کے گورنر بھگت سنگھ کوشیاری نے  آج 27  اپریل 2022  کو ممبئی  کے نہرو سینٹر میں ‘دویہ  کلا شکتی’ پروگرام کا افتتاح کیا۔

گورنر موصوف  نے کہا کہ ‘‘وزیراعظم نریندر مودی نے درست  کہا ہے کہ  ان افراد  میں   ایک دویہ  شکتی موجود  ہے اور جس کے آگے میں اپنا سر جھکاتا ہوں۔ مجھے  ان کی معذوری کے باوجود  اپنی  قابلیت اور صلاحیت کا مظاہرہ کرتے ہوئے  دیکھ کر  خوشی ہوئی ہے۔ انہوں نے  معذوری سے متاثرہ افراد کی حوصلہ افزائی کی  کہ وہ اپنے اندر  کی صلاحیت کو پہچانیں اور اس میں مہارت حاصل کریں۔ انہوں نے  اولمپک کے دوران   ہمارے معذوری سے متاثرہ کھلاڑیوں کے تعاو ن  کا ذکر کیا اور کہا کہ  کس طرح  انہوں نے  معاشرے میں مثبت تعاون کیا ہے۔

 گورنر موصوف  نے اُن اساتذہ ، تربیت کاروں اور غیر سرکاری تنظیموں کا بھی شکریہ ادا کیا ، جو دویانگ  نوجوانوں کی تربیت  کے لئے  مسلسل کام کر رہے ہیں۔ انہوں نے  معذوری سے متاثرہ نوجوانوں کو اپنی صلاحیتوں کو پہچاننے میں ان کی مدد کے لئے شکریہ ادا کیا۔ انہوں نے  اس  پروگرام کے انعقاد کے لئے سماجی انصاف اور تفویض اختیارات  کی وزارت  کی کوششوں  کے لئے بھی شکریہ ادا کیا۔

سماجی انصاف  اور تفویض اختیارات کے مرکزی وزیر   ڈاکٹر ویریندر کمار نے  اپنے ویڈیو  پیغام میں کہا کہ  ‘دویہ کلا شکتی’  کا  مقصد  معذوری سے متاثرہ نوجوانوں کو ترغیب دینا اور  انہیں  اپنی صلاحیتوں  اور  تخلیقی استعداد  کی نمائش  کے لئے ایک پلیٹ فراہم کرنا ہے۔ انہوں نے  مزید کہا کہ  مجھے  یقین ہے کہ  یہ پروگرام ان کے اعتماد  کو اور زیادہ  بڑھائے گا۔

پروگرام کے دوران مہاراشٹر، گوا ، مدھیہ پردیش، گجرات، راجستھان۔ چھتیس گڑھ، دمن اور دیو  ریاستون کے  150  سے زیادہ  مختلف معذوریوں سے متاثرہ  بچوں اور نوجوانوں نے اپنے فن کا مظاہرہ کیا۔ اس پروگرام میں بہت سے ثقافتی پروگراموں کے علاوہ ریاستوں کے مخصوص رقص بھی پیش کئے گئے جس سے یہ  شام  یادگار بن گئی ۔ جو  پروگرام پیش کئے گئے، ان میں  کٹھ پتلی کا تماشا، رقص، موسیقی،  لوک رقص، یوگا اور  وہیل چیئر پر  مختلف کرتب شامل ہیں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

(ش ح-و ا- ق ر)

U-4787

(Release ID: 1820860) Visitor Counter : 134