حکومت ہند کے بجلی، نئی اور قابل تجدید توانائی کے وزیر جناب آر کے سنگھ اور آئی ایس اے اسمبلی کے صدر اور یورپی کمیشن کے صدر عزت مآب  اُرسولا  وون ڈیر لیین نے آج گروگرام میں انٹرنیشنل سولر الائنس (آئی ایس اے) سکریٹریٹ کے دورے کے دوران آئی ایس اے ہیڈکوارٹرس میں شمسی توانائی کی ترقی سے متعلق صنعت سے خطاب کیا۔ معززین نے صنعت کے نمائندوں سے خطاب کیا اور شمسی توانائی کی ترقی پر پینل مباحثے میں حصہ لیا۔ ڈی جی، آئی ایس اے جناب اجے ماتھر نے آئی ایس اے ہیڈ کوارٹرس میں اس دورے کی میزبانی کی۔

 

دیگر معززین میں سکریٹری، نئی اور قابل تجدید توانائی کی وزارت، حکومت ہند، جناب اندو شیکھر چترویدی؛ ہندوستان اور بھوٹان میں یورپی یونین کے سفیر عزت مآب اُرسولا  وون ڈیر لیین اور آئی ایس اے کے سات یورپی یونین کے ممبر ممالک میں سے پانچ کے سفیر: فرانس کے سفیر، عزت مآب ایمانوئل لینان؛ ڈنمارک کے سفیر، عزت مآب فریڈی سوین؛ سویڈن کے سفیر عزت مآب کلاس مولن؛ جرمنی کے سفیر عزت مآب والٹر لنڈنر؛ اور اٹلی کے سفیر عزت مآب وینسینزو ڈی لوسا؛ سولر انڈسٹری کے نمائندوں کے ساتھ ملاقات کے دوران موجود تھے۔

آئی ایس اے اسمبلی کے صدر جناب آر کے سنگھ نے کہا کہ بھارت نے توانائی کی منتقلی کی عالمی سطح پر تسلیم شدہ پہل کی ہے۔ اب وقت آگیا ہے کہ تمام ممالک اکٹھے ہوں اور ایک دوسرے کے مسائل کے حل کے لیے اپنا کردار ادا کریں۔

یوروپی کمیشن کے صدر نے اپنے کلیدی خطاب میں کہا کہ ‘‘بھارت اور یوروپی یونین موسمیاتی تبدیلی کے خلاف جنگ میں قریبی اتحادی ہیں۔ بھارت اور یورپی یونین دونوں خالص صفر اخراج کے لیے اپنے راستے پر گامزن ہیں اور بھارت اور یورپ دونوں میں وہاں تک پہنچنے میں شمسی توانائی کلیدی کردار ادا کرے گی۔ اب ہمیں شمسی توانائی کی ترقی میں یورپی یونین-بھارت کے مابین تعاون کو بڑھانے کی ضرورت ہے۔ ہم ایک دوسرے سے سیکھ سکتے ہیں کہ شمسی توانائی کی مالی اعانت، فروغ اور اس کی تعیناتی کیسے کی جائے اور عالمی سطح پر سپلائی کے سلسلے اور سولر پینلز کے لیے درکار مواد کو کیسے محفوظ بنایا جائے۔

سکریٹری، نئی اور قابل تجدید توانائی کی وزارت، حکومت ہند نے کہا کہ عالمی برادری ماحولیاتی تبدیلیوں کے خلاف جنگ میں ایک اہم آلہ کے طور پر بین الاقوامی شمسی اتحاد پر بڑھتے ہوئے اعتماد کا اظہار کررہی ہے۔ انہوں نے مزید کہا کہ یورپی کمیشن کے صدر کا آئی ایس اے ہیڈکوارٹرس کا دورہ دنیا بھر کے ممالک کی طرف سے  آئی ایس اے کی کوششوں کو تقویت دینے کے عزم کی تجدید کا باعث بنے گا۔

بات چیت کے دوران آئی ایس اے کے ڈی جی نے کہا کہ آئی ایس اے، ای سی کے جذبے ‘کسی شخص اور کسی بھی جگہ کو پیچھے نہیں چھوڑنا ہے’ سے سرشار ہے۔ انہوں نے مزید کہا کہ ای سی اور یورپی یونین کے رکن ممالک کے ساتھ تعاون شمسی توانائی کو قابل رسائی، سستی اور مساوی طور پر دستیاب بنانے کے ذریعے ہمارے درمیان ہم آہنگی پر قائم ہے۔

 اس موقع پر صنعت کے جو رہنما موجود تھے ان میں کلین انرجی انٹرنیشنل انکیوبیشن سنٹر، ای ڈی ایف-انڈیا، گرینکو، ریلائنس، رینیو پاور، شنائیڈر الیکٹرک، ٹاٹا پاور، اور وکرم سولر کے سی ای اوز شامل تھے۔ انہوں نے شمسی توانائی کی ترقی سے متعلق اہم مسائل پر اپنے خیالات کا اظہار کیا۔

بین الاقوامی سولر الائنس کے قیام کے بعد سے ہی یورپی کمیشن اور آئی ایس اے کا مضبوط تعاون رہا ہے۔ 2018 میں کوپ 24 میں یورپی یونین اور انٹرنیشنل سولر الائنس نے شمسی توانائی کو فروغ دینے کے لیے ایک مشترکہ اعلامیہ پر دستخط کیے۔ یورپی کمیشن کے ایگزیکٹو نائب صدرعزت مآب فرانس ٹِم میرمانس نے اکتوبر 2021 میں انٹرنیشنل سولر الائنس اسمبلی میں اپنی شرکت کے دوران یورپی یونین کی طرف سے 1 ملین یورو مالیت کے ایک پروجیکٹ کا اعلان کیا، جس کا مقصد یورپی یونین، یورپی یونین ممبر ممالک اور یورپی یونین کی تعلیمی، کاروباری اور مالیاتی برادریوں کی مصروفیت کو مزید مضبوط کرنا ہے۔ بین الاقوامی شمسی اتحاد کے ساتھ۔ فی الحال 7 یورپی یونین کے رکن ممالک: فرانس، نیدرلینڈز، ڈنمارک، سویڈن، جرمنی، اٹلی، اور یونان، بین الاقوامی شمسی اتحاد کے رکن ممالک ہیں۔ ہندوستان اور فرانس بالترتیب آئی ایس اے کے صدر اور شریک صدر ہیں۔

 

 

۔۔۔۔۔۔۔۔۔۔۔۔۔۔۔۔۔۔۔۔۔

ش ح۔م ع۔ع ن

                                                                                                                                      (U: 4621)

(Release ID: 1819674) Visitor Counter : 153