য়ুনিক আইদেন্তিফিকেসন ওথোরিতী ওফ ইন্দিয়া (য়ু.আই.দি.এ.আই.)না ঙসি এপ্রিল ২২ ২০২২ মফমসিদা ‘আধার শীজিন্নবগী মওং লায়থোকহন্নবগী নৌনা পায়খৎপা থৌরাংশিং’ হায়বা হীরমসিদা ৱর্কসোপ অমা পাঙথোকখ্রে‍। থৌরম অদুনা আধারগী লমদা মরুওইবা অহোংবশিং অমসুং কেন্দ্রগী মন্ত্রালয়শিংনা ইল্লিবা অফবা থৌওংশিংদা মীৎয়েঙ থমখি‍। থৌরম অদু শ্রী অমিতাব কান্ত, সি.ই.ও., নিতি আয়োগ, শ্রী সুধান্সু পান্দে, সেক্রেতরী, এফ.এন্দ.পি.দি., শ্রী কে. রাজারমন, সেক্রেতরী, মৈতী, মিস অনুরধা প্রসাদ, সেক্রেতরী আই.এস.সি.এস., এম.ঐচ.এ., শ্রী রাজেস অগর্ৱার, সেক্রেতরী, এম.এস.দি.ই. অমসুং দোক্তর সৌরব গর্গ, সি.ই.ও., য়ু.আই.দি.এ.আই.গা লোয়ননা কেন্দ্র লৈঙাক্কী অতোপ্পা মীথুংশিংনা শরুক য়াখি‍।

খুন্নাই অমা, খুন্নাইলোন অমসুং শেলথুমগী ওইবা মওংদা চাওখৎপা পুরকপদা দিজিতেল আইদেন্তিতীনা মরুওইবা থৌদাং অমা লৌই‍। মন্ত্রালয়/লোয়শঙশিংনা মপুং ফানা য়ৌশিনবা ঙম্নবা হায়বদি বিনিফিসিয়রী ১০০% য়ৌবগী পান্দম ফংনবগীদমক ‘আধার’বু য়ুম্ফম ওইনা শীজিন্নগদবনি‍। আধারনা লৈবাকসিগী খ্বাইদগী চাউবা ইনোভেসনশিংগী মরক্তা অমা ওইরে‍। য়াম্না নুংঙাইরিবদি, আধারনা হান্না মশাগী শক্তাকচে অমত্তা লৈজরমদবা মীওই কয়াগী শক্তাকচে পীরে‍। মসিনা দিজিতেল দিভাইদপু শমজিন্নহল্লে, ই-কে.ৱাই.সি. সর্ভিস য়াহল্লে, থোঙজিন্দা অমদি মোবাইলদা বেঙ্কিংগী খুদোংচাবা ফংহল্লে অমদি লৈঙাক্কী তোঙান তোঙানবা য়াইফ-থৌরাংগী স্কিমশিংগী কান্নবা ফংফম থোকপা মীওইশিংগী বেঙ্ক একাউন্ততা শেন্ফমশিং হকথেংননা ত্রান্সফর তৌবা য়াহল্লে‍। আধারনা য়ৌশিল্লিবা অমদি পীরিবা কান্নবগী চাং অসি মালেম পুমবদা তাখিদ্রিবা মওংদনি‍। আধারগী কান্নবসি স্তেতশিংদা শেলথুম সেভিং ঙমহনবখক নত্তনা তোঙান তোঙানবা সেক্তর অমসুং স্তেতশিংদা আধারদা য়ুম্ফম ওইবা শক্তাক্কী দিইজিতেল এক্সপরিএন্স অমসুং দাইত্য লৈবা লমচৎ শেমদোকপা অমদি লৈহনবদা নাকোয়ননা কান্নবসু পীরি‍।

ৱন নেসন ৱন রেসন কার্দনচিংবা তোঙান তোঙানবা স্কিমশিংনা দিজিতেল ওথেন্তিফিকেসনগীদমক আধার শীজিন্নরি‍। ৱর্কসোপ মনুংসিদা কর্নাতকাগী ফ্যার প্রাইস সোপশিংদা কস্তমরশিংনা পেনবা হেনগৎলকপগী পুক্নিং থৌগৎনিংঙাই ওইরবা খুদম খরা থোরকখি‍। খন্ন-নৈনবা অদুদা লমদমসিগী মীয়ামগী দেতাগী ঙাকশেল অমসুং প্রাইভেসীনা খ্বাইদগী মরু ওই অমদি য়ু.আই.দি.এ.আই.না অরোন অথুপ ঙাকপা, ইন্তেগ্রিতী অমসুং এভাইলেবিলিতী ঙাক্তুনা থম্নবগীদমক মথৌ তাবা থৌরাংশিং লৌখৎনবা মতম পুম্নমক্তা হোৎনগদবনি হায়বা ৱাফম থমখি‍। দিজিতেল আইদেন্তিতী ইকো-সিস্তেম অমনা রেসিদেন্ত-সেন্ত্রিসিতীদা ঙাক্লৌ পীগদবনি অমদি রেসিদেন্তশিংদা গ্রোথ, স্কেলেবিলিতী অমসুং শীজিন্নবদা লায়হনবগী কন্সেন্ত-বেজ ফ্রেমৱর্ক লৈহনগদবনি‍।

মহাক্কী ৱারোল পীরদুনা, দোক্তর সৌরব গর্গ, সি.ই.ও., য়ু.আই.দি.এ.আই.না হৌখিববা চহি তরাসিদা আধারনা চঙশিল্লক্লিবা খোঙজেল অমসুং ফুদ সিক্যুরিতী, দি.বি.তি., স্কোলার্সিপ, ফিনতেক, লেন্দিং, হকশেলনচিংবা তোঙান তোঙানবা হীরম কয়াদা আধারবু ফাউন্দেস্নেল আইদেন্তিতী ওইনা শীজিন্নবনা পীরিবা য়াম্লবা খুদোংচাবশিংগী মরমদা শন্দোক্না পাউদমখি‍। মীয়ামগীদমক ইজ ওফ লিভিংগী মঙলান মঙফাওনহন্নবা ভারত লৈঙাক্কী তোঙান তোঙানবা মন্ত্রালয়শিং/দিপার্তমেন্তশিংগী মতেঙগা লোয়ননা খুন্নাইগী অমদি শেলথুমগী ওইবা হীরম অনিমক্তা লাস্ত মাইল য়ুজর য়ৌশিন্নবা অমদি পুম্নমক কোনশিন্নবা পান্দম ফংনবগীদমক দিজিতেল আইদেন্তিতীগী মতিং শীজিন্নবা য়াগদবা তোঙান তোঙানবা মতিং ফুদোকপা ঙমদ্রিবা সেক্তরশিং অমসুং অহোবশিংগী মতাঙদসু মহাক্না ৱাফম কয়া ফোঙদোকখি‍।

থৌরম অদুদা আধার ইকোসিস্তেমগী মথৌ তৌবগী মওং অমসুং আধার ফম্পাক শীজিন্নদুনা কেন্ত্র লৈঙাক্কী মন্ত্রালয়শিংনা শীজিন্নরিবা অফবা থৌওংশিং, খুদম ওইনা ফেসলেস ত্রান্সপোর্ত সর্ভিস (ইত্রান্সপোর্ত এম.এম.পি.), পি.দি.এস., দি.বি.তি. স্কিম, ইশ্রম পোর্তেলনচিংবশিং উৎখি‍।

ৱর্কসোপ অদু থৌরম মপু, ৱাঙাঙলোয় অমসুং ৱর্কসোপতুদা শরুক য়ারিবশিংগী মফমদা থাগৎ ৱাহৈ ফোঙদোকপগা লোয়ননা আধারগী মতিক শীজিন্নদুনা মীয়ামগী পুন্সি লায়থোকহন্নবা খুদোংচাবশিং লায়না ফংহন্নবা লৈঙাক্কী দিপার্তমেন্তশিংগী মরক্তা পুন্না থবক তৌমিন্ননবা ৱাশক অমগা লোয়ননা লোইশিনখি‍।

*******

(Release ID: 1819251) Visitor Counter : 127