প্রধানমন্ত্রীগী লোইশঙ
পি.এম. এপ্রিল ২১দা লাল কীলাদা শ্রী গুরু তেগ বহাদুরগী ৪০০শুবা প্রকাশ পুরবগী পালন থৌরমদা শরুক য়ারগনি
Posted On:
20 APR 2022 10:07AM by PIB Imphal
প্রধান মন্ত্রী শ্রী নরেন্দ্র মোদীনা এপ্রিল ২১, ২০২২গী নুমিদাং পুং ৯:১৫ তাবা মতমদা লাল কীলাদা শ্রী গুরু তেগ বহাদুরগী ৪০০শুবা প্রকাশ পুরবগী পালন থৌরমদা শরুক য়ারগনি। মহাক্না মীতিন অদুদা ৱা ঙাংগনি অমসুং থৌরম অসিদা নীংশিং শেনয়েক অমসুং পোস্তেজ স্তাম্প অমা ফোঙগনি।
অসি দিল্লী সিখ গুরুদ্বারা মেনেজমেন্ত কম্মিসনগা খুৎশম্নদুনা ভারত সরকারনা শিনগনি। নুমিৎ নিনিগী থৌরম (এপ্রিল ২০ অমসুং ২১) অসিদা লৈবাক অসিগী তোঙান-তোঙানবা শরুকশিংদগী রাগীশিং অমসুং অঙাংশিংনা ‘শবদ কীর্তন’দা শরুক য়াগনি। গুরু তেগ বহাদুরজীগী পুন্সি ৱারী উৎলিবা মৈ অমসুং মখোলগী ওইবা ফজরবা থৌরম অমসু উৎকনি। মসিগী মথক্তা সিখকী ত্রেদিস্নেল মার্সিএল আর্ত ‘গতকা’সু পাঙথোক্কনি।
থৌরম অসিনা মালেমগী পুৱারীদা লাইনীং অমসুং মীওইবগী থৱায়গী মমল, ৱাখল্লোন অমসুং প্রিন্সিপলশিং ঙাক্নবা মহাক্কী থৱায় থাখিবা, গুরু তেগ বহাদুরজী, মপালশুবা সিখ গুরু অসিনা তাকপী-তম্বীরম্বশিং অদু উৎকনি। মুঘলগী নীংথৌ ওরঙ্গজেবকী য়াথংশিংগী মতুং ইন্না কাশ্মিতি পন্দিৎশিংগী লাইনিংগী ওইবা নীংতম্বা ফংহন্নবা শৌগৎলুবগীদমক মহাকপু হাৎখি। মহাক্না লৈখিদবগী নুমিৎ অসি চহি খুদিংগী নবেম্বর ২৪দা শাহীদি দিবস হায়না পালন তৌরি। দিল্লীদা লৈবা গুরুদ্বারা সিস গঞ্জ সাহিব অমসুং গুরুদ্বারা রাকব গঞ্জ অসি মহাক্কী শেংলবা কত্থোকখিবা অদুগা মরী লৈনৈ। মহাক্না থম্লমখিবা লৌশিং অদুনা লৈবাক অসিগীদমক অপুনবগী শক্তম শাগৎপদা চাউনা কান্নরি।
****
(Release ID: 1818263)
Visitor Counter : 152
Read this release in:
Bengali
,
English
,
Urdu
,
Hindi
,
Marathi
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam