وزیراعظم کا دفتر

وزیراعظم21 اپریل کو لال قلعہ پر سری گرو تیغ بہادر جی کے 400 ویں پرکاش پرو کی تقریبات میں شرکت کریں گے

Posted On: 20 APR 2022 10:07AM by PIB Delhi

وزیر اعظم جناب نریندر مودی 21 اپریل 2022 کو رات 9:15 بجے کے قریب نئی دہلی کے لال قلعہ میں سری گرو تیغ بہادر جی کے 400 ویں پرکاش پرو کی تقریبات میں شرکت کریں گے۔ وہ اجتماع سے خطاب کریں گے اور اس موقع پر ایک یادگاری سکہ اور ڈاک ٹکٹ بھی جاری کریں گے۔

یہ پروگرام حکومت ہند کے ذریعہ  دہلی سکھ گوردوارہ مینجمنٹ کمیٹی کے تعاون سے منعقد کیا  جارہا ہے۔ دو روزہ پروگرام (20 اور 21 اپریل) کے دوران، ملک کے مختلف حصوں سے راگی اور بچے ‘شبد کیرتن’ میں شرکت کریں گے۔ گرو تیغ بہادر جی کی زندگی کی عکاسی کرنے والا ایک عظیم الشان لائٹ اینڈ ساؤنڈ شو بھی ہوگا۔ اس کے علاوہ سکھوں کے روایتی مارشل آرٹ ‘گٹکا’ کا بھی اہتمام کیا جائے گا۔

یہ پروگرام سکھوں کے نویں گرو، گرو تیغ بہادر جی کی تعلیمات کو اجاگر کرنے پر مرکوز ہے، جنہوں نے دنیا کی تاریخ میں مذہب اور انسانی اقدار، نظریات اور اصولوں کی حفاظت کے لیے اپنی جان قربان کی۔ انہیں مغل حکمران اورنگ زیب کے حکم پر کشمیری پنڈتوں کی مذہبی آزادی کی حمایت کرنے پر پھانسی دی گئی۔ ان کی برسی ہر سال 24 نومبر کو شہیدی دیوس کے طور پر منائی جاتی ہے۔ دہلی میں گردوارہ سیس گنج صاحب اور گردوارہ رکاب گنج ان کی مقدس قربانی سے وابستہ ہیں۔ ان کی میراث قوم کے لیے عظیم اتحاد کے  ایک محرک کا کام کرتی ہے۔

****************

(ش ح ۔ س ب۔رض )

U NO: 4459



(Release ID: 1818253) Visitor Counter : 148


Read this release in: Bengali , English , Hindi , Marathi , Manipuri , Assamese , Punjabi , Gujarati , Odia , Tamil , Telugu , Kannada , Malayalam