نئی دہلی:19؍اپریل2022:

قومی یاد گار اتھارٹی نے 19 اپریل 2022ء کو ورثے کا عالمی دن مناتے ہوئے سال 1052عیسوی میں دہلی کے بانی راجہ اننگ پال تومر کے ذریعے مہرولی میں تعمیر شدہ 11ویں صدی کی منی جھیل، تاریخی اننگ تال کے آس پاس آج صبح ایک انوکھی وراثت کی سیر کا انعقاد کیا۔تومر ہندو راج ونش نے دہلی پر حکمرانی کی اور دہلی کا نام ہی ڈھلّکا پوری سے آیا ہے۔اس پس منظر میں جنرل کنگھم کے ذریعے برطانوی ہندوستانی آثار قدیمہ سروے –اے ایس آئی عہد کے دوران پتھروں کے کئی شلا لیکھ پائے گئے تھے۔

وراثت سیر کی قیادت مشہور ماہر آثار قدیمہ اور ہندوستانی آثار قدیمہ سروے –اے ایس آئی کے سابق اَپر ڈائریکٹر جنرل اور قومی میوزیم کے سابق ڈائریکٹر جنرل ڈاکٹر بی آر منی  اور قومی یادگار اتھارٹی کے صدر جناب ترون وجے نے کیا تھا۔ دہلی کے چیف سیکریٹری اور ہندوستانی انتظامی خدمات کے افسر جناب وجے کمار دیو نے جھنڈی دکھا کر وراثت سیر کا آغاز کیا۔ آر ایس ایس کے جوائنٹ جنرل سیکریٹری ڈاکٹر کرشن گوپال کے ذریعے ایک خصوصی تحریک دینے والی تقریر کی گئی۔ انہوں نے قومی یادگار اتھارٹی کی کوششو ں کی ستائش کی اور ایسی دیگر یادگاروں کا پتہ لگانے کی  اپیل کی۔

 

 

ڈاکٹر منی نے  کہا کہ انہوں نے سال 1993ء سے سال 1995ء کے بیچ اے ایس آئی کے تحت اس جگہ کی کھدائی کی تھی۔اننگ تال میں ابھی کچھ پانی بچا ہے، لیکن منی جھیل دھیرے دھیرے وقت کےساتھ سمٹتی جارہی ہے۔وراثت سیر کرنے والوں میں کئی ماہر آثار قدیمہ ، مؤرخ ، مختلف یونیورسٹیوں کے تحقیق کرنے والے طلباء شامل تھے، جن کی تعدا دتقریباً 150 تھی۔جناب بھارت بھوشن، بھارت پرکاشن کے مینجنگ ڈائریکٹر،  جناب ہتیش شنکر ایڈیٹر، پانج جنیہ، ڈاکٹر رویندر کمار ڈین اسکول آف ہیریٹیج ریسرچ اینڈ مینجمنٹ، ڈاکٹر امبیڈکر یونیورسٹی نے بھی شرکت کی۔ ڈاکٹر منی نے وراثت سیر کرنے والے کو سمجھایا کہ جب تک اسے محفوظ یادگار قرار نہیں دیا جاتا،آنے والے سالوں میں اس کا کوئی نشان باقی نہیں رہے گا۔

 

 

 

جناب ترون وجے نے کہا اننگ تال سب سے اہم تاریخی یادگاروں میں سے ایک ہے، جو ہمیں دہلی کی شروعات سے جوڑتا ہے۔ ہم وزیر اعظم نریندر مودی کے وژن کے مطابق ورثے کا عالمی دن منا رہے ہیں اور اننگ تال کے فخر اور دہلی کے عظیم ہندو راجہ سے تعلق سے پھر سے قائم کررہے ہیں۔مہاراجہ اننگ پال تومر کی یادگاروں کو از سر نو زندہ کرنا ایک اہم تحریک ہے، جسے قومی یادگار اتھارٹی –این ایم اے نے شروع کیا ہے۔انہوں نے کہا کہ خوش نصیبی سے ہماری وزیر ثقافت محترمہ میناکشی لیکھی نے راجہ اننگ پال اور ان سے متعلقہ یادگاروں کے بارے میں گہری دلچسپی لی ہے۔ اس لئے ہمیں یقین ہے کہ اس عظیم تاریخی منی جھیل اور اننگ تال کو از سر نو زندہ کیا جائے گااور راجدھانی میں سب سے زیادہ دیکھنے جانے والی یادگار بن جائیں گے۔

 

 

 

جناب ترون وجے نے کہا کہ وہ مغلوں کو ہرانے اور دو صاحبزادوں کی موت کا انتقام لینے والے پنجاب کے عظیم حکمراں ویر بندا سنگھ بہادر کی شہادت استھل پر وراثت سیر کا منصوبہ بنارہے ہیں۔ بعد میں مغلوں کے ذریعے ان کا بے رحمی سے قتل کردی گیا تھا۔مہرولی میں ان کی یاد سے متعلق اس مقام پر ایک گرودوا رہ بنایا گیا ہے۔ یہ ہمارا فرض ہے کہ ویر بندا سنگھ بہادر کی اعلیٰ ترین قربانی کو یاد کیا جائے اور اس یادگار کو خوبصورت ڈھنگ سے اور احترام کے ساتھ رکھا جائے، جس کی وہ حقدار ہیں۔

 

************

ش ح۔ج ق۔ن ع

                                                                                                                                      (U: 4442)

 

(Release ID: 1818220) Visitor Counter : 127