পঞ্চায়তী রাজকী মন্ত্রালয়গী অজাদি কা অমৃত মহোৎসবকী আইকোনিক ওইবা চয়োলগী থৌরম পাংথোকপা ঙসি পঞ্চায়তী রাজ ইন্সতিত্যুসনশিংগী খনগৎলবা মীহুৎশিং অমসুং থৌ-পুবশিং অমসুং অতৈ মরুওইবা স্তেকহোল্দরশিংনা থৱায় য়াওনা শরুক য়াদুনা, পুক্নিং চংনা অমসুং থৌদাংশিং লৌদুনা লোইশিনখ্রে। পঞ্চায়তী রাজ মন্ত্রালয়না অজাদি কা অমৃত মহোৎসব (এ.কে.এ.এম.)গী আইকোনিক ওইবা চয়োলগী থৌরম ওইনা নেস্নেল কনফরেন্স পরিং অমা ২০২২গী এপ্রিল ১১দগী -১৭ ফাওবা শিল্লি। নুমিৎ তরেৎনিগী মনুং অসিদা আন্দমান অমসুং নিকোবর ইথৎশিংদগীনা অরুনাচল প্রদেশ ফাওবা, ত্রিপুরা, নাগালেন্দগীনা রাজস্থান ফাওবা, জম্মু অমসুং কশ্মিরদ অমসুং লদাখতগীনা তামিল নাদু ফাওবা, লোয়ননা পুদুচেরী অমসুং দদ্রা অমসুং নগর হাবেলি অমসুং দামন অমসুং দিয়ু ফাওবগী  রাজ্যশিং অমসুং য়ু.তি.শিং কয়াগী পঞ্চায়তশিংগী শরুক য়ারিবা ৫০০০গী মথক্না থেংনরপা অমসুং তমজরকপশিং শিয়র তৌখি। য়ু.এন. এজেন্সীশিং, একাদেমিক ইন্সতিত্যুসনশিং অমসুং এন.জি.ও.শিং, কেন্দ্রগী মন্ত্রালয়শিং অমসুং রাজ্যশিংদা লৈরিবা মীয়াম পুম্বা অমসুং সরকারগী খুৎশম্নবগী অচেৎপা ফিরেপনা এস.দি.জি.বু খুঙ্গংগী থাক্তা লোকেলাইজেসন লোমদা চংশিল্লি।

মহাত্মা গান্ধীগী রামরাজ্যগী মিৎয়েং মংফাওননবা, লৈবাক্না লায়রবা অমসুং শেঞ্জা-থুমজাগী মায়োক্তা লান্থেংনবা তাই। লায়ররবা হায়বা অসিনা লৈবাক অমগী চাউখৎপগী খোঙজেল তপথনবগী মরম অমনি। লায়রবা অসিনা চাউখৎপগী থবক থৌরমশিংদা মরুওইবা খোঙয়েৎ অমনি, চাউখৎ-থৌরাংদা হেন্না খোঙজেল য়াংহনগে হায়রবদি, লায়রবগী থেংনরিবা অৱা অনা অসি মখোঙদগী হৌনা মুথৎকদবনি। মসি কেন্দ্র সরকার, রাজ্য সরকার অমসুং দিপার্তমেন্ত পুম্বনা ফংনবা হোৎনরিবা চাউখৎ থৌরাংগী লেঙদবা থাক অমদা থম্নবা পন্থুংগী মরু ওইবা পান্দম্নি।  

পঞ্চায়তী রাজ মন্ত্রালয়গী অজাদি কা অমৃত মহোৎসবকী মখাদা আইকোনিক ওইবা চয়োলগী থৌরমগী ৭নি শুবা নুমিৎতা (থীম-১ লায়রবা লৈহন্দবা অমসুং খুঙ্গংগী পুন্সি মহিং ফগৎহনবা) অমসুং (থীম ৬: খুঙ্গংগী ইনফ্রাস্ত্রকচর মরোমদোমগী ওইনা মতিক চানা লৈহনবা)দা মিৎয়েং থমদুনা সস্তেনেবল দিবলপমেন্ত গোলশিংগী লোকেলাইজেসন্দা নেস্নেলগী থাক্তা কনফরেন্স শিনখি।

প্রোগ্রাম অসি পঞ্চায়তী রাজ মন্ত্রালয়গী সেক্রেতরী শ্রী সুনিল কুমার, রুরেল দিবলপমেন্ত মন্ত্রালয়গী সেক্রেতরী শ্রী নগেন্দ্র নাথ সিংহ, পঞ্চায়তী রাজ মন্ত্রালয়গী এদ্দিস্নেল সেক্রেতরী চন্দ্র শেখর কুমার, য়ু.এন.দি.পি.গী রেসিদেন্ত রিপ্রজেন্তেতিব শ্রীমতি শোকো নোদাগা লোয়ননা ইকাই খুম্নজরিবা পঞ্চায়তী রাজগী রাজ্যগী মন্ত্রী শ্রী কপিল মোরেশ্বর পতিলনা মৈ চুখৎতুনা হৌদোকখি।  

পঞ্চায়তী রাজ মন্ত্রালয়গী সেক্রেতরী শ্রী সুনিল কুমারনা হৌখিবা নুমিৎ খরনিদা শেমগৎখিবা ইনফ্রাস্ত্রকচরদা মরুওইবা পীখি। মহাক্না হায়খি মদুদি ইনফ্রাস্ত্রকচরনা সমাজপু শেমগৎপা অমসুং লায়রবা মুথৎপদা মরুওইবা থৌদাং অমা লৌরি। হিরম অসিদা পি.এম.জি.এস.ৱাই.গী মখাদা লম্বীশিং শেমগৎলি, গ্রাম পঞ্চায়ত্তা য়াম্না হেন্না য়াংবা ইন্তর্নেৎ কন্নেক্সন পীরি, গ্যাস পাইপলাইনশিং লিংখৎলি অসিনচিংবা অসিনি।

রুরেল দিবলপমেন্তগী মন্ত্রালয়গী সেক্রেতরী শ্রী নগেন্দ্র নাথ সিংহনা শিয়র তৌখি মদুদি সস্তেনেবল দিবলপমেন্ত গোলশিং (এস.দি.জি.শিং) অসি ২০৩০ ফাওবদা ফংহনগদবনি অমসুং আইকোনিক ওইবা চয়োলগী প্রোগ্রাম অসিনা খনগৎলবা মীহুৎশিং অমসুং থৌ পুরিবশিংদা পুক্নিং য়াম্না থৌগৎলি। মীপুম খুদিংমক্না মহাক্কী হক্কীদমক্তা লান্থেংনগদবনি অমসুং মসিবু ফংনবা হোৎনবদা কনাগুম্বা অমনা মতেং পাংগদবনি। খনগৎলবা মীহুৎশিং অসি মথংগী চহি ২৫গী মিৎয়েংলোমদা য়াম্না মরুওই। মখা তানা মহাক্না শন্দোক্না হায়খি মদুদি ভারতকী খুঙ্গং চাউখৎপদা এস.ঐচ.জি.শিংগী থৌদাংশিং য়াম্না মরু ওই অমসুং ঐখোয়না এস.ঐচ.জি.শিংগী থবক থৌরমশিং পুক্নিং থৌগৎকদবনি। গ্রাম পঞ্চায়ত দিবলপমেন্ত প্লান (জি.পি.দি.পি.) শেম্বদা ভিলেজ পোবর্তী রিদক্সন (ভি.পি.আর.পি.) য়াওহনবগী মরুওইবসু পীখি। ছত্তিসগরগী বনচারোদা গ্রাম পঞ্চায়ত্তা লায়রবা লৈতবা খুঙ্গং অমসুং হিমাচল প্রদেশকী শালা গ্রাম পঞ্চায়ত্তা খুঙ্গংগী ইনফ্রাস্ত্রকচর মরোমদোমগী ওইনা মতিক চানা লৈহন্নবগা মরী লৈনবা ভিদিওসু উৎখি।

য়ু.এন.দি.পি.-ইন্দিয়াগী রেসিদেন্ত রিপ্রজেন্তেতিব শ্রীমতি শোকো নোদা অমসুং পঞ্চায়তী রাজ মন্ত্রালয়গী সেক্রেতরী শ্রী সুনিল কুমারগা লোয়ননা ভারতকী খুঙ্গংদা লায়রবা মুথৎনবা অমসুং ইনফ্রাস্ত্রকচর চাউখৎহনবদা পুন্না থবক তৌমিন্নবা জোইন্ত স্তেতমেন্ত ওফ আন্দর্সেন্দিং সহি তৌনখি।  

তেক্নিকেল সেসন-১দা, এম.ও.আর.দি.গী জোইন্ত সেক্রেতরী শ্রী চরঞ্জিৎ সিংহনা মহাক্কী মিৎয়েংশিং থমখি অমসুং দিপার্তমেন্ত মনুংদা পুন্না থবক তৌমিন্নবা অসি য়াম্না মরু ওই অমসুং য়েংশিনবগী মওং অসি মতম-মতমগী মতুং ইন্না মপাঙ্গল কনখৎহনগদবনি হায়না শিয়র তৌখি। এগ্রীকলচর অমসুং ফার্মরস ৱেলফিয়র দিপার্তমেন্তগী জোইন্ত সেক্রেতরী শ্রীমতি ছাবি ঝানা পুন্সি মহিংদা লেঙদবা থাক অমদা লৈবা লৌউ-শিংউবগী থবক্না লায়রবা মুথৎপদা এল.এস.দি.জি.শিংনা মিৎয়েং থম্লিবশিং উৎখি অমসুং এম.ও.এস.পি.আই.গী দিপুতী দাইরেক্তর জেনেরেল দাঃ অশুতোশ ওঝানা ভারতকী খুঙ্গংশিংদা এনালাইসিসকী থবক থৌরমশিং চংশিনবদা এস.দি.জি.গী থৌদাংশিং প্রজেন্ত তৌখি।

তেক্নিকেল সেসন-২দা, য়ু.এন.দি.পি. ইন্দিয়াগী হেদ ইনক্লুসিব গ্রোথ শ্রী অমিত কুমার, বিল এন্দ মেলিন্দা গেতস ফাউন্দেসনগী দাইরেক্তর পোবর্তী এলেবিএসন কন্ত্রী শ্রী অলকেশ ৱাধৱানিনা ভারতকী খুঙ্গংদা লায়রবা মুথৎপা অমসুং ইনফ্রাস্ত্রকচর দিবলপমেন্তগী খুঙ্গংদা লৈবা পুন্সি মহিং পুখৎনবা লেঙদবা থাক অমদা থম্নবা পাম্বৈদা এস.দি.জি.শিংনা লোকেলাইজেসন্দা মিৎয়েং থম্লিবা অসিদা প্রজেন্তেসন তৌখি।

মেম্বর মাইক্রোফাইনান্স ইন্সতিত্যুসন নেতৱার্ক (এম.এফ.আই.এন.)গী (রিতায়র আই.এ.এস.) দাঃ অরুনা লিমায়ে শর্ম্মনা খুঙ্গংগী লায়রবশিংগীদমক্তা লায়রবা মুথৎনবা অমসুং পুন্সি মহিং পুখৎনবগীদমক্তা জি.পি.এস.তা ইনফ্রাস্ত্রকচরদা মরোমদোমগী মতিক চানা লৈজবা ঙম্নবগী মরুওইবদা প্রজেন্তেসন পীখি। সেন্তর ফোর রুরেল দিবলপমেন্ত এন্দ ইনোভেসন সস্তেনেবল তেক্নোলোজীগী মকোক, আই.আই.তি. খরাগপুরগী এগ্রীকলচর অমসুং ফুদ ইঞ্জিনিয়রিংগী মকোক প্রোফেসর রিনতু বেনর্জীনা লায়রবা মুথৎপা অমসুং  পুন্সি মহিং হেন্না ফগৎহনবা জি.পি.এস.দা তেক্নোলোজী ওইনা খুমাং চাউশিনবদা মহাক্কী মিৎয়েং শিয়র তৌখি।  

মহারাস্ত্রা, সিক্কিম অমসুং মধ্য প্রদেশ রাজ্যশিংনা মখোয়না লায়রবা লৈতবা খুঙ্গং অমা ওইনবা হোৎনবদা থেংনজরকপা, হোৎনখিবা অৱাবশিং অমসুং মায় পাকপগী ৱারীশিং শিয়র তৌখি অমসুং জ্ম্মু অমসুং কশ্মির অমসুং ওরিশানা ইনফ্রাস্ত্রকচরদা মরোমদোমগী মতিক চানা থম্নবা অসিদা শিয়র তৌখি।

তেক্নিকেল অমসুং প্রোগ্রাম্বু পুনশিন্দুনা পঞ্চায়তী রাজকী সেক্রেতরী শ্রী সুনিল কুমারনা পঞ্চায়তকী খনগৎলবা মীহুৎশিংদা মখোয়গী পঞ্চায়তপু য়াম্না থৱায় য়াওনা চাউখৎ থৌরাংগী থবকশিং পায়খৎনবা পুক্নিং থৌগৎতুনা কন্না হায়খি। মখোয়না অকক্নবা ৱাখল থাদোক্তুনা অনৌবা খোঙথাং লৌখৎতুনা চাউখৎ থৌরাং পুরক্নবা হোৎনগদবনি। মতম অসি খ্বায়দগী ফরবা মতম্নি মদুদি পঞ্চায়তকী মীহুৎশিং, ওফিসিএলশিং অমসুং অতৈ স্তেকহোন্দরশিংনা অমত্তা ওইনা থবক তৌমিন্নবা অমসুং লেঙদবা চাউখৎ থৌরাং অমা মখোঙদগী হৌনা ফংননবা পুন্না হোৎনবা মতম ওইরে। মহাক্না মরুওইবসু পীখি মদুদি ময়েক শেংবা অমসুং মতম চানা থবক তৌদুনা পঞ্চায়তকী মনুংদা লৈরিবা লায়ররবা অমসুং নাথৈদুনা থম্বিরবা ফুরপশিং থাজবা পীনবা কন্না হায়খি। মহাক্না মখা তানা আসা তৌখি মদুদি নুমিৎ ৭নিদা পঞ্চায়তশিং/ইন্সতিত্যুসনশিং কয়ানা তৌখিবা মখোয়গী থেংনরপা শিয়রনা শরুক য়ারিবশিংদা য়াম্না কান্নবা ফংখি অমসুং মসিগা মান্ননা মতুংদা হন্না পাংথোক্নবা হোৎনগনি হায়খি।  

আইকোনিক ওইবা চয়োলগী থৌরম পাংথোকপগী লোইশিনবা নুমিৎতা শরুক য়ারিবা খুদিংমক্না ‘পঞ্চায়াতোঙ কে নবনির্মন কা সঙ্কলপোৎসব’কী ৱারেপ হন্না চেৎনা লৌবা উবা ফংখি।

******

(Release ID: 1817693) Visitor Counter : 111