“গ্রাম পঞ্চায়তশিংনা রেভেন্যুশিংগী মখোয় মশাগী সোর্স অদু ফগৎহনগদবনি, মসিনা মখোয়গী তঙাই ফদবশিংগী মতুং ইন্না রেভেন্যুশিং অসি মখোয়না শিজিন্নবা য়াহনগনি৷ হায়রিবা ফন্দশিং অসি মখোয়না মরী লৈনবা ফাইনান্স কম্মিসন রিকম্মেন্দেসনশিংগী মতুং ইন্না কেন্দ্র সরকার অমসুং রাজ্য সরকারশিংদগী ফংলিবা ফন্দশিং অদুগী মথক্তা ওইগদৌরিবনি”, হায়না পঞ্চায়তি রাজ মন্ত্রালয়গী সেক্রেতরী, শ্রী সুনিল কুমারনা ফোংদোকখি৷ অজাদি কা অমৃত মহোতসবকী মখাদা আইকোনিক ৱীক (২০২২গী এপ্রীল ১১দগী ১৭ ফাওবা) মার্ক তৌনবা পঞ্চায়তি রাজ মন্ত্রালয়না “এস.দি.জি.শিং লোকেলাইজেসন” তৌবগী মতাংদা পরিং নাইনা শিনখিবা চয়োলমুক শাংবা কনফরেন্সশিংগী শরুক অমা ওইনা রুরেল লোকেল বোদীশিংগী ওন সোর্স রেভেন্যুশিং (ও.এস.আর.) চাওথোকহন্নবগী মতাংদা শিনখিবা নোংমগী ওইবা নেসনেল কমফরেন্স হৌদোকপগী থৌরমদা শ্রী কপমারনা ৱা ঙাংখিরম্মী৷ ঙসিগী নেসনেল কনফরেন্স অসি থবক্কী খুদোংচাবশিং ফংহনবা পোবর্তী-ফ্রী ওইবা খুঙ্গংশিং, ইনফ্রাস্ত্রকচর মতিক চানা লৈবা খুঙ্গংশিং অমদি “এস.দি.জি.শিং লোকেলাইজেসন” তৌবা অচৌবা থীম অসিগী মখাদা অফবা সাসন লৈবা খুঙ্গংশিং ওইহনবা হায়বা সব-থীমশিং অসিদা শিনখিবনি৷

“এস.দি.জি. গোল ১৭পু উৎলিবা থীম মাপন অসিবু ফংনবা ঐখোয়না হোৎনরিবা অসি মাই পাকপা ঙম্নবা অমদি মসি ফংনবগীদমক ঐখোয়না পুন্না চংশিনমিন্ননবা ঐখোয়না ৱাশক অমা লৌখ্রে৷ ও.এস.আর. হেনগৎহনবা হায়বসিনা হায়রিবা গোলশিং অসি হেন্না ফবা লম্বী অমদা ফংনবা হোৎনবদা চাওনা মতেং ওইরগনি৷ অদোম্না অদোমগী খুঙ্গংশিংবু লুনা লান্না অমদি শংনা, ইশিং মরা-কাইনা, অঙাংশিংগী মরুপ-মপাং ওইরিবা মতৌ অসিগুম্বা থম্বা পামদব্র, হায়রিবশিং অসিগীদমক, অদোম্না কেন্দ্র অমসুং রাজ্য সরকারশিংদগী ফংলিবা ফন্দশিং অসিগী মথক্তা অদোমগী ওইবা রিসোর্সশিং লৈজরগদি অদোমদা হেন্না শাফবা ওইগনি”, হায়না শ্রী সুনিল কুমারনা পনখি৷

ইকোনোমিস্ত অমসুং ভারত সরকারগী হান্নগী চীফ ইকোনোমিক এদবাইজর ওইরম্বা ৱেস্ত বেঙ্গল লেজিসলেতিব এসেমব্লীগী মেম্বর দা. অশোক লাহিরিনা মহাক্কী মরু ওইবা ৱারোল থম্বদা “কনাগুম্বা মীওই অমনা মহাক্কী ফুরিৎখাওদগী শেল চাদিং তৌরবদি, মহাক্না পৈশা অদুবু নিংথিনা চাদিং তৌগনি” হায়না পল্লদুনা পঞ্চায়তশিংনা মশাগী ফন্দশিং জেনেরেত তৌজবা হায়বসি অদুক্কী মতিক মরু ওইখি, মসিনা মখোয়গী চাদিংগী হেন্না ফবা একাউন্তেবিলিতী অমদি ইফেক্তিব ওইবা আউতকমশিং মখোয়দা ফংহনবা ঙমগনি হায়না ফোংদোকখি৷ সি.বি.দি.তি.গী খুৎথাংদা পঞ্চায়ত অমদা লৈরিবা লোকেল রিসাইদেন্তশিংগী ইমকম তেক্সতা চার্জ তৌনবগী সজেসনশিং অদু স্তেকহোল্দরশিংনা খন্ননবা অমদি রুরেল লোকেল বোদীশিংগী ও.এস.আর. ফগৎহন্নবগীদমক লেন্দ রেভেন্যুশিং মখোয়না লৌশিনবা ঙম্নবা মহাক্না স্তেকহোল্দরশিংদা হায়খি৷

পঞ্চায়তি রাজ মন্ত্রালয়না পাংথোক্লিবা চৎথরিবা আইকোনিক ৱীক্কী মরিশুবা নুমিৎতা রাজ্য/য়ু.তি. পঞ্চায়তি রাজ দিপার্তমেন্ত ওফিসিয়েলশিং, সর্পাঞ্চেস অমদি পঞ্চায়তশিংগী অতোপ্পা ইলেক্তেদ রিপ্রজেন্তেতিবশিং, দিস্ত্রিক এদমিনিস্ত্রেসন ওফিসিয়েলশিং অমসুং কেন্দ্র মন্ত্রালয়/দিপার্তমেন্তকী ওফিসিয়েলশিং য়াওনা রাজ্যশিং/য়ু.তি. ২৪দগী মশিং য়াম্লবা মীওইশিংনা শরুক য়াদুনা কনফরেন্স শিনখি৷

কনফরেন্স অসিদা তেক্নিকেল সেসন অহুম লৈখি, মসিদা “রুরেল লোকেল বোদীশিংগী ও.এস.আর.গী হৌজিক ওইরিবা স্তেতস”, “রাজ্যশিংদা আর.এল.বি,শিংগী ও.এস.আর.গী পর্ফোমেন্স অমদি মাংলোমদা চংশিনবা” অমসুং “ও.এস.আর.গীদমক পঞ্চায়তশিংনা ইন্নোবেসন তৌবা অমদি ও.এস.আর. হেনগৎহন্নবগীদমক রোদ মেপকী ফ্রেমৱার্ক শেম্বা” হায়বা সবজেক্তশিং অসি কবর তৌখি৷

ইন্দিয়ন ইন্সতিত্যুত ওফ পব্লিক এদমিনিস্ত্রেসন (আই.আই.পি.এ.)গী দাইরেক্তর জেনেরেল শ্রী এস.এন. ত্রিপতিনা সভাপতি ওইখিবা অহানবা তেক্নিকেল সেসনদা, ওম.ও.পি.আর.গী জোইন্ত সেক্রেতরী শ্রী এ.পি. নগর, আই.আই.পি.এ.গী প্রোফেসর ভি.এন. অলোক অমসুং এন.সি.এ.ই.আর.গী সেনিয়র ফেল্লো শ্রী এস. বন্ধোপদ্যায়না রাজ্যশিংদা লৈরিবা পঞ্চায়তশিংগী ও.এস.আর. জেনেরেসনগী হৌজিক হৌজিক লৈরিবা স্তেতস, সিস্তেমশিং অমদি প্রোসেসশিংগী মতাংদা ৱারোল থমখি অমদি মাংলোমদা চংশিন্নবগী সজেসনশিং পীখি৷

এম.ও.পি.আর.গী জোইন্ত সেক্রেতরী শ্রী এ.পি. নগরনা সভাপতি ওইদুনা পাংথোক্লিবা অনিশুবা তেক্নিকেল সেসনদা,  কেরলা, তামিল নাদু, গুজরাত অমদি মধ্য প্রদেশ রাজ্যশিংদা লৈরিবা পঞ্চায়তশিংগী ও.এস.আর.গী রাজ্যগী থাক্তা লৈরিবা পর্ফোমেন্স অসি কেরলা ইন্সতিত্যুত ওফ লোকেল এদমিনিস্ত্রেসনগী দাইরেক্ততর দা. জোই ইলামোন, তামিল নাদুগী পঞ্চায়তি রাজ কম্মিশনার শ্রী প্রবীন নাইয়র, গুজরাত অহমেদবাদ দিস্ত্রিক পঞ্চায়তকী দি.দি.ও. অমসুং সি.ই.ও. শ্রী অনিল কুমার ধামেলিয়া অমসুং মধ্য প্রদেশ পঞ্চায়তি রাজ দাইরেক্তোরেৎকী কম্মিশনার শ্রী অলোক কুমার সিংনা শন্দোক্না তাকখি৷

পঞ্চায়তি রাজ মন্ত্রালয়গী সেক্রেতরী শ্রী সুনিল কুমারনা সভাপতি ওইখিবা অহুমশুবা তেক্নিকেল সেসনদা, তামিল নাদু, ৱেস্ত বেঙ্গল অমদি সিক্কিম রাজ্যশিংদগী খ্বাইদগী ফজবা মওংদা উৎখিবা গ্রাম পঞ্চায়তশিংগী মাই-পাকপগী ৱারিশিং অসি পুথোকখি৷ অসিগুম্না পুথোকপা অসিদা, খুঙ্গংশিংবু হেন্না শাফনবগীদমক ও.এস.আর. জেনেরেসনগী পুক্নিং হিনিংঙাই ওইরবা খুদমশিং হায়রিবা পঞ্চায়তশিং অসিগী সর্পাঞ্চেস/রিপ্রজেন্তেতিবশিংনা শন্দোক্না তাকখি৷

হোলিস্তিক এপ্রোচ অমসুং কম্ম্যুনিতী পুন্না শরুক য়াদুনা ও.এস.আর. জেনেরেসন মাই-পাকপা ঙমখিবা পঞ্চায়তশিংবু খুদম ওইনা তীসরি সরকার, এন.জি.ও.গী চন্দ্রসেখর প্রাননা পনখি৷

অত্মনির্ভর ভারতকী মংলান অসি মংফাওনবা ঙম্নবগীদমক গ্রাম পঞ্চায়তশিংদা রেনিৱেবল ইনর্জী প্রোজেক্তশিং থমদুনা “গ্রাম উর্জ স্বরাজ” ওইহন্নবা মন্ত্রালয়না হোৎনরিবা অসিগী মতাংদা এম.ও.পি.আর.গী সেক্রেতরী শ্রী সুনিল কুমারনা মহাক্কী ৱারোইশিন ৱারোলদা অখন্ননা পনখি৷ “তরু-তনানবা অমদি অশংবা খুঙ্গং” ওইহন্নবা এস.দি.জি.গী গোলশিং অসি ফংনবা চংশিল্লকপগা লোইননা ও.এস.আর.গীদমক পঞ্চায়তশিংনা অসিগুম্বা ইন্নোবেতিব মেকানিজমশিং অসি শিজিন্নরকপা অসিদা সরকারনা মপুং ফানা সপোর্ত পীগনি হায়বগী থাজবা মহাক্না পীখি৷

কনফরেন্স অসি শরুক য়ারিবা মীওইশিংনা কনফরেন্স অসিদগী ওন সোর্স রেভেন্যুশিং চাওথোকহন্নবগী মতাংদা পুথোরক্লিবা অনৌবা ৱাখল্লোন কয়া অমবু ৱাখল তামিন্নখ্রে অমদি এস.দি.জি. গোলশিংগী এচিবমেন্ত অসি ফংনবা থৱাই য়াওনা মখোয়না হোৎনমিন্ননবা ৱাশক পরৈ চনখ্রে৷

******

(Release ID: 1817574) Visitor Counter : 102