সিভিল এভিএসনগী মন্ত্রী শ্রী জ্যোতিরাদিত্য এম. সিন্ধিয়া অমসুং অরুনাচল প্রদেশকী মুখ্য মন্ত্রী শ্রী পেমা খন্দুনা অৱাং নোংপোক ভারতকী এয়রপোর্তশিং অমসুং এদভান্স লেন্দিং গ্রাউন্দশিং (এ.এল.জি.শিং) শম্নহন্নবগী স্কিমগী মখাদা ঙসি মেদ ইন ইন্দিয়াগী অহানবা ফ্লাইত ঐচ.এ.এল. দোর্নিয়র দি.ও.-২২৮ লমথাখ্রে। ফ্লাইত অসি অসামগী দিব্রুগরদগী অরুনাচল প্রদেশকী পসিঘাৎ ফাওবা অমদি অরোইবা ওইনা অসামগী লিলাবরিদা ওপরেৎ তৌগনি।

লো অমসুং জস্তিসকী কেন্দ্র মন্ত্রী শ্রী কিরেন রিজেজু, অরুনাচল প্রদেশ সরকারগী চিফ সেক্রেতরী শ্রী নরেশ কুমার, শ্রী নাকোপ নালো মিনিস্তর (সিভিল এভিএসন), অরুনাচল প্রদেশ সরকার, শ্রী গোরুক পোর্দুং, হেল্থ মিনিস্তর অরুনাচল প্রদেশ সরকার, শ্রী তাপির গাও, পার্লিয়ামেন্তকী মেম্বর, অরুনাচল ইস্ত, সিভিল এভিএসন মন্ত্রালয়গী সেক্রেতরী শ্রী রজিব বনসল, শ্রী স্বাপনিল এম নায়র, সেক্রেতরী (সিভিল এভিএসন) অরুনাচল প্রদেশ সরকার, এয়র, শ্রী আর মাধবন, সি.এম.দি., ঐচ.এ.এল., শ্রী সঞ্জীব কুমার, চিয়ারমেন, এ.এ.আই., সিভিল এভিএসন মন্ত্রালয়দগী শ্রীমতী উশা পাধী, জোইন্ত সেক্রেতরী অমসুং শ্রী অম্বর দুবে, জোইন্ত সেক্রেতরী, শ্রী বিক্রম দেব দত্ত, সি.এম.দি., এলাইন্স এয়র, অমদি অরুনাচল প্রদেশকী রাজ্য সরকার, এলাইন্স এয়র, ঐচ.এ.এল., ইন্দিয়ন এয়রফোর্স অমসুং এয়রপোর্ত ওথোরিতী ওফ ইন্দিয়াদগী অতোপ্পা শক্নাইরবা কয়ানা থৌরমগী লৈতেং ওইখি।

পব্লিক সেক্তর এয়রলাইন কম্পেনী অমা ওইরিবা এলাইন্স এয়রনা ভারত্তা শাবা হিন্দুস্তান এয়রক্রাফ হায়না খংনবা দোর্নিয়র এয়রক্রাফ ওপরেত তৌনবগীদমক দিফেন্স মন্ত্রালয়গী মখাদা সেন্ত্রেল পব্লিক সেক্তর য়ুনিত অমা ওইরিবা হিন্দুস্তান এরোনৌতিক্স লিমিতেদ (ঐচ.এ.এল.)গা লোয়ননা য়ানা ৱারোল অমা খুৎয়েক পীনখি। ইনিসিএতিব অসি ভারতকী প্রধান মন্ত্রী শ্রী নরেন্দ্র মোদীগী “আত্মনির্ভর ভারত” মীৎয়েংগী মখাদা লৌখৎপনি। মসিগা লোয়ননা এলাইন্স এয়রনা সিভিল ওপরেসনগীদমক ভারতনা শাবা এয়রক্রাফ পাইবা অহানবা কমর্সিএল এয়রলাইন ওইরে।

ভারতনা শাবা দি.ও.-২২৮গী দিপ্লোইমেন্ত অসি ফেজ মেনর অমদা পাংথোক্কনি। অহানবা ফেজদা, হিন্দুস্তান এয়রক্রাফ ২ দিব্রুগরদা স্তেসন তৌদুনা তেজু, পাসিঘাৎ অমসুং জিরোগা শম্নহল্লগনি। প্রোগ্রাম অসিগী অনিশুবা ফেজদা মেচুকা, তুতিং অমসুং বিজোয় নগর শম্নহন্নবা থৌরাং তৌরি। লাক্কদৌরিবা নুমিৎ ১৫দা, এয়রলাইন অসিনা তেজু কনেক্ত তৌরগনি অমদি মদুগী মতুং নুমিৎ ৩০গী মনুংদা জিরোবু নোংথক্না শম্নহনবগী থবক হৌগনি।

থৌরমদুদা ৱা ঙাংলদুনা শ্রী সিন্ধিয়ানা হায়খি, “হৌখিবা চহি ৭০দা, এয়রপোর্ত ৭৪ দিবেলপ তৌখি অদুবু ঐখোয়গী প্রধান মন্ত্রী নরেন্দ্র মোদীজীগী লুচিং মখাদা হৌখিবা চহি ৭তা ঐখোয়না অনৌবা এয়রপোর্ত ৬৬ শেমগৎতুনা লৈবাক অসিদা মথৌ তৌবা এয়রপোর্ত পুন্না ১৪০ শুহল্লে। অৱাং নোংপোক্তা, এয়রপোর্ত ৯ মথৌ তৌরম্মি অদুবু ঙসিদি হৌখিবা চহি ৭তা এয়রপোর্ত ১৫ লিংখৎলে।”

অৱাং নোংপোক্কী ওইবা সিভিল এভিএসন দিবলপমেন্ত প্লানগী মতাংদা ঙাংলদুনা মন্ত্রীনা শন্দোক্না হায়খি, “অরুনাচল প্রদেশতা, থা তরুক্কী মনুংদা, লুপা করোর ৬৪৫.৬৩গী বজেতরী এলোকেসন অমগা লোয়ননা পোল্লোনগিদা অনৌবা গ্রীনফিল্দ এয়রপোর্ত অমা শঙ্গারগনি। তেজুদা, এয়রপোর্ত অপগ্রেদ তৌনবগীদমক করোর ৬৭ এলোত তৌখ্রে অমদি থবক চত্থরি। মার্চ ২০২৪ ফাওবদা অৱাং নোংপোক লমদমদা এয়র কনেক্তিবিতী অমসুং এভিএসন ইনফ্রাস্ত্রকচর হেনগৎহন্নবগীদমক মন্ত্রালয়না লুপা করোর ৫০০গী দেদিকেতেদ বজেতরী সপোর্ত অমা এপ্রুব তৌখ্রে। মসিগী লুপা করোর ৫০০গী মনুংদা চাউরাক্না লুপা করোর ২২৭দি অরুনাচল প্রদেশতা এল.এল.জি.শিং অমসুং এয়র কনেক্তিবিতীগী দিবলপমেন্তকীদমক এয়রমার্ক তৌদুনা অপুনবা বজেতকী চাদা ৫০ ওইরি। ইম্ফালদা, লুপা করোর ৪৯৯গী বজেতরী এলোকেসন অমগা লোয়ননা মেজর অপ-গ্রেদেসন অমা তৌরগনি, মদুদা অনৌবা ইন্তিগ্রেতেদ তর্মিনেল বিলদিং অমা অমসুং মদুগা মরী লৈনবা অতোপ্পা থবকশিং পায়খৎকনি। লুপা করোর ৪৩৮.২৮গী বজেতরী সপোর্ত অমগা লোয়ননা অগরতলা এয়রপোর্ত্তা অনৌবা ইন্তিগ্রেতেদ তর্মিনেল বিলদিং অমা হন্দক্তা মপুং ফানা পায়খৎখ্রে। অতোপ্পা লুপা করোর ১২০ অমনা অগরতলা এয়রপোর্ততা রনৱে, তেক্সিৱে অমসুং অপ্রোনগী দিবলপমেন্তদা চাদিং তৌগনি। অসামগী দিব্রুগরদা লুপা করোর ৫৫.৫৪ এলোত তৌবগা লোয়ননা এয়রপোর্ত রনৱেগী রি-কার্পেতিং হৌখ্রে। এয়রপোর্ত ইনফ্রাস্ত্রকচরদা মসিগী দিবলপমেন্ত পুম্নমক অসিগা লোয়ননা অৱাং নোংপোক্তা এয়র কনেক্তিবিতী মতোল লোম্লগনি। মসিগী মথক্তা চাউরাক্না এয়রস্ত্রিপ, হেলিপোর্ত/হেলিপেদ, ৱাতর এরোদ্রোম ১৮সু উরান স্কিমগী মখাদা লাউথোকখ্রে অমদি চাউরাক্না লুপা করোর ১৮২গী বজেতরী এলোকেসনগা লোয়ননা অৱাং নোংপোক্তা দিবেলপ তৌখ্রে। অপুনবা ওইনা ভারত সরকারনা অৱাং নোংপোক্তা সিভিএ এভিএসন ইনফ্রাস্ত্রকচর অপগ্রেদ অমসুং ক্রিয়েৎ তৌনবা লুপা করোর ২,০০০ হেন্না ইনভেস্ত তৌরগনি।”

উরান স্কিমগী মতাংদা ঙাংলদুনা মন্ত্রীনা ফোংদোকখি, “উরান স্কিমগী মখাদা রুত ৪১৫ মথৌ তৌরি অমদি মসিনা মীওই লাখ ৯১ হেন্না কানবা ফংহল্লি। স্কিম অসিগী মখাদা ফ্লাইত লাখ ১ লিশিং ৭৫ হেন্না পায়খ্রে। ”

এ.তি.এফ. (এভিএসন তর্বাইন ফুএল)দা ভি.এ.তি. হন্থহনবগী মতাংদা মন্ত্রীনা হায়খি মদুদি “মুখ্য মন্ত্রী শ্রী পেমা খন্দুগা ভর্চুএল মীফম অমা পাংথোক্লবা মতুং অরুনাচল প্রদেশকী রাজ্য সরকারনসু এ.তি.এফ. (এভিএসন তর্বাইন ফুএল)দা ভি.এ.তি. চাদা ২০দগী চাদা ১দা হন্থখ্রে।”

অৱাং নোংপোক লমদমগী দিবলপমেন্ত অসি স্ত্রাতেজিক্কী মরুওইবা অদু খক্তা নত্তে, মসি ভারতকী চাউখৎপগী ৱারিগী শরুক অমসুনি। অৱাং নোংপোক লমদমদা কনেক্তিবিতী অসি য়াম্না মথৌ তাই অমদি মফম কয়াদা এয়র ত্রান্সপোর্ত অসি প্রজা অমসুং কার্গো পুথোক পুশিন তৌনবা লাইফলাইননি। উরানগী মখাদা রিজনেল কনেক্তিবিতী স্কিম (আর.সি.এস.), সিভিল এভিএসন মন্ত্রালয়না অৱাং নোংপোক লমদমবু প্রায়োরিতী এরিয়া অমগুম মশক খংলে। মসিনা অৱাং নোংপোক লমদমগীদমক ইন্তর অমসুং ইন্ত্রা কনেক্তিবিতী হেনগৎহনবদা মতেং ওইরে। মসিগা মরী লৈননা অনৌবা এয়রপোর্তশিং দিবেলপ তৌরি অমদি অরিবা এয়রপোর্তশিং অপগ্রেদ তৌরি। চিংগী লমদমশিং ওইবনা উরান স্কিমগী মখাদা হেলিকোপতর ওপরেসনশিংবু কনেক্তিবিতীগীদমক মীৎয়েং থম্লি। সিভিল এভিএসন মন্ত্রালয়না পায়খৎলিবা মসিগী অচৌবা এভিএসন ইনফ্রাস্ত্রকচর অসিনা অৱাং নোংপোক লমদমগী পাক চাউরবা পোতেন্সিএলবু তুরিজম, এদভেঞ্চর স্পোর্তস অমসুং ইকোনোমিকেল এক্তিবিতীশিংদা ইনোৎ পীরগনি।

*****