সিবিল এবিএসনগী মন্ত্রী শ্রী জ্যোতিরঅদিত্য এম. সিন্ধিয়া অমসুং আসমগী মুখ্য মন্ত্রী দাঃ হিমন্তা বিস্বা শর্ম্মনা ঙসি আসমগী লিলাবরিদা অৱাং-নোপোক লমদমগীদমক অহানবা ফ্লাইং ত্রেনিং ওর্গানাইজেসন (এফ.তি.ও.) হৌদোকখ্রে।

থৌরম অসিদা লো অমসুং জস্তিসকী মন্ত্রী শ্রী কিরন রিজিজু, আসমগী এজুকেসন মন্ত্রী দাঃ রনোজ পেগু, আসমগী চীফ সেক্রেতরী শ্রী জিষ্ণু বরুৱা, মেম্বর ওফ পার্লিয়ামেন্ত শ্রী প্রদান বরুৱা, এয়রপোর্ত ওথোরিতী ওফ ইন্দিয়াগী চেয়রমেন শ্রী সঞ্জিব কুমার, এম.ও.সি.এ.গী সেক্রেতরী শ্রী রজিব বন্সাল, সিবিল এবিএসন মন্ত্রালয়গী জোইন্ত সেক্রেতরী, উশা পাধী অমসুং জোইন্ত সেক্রেতরী শ্রী অম্বর দুবে, রেদবার্দ ফ্লাইং ত্রেনিং একাদেমীগী সি.ই.ও. শ্রী করন মন্ন অমসুং আসম সরকার, সিবিল এবিএসন মন্ত্রালয় অমসুং এয়রপোর্ত ওথোরিতী ওফ ইন্দিয়াগী দিগ্নতরীশিংনা শরুক য়াখি। 

লিলাবরি অসি ২০২২গী জুন্দা ভারতকী এয়রপোর্ত মঙাদা কর্নাতকাগী বেলাগবি অমসুং কালাবুরাগী, মহারাস্ত্রদা জালগাও অমসুং মধ্য প্রদেশতা খাজুরাহো য়াওনা লিংখৎখিবা এফ.তি.ও.মাপলগী মনুংদা অমনি। এম./এস. রেদবার্দ এবিএসন্না লিলাবরিদা এফ.তি.ও.লিংখৎপগী অয়াবা ফংলি। এয়রপোর্ত ওথোরিতী ওফ ইন্দিয়ানা এফ.তি.ও.গীদমক লিজ লৈরি অমসুং দি.জি.সি.এ. অমসুং বি.সি.এ.এস.তগী তঙাইফদবা অয়াবা লৌরি। হায়রিবা এফ.তি.ও.শিং অসি লিংখৎপগা লোয়ননা, ভারতনা মালেমগী ওইবা পাইলোৎ ত্রেনিংগী হব অমা ওইহন্নবা পান্দম থম্লগনি। 

হৌজিক্কী ওইনা লিলাবরিদা, রেদবার্দ এবিএসন্দা ফ্লাইং ত্রেনিংগী এয়রক্রাফ ২ – তেক্নাম পি.২০০৮জি.সি. ইঞ্জিন নাম্না খক্তা ওইবা অমসুং তেক্নাম পি.২০০৬তি. ইঞ্জিন লোংবা লৈরে হায়রিবা অসি চহি অসিনা লোইরকপদা ৫দা হেনগৎলগনি।

লিলাবরিগী এফ.তি.ও.দা, গ্রাউন্দ ক্লাসেস (ওনলাইন+ওফলাইন), প্রাক্তিকেল ফ্লাইং ত্রেনিং, দ্রোন ফ্লাইং ত্রেনিং অমসুং আস্লিম লেবেল-৫ সিমুলেতরদা সিমুলেতর ত্রেনিং অমসুং এ.৩২০ ফিক্স বেজ সিমুলেতরদা মহৈরোই ১০গী সিঙ্গল বেতচ অমা লৈগনি হায়রিবা অসি ২০দা হেনগৎলক্কনি। এফ.তি.ও.দা মিং চনবগী মওং অসি থা খরগী মনুংদা ওনলাইন এন্ত্রান্স একজাম পাংথোক্তুনা লৌগনি। এপ্লিকান্তশিং চহি ১৮গী মথক ওইগদবনি অমসুং ইংলিস, ফিজিক্স অমসুং মেথস্তা ১২শুবা বোর্দ একজাম লোইবা ওইগদবনি। মখোয়গী ত্রেনিং লোইশিল্লবা মতুংদা, মহৈরোইশিংনা এয়রলাইনশিং, লনাইগী চার্তর থবকশিং, এয়র এম্বুলেন্সশিং, সরকারগী পাইলোৎকী থবকশিং, কার্গো/ফ্রাইত্তরগী সর্বিসশিংদা থবক তৌবা য়াই।

থৌরম অসিদা ৱা ঙাংলদুনা, শ্রী জ্যোতিরঅদিত্য এম. সিন্ধিয়ানা হায়খি, “ঐহাক্না ইশামক মশাগী পুৱারী অমসুং কলচরদা মালেমগীদমক শকখঙনরবা আসমদা লৈজরম্বগীদমক থৌজাল ফংলে হায়না লৌজৈ। আসম অসি অৱাং নোংপোক লমদমগী চাউখৎনবগী ইঞ্জিন ওইরক্লি। লিলাবরি এয়রপোর্ত অসি লৈখিদ্রবা হান্নগী প্রধান মন্ত্রী শ্রী অতল বিহারি বাজপায়িনা ২০০৩-২০০৪দা শঙ্গাবিরম্বনি অমসুং ঙসিদি অহানবা এফ.তি.ও. হাংদোকপনা অৱাং-নোংপোক্তা মরুওইবা অমা ওইরি। এফ.তি.ও. অসি হাংদোকপগা লোয়ননা, অৱাং নোংপোক্কী নহারোলশিংনা বিদ্যা (লৌশিং) অমসুং গতি (খোঙজেল) ফংনবগী খুদোংচাবা লৈরগনি। ঐখোয়গী পাইলোৎ ৪০% অমা মপাল লমদা পাইলোৎকী ত্রেনিংগীমদক চৎলি হায়রিবা অসিনা ফোরেন একচেঞ্জদা লুপা করোর ৫০০ মাংলি। হায়রিবা অসি হন্থনবা, ভারত্তা হৌজিক লৈরিবা এফ.তি.ও.শিংগী মশিং ৩৪দগী ৫৮দা হেনগৎহন্দুনা, অনৌবা এফ.তি.ও. ১৫ লিংখৎলগনি।  

মন্ত্রীনা মখা তানা হায়খি “ঐখোয়না অহেনবা কোস্ত ওফ ওপরেসন হন্থনবা অনৌবা হেলিকোপ্তরগী পোলিসী অমা পুরক্লে অমসুং আসমদা, লাক্লিবা চহি অনি অসিদা গেলেকী অমসুং নাগাউন্দা অনৌবা হেলিপোর্ত অনি লিংখৎলগনি। গুৱাহাতী তুরেলগী মমাংদা, লাক্লিবা চহি অসিদা ঐখোয়না উম্রাংসো ৱাতর এরোদ্রোম লিংখৎলগনি। ২০১৪গী মমাংদা, ভারত্তা ঐখোয়গী এয়রপোর্ত ৭৪ লৈখি অদুবু চহি ৭তা, ঐখোয়না অনৌবা এয়রপোর্ত ৬৬লিংখৎতুনা লৈবাক অসিদা পুন্না এয়রপোর্ত ১৪০ লৈরে। আসমদা ঐখোয়গী এয়রপোর্ত ৪ গুৱাহাতী, দিব্রুগর, জোর্হাত অমসুং সিলচরদা লৈখি অদুবু ঙসিদি ঐখোয়না লিলাবরি, তেজপুর অমসুং রুপসিদা অনৌবা এয়রপোর্ত ৩ লিংখৎখ্রে।

উরান স্কীম অমসুং আসমদা মসিগী কান্নবগী মরমদা ৱা ঙাংলদুনা, মন্ত্রীনা হায়খি, “আসমগী কোনুং গুৱাহাতীনা দুর্গাপুর, বরানাসী, দিব্রুগরগা হন্দক্কী কালেন অসিদা ফাওনরে অমসুং ঐখোয়না মসি বেঙ্কোক, ধকা, কাতমান্দু, য়াঙ্গোন অমসুং হানোইগা ফাওনরগনি”।

এ.তি.এফ. (এবিএসন তর্বাইন ফ্যুইল)দা রাজ্যগী ভি.এ.তি. হন্থনবা আসমগী মুখ্য মন্ত্রী দাঃ হিমন্তা বিস্বা শর্ম্মদা হায়জদুনা, শ্রী সিন্ধিনা হায়খি, “ হৌখিবা থা ৮দা, এ.তি.এফ.দা ভি.এ.তি. হন্থনবা রাজ্য খুদিংমক্তা হায়জখ্রে অমসুং ঐহাক্না মসি অদোমদা হায়বদা য়াম্না নুঙাইবা ফাওজৈ মদুদি ঐহাক্না হায়জবদগী রাজ্য ১২না ভি.এ.তি. ২০-২৫%দগী ১-৪%দা হন্থখ্রে। ভি.এ.তি. ১দগী ৪% ফাওবা হন্থবা রাজ্য ২৩ লৈরে অমসুং ঐহাক্না আসমগী মুখ্য মন্ত্রীদা আসমদগী ফ্লাইত লাকপা অমসুং পাইখিবা হেন্নবা ভি.এ.তি. হন্থনবা হায়জখ্রে। ভি.এ.তি. হন্থখ্রবা রাজ্যশিংনা থা ২ অসিগী মনুংদা লম্বী ফাওনবা ১৫% হেনগৎপা উবা ফংলি”।   

দিবলপমেন্ত ওফ নোর্থ-ইস্তর্ন রিজন (এন.ই.আর.) অসি চাউখৎ থৌরাংগীদমক মরুওইবা নত্তে, অদুবু মসি ভারতকী চাউখৎ ৱারীগী শরুক অমনি। এন.ই.আর.দা লম্বী ফাওনবা অসি য়াম্না মরু ওই অমসুং অতৈ মফম কয়াদসু এয়র ত্রান্সপোর্ত অসি মীয়াম্না চৎথোক-চৎশিন তৌবা অমসুং পোৎ পুনবগীদমক লাইফলাইন ওইরিবনি। “উরে দেশ কা আম নাগরিক (উরান)”গী মখাদা, মিনিস্ত্রী ওফ সিবিল এবিএসন (এম.ও.সি.এ.)গী রিজনেল কন্নেক্তিবিতী স্কীম (আর.সি.এস.)না এন.ই.আর.বু অহানবা মফম ওইনা লৌনবা খন্দোকখ্রে। মসিনা এন.ই.আর.দা ইন্তর অমসুং ইন্ত্রা কন্নেক্তিবিতী হেনগৎহনবদা মতেং ওইরি। হিরম অসিদা, অনৌবা এয়রপোর্তশিং শেমগৎলক্লি অমসুং অরিবা এয়রপোর্তশিং অপগ্রেদ তৌরি।  চীংগী মফমশিং য়েংদুনা, উরান স্কীমগী মখাদা হেলিকোপ্তর ওপরেসন তৌদুনা লম্বী ফাওননবা মিৎয়েং থম্লি।

ঙসিদি, অৱাং-নোংপোক্কী মফমশিংদা হান্না ২০১৪গী মমাংদা ৯ লৈরম্বা অদুগা চাংদম্নবদা মথৌ তৌবা এয়রপোর্ত ১৫ লৈরে। চাওরাক্না এয়রস্ত্রীপশিং, হেলিপোর্তশিং/হেলিপেদশিং, ঈশিংগী এরোদ্রোমশিং ১৮ উরান স্কীমগী মখাদা লৈখ্রে অমসুং এন.ই.আর.দা চাউখৎলক্লি। হায়রিবা সিবিল এবিএসনগী মন্ত্রালয়না লৌখৎলিবা চাউরবা এবিএসন ইনফ্রাস্ত্রকচর দিবলপমেন্ত প্রোজেক্তশিং অসিনা এন.ই.আর.দা লম কোইবা, শেন্থং তৌবা অমসুং থবক পীবা হেনগৎহল্লগনি।

*****

(Release ID: 1816179) Visitor Counter : 170