ڈائریکٹوریٹ جنرل آف جی ایس ٹی انٹیلی جنس (ڈی جی جی آئی) گروگرام زونل یونٹ (جی یو)، گروگرام نے ایک کیس کا پتہ لگایا ہے جس میں ایک شخص کے ذریعہ کنٹرول کردہ اداروں کی ایک سیریز ہے جس میں میسرز امنگ اوورسیز، میسرز اولاگرسن امپیکس پٹ لمیٹڈ اور میسرز امنگ امپیکس پرائیویٹ لمیٹڈ کو مختلف جعلی، معطل شدہ اور غیر موجود فرموں سے سامان کی وصولی کے بغیر 16.74 کروڑ روپے کے فراڈ ان پٹ ٹیکس کریڈٹ (ITC) حاصل کرنے اور پاس کرنے میں ملوث پایا گیا ہے۔

4 اپریل 2022 کو مختلف جگہوں پر چھاپے مارے گئے۔ چھاپوں کے دوران متعدد پین ڈرائیوز، مختلف فرموں کے ربڑ سٹیمپ، دستاویزات/ ریکارڈ برآمد ہوئے اور محصول کی چوری کا اندازہ لگانے کے لیے ان کی جانچ کی جا رہی ہے۔

اس دھوکہ دہی والے آئی ٹی سی کو حاصل کرنے اور پاس کرنے میں ملوث کلیدی شخص کو 5 اپریل 2022 کو گرفتار کیا گیا تھا اور اسی دن چیف میٹروپولیٹن مجسٹریٹ، پٹیالہ ہاؤس کورٹ کے سامنے پیش کیا گیا تھا۔ عدالت نے اسے 14 دن کے لیے عدالتی تحویل میں بھیجنے کا حکم دیا ہے۔

اس معاملے میں مزید تفتیش جاری ہے۔

                                               **************

ش ح۔ ف ش ع- ج

U: 4153

(Release ID: 1815830) Visitor Counter : 138