কেন্দ্রগী পোর্ত, শজিপ্পিং অমসুং ৱাতরৱেজ অমসুং আয়ুশকী মন্ত্রী, শ্রী সর্বানন্দা সোনোৱালনা লৈবাক অসিগী অৱাং-নোংপোক্কী লমদমশিংদা চাউখৎপগী অনৌবা য়াওল অমা পুরক্লগনি হায়না হায়খি। অসামগী দিব্তুগরদা পাংথোকপা ৱাতরৱেজ কনক্লেবতা এক্জিবিশন অদুবু শঙ্গারদুনা মহাক্না হায়খি মদুদি ভারতপু য়ুমলোন্নবা লৈবাকশিংগা শম্নহনগদবা অমসুং থবক্কী অনৌবা খুদোংচাবা কয়া অমা পীগদৌবা ৱাতরৱেজ ইকোসীস্তেম অমা অত্মানির্ভর ভারত বিজনগী মখাদা শেমগৎলক্লি।

সিতী অসিদা লাক্লিবা ইন্দস্ত্রী স্তেকহোল্দরশিং অমসুং পোলিসীমেকরশিংগী পুনফম অমা ওইনবা ৱাতরৱেজ কনক্লেব অসি ঙসি হাংদোকখি। থৌরম অদুদা চাউরাক্না এম.ও.য়ু. তরুকমুক খুৎয়েক পীনরগনি। মসিগী মথক্তা একজিবিশন অদুদা নেস্নেল অমসুং গ্লোবল কমপনী নিফুগী মথক্তা শরুক য়ারগনি।

ইনলেন্দ ৱাতরৱেজ ওথোরিতী ওফ ইন্দিয়া (আই.দব্ল্যু.এ.আই.)না ৱাতরৱেজ সেক্তরগী পোতেন্সিয়েল অমসুং মখোয়গী প্রোজেক্তশিং অদু উৎথোক্নবা থীম পেভিলিয়ন অমা থম্লগনি। মসিগী মথক্তা, দচকী কমপনীশিংগী ওইবা ৱাতরৱেজকী অনৌবা তেক্নোলজী অমসুং ইন্নোভেশন উৎনবা-অখন্নবা নেদর্লেন্দ লৈবাক্কী পেভিলিয়ন অমা- এক্জিবিশন অসিদা থম্লগনি। এল.অমসুং তি., ব্রহমপুত্র ক্রেকরস আমসুং পোলিমর লিমিতেদ (বি.সি.পি.এল.), আই.তি.দি. সিমেন্তেশন, অতোপ্পা কয়াশিংগী মনুংদা একজিবিশন অসিদা শরুক য়ারগনি।

কনক্লেব অসিনা এক্জিবিশন অসিদা অসামগী হেন্দিক্রাফশিং, চা অমসুং অর্তিসানশিং মশক তাক্নবা লোকল কমপনীশিংদা প্লেতফোর্ম অমা পীদুনা প্রধান মন্ত্রীগী বিজন ‘ভোকল ফোর লোকল’ অসিবু হেন্না খুমাং চাউশিনহল্লি, মসিগী মনুংদা খ্বাইদগী মশক নাইবা অসি দিব্রুগরগী দি.আর.দি.এ.গী মখাদা প্রোমোত তৌরিবা গ্রুপশিং অদুনি।

********