نئی دہلی،  8/ اپریل 2022 ۔ تجارت اور صنعت، امور صارفین، خوراک اور عوامی نظام تقسیم اور ٹیکسٹائل کے مرکزی وزیر جناب پیوش گوئل نے آسٹریلیا میں بھارتی برادری سے 21 جون کو بھارت  کی آزادی کی 75 ویں سالگرہ کے موقع پر آسٹریلیا کے 75 نمایاں مقامات پر بین الاقوامی یوگا دن منانے کی اپیل کی ہے۔

آج پرتھ میں کمیونٹی سینٹر انڈین سوسائٹی آف ویسٹرن آسٹریلیا (آئی ایس ڈبلیو اے ) سے خطاب کرتے ہوئے، جناب گوئل نے کہا کہ مجھے یقین ہے کہ دنیا یقینی طور پر، پوری دنیا میں ہمارے یوگا تہوار میں جھلکتی اتحاد کی علامت کو نوٹ کرے گی جس کی ابتدا آسٹریلیا سے ہوئی ہے۔

جناب گوئل نے کہا کہ بھارت،بھارت  -آسٹریلیا اقتصادی تعاون اور تجارتی معاہدہ (انڈیا-آسٹریلیا ای سی ٹی اے )کے تحت آسٹریلیا میں یوگا انسٹرکٹرز اور بھارتی  باورچیوں کی آمد کا منتظر ہے۔ انہوں نے کہا کہ آسٹریلیا نے پہلی بار کام کے ویزوں کی توسیع کے ساتھ طلباء کو کام کے مواقع فراہم کرنے کا عزم کیا ہے۔

جناب  گوئل نے کہا، ’’یہاں آنے والے ہمارے طلباء ٹیلنٹ اور ہنر کے پول میں اپنا حصہ ڈال سکتے ہیں جس کی آسٹریلیا کو اشد ضرورت ہے۔ اگرچہ ہمارے آئی ٹی پیشہ ور افراد بہتر تکنیکی مہارتیں لانے میں مدد کر سکتے ہیں، ہمارے اسٹیم گریجویٹس آسٹریلیا کی معیشت میں بہت بڑا حصہ ڈال سکتے ہیں۔‘‘

جناب گوئل نے کہا کہ بھارت -آسٹریلیا ای سی ٹی اے معاہدہ دونوں ممالک کے لیے فائدہ  کا سودا ہے۔

وزیر موصوف نے کہا کہ ’’ہمیں اسے آگے لے جانا ہے، ہمیں دوستی کے اسی  جذبے جے ساتھ  مل کر کام کرنا ہے، ہمیں اپنی دو طرفہ ہم آہنگی کو بڑھانا ہے، ہمیں یقین ہے کہ آسٹریلیا سے سیکھنے کے لیے بہت کچھ ہے‘‘۔ اس کے ساتھ ہی ہم تسلیم کرتے ہیں کہ ہمارے پاس آسٹریلیا کو پیش کرنے کے لیے بہت کچھ ہے – ہمارے سامان اور خدمات زیادہ تر محنت پر مبنی ہیں، ہم نے تیار کردہ سامان پر بھی توجہ مرکوز کی ہے جو آسٹریلیا کے لوگوں کی خدمت میں مدد کر سکتی ہیں جی ہاں، ہماری ادویات آسٹریلیا میں صحت کی دیکھ بھال کے اخراجات کو کم کر سکتی ہیں۔

جناب گوئل نے کہا کہ بھارت -آسٹریلیا تعلقات کا اہم ستون باہمی اعتماد ہے جس سے دونوں لوگوں کو فائدہ ہوگا۔

 

******

 

ش ح۔ م م۔ م ر

U-NO. 4091

(Release ID: 1815332) Visitor Counter : 175