এনভাইরনমেন্ত, ফোরেস্ত অমসুং ক্লাইমেৎ চেঞ্জকী কেন্দ্রগী মন্ত্রী, শ্রী ভুপেন্দ্র য়াদবনা ঙসি হেন্না ফবা অকোইবগী ফীভম অমা ওইহন্নবা ঐখোয়গী পুন্সি মহিংদা সস্তেনেবল ওইনা পাইখৎপা য়াবা অপীকপা অহোংবশিংগী মতাংদা অমসুং লৈবাক অসিদা প্লাস্তিক ৱেস্ত মেনেজমেন্ত (পি.দবল্যু.এম.) নীংথিনা চত্থবা ঙম্নবগীদমক এনভাইরনমেন্ত, ফোরেস্ত অমসুং ক্লাইমেৎ চেঞ্জ মন্ত্রালয় অমদি সেন্ত্রেল পোলুসন কন্ত্রোল বোর্দ (সি.পি.সি.বি.)না পাইখৎপা গ্রীন ইনিসিএতিব কয়ামরুমগী মতাংদা মীয়ামদা হেন্না এৱের্নেস পীনবগীদমক কেন্দ্রগী রাজ্য মন্ত্রী, শ্রী অশ্বিনি কুমার চোবে অমসুং সরকারগী মকোক থোংবা ওফিসিএলশিং য়াওদুনা মাস্কোৎ অমা, ‘প্রকৃতি’ লোঞ্চ তৌখ্রে।

 

প্লাস্তিক পোলুসন্না পীবা শীংনবা অসি লাকশিন্নবা প্রধান মন্ত্রী, শ্রী নরেন্দ্র মোদীনা ২০২২ ফাওবদা সিঙ্গল য়ুজ প্লাস্তিক্স (এস.য়ু.পি.শিং) ফেজ আউৎ তৌনবা ভারতনা ৱাশক্লি হায়না লাউথোকখি। খোঙজেল অসি খুমাং চাউশিনহন্নবা অমসুং এক্তিব পব্লিক পার্তিসিপেসনগী মথৌ তাই হায়না ফোঙদোক্লদুনা, এনভাইরনমেন্ত, ফোরেস্ত অমসুং ক্লাইমেৎ চেঞ্জকী কেন্দ্র মন্ত্রীনা মীতিন অদুদা ‘স্বচ্ছ ভারত হরিৎ ভারত গ্রীন প্লেদজ’ পাঙথোকখি। প্লাস্তিক অসি ঙসি ঐখোয়না মায়োক্নরিবা খ্বাইদগী অরুবা অকোইবগী ফীভমগী সমস্যশিংগী মনুংদা অমা ওইরক্লি। ভারতনা চহি অমদা প্লাস্তিক ৱেস্ত মিলিয়ন তন ৩.৫ পুথোক্লি অমসুং পর কেপিতা প্লাস্তিক ৱেস্ত জেনরেসন অসি হৌখিবা চহি মঙাদা শরুক অনি হেনগৎলকখি। প্লাস্তিক পোলুসন অসিনা ঐখোয়গী ইকোসিস্তেমদা চাউনা অকাইবশিং থোকহনখি অমসুং মসি এয়র পোলুসনগা মী লৈনরি।

 

 

শ্রী ভুপরন্দ্র য়াদবনা মীপুম খুদিংমক্না প্লাস্তিক পোলুসন লাকশিন্নবা অমসুং হেন্না ফবা তুংলমচৎ অমা পুরকপা ঙম্নবা মাইকৈদা থবক পাইখৎপদা শরুক য়াবীয়ু হায়না হায়খ্রে। মহাক্না ভারতকী নহারোলগী অচৌবা তেলেন্ত অমসুং তৌবা ঙম্বা অদু উৎলিবা ইন্দিয়া প্লাস্তিক চেলেঞ্জ-হেকাথোন ২০২১দা স্তার্ত-অপ ওন্তপ্রিনোরশিং অমসুং মহৈরোবশিংনা দিবেলপ তৌখিবা ইন্নোবেতিব সোল্যুসনশিং অদুবু থাগৎখি। মখা তারদুনা মহাক্না মালেমবু প্লাস্তিক ৱেস্ত মেনেজমেন্তগী পান্দমশিং ফংহনবা ঙম্নবা পাইখৎপা খোঙথাংশিং অসিদা মীৎয়েং থম্লিবা হন্দক্তা ফোঙখিবা আই.পি.সি.সি. ৱার্কিং গ্রুপ III কন্ত্রিব্যুসন তু দি আই.পি.সি.সি. সিক্স এসেসমেন্ত রিপোর্ত (এ.আর.৬)গী মতাংদা অমসুং পরিস এগ্রীমেন্তনা থমখিবা রোদমেপ অদু ঙাক্না চৎপদা ঐখোয়না করি তৌবা য়াবগে হায়বগী মতাংদা ফোঙদোকখি। অরোইবদা, কেন্দ্রগী মন্ত্রীনা ভারতনা অইং-অশাগী খলদা অহোংবা লাকপনা পীরকপা শীংনবশিং অসি মীওইবনা কোকহনবা ঙমগনি হায়বগী থাজবা অমসুং অফবা ৱাখল্লোনগী পাউজেল অমা পীরি অমসুং অইং-অশাগী খলদা অহোংবা লাকপা অসিগী সোল্যুসনগী শরুক অমা ওইগনি হায়না ফোঙদোকখি। মমাংদা নাইরোবিদা, কেন্দ্রগী মন্ত্রীনা প্লাস্তিক ৱেস্ত মেনেজমেন্ত (পি.দবল্যু.এম.) গা মরী লৈনবা সমস্যাশিং কোকহন্নবা ই-গভর্নান্স পোর্তেলশিং অমসুং এপশিং লোঞ্চ তৌবদা এম.ও.ই.এফ.সি.সি. অমসুং সি.পি.সি.বি.না লৌখিবা থৌদাংশিং অদুবু থাগৎপা ফোঙদোকখি।

 

কেন্দ্রগী রাজ্য মন্ত্রী, শ্রী অশ্বিনি কুমার চোবেনা মহাক্কী ৱারোল পীবদা ঙসি লোঞ্চ তৌখিবা এস.য়ু.পি. গ্রিভান্স রিদ্রেসেলগী ই.পি.আর. পোর্তেল অমসুং মোবাইল এও অসিগুম্বা এম.ও.ই.এফ.সি.সি. অমসুং সি.পি.সি.বি.গী ই-গভর্নান্স পোর্তেলশিং অসিনা সিঙ্গল য়ুজ প্লাস্তিক ফেজ আউৎ মপুং ফানা তৌবদা চাউনা মতেং পাংগনি অমসুং ঐখোয়গী প্রধান মন্ত্রীগী মঙলান অদু মঙফাওনবা ঙমহনগনি হায়না ফোঙদোকখ্রে। মহাক্না ইনিসিএতিব অমা হেক্তগী মাইপাকপা হায়বা অসি অপুনবগী খোঙথাং অমসুং থৌদাংগী মখা পোল্লি হায়না ফোঙদোকখি। মহাক্না প্রধান মন্ত্রীনা থমখিবা অদুগুম্না ‘সবকা সাথ, সবকা বিকাস’কা লোয়ননা সিঙ্গল য়ুজ প্লাস্তিক ফেজিং আউৎ তৌবদা খ্বাইদগী মথৌ তারিবা অসি জন অন্দোলন অসিনি হায়না ফোঙদোকখ্রে।

 

থৌরম অদুদা প্লাস্তিক ৱেস্ত মেনেজমেন্তগীদমক মখাদা পীরিবা গ্রীন ইনিসিএতিবশিং অসি হৌদোকখি:

 

• ইলিমিনেসন ওফ সিঙ্গল য়ুজ প্লাস্তিক এন্দ প্লাস্তিক ৱেস্ত মেনেজমেন্তগী নেস্নেল দেশবোর্দ (এম.ও.ই.এফ.সি.সি.) অসিনা কেন্দ্রগী মন্ত্রালয়শিং/বিভাগশিং, রাজ্য/য়ু.তি. সরকারশিং য়াওনা স্তেকহোল্দর পুম্নমক মফম অমদা পুরক্নবা অমসুং সিঙ্গল য়ুজ প্লাস্তিক (এস.য়ু.পি.) ইলিমিনেৎ তৌবগী অমসুং প্লাস্তিক ৱেস্তকী মেনেজমেন্ত নীংথিনা চত্থবগী প্রোগএস অসি ত্রেক তৌগনি।
• প্লাস্তিক পেকেজিংগী এক্সতেন্দেদ প্রদ্যুসর রেস্পোন্সিবিলিতী (ই.পি.আর.) পোর্তেল (সি.পি.সি.বি.) অসি প্রদ্যুসর, ইম্পোর্তর অমসুং ব্রান্দ-ওনরশিংনা ই,পি.আর. ওবলিগেসনশিংগী একান্তেবিলিতী, ত্রেসেবিলিতী, ত্রান্সপরেন্সী হেনগৎহন্নবা অমসুং ইজ ওফ রিপোর্তিং ফংহন্নবগীদমক্তনি।
• সিঙ্গল য়ুজ প্লাস্তিক্স গ্রীভান্স রিদ্রেসেলগী মোবাইল এপ (সি.পি.সি.বি.) অসিনা মখোয়গী লমদা এস.য়ু.পি.গী সেল/শীজিন্নবা/শাবা চেক তৌনবা অমসুং প্লাস্তিক্কী সমস্যা কোকহনবা ঙম্নবা প্রজাশিংবু এম্পাৱর তৌরি।
• এস.য়ু.পি.গী মোনিতরিং মোদ্যুল (সি.পি.সি.বি.) মসিনা লোকেল বোদীশিং, এস.পি.সি.বি.শিং/পি.সি.সি.শিং অমসুং সি.পি.সি.বি.না জিলাগী থাক্তা কম্মর্সিএল এস্তাব্লিশমেন্তশিংদা এস.য়ু.পি. পুথোকপা/ য়োনবা অমসুং শীজিন্নবগী অকুপ্পা মরোল ইনভেন্তোরাইজ তৌগনি অমসুং এস.য়ু.পি.দা ওন-গ্রাউন্দ এনফোর্সমেন্ত বেন থমগনি।
• ইন্দস্ত্রিএল প্রদক্সন ওফ গ্রাফিন ফ্রোম ৱেস্ত প্লাস্তিক (জি বি প্লান্ত এন.আই.ঐচ.ই. এন্দ এন.আর.দি.সি.) না প্লাস্তিক ৱেস্ত অপ সাইকল তৌনবা ইন্দস্ত্রী কয়াবু মাংদা থোরক্নবা প্রমোৎ তৌগনি।

 

থৌমর অসিদা ইন্দিয়া প্লাস্তিক চেলেঞ্জ – হেকাথোন ২০২১গী ৱিনরশিংবু তরাম্না ওকখি। প্লাস্তিক ৱেস্ত মিতিগেসন অমসুং সিঙ্গল-য়ুজ প্লাস্তিক্স ইলিমিনেসন তৌনবগী ইন্নোবেতিব আইদিয়া অমসুং দিজিতেল সোল্যুসনশিং পুথোকখিবগীদমক স্তার্ত-অপ/ওন্তপ্রিনোর কেতফোরী অহুম অমসুং হায়র এজুকেসন ইন্সতিত্যুসনশিংদগী মহৈরোয়শিংগী তীম মরিদা মথংশিৎনা লুপা লাখ ৫ অমসুং লুপা লাখ ১ পীখি।

 

মতুং তারকপদা, সি.পি.সি.বু.গী কর্মচারীশিংগী অঙাংশিংগীদমক নৌনা শারবা ফিৎনেস সেন্তর অমসুং দেকিয়র ফেসিলিতী অমগা লোয়ননা এস.য়ু.পি.গী অতোপ্পা পাম্বৈশিং অমসুং তেক্নোলোজী সোল্যুসনশিং উৎলিবা প্লস্তিক ৱেস্ত মেনেজমেন্তগী একজিবিসন অমা হৌদোকখি। সি..পি.সি.বি. লেবোরেতোরীশিংদা চৎখি অমসুং বিজ্ঞানিকশিংগা লোয়ননা ৱারী ৱাতায় শাখি। ইন্তর্নেস্নেল ওর্গনাইজেসনশিং, রিসর্চ ইন্সতিত্যুতশিং, ইন্দস্ত্রী এসোসিএসনশিং, প্লাস্তিক মেন্যুফেকচর্র এসোসিএসনশিং, সিমেন্ত মেন্যুফেকচরিং এসোসিএসন, সিবিল সোসাইতী, নহা ওইরিবা ইনভেন্ততশিং অমসুং ওন্তপ্রিনোরশিং, এম.ও.ই.এফ.সি.সি.দগী মকোক থোংবা ওফিসিএলশং অমসুং মরী লৈনবা মন্ত্রালয়শিং অমসুং বিভাগশিং, সি.পি.সি.বি.গী বোর্দ মেম্বরশিং অমসুং স্তেৎ পোলুসন কন্ত্রোল বোর্দশিং অমসুং পোলুসন কন্ত্রোল কম্মিতীশিং অমসুং আই.আর.ও.শিং য়াওনা থৌরম অসিদা প্লাস্তিক ৱেস্ত মেনেজমেন্তগী দোমেন শিনবা থুংদা লৈরিবশিংনা শরুক য়াবা উবা ফংখি।

 

*****

(Release ID: 1813937) Visitor Counter : 125