மக்களவையில் கேள்வி ஒன்றுக்கு இன்று எழுத்துப்பூர்வமாக பதிலளித்த மத்திய சமூக நீதி மற்றும் அதிகாரமளித்தல் இணை அமைச்சர் செல்வி பிரதிமா பௌமிக் கீழ்காணும் தகவல்களை வழங்கினார். 

2011 மக்கள் தொகை கணக்கெடுப்பின்படி, மொத்த மக்கள் தொகையில் மூத்த குடிமக்களின் எண்ணிக்கை 8.4% ஆகும். சுகாதாரம் மற்றும் குடும்ப நல அமைச்சகத்தின் 'மக்கள்தொகை கணிப்புகள் குறித்த தொழில்நுட்பக் குழுவின் அறிக்கை- ஜூலை 2020' மூத்த குடிமக்களின் மக்கள்தொகை 2021-ல் 13.75 கோடியிலிருந்து (மொத்த மக்கள்தொகையில் 10.1%) 2036-ல் 22.74 கோடியாக (மொத்தத்தில் 14.9%) அதிகரிக்கும் என்று கணித்துள்ளது.

சுகாதாரம் மற்றும் குடும்ப நல அமைச்சகத்தின் ஆய்வறிக்கை நாட்டில் உள்ள மூத்த குடிமக்களின் ஊட்டச்சத்து நிலையை மதிப்பீடு செய்துள்ளது.

இந்தியாவில், 60 வயது மற்றும் அதற்கு மேற்பட்ட முதியவர்களில் கால் பகுதியினர் எடை குறைவாக உள்ளனர் (27%) மற்றும் முதியவர்களில் ஐந்தில் ஒரு பகுதியினர் அதிக எடை/உடல் பருமனாக (22%) உள்ளனர் என்று அறிக்கை தெரிவித்துள்ளது. முதியோரின் நலனுக்காக பல்வேறு திட்டங்களை மத்திய சமூக நீதி மற்றும் அதிகாரமளித்தல் அமைச்சகம் செயல்படுத்தி வருகிறது.

மேலும் விவரங்களுக்கு, இந்த ஆங்கில செய்திக் குறிப்பைக் காணவும்: https://pib.gov.in/PressReleasePage.aspx?PRID=1813741

******

(Release ID: 1813853) Visitor Counter : 224