লান্সেত পব্লিক হেল্থতা ফোঙখিবা “কোবিদ-১৯ লাইচৎনা মরম ওইদুনা ইং ২০২০দা লৈবাক অমসুং তেরিতোরী ২০৪দা দিপ্রেসন অমসুং এংজাইতী দিসওর্দরনা মালেমদা মরাং কায়না লৈহনবা অৱাবা” হায়বসিগী স্তদী অসিনা কোবিদ-১৯ লাইচৎকী মনুংদা ভারত্তা হায়রিবা শিংনবা অসিদা চাউরাক্না ৩৫%গী চাংদা হেনগৎখি হায়না পানরি।

শেল য়াম্না চঙদবা অমসুং লায়না ফংবা য়াবা হেল্থকেয়র ফেসিলতী পীনবগীদমক্তা সরকারনা লৈবাক অসিদা নেস্নেল মেন্তেল হেল্থ প্রোগ্রাম (এন.এম.ঐচ.পি.) পায়খৎলি। দিস্ত্রিক্ত মেন্তেল হেল্থ প্রোগ্রাম (দি.এম.ঐচ.পি.) অসি এন.এম.ঐচ.পি.গী শরুক অমনি অমসুং নেস্নেল হেল্থ মিসনগী খুত্থাংদা রাজ্য/য়ু.তি.শিংদা তেংবাংদুনা জিলা ৭০৪দা পায়খৎনবগীদমক্তা অয়াবা পীখ্রবনি। দি.এম.ঐচ.পি.গী মখাদা কম্ম্যুনিতী হেল্থ সেন্তর (সি.ঐচ.সি.) অমসুং প্রাইমরী হেল্থ সেন্তর (পি.ঐচ.সি.)দা  ফংলিবা ফেসিলিতীশিংগী মনুংদা আউতপেসেন্ত সর্ভিস, এসেসমেন্ত, কাউন্সেল্লিং/সাইকো-সোসিএল ইনত্তভেন্সন, কেয়র অমসুং মেন্তেল দিসওর্দরনা শাথীনা নারবা মীওইশিংদা তেংবাংবা, হিদাক, আউতরীচ সর্ভিস, এব্যুলেন্স সর্ভিস য়াওরি। মসিগী মথক্তা, জিলাগী থাকশিংদা ফমুং ১০ লৈবা ইন-পেসেন্ত হোস্পিতালসু য়াওরি।

কোবিদ-১৯না মীয়ামগী মেন্তেল হেল্থতা চৈথেং পীরিবশিংবু খঙলদুনা, সরকারনা মখাগীশিং অসি য়াওনা খোঙথাং কয়া পায়খৎলেঃ

1. চৈথেং অসিনা শোকহল্লবা মীশিংবু অঙাং, অহল, কা-হেন্না অহল ওইরবা, নুপী অমসুং হকশেলগী থৌমী হায়না পান্দম থম্বা কাঙলুপ কয়া খায়দোক্তুনা মেন্তেল হেল্থ প্রোফেস্নেলশিংনা সাইকোসোসিএল সপ্পোর্ত পীনবা ২৪/৭ হেল্পলাইন লিংখৎপা।
2. খুন্নাইগী তোঙানবা কাঙলুপশিংদা তেংবাংবা ওইনা মেন্তেল হেল্থকী শিংনবা নীংথিনা শেন্ননবা কাঙলোন/পাউতাক ফোঙবা।
3. স্ত্রেস অমসুং এংজাইতী লাকশিন্নবা অমসুং মীয়াম পুম্ববু তেংবাংবগী অকোয়বগী ফিভম শাগৎপবু খুমাং চাউশিলহন্নবা ক্রিএতিব অমসুং ওদিও-ভিজুএল মেতরিএলগী মওংদা তোঙানবা মিদিয়া প্লেৎফোর্মশিংদা ই-পাউ শন্দোকপা।
4. বেঙ্গালুরুগী নেস্নেল ইন্সতিত্যুৎ ওফ মেন্তেল হেল্থ অমসুং ন্যুরোসাইন্স (নিমহান্স)না ফোঙবা “কোবিদ-১৯গী মতমদা মেন্তেল হেল্থ – জেনেরেল মেদিকেল অমসুং স্পিসিএলাইজ মেন্তেল হেল্থ কেয়র সেত্তিংস”কী অকুপ্পা কাঙলোনশিংবু থাদোকপা অমসুং মীয়ামদা মমুৎ তানা খঙহনবা।
5. কাঙলোন, পাউতাক অমসুং মীয়ামদা তাক্নবা ৱারোলশিং অসি হকশেল অমসুং য়াইফ য়ুম্বাল মন্ত্রালয়গী ৱেবসাইত (https://www.mohfw.gov.in/)কী  “বিহেভিয়রেল হেল্থ – সাইকোসোসিএল হেল্পলাইন”গী মখাদা ফংগনি।
6. নিমহান্সনা (আই.জি.ও.তি.)- দিকশা প্লেৎফোর্মগী খুত্থাংদা হকশেল থৌমীশিংদা সাইকোসোসিএল সপ্পোর্ত অমসুং ত্রেনিং পীদুনা ওনলাইন কেপাসিতী বিলদিং তৌবা।

মথক্তা পনখ্রিবশিং অসিগী মথক্তা, সরকারনা ইং ২০২২-২৩গী বজেত্তা লৈবাক অসিদা মগুন লৈবা মেন্তেল হেল্থ কাউন্সেল্লিং অমসুং কেয়র ফংবগী থৌওং হেন্না ফগৎহন্নবা “নেস্নেল তেলি মেন্তেল হেল্থ প্রোগ্রাম” অমসু লাউথোকখ্রবনি।

দাক্তর, নর্স, পেরামেদিকেল হেল্থ ৱর্কর, কম্ম্যুনিতী হেল্থ ৱর্কর অমসুং অতোপ্পা ফ্রন্তলাইন ৱর্করশিংদা কোবিদকী মতুংদা থোকপা মেন্তেল হেল্থকী শিংনবশিংনা শোকহল্লবা মীওইশিংদা সাইকোসোসিএল সপ্পোর্ত পীবদা তঙাই ফদবা লৌশিং অমসুং স্কিল লৈহন্নবগীদমক্তা পোস্ত কোবিদ মেন্তেল হেল্থ ইস্যুগা মাইয়োক্নবা ঙম্নবগীদমক্তা হেল্থকেয়র পীবশিংগী ওইবা পাক শনবা ত্রেনিং মোদ্যুল অমা সরকারনা শেমখ্রে।

 

ৱারোল অসি হকশেল অমসুং য়াইফ য়ুম্বালগী কেন্দ্রগী রাজ্য মন্ত্রী, দাঃ ভারতী প্রবিন পৱারনা ঙসি রাজ্য সভাদা অইবা পাউখুম ওইনা পীখিবনি।

 

****

(Release ID: 1813780) Visitor Counter : 159