جناب راج کے ملہوترا، چیئرمین، ای پی سی ایچ، ڈاکٹر راکیش کمار، ڈائریکٹر جنرل، ای پی سی ایچ اور چیئرمین،آئی ای ایم ایل؛ممبر آف کمیٹی ایڈمنسٹریشن، ای پی سی ایچ اور جناب آر کے ورما،ایگزیکٹیو ڈائریکٹر، ای پی سی ایچ کی موجودگی میں آئی ایچ جی ایف دہلی میلے کا 53 واں ایڈیشن آج اختتامی تقریب اور بہترین ڈسپلے ایوارڈز کے ساتھ اختتام پذیر ہوا ۔

ایک کامیاب میلے کے لیے اپنی  نیک خواہشات میں، عزت مآب وزیر اعظم جناب نریندر مودی نے کہا، ‘‘ہمارادستکاری کا شعبہ تنوع میں وحدت اور ہمارے معاشرے اور ثقافت کی زرخیزی  اور تحرک  کی عکاسی کرتا ہے۔ ہمارازورہمارے محنتی کاریگروں کے لیے مارکیٹ کے وسیع مواقع فراہم کرنے پرہے’’۔انہوں نے مزید کہا،‘‘ہماری حکومت پختہ یقین رکھتی ہے کہ ٹیکنالوجی کی اپ گریڈیشن اس کی توسیع کی کلید ہے۔ ہم نے اس شعبے میں مزیدتحقیق اور اختراع کے لیے فیصلہ کن اقدامات کیے ہیں اور مینوفیکچررز کو مزید صارف دوست اور پائیدار مصنوعات تیار کرنے میں مدد کی ہے۔

بین الاقوامی سورسنگ کمیونٹی کی سرپرستی میں، عالمی سطح پر سراہا جانے والاآئی ایچ جی ایف دہلی میلہ نےاپنے 2596 نمائش کنندگان کے ساتھ علاقائی نمائشوں اور متعدد معاون تقریبات کا مشاہدہ کیا۔ پائیداری سرفہرست رہی ہے کیونکہ بہت سے خریداروں نے گھریلو اور طرز زندگی کی مصنوعات میں ماحول دوست اور موافق رینج کی تلاش کی۔ بہت سے لوگوں نے کہا کہ وہ ‘کچی’اور‘قدرتی’ شکل کو پسند کرتے ہیں اور اس بار میلے میں ان کے فراہم کنندگان نے فطرت سے تیار کردہ کاسٹ آف مواداور مشتقات میں مزید اختیارات پیش کیے ہیں۔ یوروپی خریداروں نے گھریلو مصنوعات کے علاوہ پلاسٹک کے متبادل کے طور پر باقاعدہ استعمال کے دلچسپ تھیلے حاصل کیے ہیں۔ جوٹ، بھنگ، دریا کے کنارے موٹے گھاس، گنے اور بانس وغیرہ سے بنی بہت سی منتخب ٹوکریاں اور گھریلو استعمال کی اشیاء میلے میں نمائش کنندگان بھی پائیداری کی طرف یکساں طور پر مائل رہے ہیں اور بہت سے امکانات کے ساتھ خریداروں کو حیران کر دیا ہے۔

 

جناب آر کے ملہوترا، چیئرمین، ای پی سی ایچ، نے کہا،‘‘ہمارے خریدار یہ دیکھ کر خوش ہوئے ہیں کہ ہم ماحول کو بچانے کے لیے عالمی تشویش کا اشتراک کرتے ہیں۔ انہوں نے عصری اور سجیلا کین اور بانس کے دستکاری، گھریلو آرائشی سامان، فرنیچر اور فرنشننگ، فن پارے، خشک پھول اور پوٹپوری، قدرتی فائبر کی مصنوعات، ہاتھ سے تیار کردہ فیشن کے زیورات اور لوازمات وغیرہ کو ہمارے نمائش کنندگان کی طرف سے نمائش کے لیے پسند کیا ہے اور یہ سب اس بات کی تصدیق کرتے ہیں بین الاقوامی منڈیوں میں آنے والے غالب رجحانات  ہیں جس کی وجہ سے ان کی زیادہ مانگ ہے۔ ’’

ڈاکٹر راکیش کمار، ڈائرکٹر جنرل،ای پی سی ایچ اور چیئرمین،آئی ای ایم ایل، نے کہا،‘‘آج، جب کہ ہندوستان میں بہت سے مستحکم فریق (مینوفیکچررز/برآمد کنندگان) نے سماجی اور ماحولیاتی طور پر ذمہ دار اور تعمیل کرنے کے لیے فیصلہ کن اقدامات کیے ہیں، اور وہ سند یافتہ ہیں۔ نچلی سطح پر بہت سے کاریگر اور صنعت کار ہیں جن کا کاروباری ماڈل بنیادی طور پر پائیداری پرمرکوز ہے۔ہم نے انہیں اس میلے کے ذریعہ سامنے لایا ہے۔’’

92 ممالک سے تقریباً 4856 خریداروں اور خریداروں کے نمائندوں نے میلے کا دورہ کیا جس کے نتیجے میں3650 کروڑ روپے مالیت کی کاروباری پوچھ گچھ ہوئی۔جناب آر کے ورما، ایگزیکٹو ڈائریکٹر،ای پی سی ایچ نے بتایا۔امریکہ، برطانیہ، متحدہ عرب امارات، فرانس، جرمنی، نیدرلینڈز، آسٹریا، بیلجیم، یونان ،اٹلی،سویڈن، اسپین، روس، جاپان، آسٹریلیا، چین، سنگاپور، جنوبی افریقہ، اسرائیل، سعودی عرب، ترکی، کینیڈا،برازیل اور بہت سے ممالک سے خریداروں نے دورہ کیا ۔

اجے شنکراور پی این سوری میموریل ایوارڈ برائے بہترین ڈیزائن ڈسپلے چھ پروڈکٹ کیٹیگریز میں دیے گئے۔ ایک خصوصی کیٹیگری ایوارڈ بھی دیا گیا:

اجے شنکر میموریل ایوارڈز

لیمپ، لائٹنگ اور لوازمات کے زمرے میں

ایم /ایس سٹی کرافٹ کارپوریشن،مراد آباد (گولڈ) کے دانش کو اور ایم ایس آر ایچ کلیکشن انڈیا ،(مرادآباد سلور)کےعبداللہ حسین کو ایوارڈ دیا گیا۔

گھریلو ٹیکسٹائل، فرنشننگ اور فرش کورنگ میں

ایم /ایس الفا کارپوریشن، لدھیانہ (گولڈ) کے آیوش بہل اور چراغ اورایم ایس سین انسین، جے پور (سلور) کی محترمہ ثانیہ پرنامی نے ایوارڈ حاصل کیا۔

کرسمس کی سجاوٹ اور تہوار کی سجاوٹ میں

ایم /ایس سمرن ایکسپورٹ انکارپوریشن،نئی دہلی (گولڈ) کے سمرن سنگھ سچدیو اور میسرز دی سوریا ایکسپورٹس، نئی دہلی (سلور) کے اوم پرکاش گپتا کو ایوارڈ دیا گیا۔

فیشن جیولری اور لوازمات کے زمرے میں

یہ ایوارڈایم ایس ڈی ڈبلیو ایس جویلری پی وی ٹی کے کلدیپ سنگھ کو دیا گیا۔ لمیٹڈ، جے پور (گولڈ) اور

دیوان پٹودیا آف ایم ایس پٹودیا آرگنکس ایل ایل پی، کولکتہ (سلور)کو بھی ایوارڈ دیا گیا۔

پی این سوری میموریل ایوارڈز

ہاؤس ویئر، ٹیبل ویئر، کچن ویئر اور ہوٹل ویئر (بشمول ای پی این ایس) کے زمرے میں

ایم /ایس ادھارو انٹرنیشنل، مراد آباد (گولڈ) کے کرن کپور اور ایم/ایس کے اوردیویندر اہلاوت آف ڈیسٹینی  کریشنز پرائیویٹ لمیٹڈنئی دہلی(سلور) کو ایوارڈ دیا گیا۔

فرنیچر، فرنیچر ہارڈ ویئر اور لوازمات میں

ایم/ایس آر آر اوورسیز، مراد آباد (گولڈ) کے راہل اور دیپک بھاردواج اورایم /ایس لاریہ آرٹ پیلس پرائیویٹ لمیٹڈ جودھ پور (سلور) کے امن مہتا کو ایوارڈ دیا گیا۔

خصوصی زمرہ ایوارڈ پائیدار دستکاری

یہ ایوارڈ ایم/ایس بونافائیڈ ایکسپورٹس، جودھپور کے بیرندر کمار بنگانی نے وصول کیا۔

 

 

 

ای پی سی ایچ ایک نوڈل ایجنسی ہے جو ملک سے دنیا کے مختلف مقامات پر دستکاری کی برآمدات کو فروغ دیتی ہے اور بیرون ملک ہندوستان کی تصویر کو دستکاری کے اعلیٰ معیار کے سامان اور خدمات کے قابل بھروسہ فراہم کنندہ کے طور پر پیش کرتی ہے۔ سال 21-2020 کے دوران دستکاری کی برآمدات 25679.98 روپے ( 3459.75 ملین امریکی ڈالر) اور اپریل تا فروری 22-2021 کے دوران تخمینی برآمدات 29626.96کروڑ روپے(3981.72 ملین امریکی ڈالر)ہے 22-2021 کے گیارہ مہینوں کے دوران ۔

*************

 

 

ش ح ۔ ا ک ۔ م ش

U. No.3739

(Release ID: 1813074) Visitor Counter : 195