প্রধান মন্ত্রী, শ্রী নরেন্দ্র মোদীনা এপ্রিল ১দা নই দিল্লীগী তাল্কাতোরা স্তেদিয়মদা হাইব্রিদ মোদতা পরিক্সা পে চর্চাগী ৫শুবা এদিশনদা মহৈরোইশিং, ওজাশিং অমসুং অহল-লমনশীংগা ৱারী-ৱাতাই শানরগনি। 

মমাংদা নিংথৌকাবা নিমিত্তা, নই দিল্লীদগী পরেক্সা পে চর্চা ২০২২গী মতাংদা প্রেসস কনফরেন্স অমদা ৱা ঙাংলদুনা, কেনদ্রগী এজুকেশন মন্ত্রী, শ্রী ধর্মেন্দ্র প্রধাননা পি.পি.সি. ২০২২বু মীয়ামগী খোংজং অমা ওইহন্নবা হায়খি। মন্ত্রী অসিনা রাজ্য অমসুং য়ু.তি.শিংগী রাজ ভাৱনশিংনা প্রোগ্রাম অসিদা ভর্চুৱল ওইনা শরুক য়ারগনি  অমসুং খনগৎলবা মহৈরোইশিং অদু রাজ্যগী গোবর্নরশিংনা অখন্নবা কিৎশিং পীরগনি হায়নসু খঙহল্লকখি।

 

২১শুবা চহি চাগী নোলেজদা য়ুমফম ওইবা ইকোনোমী শেম্বদা পি.পি.সি.গুম্বা অনৌবা খোংথাংশিং অসিগী মরু ওইবা অদু পল্লদুনা, শ্রী প্রধাননা হায়খি মদুদি পি.পি.সি. অসি প্রধান মন্ত্রীনা মহৈরোইশিংগা হকথেংননা ৱারী শানবগী ফোর্মল ওইবা ইনস্তিত্যুশন অমা ওইরক্লি।  

 

শ্রী প্রধাননা নই দিল্লীদা পাংথোকখিবা মহাক্কী প্রেস কনফরেন্স অদুদা পরিক্সা পে চর্চা অসি নহারোলশিংগীদমক্তা স্ত্রেস লৈতবা এতমোসফিয়র অমা শেমগৎনবা প্রধান মন্ত্রী , শ্রী নরেন্দ্র মোদীনা লুচিংদুনা শেমখিবা অচৌবা খোংজং- ‘একজাম ৱারিয়র্স’কী শরুক অমনি। মসিগী খোংজং অসি অঙাং খুদিংমক্কী মশা-মশাগি ওইবা তোপ-তোপ্পা মগুনশিং অদুবু  মতিং ফুদোকপা ঙমগদবা এনভাইরনমেন্ত অমা শেমগৎনবা মহৈরোইশিং, অহল-লমনশিং, ওজাশিং অমসুং খুনাই অসিবু অমত্তা ওইনা পুনশিন্ননবা পি.এম.না হোৎনরিবশিং অদুগী হোৎনজমন্না থৌগৎলিবনি।

 

“ওরিশাদগী মহৈরোই ২৬০০০, ওজা ৫০০০ অমসুং অহল-লমন ১২০০ মুক্না ভর্চুৱল ওইনা প্রোগ্রাম অদুদা শরুক য়ারগনি”, হায়না পি.আই.বি. ভুবনেস্বরগী দিপ্যুত দাইরেক্তর, দা. গিরিশ চন্দ্র দাশনা ভুবনেস্বরদা প্রেস কনফরেন্স অমদা হায়খি।

ক্রিয়েতিব রাইতিং কমপিতিশনদা শরুক য়ারিবশিংগী খনবগী থৌওং অদুগী মতাংদা হায়রদুনা, মহাক্না হায়খি, “মহৈরোইশিং, ওজাশিং অমসুং অহল-লমনশিং অদু থিম কয়া অমগী মতাংদা ওনলাইন করইয়েতিব রাইতিং কমপিতিশন অমদা য়ুমফম ওইরগা খনখিবনি। কমপিতিশন অদু ২০২১গী দিসেম্বর ২৮দগীনা ২০২২গী ফেব্রৱারী ৩ ফাওবা মাইগোব প্লেতফোর্মগী খুত্থাংদা পাংথোককবনি।”

রেকোর্দশিং অদুগী মতুং ইন্না ক্রিয়েতিব রাইতিং কমপিতিশন অসিগীদমক্তা পার্তিসিপেন্ত লাখ ১৫.৭কী মথক্তা রেজিস্তর তৌরকখি। “মাইগোবদা পাংথোকখিবা কমপিতিশনশিং আদুগী খুত্থাংদা ওরিশাদগী ৫৬ য়াওনা চাউরাক্না পার্তিসিপেন্ত ২০৫০ মুক খনখি। মখৌয়শিং অদু সার্তিফিকেত ওফ এপ্রিসিয়েশন অমসুং প্রধান মন্ত্রীনা ঈবা একজাম ৱারিয়র্স লাইরিকসু বাওবা অখন্নবা পরিক্সা পে চর্চা কিৎ অমা খুদোল তৌরগনি,” হায়না দা. দাশনা হায়খি।

 

ঙসি, প্রধান মন্ত্রী, শ্রী নরেন্দ্র মোদীনা হন্দক্কী চহিগী পরিক্সা পে চর্চাগি মাইকৈদা মী লাখ কয়া অমনা থাৱাই য়াওবা উৎলকপা অসিবুসু থাগৎখি। ত্বীত অমদা, পি.এম.না হায়খি, “হন্দক্কী চহিগী পরিক্সা পে চর্চাদা থৱাই য়াওবা উৎলক্লিবা অসি য়াম্না শিংথাংনিংঙাই ওই। মী লাখ কয়া অমনা মখোয়গী মমল য়াম্লবা লৌশিংশিং অমসুং থেংনরকখিবশিং অদুবু শিয়র তৌরকখি। ঐহাক্না মসিদা শরুক য়াখিবা মহৈরোইশিং, অহল-লমনশিং অমসুং ওজাশিংবু থাগৎচরি। এপ্রিল অমদা পাংথোক্কদবা প্রোগ্রাম অদুগীদমক্তা খৌরাংনা ঙাইরি।”

হন্দক্কী পি.পি.সি. ২০২২ অসিদি ভারত শিনবা থুংনা খক্ত নত্তনা অতোপ্পা লৈবাকশিংদা লৈরিবা ইন্দিয়ন দাইসপোরাদসু য়ৌশিন্দুনা স্ত্রীম তৌরগনি। থৌরম অদু দুর্দর্শনদা, রেদিও চেনেলশিং, তি.ভি. চেনেলশিংদা, ইদুমিনওফইন্দিয়াদা, নরেন্দ্রমোদি, পিএমওইন্দিয়া, পিআইবিইন্দিয়া, দুর্দর্শন নেস্নেল, মাইগোবইন্দিয়া, দিদিন্যুজ, রাজ্যসভা তিভি, স্বয়ম প্রভাগী য়ুত্যুব চেনেলশিং য়াওনা দিজিতেল মীদিয়াদা লাইব তেলিকাস্ত ওইনা থাদোক্লগনি।

****

(Release ID: 1811888) Visitor Counter : 135