•         ਫਿਲਮ ਡਿਵੀਜ਼ਨ, ਫਿਲਮ ਫੈਸਟੀਵਲ ਡਾਇਰੈਕਟੋਰੇਟ, ਨੈਸ਼ਨਲ ਫਿਲਮ ਆਰਕਾਈਵਜ਼ ਆਵ੍ ਇੰਡੀਆ ਅਤੇ ਚਿਲਡਰਨ ਫਿਲਮ ਸੋਸਾਇਟੀ, ਇੰਡੀਆ ਦੇ ਅਧਿਕਾਰ ਐੱਨਐੱਫਡੀਸੀ ਨੂੰ ਤਬਦੀਲ ਕੀਤੇ ਗਏ

•         2026 ਤੱਕ ਫਿਲਮ ਸੈਕਟਰ ਦੀ ਮਦਦ ਲਈ 1304.52 ਕਰੋੜ ਰੁਪਏ ਅਲਾਟ ਕੀਤੇ

•         ਅਸਾਸਿਆਂ ਦੀ ਮਲਕੀਅਤ ਭਾਰਤ ਸਰਕਾਰ ਦੇ ਪਾਸ ਰਹੇਗੀ

•         ਬ੍ਰਾਂਡ ਨਾਮ "ਫਿਲਮਸ ਡਿਵੀਜ਼ਨ" ਨੂੰ ਬਰਕਰਾਰ ਰੱਖਿਆ ਗਿਆ ਹੈ

•         ਵਿਦੇਸ਼ਾਂ ਦੇ ਨਾਲ ਆਡੀਓ-ਵਿਜ਼ੂਅਲ ਸਹਿ-ਉਤਪਾਦਨ ਅਤੇ ਭਾਰਤ ਵਿੱਚ ਵਿਦੇਸ਼ੀ ਫਿਲਮਾਂ ਦੀ ਸ਼ੂਟਿੰਗ ਨੂੰ ਉਤਸ਼ਾਹਿਤ ਕਰਨ ਲਈ ਵਿੱਤੀ ਪ੍ਰੋਤਸਾਹਨ

ਸੂਚਨਾ ਅਤੇ ਪ੍ਰਸਾਰਣ ਮੰਤਰਾਲੇ ਨੇ ਅੱਜ ਤਿੰਨ ਵੱਖ-ਵੱਖ ਹੁਕਮਾਂ ਰਾਹੀਂ ਦਸਤਾਵੇਜ਼ੀ ਅਤੇ ਲਘੂ ਫਿਲਮਾਂ ਦੇ ਨਿਰਮਾਣ, ਫਿਲਮ ਫੈਸਟੀਵਲਾਂ ਦੇ ਆਯੋਜਨ ਅਤੇ ਫਿਲਮਾਂ ਦੀ ਸੰਭਾਲ਼ ਦੇ ਅਧਿਕਾਰ ਮੰਤਰਾਲੇ ਦੇ ਅਧੀਨ ਕੰਮ ਕਰਨ ਵਾਲੇ ਜਨਤਕ ਖੇਤਰ ਦੇ ਅਦਾਰੇ (PSU) ‘ਨੈਸ਼ਨਲ ਫਿਲਮ ਡਿਵੈਲਪਮੈਂਟ ਕਾਰਪੋਰੇਸ਼ਨ’ (NFDC) ਨੂੰ ਸੌਂਪ ਦਿੱਤੇ ਹਨ। ਇਨ੍ਹਾਂ ਸਾਰੀਆਂ ਗਤੀਵਿਧੀਆਂ ਨੂੰ ਇੱਕ ਪ੍ਰਬੰਧ ਅਧੀਨ ਲਿਆਉਣ ਨਾਲ ਵੱਖ-ਵੱਖ ਗਤੀਵਿਧੀਆਂ ਦੇ ਓਵਰਲੈਪ ਨੂੰ ਘਟਾਇਆ ਜਾਵੇਗਾ ਅਤੇ ਜਨਤਕ ਸਰੋਤਾਂ ਦੀ ਬਿਹਤਰ ਵਰਤੋਂ ਨੂੰ ਯਕੀਨੀ ਬਣਾਇਆ ਜਾਵੇਗਾ। ਫੀਚਰ ਫਿਲਮਾਂ ਦੇ ਨਿਰਮਾਣ ਪਹਿਲਾਂ ਹੀ NFDC ਦੁਆਰਾ ਕੀਤਾ ਜਾ ਰਿਹਾ ਹੈ। ਇਹ ਫੀਚਰ ਫਿਲਮਾਂ, ਦਸਤਾਵੇਜ਼ੀ ਫਿਲਮਾਂ, ਬਾਲ ਫਿਲਮਾਂ ਅਤੇ ਐਨੀਮੇਸ਼ਨ ਫਿਲਮਾਂ ਸਮੇਤ ਸਾਰੀਆਂ ਸ਼ੈਲੀਆਂ ਦੀਆਂ ਫਿਲਮਾਂ ਦੇ ਨਿਰਮਾਣ ਨੂੰ ਮਜ਼ਬੂਤ ਹੁਲਾਰਾ ਦੇਵੇਗਾ; ਵੱਖ-ਵੱਖ ਅੰਤਰਰਾਸ਼ਟਰੀ ਤਿਉਹਾਰਾਂ ਵਿੱਚ ਭਾਗ ਲੈਣ ਅਤੇ ਵੱਖ-ਵੱਖ ਘਰੇਲੂ ਤਿਉਹਾਰਾਂ ਦੇ ਆਯੋਜਨ ਦੁਆਰਾ ਫਿਲਮਾਂ ਦਾ ਪ੍ਰਚਾਰ; ਫਿਲਮੀ ਸਮੱਗਰੀ ਦੀ ਸੰਭਾਲ਼, ਡਿਜੀਟਲਾਈਜ਼ੇਸ਼ਨ ਅਤੇ ਫਿਲਮਾਂ ਦੀ ਬਹਾਲੀ; ਅਤੇ ਵੰਡ ਅਤੇ ਆਊਟਰੀਚ ਗਤੀਵਿਧੀਆਂ, ਇਨ੍ਹਾਂ ਇਕਾਈਆਂ ਕੋਲ ਉਪਲਬਧ ਅਸਾਸਿਆਂ ਦੀ ਮਲਕੀਅਤ, ਭਾਵੇਂ ਭਾਰਤ ਸਰਕਾਰ ਦੇ ਪਾਸ ਹੀ ਰਹੇਗੀ।

ਅੱਜ ਜਾਰੀ ਕੀਤੇ ਗਏ ਹੁਕਮਾਂ ਰਾਹੀਂ, ਦਸਤਾਵੇਜ਼ੀ ਫਿਲਮਾਂ ਦੇ ਨਿਰਮਾਣ ਦਾ ਕਾਰਜ ਜੋ ਪਹਿਲਾਂ ਫਿਲਮ ਡਿਵੀਜ਼ਨ ਦੁਆਰਾ ਕੀਤਾ ਜਾਂਦਾ ਸੀ, ਨੂੰ ਪੂਰੀ ਤਰ੍ਹਾਂ NFDC ਨੂੰ ਤਬਦੀਲ ਕਰ ਦਿੱਤਾ ਗਿਆ ਹੈ। ‘ਫਿਲਮਸ ਡਿਵੀਜ਼ਨ’ ਦੀ ਵਿਰਾਸਤ ਅਤੇ ਬ੍ਰਾਂਡ ਨਾਮ ਨੂੰ ਅੱਗੇ ਵਧਾਇਆ ਜਾਵੇਗਾ ਅਤੇ NFDC ਵਿੱਚ ਦਸਤਾਵੇਜ਼ੀ ਫਿਲਮਾਂ ਦੇ ਨਿਰਮਾਣ ਲਈ ਪ੍ਰੋਡਕਸ਼ਨ ਵਰਟੀਕਲ ਦਾ ਨਾਮ "ਫਿਲਮ ਡਿਵੀਜ਼ਨ" ਰੱਖਿਆ ਜਾਵੇਗਾ।

ਇਸੇ ਤਰ੍ਹਾਂ, ਫਿਲਮ ਫੈਸਟੀਵਲਾਂ ਦੀ ਸੰਸਥਾ ਜੋ ਕਿ ਡਾਇਰੈਕਟੋਰੇਟ ਆਵ੍ ਫਿਲਮ ਫੈਸਟੀਵਲਸ ਦੇ ਅਧੀਨ ਸੀ, ਨੂੰ NFDC ਨੂੰ ਤਬਦੀਲ ਕਰ ਦਿੱਤਾ ਗਿਆ ਹੈ। ਇਹ ਵੱਖ-ਵੱਖ ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਫਿਲਮ ਫੈਸਟੀਵਲਾਂ ਦੇ ਸੰਗਠਨ ਨੂੰ ਇੱਕ ਛੱਤ ਦੇ ਹੇਠਾਂ ਲਿਆਏਗਾ, ਜਿਸ ਨਾਲ ਵਧੇਰੇ ਤਾਲਮੇਲ ਅਤੇ ਕੇਂਦ੍ਰਿਤ ਅੰਤਰਰਾਸ਼ਟਰੀ ਆਊਟਰੀਚ ਆਵੇਗੀ। NFDC ਵੱਲੋਂ ਆਯੋਜਿਤ ਕੀਤੇ ਜਾਣ ਵਾਲੇ ਕੁਝ ਪ੍ਰਮੁੱਖ ਆਗਾਮੀ ਫਿਲਮ ਫੈਸਟੀਵਲਾਂ ਵਿੱਚ ਮੁੰਬਈ ਇੰਟਰਨੈਸ਼ਨਲ ਫਿਲਮ ਫੈਸਟੀਵਲ, ਗੋਆ ਵਿੱਚ ਇੰਟਰਨੈਸ਼ਨਲ ਫਿਲਮ ਫੈਸਟੀਵਲ ਆਵ੍ ਇੰਡੀਆ, ਅਤੇ ਚਿਲਡਰਨ ਫਿਲਮ ਫੈਸਟੀਵਲ ਸ਼ਾਮਲ ਹਨ।

ਨੈਸ਼ਨਲ ਫਿਲਮ ਆਰਕਾਈਵਜ਼ ਆਵ੍ ਇੰਡੀਆ ਦੁਆਰਾ ਸੰਭਾਲ਼ ਨਾਲ ਸਬੰਧਿਤ ਗਤੀਵਿਧੀਆਂ ਨੂੰ ਵੀ NFDC ਨੂੰ ਤਬਦੀਲ ਕਰ ਦਿੱਤਾ ਗਿਆ ਹੈ। ਫਿਲਮਾਂ ਅਤੇ ਦਸਤਾਵੇਜ਼ੀ ਫਿਲਮਾਂ ਦੇ ਡਿਜੀਟਾਈਜ਼ੇਸ਼ਨ ਅਤੇ ਬਹਾਲੀ ਦੇ ਉਦੇਸ਼ ਨਾਲ ਰਾਸ਼ਟਰੀ ਫਿਲਮ ਹੈਰੀਟੇਜ ਮਿਸ਼ਨ ਨੂੰ ਹੁਣ NFDC ਦੁਆਰਾ ਲਾਗੂ ਕੀਤਾ ਜਾਵੇਗਾ।

ਆਡੀਓ ਵਿਜ਼ੁਅਲ ਸੇਵਾ ਵਣਜ ਵਿਭਾਗ ਦੁਆਰਾ ਪਛਾਣੇ ਗਏ 12 ਚੈਂਪੀਅਨ ਸੇਵਾ ਸੈਕਟਰਾਂ ਵਿੱਚੋਂ ਇੱਕ ਹੈ, ਅਤੇ ਸੂਚਨਾ ਅਤੇ ਪ੍ਰਸਾਰਣ ਮੰਤਰਾਲਾ ਇਸ ਸੈਕਟਰ ਲਈ ਨੋਡਲ ਮੰਤਰਾਲਾ ਹੈ। ਆਰਥਿਕਤਾ ਦੇ ਆਡੀਓ-ਵਿਜ਼ੂਅਲ ਸੇਵਾ ਖੇਤਰ ਨੂੰ ਹੋਰ ਉਤਸ਼ਾਹਿਤ ਕਰਨ ਅਤੇ ਰਚਨਾਤਮਕ ਅਤੇ ਤਕਨੀਕੀ ਸੇਵਾਵਾਂ ਨੂੰ ਉਤਸ਼ਾਹਿਤ ਕਰਨ ਲਈ ਵਿਦੇਸ਼ਾਂ ਦੇ ਨਾਲ ਆਡੀਓ-ਵਿਜ਼ੂਅਲ ਸਹਿ-ਉਤਪਾਦਨ ਅਤੇ ਭਾਰਤ ਵਿੱਚ ਵਿਦੇਸ਼ੀ ਫਿਲਮਾਂ ਦੀ ਸ਼ੂਟਿੰਗ ਨੂੰ ਉਤਸ਼ਾਹਿਤ ਕਰਨ ਲਈ ਵਿੱਤੀ ਪ੍ਰੋਤਸਾਹਨ ਨੂੰ ਵੀ ਸਰਕਾਰ ਦੁਆਰਾ ਮਨਜ਼ੂਰੀ ਦਿੱਤੀ ਗਈ ਹੈ। ਇਸ ਦੀ ਅਗਵਾਈ NFDC ਆਪਣੇ ਫਿਲਮ ਫੈਸਿਲੀਟੇਸ਼ਨ ਦਫ਼ਤਰ ਰਾਹੀਂ ਵੀ ਕਰੇਗੀ।

ਭਾਰਤ ਸਰਕਾਰ ਨੇ ਇਨ੍ਹਾਂ ਸਾਰੀਆਂ ਗਤੀਵਿਧੀਆਂ ਲਈ 2026 ਤੱਕ 1304.52 ਕਰੋੜ ਰੁਪਏ ਲਈ ਕਰੋੜ ਰੁਪਏ ਦਾ ਬਜਟ ਅਲਾਟ ਕੀਤਾ ਹੈ, ਜੋ ਕਿ NFDC ਰਾਹੀਂ ਲਾਗੂ ਕੀਤੇ ਜਾਣਗੇ। NFDC ਨੂੰ ਹੋਰ ਮਜ਼ਬੂਤ ਕਰਨ ਲਈ, ਇਹ ਫ਼ੈਸਲਾ ਕੀਤਾ ਗਿਆ ਹੈ ਕਿ ਇਨ੍ਹਾਂ ਗਤੀਵਿਧੀਆਂ ਤੋਂ ਹੋਣ ਵਾਲੀ ਆਮਦਨ ਵੀ NFDC ਕੋਲ ਇਕੱਠੀ ਹੋਵੇਗੀ। ਕਾਰਪੋਰੇਸ਼ਨ ਦੇ ਅਧੀਨ ਫਿਲਮ ਮੀਡੀਆ ਯੂਨਿਟਾਂ ਦਾ ਰਲੇਵਾਂ ਭਾਰਤੀ ਸਿਨੇਮਾ ਦੀਆਂ ਸਾਰੀਆਂ ਸ਼ੈਲੀਆਂ- ਫੀਚਰ ਫਿਲਮਾਂ, ਦਸਤਾਵੇਜ਼ੀ, ਬੱਚਿਆਂ ਦੀ ਸਮੱਗਰੀ, ਐਨੀਮੇਸ਼ਨ ਅਤੇ ਲਘੂ ਫਿਲਮਾਂ ਵਿੱਚ ਇੱਕ ਸੰਤੁਲਿਤ ਅਤੇ ਤਾਲਮੇਲ ਵਾਲਾ ਵਿਕਾਸ ਯਕੀਨੀ ਬਣਾਏਗਾ ਅਤੇ ਮੌਜੂਦਾ ਬੁਨਿਆਦੀ ਢਾਂਚੇ ਅਤੇ ਮਨੁੱਖੀ ਸ਼ਕਤੀ ਦੀ ਬਿਹਤਰ ਅਤੇ ਕੁਸ਼ਲ ਵਰਤੋਂ ਵੱਲ ਅਗਵਾਈ ਕਰੇਗਾ।

ਦਸੰਬਰ, 2020 ਵਿੱਚ, ਕੇਂਦਰੀ ਕੈਬਨਿਟ ਨੇ ਆਪਣੀਆਂ ਚਾਰ ਫਿਲਮ ਮੀਡੀਆ ਇਕਾਈਆਂ, ਜਿਵੇਂ ਕਿ ਫਿਲਮ ਡਿਵੀਜ਼ਨ, ਫਿਲਮ ਫੈਸਟੀਵਲ ਡਾਇਰੈਕਟੋਰੇਟ, ਨੈਸ਼ਨਲ ਫਿਲਮ ਆਰਕਾਈਵ ਆਵ੍ ਇੰਡੀਆ, ਅਤੇ ਚਿਲਡਰਨ ਫਿਲਮ ਸੋਸਾਇਟੀ, ਇੰਡੀਆ ਦਾ ਵਿਸਤਾਰ ਕਰਕੇ ਨੈਸ਼ਨਲ ਫਿਲਮ ਡਿਵੈਲਪਮੈਂਟ ਕਾਰਪੋਰੇਸ਼ਨ ਲਿਮਿਟਿਡ ਵਿੱਚ ਰਲੇਵੇਂ ਦਾ ਫ਼ੈਸਲਾ ਕੀਤਾ ਸੀ। NFDC ਦੀ ਐਸੋਸੀਏਸ਼ਨ ਦੇ ਆਰਟੀਕਲਜ਼ ਦਾ ਮੈਮੋਰੈਂਡਮ, ਜੋ ਫਿਰ ਉਨ੍ਹਾਂ ਦੁਆਰਾ ਤਾਲਮੇਲ, ਗਤੀਵਿਧੀਆਂ ਦੀ ਇਕਸਾਰਤਾ ਅਤੇ ਸਰੋਤਾਂ ਦੀ ਬਿਹਤਰ ਵਰਤੋਂ ਨੂੰ ਯਕੀਨੀ ਬਣਾਉਣ ਦੇ ਉਦੇਸ਼ ਨਾਲ ਹੁਣ ਤੱਕ ਕੀਤੀਆਂ ਗਈਆਂ ਸਾਰੀਆਂ ਗਤੀਵਿਧੀਆਂ ਨੂੰ ਪੂਰਾ ਕਰੇਗਾ। ਮੰਤਰਾਲੇ ਨੇ ਇਸ ਮਹੀਨੇ ਦੇ ਸ਼ੁਰੂ ਵਿੱਚ ਚੇਨਈ ਤੇ ਮੁੰਬਈ ’ਚ ਹੋਈ ਫਿਲਮ ਉਦਯੋਗ ਨਾਲ ਗੱਲਬਾਤ ਵਿੱਚ ਇਨ੍ਹਾਂ ਪ੍ਰਮੁੱਖ ਨੀਤੀਗਤ ਫ਼ੈਸਲਿਆਂ ਨੂੰ ਸਾਂਝਾ ਕੀਤਾ ਸੀ।

 ******

ਸੌਰਭ ਸਿੰਘ