কঞ্জ্যুমর এফিয়র্স বিভাগনা নীংতম্বগী অমৃত মহোৎসবকী শরুক অমা ওইনা ভারত অমসুং মসিগী মীয়ামগী মশক নাইরবা পুৱারী, চৎনবী অমসুং মায় পাকপশিংবু  খুমাং চাউশিনবগী চহি ৭৫ মপুং ফাববু নীংশিংবা অমসুং নুংঙাইবা ফোংদোকপা ওইনা ইং ২০২২গী মার্চ ১৪দগী ২০ ফাওবদা “কঞ্জ্যুমর ইম্পাৱর্মেন্ত ৱিক” পাংথোকখ্রে। থৌরম অসিনা মার্চ ১৫দা তাবা মালেমগী কঞ্জ্যুমরগী হক নুমিত্তা মপা চানখি।

হরাওবা পাংথোকপা থৌরমগী অহানবা নুমিত্তা, বিভাগ অসিগী মখাদা লৈবা ফিল্দ য়ুনিৎশিং, হায়বদি, ব্যুরো ওফ ইন্দিয়ন স্তেন্দর্দ (বি.আই.এস.), ইন্দিয়ন ইন্সতিত্যুৎ ওফ লিগেল মেত্রোলোজী (আই.আই.এল.এম.) রাঞ্চী, নেস্নেল কোওপরেতিব কঞ্জ্যুমর্স ফেদেরেসন ওফ ইন্দিয়া লিমিতেদ (এন.সি.সি.এফ.), নেস্নেল তেস্ত হাউস (এন.তি.ঐচ.) অমসুং রিজনেল রিফরেন্স স্তেন্দর্দ লেবোরেতরীজ (আর.আর.এস.এল.)না রাজ্য/য়ু.তি. ২৩গী খুঙ্গং ৯০দা কঞ্জ্যুমর এৱিয়র্নেস প্রোগ্রাম শীন-লাঙখি। মসিদি বিভাগ অসিনা পাংথোকপা মসিগুম্বা মখলগী অহানবা থৌরম্নি। প্রোগ্রামশিং অসিনা কঞ্জ্যুমর প্রোতেক্সন এক্ত ২০১৯, ইন্দিয়ন স্তেন্দর্দকী খুদম, হোল্মার্ক, সি.আর.এস.কী খুদম, পেক তৌদুনা লাক্লবা পোত্থোকশিংদা য়াওগদবা অকুপ্পা মরোল, মতিক চাবা অরুম্বা অমসুং চাং ওনবগী থৌওং শিজিন্নবা অমসুং কঞ্জ্যুমরগী ৱাকৎ থাংগৎনবা নেস্নেল কঞ্জ্যুমর হেল্পলাইন (এন.সি.ঐচ.)কী মশক থোকপা ৱারোল খঙহনখি। থৌরমশিং অসিদা খুঙ্গংগী মীশিং য়াম্বনা শরুক য়াখি। মফম খরদদি, লোকেলগী লৈঙাক্লোই অমসুং অতোপ্পা ইনফ্লুএন্সরশিংসু থৌরম অসিদা শরুক য়াখি। থৌরমশিং অসি লোকেল মিদিয়ানা মফম অয়াম্বদা কভরেজ পীখি। কঞ্জ্যুমরগী হক অমসুং বিভাগ অসিনা লৌখৎপা খোঙথাং কয়াগী মতাংদা মীয়ামদা খঙহন্নবা মাইগোভ প্লেৎফোরমদা থা অমা চুপ্না চত্থগবা ক্বিজ চাংদম্নবা অমসু হৌদোকখি।

বিভাগ অসিনা ইং ২০২২গী মার্চ ১৫দা মালেমগী কঞ্জ্যুমরগী হক নুমিৎ পাংথোকখি। মান্নবা থৌরম অমসু নই দিল্লীদা শীন লাঙখি অমসুং থৌরমগী থীম্না “ফেয়র দিজিতেল ফাইনান্স” ওইখি। থৌরম অসিবু কম্মর্স, ফুদ অমসুং পব্লিক দিস্ত্রিব্যুসন, তেক্সতাইল অমদি কম্মর্স অমসুং ইন্দস্ত্রীগী কেন্দ্র মন্ত্রী শ্রী পিয়ূশ গোয়লনা শরুক য়াখি। কঞ্জ্যুমর এফিয়র্স, ফুদ অমসুং পব্লিক দিস্ত্রিব্যুসন অমসুং ইনভাইরনমেন্ত, ফোরেস্ত অমসুং ক্লাইমেত চেঞ্জকী রাজ্য মন্ত্রী, শ্রী অশ্বিনি কুমার চৌবে; কঞ্জ্যুমর এফিয়র্স, ফুদ অমসুং পব্লিক দিস্ত্রিব্যুসন অমসুং রুরেল দিভেলপমেন্তকী রাজ্য মন্ত্রী, কুমারী সাদভী নিরঞ্জন জ্যোতী; নেস্নেল কঞ্জ্যুমর দিস্প্যুৎস রিদ্রেসেল কম্মিসন (এন.সি.দি.আর.সি.)গী প্রসিদেন্ত, শ্রী জস্তিস আর.কে. অগর্ৱাল; ইনফোসীসকী নন-একজেক্যুতিব চেয়রমেন, শ্রী নন্দন নিলেকানী অমসুং অতোপ্পা অথোইবা মীওইশিংনা থৌরম অসিদা শরুক য়াখি। শ্রী রোহিৎ কুমার সিংহ, সেক্রেতরী; মিস নিধি খারে, এদিস্নেল সেক্রেতরী; শ্রী জি. স্রিনিবাস, এদিস্নেল সেক্রেতরী অমসুং ফাইনেন্সিএল এদভাইজর; অমসুং বিভাগ অমসুং মসিগী লুপশিংগী সেনিয়র ওফিসরশিংনসু থৌরম অসিদা শরুক য়াখি।

থৌরম অসিদা ৱা ঙাংবদা, কম্মর্স, ফুদ অমসুং পব্লিক দিস্ত্রিব্যুসন, তেক্সতাইল অমদি কম্মর্স অমসুং ইন্দস্ত্রীগী কেন্দ্র মন্ত্রী, শ্রী পিয়ুশ গোয়লনা মথৌ নীংথিনা পাংথোক্কদবা আইনবু নীংথিনা চলায়বসি কঞ্জ্যুমরগী অপাম্ববু ঙাক-শেনবা অমসুং মগুন লৈবা পোত্থোক পুথোক্নবা পুক্নিং থৌগৎপগী মথৌ তাই হায়খি। অদুবু আইনগী কাঙলোনশিংনা কারবার পীনা তৌজবা মীওইশিংদা অৱাবদি পীহল্লোইদবনি হায়না মহাক্না মখা তাখি। লিগেল মেত্রোলোজী এক্তকী অখন্নবা কাঙলোন খরা দিক্রিমেনেলাইজ তৌবগী তঙাই ফদবা লৈবগী ৱাফম পল্লদুনা মহাক্না তোঙানবা ওথোরিতীশিংনা কঞ্জ্যুমরগী অপাম্বা ঙাক-শেন্নবা লৌখৎখিবা খোঙথাং কয়াবু থাগৎখি। মহাক্না স্তেকহোলদরশিংনা দিক্রিমিনেলাইজেসনগী মতাংদা মমুৎ তানা খন্ন-নৈননবা খঙহনখি।

থৌরম অসিগী অথোইবা মীথুংলেন, শ্রী নন্দন নিলেকানীনা অহোংবা নাইরক্লিবা দিজিতেল প্লেৎফোর্মগা লোয়ননা অহোংবা পুরক্তুনা চৎমিন্নবগী তঙাই ফদবদা মিৎয়েং চঙখি অমসুং দিজিতেল প্রোতোকোলশিংনা লুবা হেনগৎলকপগা লোয়ননা মীয়াম্না কঞ্জ্যুমরগী ৱাকৎ থাংগৎপগী হেন্না কমপ্লেক্স ওইবা থৌওংগীদমক্তা শেম শাদুনা লৈগদবনি অমসুং মসিগী ওইনদি সরকারনা মপুং ওইবা থৌরাং লৌখৎফম থোকই হায়না মহাক্না পনখি। হীরম অসিগা মরী লৈননা, আর্তিফিসিএল ইন্তেল্লিজেন্স অমসুং স্পীচ তু স্পীচ, স্পীচ তু তেক্স অমসুং তেক্স তু স্পীচকী ওপন প্লেৎফোর্ম শিজিন্নদুনা কঞ্জ্যুমরগী ৱাকৎ থেংনবগী থৌওংগী মওং হোংদোকপা অমসুং থৌওং অসি তোঙানবা লোলশিংদসু ফংহনবগী তঙাই ফদবা লৈরিবা অসিদা মহাক্না মিৎয়েং চঙখি। ঙসিগী দিজিতেল ত্রাঞ্জেক্সন অসিদি মলতি পার্তী ওইরে অমসুং অসিগুম্বা ৱাকৎশিংগী ৱারোইশিন পুরকপা হায়বসিদসু মলতি পার্তীগী তঙাই ফদবা লৈগনি হায়না মহাক্না ফোংদোকখি। দিজিতেল ফাইনান্সকী পাক চাউবা অমসুং খোঙজেলনা হান্না অমুক্তা উখিদ্রিবা মওংদা হেনগৎলক্লি, ভারতনা ৱাকৎশিংগী ৱারোইশিন পুরকপগী অনৌবা য়ুগ অমা তরাম্না ওক্কদবনি অমসুং ভারত মচা খুদিংনা খুদোংচাবা অসি ফংহনগদবনি।

কঞ্জ্যুমর এফিয়র্স, ফুদ অমসুং পব্লিক দিস্ত্রিব্যুসন অমসুং রুরেল দিভেলপমেন্তকী রাজ্য মন্ত্রী, কুমারী সাদভী নিরঞ্জন জ্যোতীনা মহাক্কী কীনোত ৱাঙাংদা দিজিতেল তেক্নোলোজী অমসুং কারবারগী অনৌবা মোদেলশিংনা লাইরবশিংদা য়ৌশিনবা ঙম্বা অমসুং শেল-থুমগী সেবাশিংদা হান্নবা য়াওবা ফংলমদ্রবা ইমুংশিংদা য়ৌবগী থৌওংদা অহোংবা পুরক্লি হায়না ফোংদোকখি। সরকারনা ফাইনেন্সিএল ইনক্লুজন পাক শন্না লৈহন্নবা মতম পুম্বদা হোৎনদুনা লাক্লি অমসুং কোবিদকী তেংবাং ওইবা প্রোগ্রাম কয়া ফংবশিংনা য়ু.পি.আই.দা ত্রাঞ্জেক্সন পাংথোকপদা মশিং হেনগৎলক্লিবা অসিদা মসিগী মমি ময়েক শেংনা তারি। দিজিতেল ফাইনান্সপু হেন্না নুংঙাইহনবা, অশোয় অঙাম য়াওহন্দবা অমসুং কঞ্জ্যুমরশিংগীদমক্তা তেক্ত কায়দবা ওইহন্নবগীদমক্তা ঐখোয় পুন্না হোৎনগদবনি হায়না মহাক্না মখা তাখি।

কঞ্জ্যুমর এফিয়র্স, ফুদ অমসুং পব্লিক দিস্ত্রিব্যুসন অমসুং ইনভাইরনমেন্ত, ফোরেস্ত অমসুং ক্লাইমেত চেঞ্জকী রাজ্য মন্ত্রী, শ্রী অশ্বিনি কুমার চৌবেনা কঞ্জ্যুমরবু ঙাক শেনবা অমসুং মপাঙ্গল হাপ্পদা অহেনবা মিৎয়েং থম্বা অনৌবা থৌওং চেনবা কাঙলোন শেম্বগী থৌওং, দিজিতেল ফাইনান্স সর্ভিস অমসুং প্রদক্তশিং লৈহনবগী তঙাই ফদবা লৈ হায়না ফোংদোকখি।

বিভাগ অসিনা নীংতম্বগী অমৃত মহোৎসবকী হরাওবা ফোংদোকপগা মরী লৈনবা থৌরম পাংথোক্লিবা অসিগী শরুক ওইনা শেমখিবা ভর্চুএল একজিবিসন  অমা কঞ্জ্যুমর এফিয়র্স, ফুদ অমসুং পব্লিক দিস্ত্রিব্যুসন অমসুং ইনভাইরনমেন্ত, ফোরেস্ত অমসুং ক্লাইমেত চেঞ্জকী রাজ্য মন্ত্রী, শ্রী অশ্বিনি কুমার চৌবে; কঞ্জ্যুমর এফিয়র্স, ফুদ অমসুং পব্লিক দিস্ত্রিব্যুসন অমসুং রুরেল দিভেলপমেন্তকী রাজ্য মন্ত্রী, কুমারী সাদভী নিরঞ্জন জ্যোতীনা শঙ্গাখি। ভর্চুএল একজিবিসন অসিনা সাইন্তিফিক ওর্গনাইজেসন অহুম - ব্যুরো ওফ ইন্দিয়ন স্তেন্দর্দ (বি.আই.এস.), নেস্নেল তেস্ত হাউস (এন.তি.ঐচ.) অমসুং রিজনেল রিফরেন্স স্তেন্দর্দ লেবোরেতরীজ (আর.আর.এস.এল.) অসিনা কঞ্জ্যুমরগী হক ঙাক শেন্নবা অমসুং খুমাং চাউশিলহনবগী পান্দমগা লোয়ননা মতৌ করম্না ওইরকখিবা অমসুং মখোয়না পাংথোকখিবা থবকশিংগী মরমদা তাক্লি।

 “ফেয়র দিজিতেল ফাইনান্স”কী পেনেল দিসকসন অমসু পাংথোকখি। মসিবু প্রোমোসন ওফ ইন্দস্ত্রী অমসুং ইন্তর্নেল ত্রেদ বিভাগকী সেক্রেতরী, শ্রী অনুরাগ জেন্না লুচিংখি। মসিগী মতুংদা, কঞ্জ্যুমর কম্মিসনশিংদা মতম য়াম্না লৌবগী হীরম খন্নবগী ৱারোইশিন পুরকপগী তেক্নিকেল সেসন অমসু পাংথোকখি। সেসন অসিবু কঞ্জ্যুমর এফিয়র্স বিভাগকী এদিস্নেল সেক্রেতরী, মিস নিধী খারেনা লুচিংখি। মখা তারকপদা, ৱাকৎ য়েংশিনবগী মতাংদা চয়েৎনবা থৌওং লৈতনা ই-ফাইলিং শিজিন্নবগী মতাংদা সেসন অমসু পাংথোকখি। সেসন অসিবু প্রোফ (দাঃ) ভি. ভিজয়কুমার, ভোপাল নেস্নেল লো য়ুনিভর্সিতীগী ভাইস চান্সেল্লরনা লুচিংখি। খ্বাইদগী অকোনবা তেক্নিকেল সেসন অসিনা কঞ্জ্যুমরগী ৱাকৎ তাবগী পথাপ্তা মেদিএসন তৌববু হেন্না মমিং চৎহনবগী মতাংদা খন্নখি। সেসন অসিবু বেঙ্গালোরগী নেস্নেল লো য়ুনিভর্সিতীগী ভাইস চান্সেল্লর, শ্রী সুধি কৃষ্ণস্বামীনা লুচিংখি। সেসনশিং অসিদা তোঙান-তোঙানবা লমগী (রাজ্য অমসুং জিলাগী কঞ্জ্যুমর দিস্প্যুৎ রিদ্রেসেল কম্মিসন, আর.বি.আই., এম.ই.আই.তি.ৱাই., এন.পি.সি.আই., এস.বি.আই., রাজ্য সরকার, প্রাইভেত সেক্তর, সিভিল সোসাইতী, একাদমিসিয়ন অমসুং ইন্দস্ত্রীগী বোদী) ৱাঙাংলোই কয়ানা শরুক য়াখি।

কঞ্জ্যুমর বিভাগনা ইনভেস্ত ইন্দিয়াগা খুৎশম্নদুনা ইং ২০২২গী মার্চ ১৬ অমসুং ১৭তা ই-কম্মর্স অমসুং দিজিতেল কঞ্জ্যুমরগী মতাংদা নুমিৎ নিনিগী সেমিনার অমা পাংথোকখি। ইন্তর্নেত অমসুং মোবাইল এসোসিএসন ওফ ইন্দিয়া (আই.এ.এম.এ.আই.)গা খুৎশম্নদুনা পেনেল দিসকসন পরিং অমসু পাংথোকখি অমসুং মসিদা ভারতকী ই-কম্মর্সকী মরু ওইবা সেগমেন্ত ৮গী খ্বাইদগী মরু ওইবা মীওইশিংবু অমত্তা ওইনা পুরকখি অমসুং হায়রিবা অসি সরকারনা কঞ্জ্যুমরবু ঙাক শেনবা অমসুং কারবার লাইনা তৌহন্নবা হোৎনবগী ৱাখল্লোনগী মখা পোন্না পাংথোকপনি। খন্ন-নৈনবশিং অসি ব্যুতী, হেল্থ অমসুং ৱেলনেস; ফুদ রিতেল অমসুং এফ.এম.সি.জি.; ইন্তর্তেনমেন্ত অমসুং এজুকেসন অমসুং ওনলাইন পেমেন্ত য়াওনা ই-কম্মর্সকী তোঙানবা হীরম কোন্দুনা পাংথোকখি। থৌরম অসিনা কঞ্জ্যুমর এফিয়র্স বিভাগ, হকশেল অমসুং য়াইফ য়ুম্বাল মন্ত্রালয়, প্রোমোসন ওফ ইন্দস্ত্রী অমসুং ইন্তর্নেল ত্রেদ বিভাগ, ফাইনেন্সিএল সর্ভিস বিভাগকা লোয়ননা য়ু.আই.দি.এ.আই.গী ওফিসিএলশিংবু মফম অমত্তদা পুরকখি। হিন্দুস্তান য়ুনিলিভর, নেতমেদ, রিলাইএন্স রিতেল, আই.তি.সি. লিমিতেদ, মারিকো, বিগ বাস্কেত, স্বিগী, হঙ্গামা, নেতফ্লিক্স, অনএকাদমী, দিসনী, পে.তি.এম., ভিজা, এমাজোন্নচিংবা ইন্দস্ত্রীগী অচৌবা কাঙবুগী লুচিংবশিংনা ভারত্তা ই-কম্মর্সকী কৈথেল চাউখৎলক্লিবা অমসুং কঞ্জ্যুমরশিংবু ঙাক শেনবগী মরু ওইবগী মতাংদা মশাগী ৱাফম থম্নখি।

কঞ্জ্যুমর এফিয়র্স বিভাগকী সেক্রেতরী শ্রী রোহিৎ কুমার সিংহনা কঞ্জ্যুমর এৱিয়র্নেস অমসুং ইন্তর্নেৎকী অনৌবা কঞ্জ্যুমর কয়া চঙলকপগা লোয়ননা কৈথেলগী মতৌদা অহোংবা লাক্লিবা অসিগী মরু ওইবশিংদা মিৎয়েং চঙখি। অচুম্বা ই-পাউগা লোয়ননা দিজিতেল কঞ্জ্যুমর লৈহনবগী মরু ওইবগী মতাংদসু মহাক্না মিৎয়েং চঙখি।

ব্যুরো ওফ ইন্দিয়ন স্তেন্দর্দ (বি.আই.এস.), ইন্দিয়ন ইন্সতিত্যুৎ ওফ লিগেল মেত্রোলোজী (আই.আই.এল.এম.) রাঞ্চী, নেস্নেল তেস্ত হাউস (এন.তি.ঐচ.) অমসুং রিজনেল রিফরেন্স স্তেন্দর্দ লেবোরেতরীজ (আর.আর.এস.এল.)গী ফিল্দ য়ুনিৎশিংনা চয়োলসিগী মনুংদা তোঙানবা থবক-থৌরম কয়া শীন-লাঙখি। কঞ্জ্যুমর এৱিয়র্নেস লৈহন্নবা পাংথোকপা থৌরমশিং অসিবু মশিং য়াম্বা মীয়াম্না শরুক য়াখি। থৌরমশিং অসিদা খুঙ্গংগী মীশিং য়াম্বনা শরুক য়াখি। মফম খরদদি, লোকেলগী লৈঙাক্লোই অমসুং অতোপ্পা ইনফ্লুএন্সরশিংসু থৌরম অসিদা শরুক য়াখি। থৌরমশিং অসি লোকেল মিদিয়ানা মফম অয়াম্বদা কভরেজ পীখি।

********

(Release ID: 1811689) Visitor Counter : 119