কেন্দ্রগী মন্ত্রী মন্দলনা ভারত সরকারনা মপুং ফানা ফন্দ থাদদুনা সেন্ত্রেল সেক্তর স্কিম অমা ওইরিবা, নেসনেল এইদস অমসুং এস.তি.দি. কন্ত্রোল প্রোগ্রামগী ফেজ- V এপ্রুব তৌবগা লোইননা লুপা কোতি ১৫৪৭১.৯৪গী শেনফম অমা থাদদুনা প্রোগ্রাম অসি ২০২১গী এপ্রীল ১দগী ২০২৬কী মার্চ ৩১ ফাওবা চৎননবা অয়াবা পীখ্রে৷

প্রধান মন্ত্রী শ্রী নরেন্দ্র মোদীনা সভাপতি ইকোনোমিক এফিয়র্সকী মতাংদা ফমখিবা কেন্দ্রগী মন্ত্রী মন্দল মীফমনা ভারত সরকারনা মপুং ফানা ফন্দ থাদদুনা সেন্ত্রেল সেক্তর স্কিম অমা ওইরিবা নেসনেল এইদস অমসুং এস.তি.দি. কন্ত্রোল প্রোগ্রাম (এন.এ.সি.পি., ফেজ- V) চহি মঙাগী ওইনা ২০২১গী এপ্রীল ১দগী ২০২৬কী মার্চ ৩১ ফাওবা মখা চৎথহন্নবা অয়াবা পীখ্রে৷ পুন্না কাইথগদৌরিবা শেনফম অসি লুপা কোতি ১৫৪৭১.৯৪ ওইরগনি৷ নেসনেল এইদস অমসুং এস.তি.দি. কন্ত্রোল প্রোগ্রামগী অহানবা ফেজ হৌদোক্তুনা ভারত সরকারনা ১৯৯২দা নেসনেল এইদস রেস্পোন্স হৌদোকখি৷ মতম অদুদগী, এন.এ.সি.পি.গী ফেজ মরি মপুং ফাখ্রে৷ এন.এ.সি.পি.গী ফেজ-IV (এক্সতেন্সন) ২০২১গী মার্চ ৩১দা লোইশিনখি৷

এন.এ.সি.পি.গী মখাদা লৈরিবা নেসনেল এইদস রেস্পোন্স অসি মালেম পুম্বনা কা-হেন্না মাই পাক্লবা প্রোগ্রাম অমনি হায়না লৌনরি৷ ভারত্তা চহিগী ওইনা নৌনা ঐচ.আই.ভি. নাবগী চাং অসি মালেমগী চাংচৎতা ৩১% (২০১০গী বেজলাইন চহি) ওইরিবা অসিগা য়েংনবা মতমদা ৪৮%দা হন্থরকখ্রে অমদি চহিগী ওইনা এইদসকা মরী লৈননা শিখিবা অসি মালেমগী চাংচৎতা ৪২% (২০১০ বেজলাইন চহি) ওইরিবা অসিগা য়েংনবা মতমদা ৮২%দা হন্থরকখ্রে৷ মসিনা মরম ওইদুনা, ভারত্তা মপুং মরৈ ফারবা মীওইশিংনা ঐচ.আই.ভি. নাবগী চাং অসি ০.২২% ওইদুনা লৈবাক অসিদা ঐচ.আই.ভি. নাবগী চাং অসি লেপ্প-লৈতনা হন্থরক্লিবনি৷

২০১৪গী মতুংদা লৌখৎখিবা তোঙান তোঙানবা গেমচেঞ্জর ইনিসিয়েতিবশিং খুদম ওইনা ঐচ.আই.ভি./এইদস প্রিবেন্সন এন্দ কন্ত্রোল এক্ত (২০১৭), তেস্ত এন্দ ত্রিত পোলিসী, য়ুনিভর্সেল বাইরেল লোদ তেস্তিং, মিসন সমপার্ক, কম্ম্যুনিতী-বেজ স্ক্রিনিং, দোল্যুতগ্রেবিয়র-বেজ ত্রিতমেন্ত রেগিমেনদা ওন্থোরকপা অসিনা এন.এ.সি.পি.গী মাই পাকপা হেনগৎহনখ্রে৷ মসিনা মরম ওইদুনা, ঐচ.আই.ভি. (পি.এল.ঐচ.আই.ভি.)গা শাগোন্নরিবা মীওই লাখ ১৪.২০রোম্না প্রোগ্রাম অসিনা সপোর্ত তৌবা ফেসিলিতীশিংদগী পুন্সি চুপ্পগী ওইনা, লেম্না, ক্বালিতী ৱাংবা এন্তি-রেত্রোবাইরেল ত্রিতমেন্ত চৎথরি৷ সরকারনা ফন্দ থাদবা ত্রিতমেন্ত প্রোগ্রামশিংগী মখাদা মসিনা পি.এল.ঐচ.আই.ভি.গী মালেমগী ওইনা খ্বাইদগী চাওবা কোহোর্তশিংগী মনুংদা অমা ওইরি৷

ঙাকথোকপা, খঙদোকপা অমদি লাইয়েং চৎথবগী সর্ভিসশিংগী মপুং ফারবা পেকেজ অমগী খুৎথাংদা ২০৩০ ফাওবগী মনুংদা পব্লিক হেল্থ থ্রেত অমা ওইনা ঐচ.আই.ভি./এইদস লাইচৎপু শন্দোকপা লোইশিনহনবা হায়বা য়ুনাইতেদ নেসনগী সস্তেনেবল দিবেলপমেন্ত গোল্স ৩.৩ ফংনবগীদমক  এন.এ.সি.পি. ফেজ-Vনা শেনবা চহি ২০২৫-২৬ ফাওবা নেসনেল এইদস অমদি এস.তি.দি. রেস্পোন্স লৌখৎলগনি৷

কান্নবশিং:

• ঙাকথোকপা-খঙদোকপা অমদি লাইয়েং চৎথবগী সর্ভিসশিংগী তেলর পেকেজ অমগা লোইননা চহি খুদিংগী মীওই কোতি ৮রোম কবর তৌরগনি৷

• মপুং মরৈ ফারবা মীওইগী ৯৯.৫% হেনবদি ঐচ.আই.ভি. ফ্রী ওইদুনা থম্লগনি৷

• এন.এ.সি.পি. ফেজ-Vগী চহি মঙাদা মীরোনবী নুপী কোতি ১৪রোম য়াওনা ঐচ.আই.ভি. তেস্ত কোতি ২৭রোম তৌরগনি৷

• প্রোজেক্ত পেরিয়র্দ লোইদ্রিঙৈগী মমাংদা ঐচ.আই.ভি. নারবা মীওই লাখ কুনগা-মথোইদি এন্তি-রেত্রোবাইরেল ত্রিতমেন্ত (এ.আর.তি.)দা লৈরগনি৷

• বাইরেল লোদ সপ্রেসন ফংবা ঙম্নবা ত্রিতমেন্তগী ইফেক্তিব ওইবগী চাং য়েংশিন্নবা এ.আর.তি. ঐচ.আই.ভি. নারবা মীওইশিংগী মনুংদা বাইরেল লোদ তেস্ত লাখ ৮০রোম তৌরগনি৷

ইক্বুইতী অমদি ইনক্লুসিবনেস প্রমোত তৌদুনা ইকাই খুম্নদবা অমদি নৈহৎপিবা অমতা তৌদনা রিস্ক ৱাংবা, শোকপা য়াবগী চাং ৱাংনা লৈরিবা অমদি অতোপ্পা ‘খুদোংথিবা ৱাংনা’ লৈরিবা মীশিং অমসুং পি.এল.ঐচ.আই.ভি.শিংদা প্রোগ্রাম অসিনা ফেসিলিতী অমসুং কম্মুনিতী সেত্তিংশিংদা লেম্না ঐচ.আই.ভি.দগী ঙাকথোকপা, খঙদোকপা অমদি লাইয়েং চৎথবগী সর্বিসশিং পীরগনি৷ দিস্ত্রিক-লেবেল প্রোগ্রাম মোনিতরিং অমদি কম্মুনিতী ফীদবেক্ত লুপকী দিসেন্ত্রেলাইজ মোদেলদা মীৎয়েং থমদুনা ফোর্মেল অমসুং ইনফোর্মেল এনগেজমেন্তগী খুৎথাংদা কম্মুনিতী সিস্তেমবু মপাঙ্গল লৈহনবা প্রোগ্রাম অসিদা য়াওরি৷ প্রোগ্রাম অসিনা খুদোংথিবা খ্বাইদগী ৱাংলিবা মীওইশিং, নহাশিং অমদি মীরোনবী নুপীশিংদা অখন্নবা মীৎয়েং মখাতানা চংলগনি অমদি সর্ভিসশিংগী মপুং ফারবা পেকেজ অমা পীরগনি৷ স্ত্রাতিজিক গাইদেন্স অমদি মিদ-কোর্স করেক্সনশিং পীনবগীদমক কম্মুনিতীনা দিজাইন, কনকুরেন্ত এপ্রাইজেলদা শরুক য়াহল্লগনি অমদি প্রোজেক্ততা ফীদবেক্ত পীহল্লগনি৷

******

(Release ID: 1810716) Visitor Counter : 142