বাইও-মেদিকেল ৱেস্ত (বি.এম.দবল্যু.) মেনেজমেন্তগীদমক নোংমদা তন (তি.পি.দি.)  ১১৬৭.৪গী ইন্সতোল্দ কেপাসিতী লৈবা ওপরেসনেল কম্মন বাইও-মেদিকেল ৱেস্ত ত্রিতমেন্ত ফেসিলিতী ২০৮ লৈ৷ স্তেত পোলুসন কন্ত্রোল বোর্দস/পোলুসন কন্ত্রোল কম্মিতীস (এস.পি.সি.বি.শিং/পি.সি.সি.শিং)তগী থাদোরকপা ই-পাউগী মতুং ইন্না, নোংমদা তন (তি.পি.দি.) ৬৫৬রোমগী  বি.এম.দবল্যু. ২০২০ চহিদা পুথোরকখি, মসিগী মনুংদা তি.পি.দি. ৫৯০ ত্রিত তৌদুনা ৮৯.৯৪%গী ইফিসিয়েন্সী উৎখি৷ মখাতানা, কোবিদ-১৯ লাইনা-লাইচৎনা মরম ওইদুনা ২০২০গী মে থাদগী ২০২২গী ফেব্রুৱারী থা ফাওবগী মরক্তা তি.পি.দি. ৮৪.৬১গী বি.এম.দবল্যু. হেনগৎনা পুথোরকখ্রে৷

হেনগৎনবা পুথোরক্লিবা বি.এম.দবল্যু.বু থেংননবা হৌজিক লৈরিবা সি.বি.দবল্যু.তি.এফ.শিংগী তৌবা-ঙম্বশিংবু হেনগৎহন্নবা,  সি.বি.দবল্যু.তি.এফ.শিংনা বি.এম.দবল্যু. ত্রিতমেন্ত অমদি দিস্পোজ তৌবগী তেক্নিকেল গাইদলাইনশিং সেন্ত্রেল পোলুসন কন্ত্রোল বোর্দ (সি.পি.সি.বি.)না শেমখ্রে৷ সি.বি.দবল্যু.তি.এফ.শিংগী ওপরেসন শাংদোক্নবগী (পুংশিংদা) অমদি খুদোংথিনিংঙাই ওইরবা ৱেস্ত ইন্সিনিরেতরশিং শিজিন্নবগী নত্রগা য়েল্লো কলর-কোদেদ (ইন্সিনিরেবল) কোবিদ-১৯ ৱেস্ত( হায়বদি হৌজিক লৈরিবা সি.বি.দবল্যু.তি.এফ.শিং অমদি কেপ্তিব বি.এম.দবল্যু. ইন্সিনিরেতরশিংগী কেপাসিতীগী ৱাংমদা)  ত্রিত তৌনবা অমদি দিস্পোজ তৌনবা কেপ্তিব ইন্দস্ত্রীএল ইন্সিনিরেতরশিং শিজিন্নবগী চৎন-কাংলোনশিং ফোংলি৷ মখাতানা, সি.বি.দবল্যু.তি.এফ.শিংনা কবর তৌদবা এরিয়াশিংদা, বি.এম.দবল্যু. অসি হেল্থকেয়র ফেসিলিতীশিংনা চলাইদবা কেপ্তিব ত্রিতমেন্ত ফেসিলিতীশিংগী খুৎথাংদা ত্রিত তৌরি অমদি দিস্পোজ তৌরি৷

ইন্সতোল্দ ত্রিতমেন্ত অমদি লৈরিবা দিস্পোজেল কেপাসিতীগা মরী লৈননা বি.এম.দবল্যু. জেনেরেসনগী মতাংদা গেপ-এনালাইসিস স্তদী তৌদুনা বি.এম.দবল্যু. খোমজিনবা, ত্রিতমেন্ত তৌবা অমদি মফম চানা তাশিন্নবগীদমক সি.বি.দবল্যু.তি.এফ.শিং শেমগৎনবগী তঙাই ফদবা লৈরিবা অদু পাংথোক্নবা অমদি অনৌবা বি.এম.দবল্যু. ফেসিলিতীশিং লৈহন্নবা রাজ্যগী হেল্থ দিপার্তমেন্তগা তান্নরবা মতুংদা মরী লৈনবা এস.পি.সি.বি./পি.সি.সি.না  খঙহল্লি৷

রাজ্য/য়ুনিয়ন তেরিতোরী (য়ু.তি.) সরকারশিংবু মতেং পাংনবা, এনবাইরোনমেন্ত, ফোরেস্ত অমদি ক্লাইমেত চেঞ্জ মন্ত্রালয়না স্কিম অমা মমিং ওইনা হায়রবদা ‘হকচাং শোক্নিংঙাই ওইরবা পোৎলমশিংগীদমক মেনেজমেন্ত স্ত্রকচর শেমগৎপা’ চৎনরি, মসিদা রাজ্য/য়ু.তি. সরকারনা রিকম্মেন্দ তৌরক্লিবা সি.বি.দবল্যু.তি.এফ. প্রোজেক্তশিং শেমগৎপগীদমক কেন্দ্রগী মতেং ওইনা লুপা কোতি ১ য়ৌনা পীরি৷ অৱাং-নোংপোক রাজ্যশিংগী ওইনদি, কেন্দ্রগী মতেং অসি লুপা কোতি ২নি৷

রাজ্যশিং/য়ু.তি. ১০দা মমিং ওইনা, অন্দামন অমসুং নিকোবর, অরুনাচল প্রদেশ, দামন অমসুং দিউ অমদি দদ্রা অমসুং নহর হাভেলি, গোৱা, লদাখ, লক্ষদ্বীপ, মিজোরাম, নাগালেন্দ, সিক্কিম অমসুং ত্রিপুরাদা সি.বি.দবল্যু.তি.এফ.শিং লৈতে হায়না সি.পি.সি.বি.না ফোংদোকখ্রে৷ মখাতানা, লৈবাক অসিদা মথৌ তৌদুনা চলাইরিবা সি.বি.দবল্যু.তি.এফ.শিংগী রাজ্য-রাজ্যগী ওইবা শরুক হাপ্লি৷

এনেক্সচর

ভারত্তা মথৌ তৌদুনা চলাইরিবা সি.বি.দবল্যু.তি.এফ.শিংগী রাজ্য-রাজ্যগী ওইবা অকুপ্পা মরোলশিং

 

রাজ্য/য়ুনিয়ন তেরিতোরী মমিং	চলাইরিবা সি.বি.দবল্যু.তি.এফ.শিং
অন্দামন নিকোবর	অমতা লৈতে
আন্ধ্র প্রদেশ	১২
অরুনাচল প্রদেশ	অমতা লৈতে
অসাম	১
বিহার	৪
চান্দিগর	১
ছত্তিশগর	৪
দামন অমসুং দিউ অমদি দদ্রা অমসুং নগর হাভেলি	অমতা লৈতে
দিল্লী	২
গোৱা	অমতা লৈতে
গুজরাত	২০
হরিয়ানা	১১
হিমাচল প্রদেশ	৩
ঝর্খন্দ	৪
জম্মু অমসুং কাশ্মার	৩
কর্নাতকা	২৫
কেরলা	১
লদাখ	অমতা লৈতে
লক্ষদ্বীপ	অমতা লৈতে
মধ্য প্রদেশ	১২
মহারাস্ত্র	৩০
মনিপুর	১
মেঘালয়	১
মিজোরাম	অমতা লৈতে
নাগালেন্দ	অমতা লৈতে
ওরিশা	৬
পুদুচেরী	১
পঞ্জাব	৫
রাজস্থান	১১
সিক্কিম	অমতা লৈতে
তামিল নাদু	১০
তেলঙ্গনা	১১
ত্রিপুরা	অমতা লৈতে
উত্তরখন্দ	২
উত্তর প্রদেশ	২১
ৱেস্ত বেঙ্গল	৬
দাইরেক্তর জেনেরেল আর্ম ফোর্সেস মেদিকেল সর্ভিসেস (দি.জি.এ.এফ.এম.এস.)	অমতা লৈতে
অপুনবা	২০৮

(সোর্স:সি.পি.সি.বি.)

ৱারোল অসি ঙসি লোক সভাদা এনবাইরোনমেন্ত, ফোরেস্ত অমদি ক্লাইমেত চেঞ্জ মন্ত্রালয়গী রাজ্য মন্ত্রী শ্রী অশ্বিনী কুমার চৌবেনা পীখিবনি৷

******

(Release ID: 1809972) Visitor Counter : 119