প্রধান মন্ত্রী ভারতিয় জনঔসধি পরিয়োজনা (পি.এম.বি.জে.পি.)গী মখাদা ফংহল্লিবা পোৎলমশিংদা হিদাক লাংথক ১,৬১৬ অমসুং সর্জিকেল খুৎলায় ২৫০রোম য়াওরি, অমদি হায়রিবশিং অসি লৈবাক শিনবা থুংনা লৈরিবা প্রধান মন্ত্রী ভারতিয় জনঔসধি কেন্দ্র (পি.এম.বি.জে.কে.) ৮৬০০ হেনবদা য়োন্দুনা ফংহল্লি‍। প্রদক্ত বাস্তেক অসিদা কার্দিওভাস্কুলার, এন্তি-কেন্সর, এন্তি-দাইবেতিক, এন্তি-ইন্ফেক্তিব, এন্তি-এল্লরজিক, গোস্ত্রো-ইন্তেস্তিনেল হিদাকশিং, ন্যুত্রাসিউতিকেলনচিংবা অচৌবা লায়েং কাঙলুপ পুম্নমক য়াওরি‍। স্কিম অসিগী মখাদা হিদাক অমগী মমল অসি মকোক থোংবা হিদাক ব্রান্দ অহুমগী চাংচত্তা লৈবা মমলগী য়াম্লবদা ৫০%গী চাংদা লেপ্পি‍। মরম অসিনা জন ঔসধিগী হিদাক লাংথকশিং অসি ব্রান্দেদ ওইবা হিদাকশিংগী কৈথেলদা লৈবা মমলদগী য়ামদ্রবদা ৫০% অদুগা খরদনা ৮০%দগী ৯০% ফাওবগী চাংদা মমল হোঙই‍।

থা অমদা চাউরাক্না মীওই করোর ১.২৫দগী ১.৫০ ফাওবনা লৈবাক শিনবা থুংনা লৈরিবা পি.এম.বি.জে.কে. ৮,৬০০ হেনবদগী হিদাক লৈ‍। স্কিম অসিগী মখাদা পি.এম.বি.জে.কে. হাংদোকপগী চহিগী পান্দম অসি অপীবা মতমগী মনুংদা ফংবা ঙমখ্রে‍। চৎলিবা শেনবা চহি হায়বদি ২০২১-২২ লোইরকপদা পি.এম.বি.জে.কে. ৮,৩০০ হাংদোক্নবগী পান্দম অদু সেপ্তেম্বর ২০২১দা য়ৌবা ঙমখ্রে‍। ২৮.০২.২০২২ ফাওবদা, লৈবাকসিগী দিস্ত্রিক্ত পুম্নমক কোনশিন্দুনা পি.এম.বি.জে.কে. ৮,৬৮৯ হাংদোকখ্রে‍। স্তেত/য়ু.তি.শিংদা লৈরিবা পি.এম.বি.জে.কে. মশিং এনেক্সচরদা পীরি‍।

 

শেনবা চহি ২০১৯-২০দগী ২০২১-২২ ফাওবগী মনুংদা স্কিম অসিগী মখাদা সেংসন তৌখিবা, পীখ্রবা অমদি শীজিন্নখ্রবা ফন্দগী মচা খায়বা ৱাফমশিং মখাদা পীরি:

(লুপা করোরগী খুজিংদা)

শেনবা চহি	এলোকেত তৌখ্রবা ফন্দ	শীজিন্নখ্রবা ফন্দ
২০১৯-২০	৩৫.৫১	৩৫.৫১
২০২০-২১	৬৫.০০	৬৫.০০
২০২১-২২ (২৮.০২.২০২০ ফাওবদা)	৬৮.৫০	৬৪.৬৫

 

স্কিম অসিগী মখাদা স্তেত/য়ু.তি.শিংগী ওইবা অকক্নবা বজেৎকী চাকথুং লৈতে‍।

 

৪শুবা জন ঔসধি নুমিৎ মার্চ ১, ২০২২দগী মার্চ ৭, ২০২২ ফাওবদা পাঙথোকখ্রে‍। চয়োল অমা চুপ্না পাঙথোকখিবা থৌরমদুদা পি.এম.বি.জে.কে. মপুশিং, কান্নবা ফংলিবা মীওইশিং, স্তেত/য়ু.তি.গী ওফিসিএলশিং, মীয়ামগী মীহুৎ, দোক্তর, হকশেলগী থৌমী, নর্স, ফার্মাসিস্ত, জন ঔসধি মিত্র অমসুং অতৈ স্তেকহোল্দরশিং খুৎশম্নদুনা তোঙান তোঙানবা থৌরমশিং পাঙথোকখি‍। নোংম-নোংমগী ওইনা লৈবাক শিনবা থুংনা পাঙথোকখিবা থৌরম পরেংশিং মখাদা পীরি:

 

তাং	থৌরম
০১.০৩.২০২২	জন ঔসধি সংক্লপ পদয়াত্রা
০২.০৩.২০২২	মাত্রি শক্তি সম্মান/স্বাভিমান
০৩.০৩.২০২২	জন ঔসধি বাল মিত্র
০৪.০৩.২০২২	জন ঔসধি জন জাগ্রন অভিয়ান
০৫.০৩.২০২২	আও জন ঔসধি মিত্র বনে
০৬.০৩.২০২২	জন ঔসধি জন আরোগ্য মেলা (হেল্থ চেকঅপ কেম্প)
০৭.০৩.২০২২	জন ঔসধি নুমিৎ

 

‘জন ঔসধি নুমিৎ’কী মরুওইবা থৌরম মার্চ ৭, ২০২২দা, প্রধান মন্ত্রীনা তোঙান তোঙানবা মফমশিংদগী কান্নবা ফংলিবা মীওইশিং অমসুং কেন্দ্র মপুশিংগা ভিদিও কন্ফরেন্সিংগী খুত্থাঙদা ৱারী ৱাতায় শানদুনা অমদি মীয়ামবা ৱা ঙাঙদুনা পাঙথোকখি‍।

লৈঙাক্না মার্চ ২০২৫ ফাওবদা লৈবাক শিনবা থুংনা বি.এম.বি.জে.কে. ১০,৫০০ হাংদোক্নবা পান্দম থম্লি‍।

 

এনেক্সচর

 

স্তেত/য়ু.তি.শিংদা ২৮.০২.২০২২ ফাওবদা লৈবাক শিনবা থুংনা হাংদোকখ্রবা পি.এম.বি.জে.কে.গী লিস্ত
সেরিএল মশিং	স্তেত/য়ু.তি. মমিং	হাংদোকখ্রবা পি.এম.বি.জে.কে. মশিং
১	অন্দমান অমসুং নিকোবার ঈথৎ	৯
২	অন্ধ্র প্রদেশ	১৬৮
৩	অরুনাচল প্রদেশ	২৮
৪	অসাম	৮৯
৫	বিহার	২৮৬
৬	চান্দিগর	৭
৭	ছত্তিসগর	২৪১
৮	দিল্লী	৩৮৩
৯	গোৱা	১০
১০	গুজরাত	৫২২
১১	হরিয়ানা	২৩৯
১২	হিমাচল প্রদেশ	৬৪
১৩	জম্মু অমসুং কাস্মির	১২৬
১৪	ঝার্খন্দ	৭৮
১৫	কর্নাতকা	৯৬৭
১৬	কেরলা	৯৮৬
১৭	লদাখ	২
১৮	লক্সদ্বীপ *	০
১৯	মধ্য প্রদেশ	২৪৪
২০	মহারাস্ত্র	৬৩০
২১	মনিপুর	৩৫
২২	মেখালয়	১৫
২৩	মিজোরম	২২
২৪	নগালেন্দ	১৬
২৫	ওরিসা	৩৫৪
২৬	পুদুচেরী	১৯
২৭	পঞ্জাব	৩০৬
২৮	রাজস্থান	১৪৩
২৯	সিক্কিম	৩
৩০	তামিল নাদু	৮৬৯
৩১	তেলঙ্গনা	১৬৩
৩২	দি.এন.ঐচ. অমসুং দি.এন.দি.	৩৭
৩৩	ত্রিপুরা	২৪
৩৪	উত্তর প্রদেশ	১১৯৩
৩৫	উত্তরাখন্দ	২১৭
৩৬	ৱেস্ত বেঙ্গল	১৯৪
অপুনবা		৮,৬৮৯

 

* হিদাক লাংথকশিং লক্সদ্বীপ য়ু.তি.গী এদমিনিস্ত্রেসন্দা হকথেংননা সপ্লাই তৌই‍।

ৱাফম অসি কেমিকেল অমসুং ফর্তিলাইজরগী রাজ্য মন্ত্রী শ্রী ভগৱন্থ খুবানা ঙসি লোক সভাদা অইবা পাউখুম ওইনা পীদুনা ফোঙদোকখিবনি‍।

*****

(Release ID: 1809792) Visitor Counter : 159