پلاسٹک ویسٹ مینجمنٹ رولز (PWMR)، 2016، پورے ملک میں ماحولیاتی لحاظ سے مناسب طریقے سے پلاسٹک ویسٹ مینجمنٹ کے لیے قانونی فریم ورک فراہم کرتا ہے۔ وزارت نے 12 اگست 2021 کو پلاسٹک ویسٹ مینجمنٹ ترمیمی رولز، 2021 کا اعلان کیا ہے، جس میں یکم جولائی 2022 سے شناخت شدہ واحد استعمال شدہ پلاسٹک کی اشیا، جن میں کم افادیت اور کوڑا کرکٹ کی زیادہ صلاحیت ہے، پر پابندی عائد کی گئی ہے۔ وزارت ماحولیات، جنگلات اور موسمیاتی تبدیلی نے بھی 16 فروری 2022 کو پلاسٹک ویسٹ مینجمنٹ ترمیمی رولز، 2022 کے ذریعے پلاسٹک پیکیجنگ کے لیے توسیعی پروڈیوسر کی ذمہ داری سے متعلق رہنما خطوط سے مطلع کیا ہے۔

پلاسٹک ویسٹ مینجمنٹ رولز 2016 کے نفاذ کو مضبوط بنانے اور شناخت شدہ واحد استعمال پلاسٹک آئٹمز کے استعمال کو کم کرنے کے لیے درج ذیل اقدامات کیے گئے ہیں:

(i) اس سلسلے میں وزارت کی ہدایات کے مطابق بتیس ریاستوں/ مرکز زیر انتظام علاقوں نے چیف سکریٹری/ ایڈمنسٹریٹر کی صدارت میں خصوصی ٹاسک فورس تشکیل دی ہے تاکہ شناخت شدہ واحد استعمال پلاسٹک کی اشیا کو ختم کیا جا سکے۔ اس سلسلے میں وزارت کی جانب سے قومی سطح کی ٹاسک فورس بھی تشکیل دی گئی ہے۔

(ii) ریاستی/ یو ٹی حکومتوں اور متعلقہ مرکزی وزارتوں/محکموں سے بھی درخواست کی گئی ہے کہ وہ ایک جامع ایکشن پلان تیار کریں اور اسے مقررہ وقت میں نافذ کریں۔ چودہ ریاستوں/ مرکز زیر انتظام علاقوں اور بارہ مرکزی وزارتوں نے اپنے جامع ایکشن پلان تیار کیے ہیں۔

(iii) سوچھ بھارت مشن 2.0 کے تحت، پلاسٹک ویسٹ مینجمنٹ سمیت ٹھوس کچرے کے انتظام کے لیے ریاستوں اور مرکز زیر انتظام علاقوں کو اضافی مرکزی امداد بھی فراہم کی جاتی ہے۔ سوچھ بھارت مشن اربن 2.0 میں واحد استعمال پلاسٹک کے خاتمے پر خصوصی توجہ دی گئی ہے۔ پلاسٹک کے کچرے کو کم کرنے کے لیے سوچھ سرویکشن 2022 میں واحد استعمال پلاسٹک پر پابندی کو ایک اہم جزو کے طور پر شامل کیا گیا ہے۔

(iv) مرکزی آلودگی کنٹرول بورڈ (CPCB) کی طرف سے تمام ریاستوں کو پلاسٹک ویسٹ مینجمنٹ رولز، 2016 کی دفعات کے نفاذ کے لیے ادارہ جاتی میکانزم قائم کرنے کے لیے ماحولیات (تحفظ) ایکٹ، 1986 کے سیکشن 5 کے تحت طاقت کا استعمال کرتے ہوئے تمام ریاستی آلودگی کنٹرول بورڈ/ آلودگی کنٹرول کمیٹیوں کو ہدایات جاری کی گئی ہیں۔ سی پی سی بی کو ای کامرس کمپنیوں، معروف واحد استعمال پلاسٹک فروخت کنندگان/ صارفین، اور پلاسٹک کے خام مال کے مینوفیکچررز کی طرف سے شناخت شدہ واحد استعمال شدہ پلاسٹک کی اشیا کو مرحلہ وار ختم کرنے کے حوالے سے ہدایات بھی جاری کی گئی ہیں۔

ماحولیات، جنگلات اور موسمیاتی تبدیلی کے وزیر مملکت جناب اشونی کمار چوبے نے آج راجیہ سبھا میں یہ معلومات فراہم کی۔

**************

ش ح۔ ف ش ع- ج

U: 3156

(Release ID: 1809438) Visitor Counter : 183