প্লাস্তিক ৱেস্ত মেনেজমেন্ত রুল্স (পি.দব্লিউ.এম.আর.), ২০১৬না লৈবাক শিনবা থুংনা প্লাস্তিক্কী ফত্ত-হৌদিশিং মহৌশাগী ফীভমদা থোইদোক্না কায়রোইদবা মওংদা লোইশিন্নবা অকক্নবা পরিং অমা পীরি‍। মন্ত্রালয়না ওগস্ত ১২, ২০২১দা প্লাস্তিক ৱেস্ত মেনেজমেন্ত এমেন্দমেন্ত রুল্স, ২০২১ থোক্তুনা শীজিন্নফম য়াম্না লৈতবা অদুগা য়াম্না চাইগনবা খন্দোক্লবা সিঙ্গল য়ুজ প্লাস্তিক্কী পোৎলমশিং জুলাই ১, ২০২২দগী অথিংবা থমখ্রে‍। এনভাইরনমেন্ত, ফোরেস্ত এন্দ ক্লাইমেত চেঞ্জ মন্ত্রালয়না ফেব্রুৱারী ১৬, ২০২২দা প্লাস্তিক ৱেস্ত মেনেজমেন্ত এমেন্দমেন্ত রুল্স, ২০২২গী মখাদা গাইদলাইন্স ওন দি এক্সতেন্দেদ প্রদ্যুসর রেসপোঞ্জিবিলিতী ফোর প্লাস্তিক পেকেজিংসু নোতিফাইদ তৌখি‍।

 

প্লাস্তিক ৱেস্ত মেনেজমেন্ত রুল্স, ২০১৬ অকনবা মওংদা চৎনহন্নবা অমদি খন্দোক্লবা সিঙ্গল য়ুজ প্লাস্তিক্কী পোৎলমশিং শীজিন্নবা হন্থহন্নবা মখাগী খোঙথাঙশিং অসি লৌখৎলে‍।

 

(১) স্তেত/য়ু.তি. কুন্থ্রানিথোইনা হীরমসিগী মতাঙদা মন্ত্রালয়না পীখিবা পাউতাক মতুং ইন্না খন্দোক্লগা সিঙ্গল য়ুজ প্লাস্তিক্কী পোৎলমশিং মুত্থৎনবগীদমক চীফ সেক্রেতরী/এদমিনিস্ত্রেতরনা লুচিংবা স্পিসিএল তাস্ক ফোর্সশিং শেমখ্রে‍। হীরমসিগী মতাঙদা মন্ত্রালয়না নেস্নেল লেভেল তাস্ক ফোর্স অমসু শেম্লে‍।

 

(২) স্তেত/য়ু.তি. লৈঙাকশিংদা অমদি মরী লৈনবা কেন্দ্রগী মন্ত্রালয়/দিপার্তমেন্তশিং মপুং ফাবা এক্সন প্লান অমা শেম্নবা অমদি অকক্নবা মতমগী মনুংদা থবক ওইনা পায়খৎনবা ৱাফম থমখ্রে‍। স্তেত/য়ু.তি. তরামরি অমসুং কেন্দ্রগী মন্ত্রালয় তরানিথোইনা মখোয়গী ওইবা মপুং ফাবা এক্সন প্লানশিং শেমখ্রে‍।

 

(৩) স্বচ্চ ভারত মিসন ২.০গী মখাদা প্লাস্তিক ৱেস্ত মেনেজমেন্ত য়াওনা সোলিদ ৱেস্ত মেনেজমেন্তকীদমক স্তেত অমসুং য়ুনিয়ন তেরিতরীশিংদা অহেনবা কেন্দ্রগী তেংবাংসু পীরি‍। স্বচ্চ ভারত মিসন অর্বান ২.০না সিঙ্গল য়ুজ প্লাস্তিকশিং মুত্থৎনবা অকক্নবা মীৎয়েঙ থম্লি‍। প্লাস্তিক্কী ফত্ত-হৌদিশিং হন্থহন্নবগীদমক সিঙ্গল য়ুজ প্লাস্তিক থিংববু স্বচ্চ সরভেক্সন ২০২২, স্তার রেতিং ওফ গার্বেজ ফ্রী সিতীগী মরুওইবা মচাকশিং ওইনা অমদি সফাইমিত্র সুরক্সা চেলেঞ্জতা শরুক য়ানবগী চঙদ্রবা য়াদ্রবা কন্দিসন অমা ওইহল্লে‍।

 

(৪) সেন্ত্রেল পোলুসন কন্ত্রোল বোর্দ (সি.পি.সি.বি.)না এনভাইরনমেন্ত (প্রোতেক্সন) ঢ়জস, ১৯৮৬কী সেক্সন ৫না পীরিবা শক্তি শীজিন্নদুনা স্তেত পোলুসন কন্ত্রোল বোর্দশিং / পোলুসন কন্ত্রোল কম্মিতীশিংদা প্লাস্তিক ৱেস্ত মেনেজমেন্ত রুল্স, ২০১৬গী ৱাফমশিং নীংথিনা চৎনহন্নবা ইন্সতিত্যুস্নেল মেকানিজম শেমগৎনবা পাউতাক পীখ্রে‍। ই-কম্মর্স কম্পেনীশিং, মকোক থোংবা সিঙ্গল য়ুজ প্লাস্তিক সেল্লর/য়ুজরশিং অমসুং প্লাস্তিক রো মেতরিএল পুথোক্লিবশিংদা খন্দোক্লবা সিঙ্গল য়ুজ প্লাস্তিক্কী পোৎলমশিং শীজিন্নবা তাঙ্কক নাইনা লেপ্নবা পাউতাক সি.পি.সি.বি.না পীখ্রে‍।

 

ৱাফম অসি এনভাইরনমেন্ত, ফোরেস্ত এন্দ ক্লাইমেত চেঞ্জ মন্ত্রালয়গী রাজ্য মন্ত্রী শ্রী অস্বিনি কুমার চৌবেনা ঙসি রাজ্য সভাদা অইবা পাউখুম ওইনা পীদুনা ফোঙদোকখিবনি‍।

 

*****

(Release ID: 1809228) Visitor Counter : 217