ಕ್ಷಯರೋಗ (ಟಿಬಿ) ಎಂಬುದು ಬ್ಯಾಕ್ಟೀರಿಯಾದಿಂದ ಉಂಟಾಗುವ ಕಾಯಿಲೆಯಾಗಿದ್ದು, ಗಾಳಿಯ ಮೂಲಕ ವ್ಯಕ್ತಿಯಿಂದ ವ್ಯಕ್ತಿಗೆ ಹರಡುತ್ತದೆ. ಪ್ರಪಂಚದಾದ್ಯಂತ ಕ್ಷಯರೋಗ (ಟಿಬಿ)ದ ಸಂಭವವು ಸಾಕಷ್ಟು ಹೆಚ್ಚಾಗಿದೆ. ಒಟ್ಟು ಪ್ರಕರಣಗಳಲ್ಲಿ, ಶೇ.26 ಕ್ಕಿಂತ ಹೆಚ್ಚು ಭಾರತ ಗುರುತಿಸಲ್ಪಟ್ಟಿದೆ.

ಹೌದು, ಏಡ್ಸ್ಗಿಂತಲೂ ಹೆಚ್ಚು ಸಾವುಗಳನ್ನು ಉಂಟುಮಾಡುವ ಈ ಸಾಂಕ್ರಾಮಿಕ ರೋಗದ ವಿರುದ್ಧ ಹೋರಾಡಲು ಅತ್ಯಂತ ಪರಿಣಾಮಕಾರಿ ಲಸಿಕೆಗಳು ಲಭ್ಯವಿವೆ. ಆದರೆ, ಬ್ಯಾಕ್ಟೀರಿಯಾವು ಔಷಧಿಗಳನ್ನು ಮರೆಮಾಚಿದರೆ (ತಪ್ಪಿಸಬಹುದಾದರೆ) ಏನಾಗಬಹುದು?

ಪಿಐಬಿ ಆಯೋಜಿಸಿದ ವೆಬಿನಾರ್ ನಲ್ಲಿ ರಾಷ್ಟ್ರೀಯ ಕ್ಷಯರೋಗ ಸಂಸ್ಥೆ (ಎನ್.ಟಿ.ಐ.), ಬೆಂಗಳೂರು - ಮುಖ್ಯ ವೈದ್ಯಾಧಿಕಾರಿ ಡಾ. ರವಿಚಂದ್ರ ಸಿ. ಮತ್ತು ಎನ್.ಟಿ.ಐ. ನಿರ್ದೇಶಕ ಡಾ. ಸೋಮಶೇಖರ್ ಎನ್. ಅವರು ಬ್ಯಾಕ್ಟೀರಿಯಾದ ನಡೆವಳಿಕೆ ಮತ್ತು ಚಿಕಿತ್ಸೆಯ ಕೋರ್ಸ್ ಗಳ ಮೇಲೆ ಅದರ ಪ್ರಭಾವದ ಕುರಿತು ಮಾಹಿತಿ ನೀಡಿದರು. 

ಮೂರು ಭಾಗಗಳ ಸರಣಿಯ ಈ ಅಂತಿಮ ಭಾಗದಲ್ಲಿ ತಜ್ಞರು ಹಂಚಿಕೊಂಡ ಒಳನೋಟಗಳ ಕುರಿತು ತಿಳಿಯಲು ಮುಂದೆ ಓದಿರಿ. 
ಸರಣಿಯ ಮೊದಲ ಭಾಗ ಇಲ್ಲಿದೆ ಮತ್ತು ಸರಣಿಯ ಎರಡನೇ ಭಾಗ ಇಲ್ಲಿದೆ.
 
ಔಷಧ-ನಿರೋಧಕ ಕ್ಷಯರೋಗ (ಟಿಬಿ)ಕ್ಕಾಗಿ ಹೆಚ್ಚು ತೀವ್ರವಾದ ಚಿಕಿತ್ಸೆ

ಕೆಲವು ಮೈಕೋಬ್ಯಾಕ್ಟೀರಿಯಂ ಟ್ಯೂಬರ್ಕ್ಯುಲೋಸಿಸ್ ಬ್ಯಾಕ್ಟೀರಿಯಾಗಳು ಕೆಲವು ರೂಪಾಂತರಗಳ ನಂತರ ಔಷಧ-ನಿರೋಧಕವಾಗುತ್ತವೆ. ಇದು ಚಿಕಿತ್ಸೆಯ ಮೇಲೆ ಗಂಭೀರ ಪರಿಣಾಮ ಬೀರಬಹುದು. ಅಂತಹ ಕ್ಷಯರೋಗವನ್ನು ಔಷಧ ನಿರೋಧಕ ಕ್ಷಯ ಎಂದು ಕರೆಯಲಾಗುತ್ತದೆ.

ಔಷಧಗಳನ್ನು ವಿರೋಧಿಸುವ ಸಾಮರ್ಥ್ಯದ ಆಧಾರದ ಮೇಲೆ, ಇವುಗಳನ್ನು ಮೊನೊ-ರೆಸಿಸ್ಟೆನ್ಸ್, ಮಲ್ಟಿಡ್ರಗ್ ರೆಸಿಸ್ಟೆನ್ಸ್ (ಎಮ್.ಡಿ.ಆರ್) ಮತ್ತು ಎಕ್ಸ್ ಟೆನ್ಸಿವ್ ಡ್ರಗ್ ರೆಸಿಸ್ಟೆನ್ಸ್ (ಎಕ್ಸ್.ಡಿ.ಆರ್.) ಎಂದು ವರ್ಗೀಕರಿಸಲಾಗಿದೆ.
 
ಔಷಧಿ ನಿರೋಧಕ ಕ್ಷಯರೋಗವನ್ನು ಗುಣಪಡಿಸುವ ಸಾಧ್ಯತೆಗಳು ಶೇ.50 - ಶೇ.60 ರ ಸನಿಹದಲ್ಲಿವೆ ಎಂದು ವೈದ್ಯರು ಹೇಳುತ್ತಾರೆ. ರೋಗಿಗಳು ಹೆಚ್ಚು ಪ್ರತಿಕೂಲ ಪರಿಣಾಮಗಳನ್ನು ಅನುಭವಿಸಬಹುದು ಮತ್ತು ದೀರ್ಘಕಾಲದವರೆಗೆ ಔಷಧಿಗಳನ್ನು ತೆಗೆದುಕೊಳ್ಳಬೇಕಾಗುತ್ತದೆ. ಔಷಧ-ಸೂಕ್ಷ್ಮ ಕ್ಷಯರೋಗದ ಚಿಕಿತ್ಸೆಯ ಅವಧಿಯು ಆರು ತಿಂಗಳಾಗಿದ್ದರೂ, ಔಷಧಿ ನಿರೋಧಕ ಕ್ಷಯರೋಗ (ಟಿಬಿ)ಕ್ಕೆ ಇದು ಒಂದರಿಂದ ಎರಡು ವರ್ಷಗಳವರೆಗೆ ಹೋಗಬಹುದು. ಇದಲ್ಲದೆ, ಅಂತಹ ರೋಗಿಗಳು ಯಾವುದೇ ಪ್ರತಿಕೂಲ ಪರಿಣಾಮಗಳನ್ನು ಹೊಂದಿದ್ದರೆ ಇವರುಗಳು ಪ್ರತಿ ತಿಂಗಳು ವೈದ್ಯರನ್ನು ಭೇಟಿ ಮಾಡಬೇಕಾಗುತ್ತದೆ.
 
ಇವುಗಳ ರೂಪಾಂತರಗಳನ್ನು ನಾವು ನಿಲ್ಲಿಸಬಹುದು!

ಬ್ಯಾಸಿಲ್ಲೆಯು ರೂಪಾಂತರಗೊಳ್ಳಲು ಸಾಮಾನ್ಯ ಕಾರಣವೆಂದರೆ ನಾವು, ಮನುಷ್ಯರು - ಬ್ಯಾಕ್ಟೀರಿಯಾ ಬೆಳೆಯಲು ಮತ್ತು ಬಲಶಾಲಿಯಾಗಲು ವಾತಾವರಣವನ್ನು ಸೃಷ್ಟಿಸಿಕೊಡುವುದಾಗಿದೆ. ರೂಪಾಂತರದ ಕಾರಣಗಳು ಔಷಧಿಗಳ ಕಡಿಮೆ ಲಭ್ಯತೆ ಅಥವಾ ಔಷಧಿಗಳ ಕೊರತೆ, ತಪ್ಪಾದ ಡೋಸೇಜ್ ಗಳು, ಔಷಧಿಗಳ ತಪ್ಪು ಸಂಯೋಜನೆಗಳು, ವೈದ್ಯರ ಮೇಲ್ವಿಚಾರಣೆಯಿಲ್ಲದ ಚಿಕಿತ್ಸೆ ಮತ್ತು ರೋಗಿಗಳ ಚಿಕಿತ್ಸೆಯ ಕಟ್ಟುಪಾಡುಗಳ ಕಳಪೆ ಅನುಸರಣೆ ಸೇರಿವೆ. ರೋಗಿಗಳು ಇತರರ ಮುಂದೆ ಔಷಧಗಳನ್ನು ಸೇವಿಸಲು ಬಯಸದ ಸಾಮಾಜಿಕ ಕಳಂಕವೂ ಇದೆ. ಇದು ಡೀಫಾಲ್ಟ್ ಆಗುವ ಸಾಧ್ಯತೆಗಳಿಗೂ ಕಾರಣವಾಗುತ್ತದೆ
– ಡಾ.ಸೋಮಶೇಖರ್. ಎನ್, ನಿರ್ದೇಶಕರು, ಎನ್.ಟಿ.ಐ
 
ಚಿಕಿತ್ಸೆಯ ಕಟ್ಟುನಿಟ್ಟಾದ ಅನುಸರಣೆಯು ಔಷಧ ನಿರೋಧಕ ಕ್ಷಯರೋಗ (ಟಿಬಿ) ಸಂಭವಿಕೆಯನ್ನು ತಡೆಯಬಹುದು
ಆರು ತಿಂಗಳ ಕಾಲ ನಿಯಮಿತವಾಗಿ ಔಷಧಗಳನ್ನು ಸೇವಿಸುವುದರಿಂದ ಮತ್ತು ವೈದ್ಯರ ಸಲಹೆಯಂತೆ ಸರಿಯಾದ ಡೋಸೇಜ್ ಗಳನ್ನು ಅನುಸರಿಸುವ ಮೂಲಕ ಔಷಧಿ ನಿರೋಧಕ ಕ್ಷಯರೋಗ (ಟಿಬಿ) ಸಂಭವಿಸುವುದನ್ನು ಸಂಪೂರ್ಣವಾಗಿ ತಡೆಯಬಹುದು ಎಂದು ವೈದ್ಯರು ಹೇಳಿದರು.
 
 
 
ಟ್ರೀಟ್ ಮೆಂಟ್ ಕೋರ್ಸ್ ಅನ್ನು ಪೂರ್ಣಗೊಳಿಸುವುದು ಅತ್ಯಗತ್ಯ, ಫಾಲೋ-ಅಪ್ ಚಿಕಿತ್ಸೆ ಕೂಡಾ ಕಡ್ಡಾಯವಾಗಿದೆ

ಒಟ್ಟು ಕ್ಷಯರೋಗ (ಟಿಬಿ) ಪ್ರಕರಣಗಳಲ್ಲಿ ಮೂರನೇ ಒಂದು ಭಾಗ ಭಾರತದಲ್ಲಿದೆ. ಚಿಕಿತ್ಸೆಯ ಕೋರ್ಸ್ ಅನ್ನು ಪೂರ್ಣಗೊಳಿಸುವಲ್ಲಿ ರೋಗಿಗಳು ಜವಾಬ್ದಾರಿಯುತವಾಗಿ ವರ್ತಿಸಿದಾಗ ಮಾತ್ರ ಕ್ಷಯರೋಗ (ಟಿಬಿ) ವನ್ನು ಭಾರತದಿಂದ ಹೊರಹಾಕಬಹುದು, ಇದು ಸೋಂಕಿನ ಹರಡುವಿಕೆಯನ್ನು ನಿಲ್ಲಿಸಲು ಸಹಾಯ ಮಾಡುತ್ತದೆ.

ಎಲ್ಲಾ ಕ್ಷಯರೋಗ (ಟಿಬಿ) ರೋಗಿಗಳು ಸರ್ಕಾರಿ ಆಸ್ಪತ್ರೆಗಳಿಗೆ / ಸರ್ಕಾರದಿಂದ ಮಾನ್ಯತೆ ಪಡೆದ ಪ್ರಯೋಗಾಲಯಗಳಿಗೆ ಬಂದರೆ, ಶೇ.90 ಕ್ಕಿಂತ ಹೆಚ್ಚು ಕೆಲಸ ಪೂರ್ತಿಮಾಡಿದಂತಾಗುತ್ತದೆ ಎಂದು ನಾವು ಹೇಳಬಹುದು - ರವಿಚಂದ್ರ ಸಿ., ಮುಖ್ಯ ವೈದ್ಯಕೀಯ ಅಧಿಕಾರಿ, ಎನ್.ಟಿ.ಐ.
 
ಯಾರಿಗಾದರೂ ಎರಡು ವಾರಗಳಿಗಿಂತ ಹೆಚ್ಚು ಕಾಲ ಕೆಮ್ಮು ಇದ್ದರೆ ಮುಂದೆ ಬಂದು ಕ್ಷಯರೋಗ (ಟಿಬಿ) ತಪಾಸಣೆ ಮಾಡಿಸಿಕೊಳ್ಳಬೇಕು. ಚಿಕಿತ್ಸೆಯನ್ನು ತೆಗೆದುಕೊಳ್ಳಲು ಪ್ರಾರಂಭಿಸಿದವರು ಕೋರ್ಸ್ ಅನ್ನು ಪೂರ್ಣಗೊಳಿಸಬೇಕು.

ಕ್ಷಯರೋಗ (ಟಿಬಿ) ಗುಣಪಡಿಸಲು ಮತ್ತು ಪ್ರತಿಯೊಬ್ಬರನ್ನು ಕ್ಷಯರೋಗ (ಟಿಬಿ) ದಿಂದ ರಕ್ಷಿಸಲು ಚಿಕಿತ್ಸೆಯ ಕೋರ್ಸ್ ಅನ್ನು ಪೂರ್ಣಗೊಳಿಸುವುದು ರಾಷ್ಟ್ರೀಯ ಕರ್ತವ್ಯವಾಗಿದೆ. - ರವಿಚಂದ್ರ ಸಿ., ಮುಖ್ಯ ವೈದ್ಯಾಧಿಕಾರಿ, ಎನ್.ಟಿ.ಐ 

ವೈದ್ಯರು ಸಲಹೆ ನೀಡಿದರೆ, ನಂತರದ ಚಿಕಿತ್ಸೆಯು ಸಹ ಬಹಳ ಮುಖ್ಯವಾಗಿದೆ. ಕ್ಷಯರೋಗ (ಟಿಬಿ)ದ ಯಾವುದೇ ಮರುಕಳಿಸುವಿಕೆ ಅಥವಾ ಮರುಕಳಿಸುವಿಕೆ ಇದೆಯೇ ಎಂದು ನೋಡಲು ರೋಗಿಯು ಪ್ರತಿ ಆರು ತಿಂಗಳಿಗೊಮ್ಮೆ ಕಟ್ಟುನಿಟ್ಟಾಗಿ ವೈದ್ಯರಿಗೆ ಭೇಟಿ ನೀಡಬೇಕು.

ವಿಶ್ವವು 2030 ರ ವೇಳೆಗೆ ಕ್ಷಯರೋಗ (ಟಿಬಿ) ವನ್ನು ತೊಡೆದುಹಾಕುವ ಗುರಿಯನ್ನು ಹೊಂದಿದೆ. 2025 ರ ವೇಳೆಗೆ ಭಾರತದಿಂದ ಕ್ಷಯರೋಗ (ಟಿಬಿ)ವನ್ನು ನಿರ್ಮೂಲನ ಮಾಡುವುದು ನಮ್ಮ ಪ್ರಧಾನ ಮಂತ್ರಿಗಳ ದೃಷ್ಟಿಕೋನವಾಗಿದೆ - ಡಾ. ರವಿಚಂದ್ರ ಸಿ, ಮುಖ್ಯ ವೈದ್ಯಾಧಿಕಾರಿ, ಎನ್.ಟಿ.ಐ
 
ಭಾರತವು ಕ್ಷಯರೋಗ (ಟಿಬಿ)ವನ್ನು ತೊಡೆದುಹಾಕಬಹುದೇ?

"ಹೌದು, ಭಾರತವು ಕ್ಷಯರೋಗ (ಟಿಬಿ)ವನ್ನು ತೊಡೆದುಹಾಕಬಹುದು. ರೋಗದ ವಿರುದ್ಧ ಹೋರಾಡುವಲ್ಲಿ ನಾಗರಿಕರು ಮತ್ತು ರೋಗಿಗಳು ಜವಾಬ್ದಾರಿಯುತವಾಗಿ ವರ್ತಿಸಿದರೆ ಖಂಡತವಾಗಿಯೂ ನಿರ್ಮೂಲನ ಮಾಡಬಹುದು" ಎಂದು ತಜ್ಞರು ಹೇಳಿದರು,.
 
ಕೆಮ್ಮು ಬಂದಾಗ ಇತರಿರಗೆ ತೋದರೆಯಾಗದಂತೆ  ಕಾಪಾಡಿಕೊಳ್ಳುವುದು - ನೀವು ಕೆಮ್ಮಿದಾಗ ಮೂಗು ಮತ್ತು ಬಾಯಿಯನ್ನು ಮುಚ್ಚಿಕೊಳ್ಳುವುದು - ಸೋಂಕಿನ ಹರಡುವಿಕೆಯನ್ನು ನಿಯಂತ್ರಿಸುವಲ್ಲಿ ಮಹತ್ತರವಾಗಿ ಸಹಾಯ ಮಾಡುತ್ತದೆ. 

ಗಾಳಿಯಿಂದ ಹರಡುವ ಈ ಕ್ಷಯರೋಗ (ಟಿಬಿ)ಕಾಯಿಲೆಯಿಂದ ತಮ್ಮನ್ನು ಮತ್ತು ಇತರರನ್ನು ರಕ್ಷಿಸಿಕೊಳ್ಳಲು ಮುಖಗವಸುಗಳನ್ನು ಧರಿಸುವುದು ಉತ್ತಮ ಮಾರ್ಗವಾಗಿದೆ ಎಂದು ವೈದ್ಯರು ಹೇಳಿದರು.

ಕ್ಷಯರೋಗ (ಟಿಬಿ) ಪ್ರಚಲಿತದಲ್ಲಿರುವ ಬಡ ದೇಶಗಳು ಹೆಚ್ಚಿನ ಪ್ರಮಾಣದಲ್ಲಿ ಅಪೌಷ್ಟಿಕತೆಯನ್ನು ಅನುಭವಿಸುವುದರಿಂದ, ಪೌಷ್ಟಿಕ ಆಹಾರದ ಸೇವನೆಯು ಕೂಡಾ ರೋಗವನ್ನು ಹೆಚ್ಚಿನ ಪ್ರಮಾಣದಲ್ಲಿ ತಡೆಗಟ್ಟಬಹುದು.
" ಕ್ಷಯರೋಗ (ಟಿಬಿ)ವನ್ನು ನಿರ್ಮೂಲನಗೊಳಿಸಲು ಅಪೌಷ್ಟಿಕತೆಯನ್ನು ಕೊನೆಗೊಳಿಸುವ ಅವಶ್ಯಕತೆಯಿದೆ. ಭಾರತದಲ್ಲಿ ಕ್ಷಯರೋಗ (ಟಿಬಿ)ದ ಮುಖ್ಯ ಪ್ರೇರಕ ಶಕ್ತಿ ಅಪೌಷ್ಟಿಕತೆಯಾಗಿದೆ. 15 ರಿಂದ 55 ವರ್ಷ ವಯಸ್ಸಿನ ಶೇ.50 ಜನರು ಅಪೌಷ್ಟಿಕತೆಯಿಂದ ಬಳಲುತ್ತಿದ್ದಾರೆ ಮತ್ತು ಅವರು ಸುಮಾರು ಶೇ.30 ಕ್ಷಯರೋಗ (ಟಿಬಿ) ಪ್ರಕರಣಗಳಿಗೆ ಇವರು ಕೊಡುಗೆ ನೀಡುತ್ತಿದ್ದಾರೆ” ಎಂದು ಡಾ. ರವಿಚಂದ್ರ ಹೇಳಿದರು

ಪೌಷ್ಟಿಕ ಆಹಾರದ ಹೊರತಾಗಿ, ಕ್ಷಯರೋಗ (ಟಿಬಿ) ಸೋಂಕನ್ನು ಕ್ಷಯರೋಗ (ಟಿಬಿ) ಕಾಯಿಲೆಯಾಗಿ ಮಾರ್ಪಡಾಗಲು  ಪ್ರಚೋದಿಸುವ ಇತರ ಕೆಲವು ಅಂಶಗಳನ್ನು ವೈದ್ಯರು ವಿವರಿಸಿದರು. ಅನಿಯಂತ್ರಿತ ಮಧುಮೇಹ ಹೊಂದಿರುವ ಎಲ್ಲಾ ರೋಗಿಗಳಲ್ಲಿ ಶೇ.30 ರಷ್ಟು ಜನರು ಕ್ಷಯರೋಗ (ಟಿಬಿ)ವನ್ನು ಪಡೆಯಬಹುದು; ಧೂಮಪಾನವು ಸುಮಾರು ಶೇ.10 ಪ್ರಕರಣಗಳಿಗೆ ಕೊಡುಗೆ ನೀಡುತ್ತದೆ; ಒಳಾಂಗಣ ವಾಯು ಮಾಲಿನ್ಯದಿಂದ ಶೇ.12 ರಿಂದ ಶೇ.18 ರಷ್ಟು ಕ್ಷಯರೋಗ (ಟಿಬಿ) ಉಂಟಾಗುತ್ತದೆ.

ಉಜ್ವಲ ಯೋಜನೆಯನ್ನು ಅನುಷ್ಠಾನಗೊಳಿಸುವುದು ಬಹಳ ಅವಶ್ಯಕ.
ಉಜ್ವಲ ಯೋಜನೆಯಿಂದ ಲಭ್ಯ ಅಡುಗೆ ಅನಿಲವನ್ನು ಅಡುಗೆಗೆ ಬಳಸಿದ ನಂತರ ಪ್ರತಿ ಮನೆಯ ಒಳ ಆವರಷ ವಾಯು ಮಾಲಿನ್ಯದಿಂದ ಮುಕ್ತವಾಗಿರುತ್ತದೆ
- ಡಾ.ರವಿಚಂದ್ರ ಸಿ, ಮುಖ್ಯ ವೈದ್ಯಾಧಿಕಾರಿ, ಎನ್.ಟಿ.ಐ.
 
ಭಾರತ ಸರ್ಕಾರ ಮತ್ತು ಕೇಂದ್ರ ಕ್ಷಯರೋಗ (ಟಿಬಿ) ವಿಭಾಗವು ಕ್ಷಯರೋಗ (ಟಿಬಿ) ವನ್ನು ತೊಡೆದುಹಾಕಲು ವಿವಿಧ ತಂತ್ರಗಾರಿಕೆ, ಕಾರ್ಯಯೋಜನೆಗಳನ್ನು ಅಳವಡಿಸಿಕೊಳ್ಳುವ ಮೂಲಕ ಸಕ್ರಿಯವಾಗಿ ಕಾರ್ಯನಿರ್ವಹಿಸುತ್ತಿವೆ.

ಕ್ಷಯರೋಗ ಮತ್ತು ಕೋವಿಡ್ -19 ಗಳ ಪತ್ತೆಗಾಗಿ ದ್ವಿ-ಮುಖ ಪರಿಶೀಲನೆ (ಸ್ಕ್ರೀನಿಂಗ್), ನಂತರದ ಚಿಕಿತ್ಸೆಯ ಅನುಸರಣೆ, ಸಂಭಾವ್ಯ ಕ್ಷಯರೋಗ ಪರೀಕ್ಷೆ, ತಡೆಗಟ್ಟುವ ಮುನ್ನೆಚ್ಚರಿಕಾ ಚಿಕಿತ್ಸೆ ಮತ್ತು ಇತ್ತೀಚಿನ ಬೆಳವಣಿಗೆ ಮುಂತಾದವುಗಳು ಕ್ಷಯರೋಗ ಪ್ರಕರಣಗಳ ಉಪ-ರಾಷ್ಟ್ರೀಯ ಮಟ್ಟದ ಪ್ರಮಾಣೀಕರಣ ಉಪಕ್ರಮಗಳಾಗಿವೆ.

ಪ್ರಾರಂಭಿಕ ರೋಗನಿರ್ಣಯಕ್ಕಾಗಿ ಆರ್ಟಿಫಿಷಿಯಲ್ ಇಂಟಲಿಜೆನ್ಸ್ ನ್ನು ಅಭಿವೃದ್ಧಿಪಡಿಸಲಾಗುತ್ತಿದೆ, ಇದರಲ್ಲಿ ವ್ಯಕ್ತಿಗೆ ಕ್ಷಯರೋಗವಿದೆಯೇ ಎಂದು ಗುರುತಿಸಲು ಆರ್ಟಿಫಿಷಿಯಲ್ ಇಂಟಲಿಜೆನ್ಸ್ ಕೆಮ್ಮಿನ ಧ್ವನಿಯನ್ನು ಬಳಸುತ್ತದೆ 
- ರಾಜ್ಯ ಕ್ಷಯರೋಗ ಮಿಷನ್ ಮುಖ್ಯಸ್ಥ - ಗೋವಾ, ಡಾ. ಮನೀಶ್ ಗೌನೆಕರ್

ಕ್ಷಯರೋಗಕ್ಕೆ ಸಂಬಂಧಿಸಿದ ಯಾವುದೇ ಪ್ರಶ್ನೆಗೆ ನಿಶುಲ್ಕ ಸಹಾಯವಾಣಿ ಸಂಖ್ಯೆ 1800-11-6666 ಗೆ ಕರೆ ಮಾಡಿ
 
ಎಚ್.ಐ.ವಿ. ಮತ್ತು ಕ್ಷಯರೋಗ
ಎಚ್.ಐ.ವಿ ಪೀಡಿತ ರೋಗಿಯು ಚಿಕಿತ್ಸೆಗೆ ಬಂದಾಗ, ಆತನನ್ನು ತಕ್ಷಣವೇ ಕ್ಷಯರೋಗ ಪರೀಕ್ಷೆಗೆ ಒಳಪಡಿಸಲಾಗುತ್ತದೆ. ಎಚ್.ಐ.ವಿ ರೋಗಿಗಳಿಗೆ ಕ್ಷಯರೋಗದ ಆರಂಭಿಕ ರೋಗನಿರ್ಣಯವು ಬಹಳ ಮುಖ್ಯವಾಗಿದೆ. ಎಚ್.ಐ.ವಿ ಇರುವವರು ಕ್ಷಯರೋಗ ಸೋಂಕಿಗೆ ಒಳಗಾಗಿದ್ದರೆ, ಕ್ಷಯರೋಗ ಕಾಯಿಲೆಯಾಗಿ ಸಾಮಾನ್ಯ ಕ್ಷಯರೋಗ ರೂಪುಗೊಳ್ಳುವ ಸಾಧ್ಯತೆಗಳು - ಶೇ.70 ರಷ್ಟು ಹೆಚ್ಚು ಆಗಿರುತ್ತವೆ.
- ಡಾ.ಸೋಮಶೇಖರ್ ಎನ್ , ನಿರ್ದೇಶಕರು, ಎನ್ .ಟಿ.ಐ 

ಎಚ್.ಐ.ವಿ ರೋಗಿಗಳಲ್ಲಿ ಸಾವಿಗೆ ಸಾಮಾನ್ಯ ಕಾರಣವೆಂದರೆ ಕ್ಷಯರೋಗ ಮತ್ತು ಎಚ್.ಐ.ವಿ ರೋಗಿಗಳಲ್ಲಿ ಸಾಮಾನ್ಯವಾದ ಅವಕಾಶವಾದಿ ಸೋಂಕು ಕ್ಷಯರೋಗ ಆಗಿದೆ. ಆದ್ದರಿಂದ ಎಚ್.ಐ.ವಿ.ಯನ್ನು ನಿಭಾಯಿಸಲು ಸಾಧ್ಯವಾಗುವಂತೆ ಕ್ಷಯರೋಗವನ್ನು ಆದಷ್ಟು ಬೇಗ ಗುರುತಿಸಿ ಚಿಕಿತ್ಸೆ ನೀಡಬೇಕು. ಪ್ರತಿ ತಿಂಗಳು ಎಚ್.ಐ.ವಿ ರೋಗಿಗಳನ್ನು ಅಂತಹ ಕ್ಷಯರೋಗವನ್ನು ಗುರುತಿಸಲು ವಿಶೇಷವಾಗಿ ಪರೀಕ್ಷಿಸಲಾಗುತ್ತದೆ.
ಎಚ್.ಐ.ವಿ ರೋಗಿಗಳ ಜೀವಿತಾವಧಿಯು 5-10 ವರ್ಷಗಳ ಹಿಂದೆ 20 ವರ್ಷಗಳಿಗೆ ಏರಿದೆ. ಆರಂಭಿಕ ರೋಗನಿರ್ಣಯ ಮತ್ತು ಲಸಿಕೆಗಳಿಂದಾಗಿ ಸಂಭವಿಸಿದ ಈ ಪ್ರಗತಿಯು, ಮಧುಮೇಹ ಅಥವಾ ಅಧಿಕ ರಕ್ತದೊತ್ತಡದಂತಹ ನಿರ್ವಹಿಸಬಹುದಾದ ದೀರ್ಘಕಾಲದ ಕಾಯಿಲೆಯಾಗಿ ಎಚ್.ಐ.ವಿ ಅನ್ನು ರೂಪಾಂತರ ಮಾಡಿದೆ.
- ಡಾ.ಸೋಮಶೇಖರ್ ಎನ್ , ನಿರ್ದೇಶಕರು, ಎನ್ .ಟಿ.ಐ
 
ಕ್ಷಯರೋಗದಿಂದ ಎಚ್.ಐ.ವಿ ರೋಗಿಗಳ ಚಿಕಿತ್ಸೆ:
ಎಚ್.ಐ.ವಿ ರೋಗಿಗಳಿಗೆ ನೀಡಲಾಗುವ ಆ್ಯಂಟಿ ರೆಟ್ರೊವೈರಲ್ ಥೆರಪಿ ಜೊತೆಗೆ ಕ್ಷಯರೋಗ ನಿವಾರಕ ಔಷಧಗಳನ್ನು ವೈದ್ಯರು ಶಿಫಾರಸು ಮಾಡುತ್ತಾರೆ.
ಒಬ್ಬ ವ್ಯಕ್ತಿಯು ಕ್ಷಯರೋಗ ಮತ್ತು ಎಚ್.ಐ.ವಿ ಎರಡನ್ನೂ ಹೊಂದಿರುವ ರೋಗನಿರ್ಣಯವನ್ನು ಮಾಡಿದಾಗ, ರೋಗಿಯನ್ನು ಮೊದಲು ಕ್ಷಯರೋಗಕ್ಕೆ ಚಿಕಿತ್ಸೆ ನೀಡಲಾಗುತ್ತದೆ ಮತ್ತು ಎರಡು ವಾರಗಳ ನಂತರ ಮಾತ್ರ ಆಂಟಿ-ರೆಟ್ರೋವೈರಲ್ ಚಿಕಿತ್ಸೆಯನ್ನು ಪ್ರಾರಂಭಿಸಲಾಗುತ್ತದೆ. ಏಕೆಂದರೆ ಎಚ್.ಐ.ವಿ ಮತ್ತು ಕ್ಷಯರೋಗ ಎರಡಕ್ಕೂ ಪ್ರತಿಕೂಲ ಪರಿಣಾಮಗಳು ಒಂದೇ ಆಗಿರುತ್ತವೆ; ಇವುಗಳಲ್ಲಿ ವಾಂತಿ, ಜಠರದುರಿತ ಮತ್ತು ತುರಿಕೆ ಸೇರಿವೆ.

ರೋಗಿಯು ಪ್ರತಿಕೂಲ ಪರಿಣಾಮಗಳನ್ನು ತಡೆದುಕೊಳ್ಳಲು ಸಾಧ್ಯವಾದಾಗ, ಪ್ರತಿರೋಧದ ರೆಟ್ರೊವೈರಲ್ ಚಿಕಿತ್ಸೆಯನ್ನು ಪ್ರಾರಂಭಿಸಲಾಗುತ್ತದೆ.
 
ಎಚ್.ಐ.ವಿ - ಕ್ಷಯರೋಗ ರೋಗಿಗಳಿಗೆ ಬೆಂಬಲ:
ಕ್ಷಯರೋಗ ಮತ್ತು ಎಚ್.ಐ.ವಿ ಎರಡಕ್ಕೂ ಔಷಧಿಗಳನ್ನು ಸೇವಿಸುತ್ತಿರುವ ರೋಗಿಗಳಲ್ಲಿ ಹೆಚ್ಚು ಪ್ರತಿಕೂಲ ಪರಿಣಾಮಗಳ ಸಾಧ್ಯತೆಗಳಿವೆ. ಅವರನ್ನು ವೈದ್ಯರು ಮತ್ತು ಚಿಕಿತ್ಸಾ ಸಹಾಯಕರು ನಿಕಟವಾಗಿ ಮೇಲ್ವಿಚಾರಣೆ ಮಾಡುತ್ತಾರೆ.
 
ಕ್ಷಯರೋಗ  ಕಾಯಿಲೆಯ ವಿರುದ್ಧ ಹೋರಾಡಲು ಆಹಾರಕ್ರಮ:
ಮಾಂಸಾಹಾರ ಸೇವನೆ ಅತ್ಯಂತ ಅಗತ್ಯ ಎಂಬ ಮೂಢನಂಬಿಕೆಗಳಿವೆ. ಇದು ಅವೈಜ್ಞಾನಿಕ. ನೀವು ಯಾವುದೇ ಮಾಂಸಾಹಾರವನ್ನು ತೆಗೆದುಕೊಳ್ಳದಿದ್ದರೂ ಪರವಾಗಿಲ್ಲ. ಮನೆಯಲ್ಲಿ ಪೌಷ್ಟಿಕ ಆಹಾರವನ್ನು ಬೇಯಿಸಿ, ಸೇವಿಸಿ ಮತ್ತು ನೀವು ಗುಣಮುಖರಾಗುತ್ತೀರಿ
– ರವಿಚಂದ್ರ ಸಿ, ಮುಖ್ಯ ವೈದ್ಯಾಧಿಕಾರಿ, ಎನ್.ಟಿ.ಐ
 
ಕ್ಷಯರೋಗ ಕ್ಕೆ ಯಾವುದೇ ನಿರ್ದಿಷ್ಟ ಆಹಾರವನ್ನು ಸೂಚಿಸಲಾಗಿಲ್ಲ.
ವಿಶೇಷವಾಗಿ ರೋಗಿ ಚಿಕಿತ್ಸೆ ಪಡೆಯುತ್ತಿರುವಾಗ ಪೌಷ್ಟಿಕ ಆಹಾರ ತೆಗೆದುಕೊಳ್ಳುವುದು ಬಹಳ ಮುಖ್ಯ. ಈ ಅವಧಿಯಲ್ಲಿ ರೋಗಿಯು ಹೆಚ್ಚು ಹಸಿವನ್ನು ಹೊಂದಿರುತ್ತಾನೆ ಮತ್ತು ತೂಕ ಕಡಿಮೆಯಾಗುವುದನ್ನು ಸಹ ಅನುಭವಿಸಲು ಪ್ರಾರಂಭಿಸುತ್ತಾರೆ. ಎಲ್ಲಾ ರೀತಿಯ ತರಕಾರಿಗಳು, ಹಸಿರು ಎಲೆಗಳ ತರಕಾರಿಗಳನ್ನು ಸಹ ಆಹಾರದಲ್ಲಿ ಸೇರಿಸಬಹುದು.

ಸಾಕಷ್ಟು ಆಹಾರವನ್ನು ಹೊಂದಿರುವುದು ಮುಖ್ಯ.
ಚಿಕಿತ್ಸೆಯ ಸಂಪೂರ್ಣ ಕೋರ್ಸ್ ಅನ್ನು ಪೂರ್ಣಗೊಳಿಸುವುದು ಬಹಳ ಮುಖ್ಯ. ಅಲ್ಲದೆ, ನೀವು ಆಹಾರ ಸೇವಿಸಿದಾಗಲೆಲ್ಲಾ ಹೊಟ್ಟೆ ತುಂಬಾ ಆಹಾರ ಸೇವಿಸಿ - ರವಿಚಂದ್ರ ಸಿ, ಮುಖ್ಯ ವೈದ್ಯಾಧಿಕಾರಿ, ಎನ್.ಟಿ.ಐ.
 
ಪ್ರತಿ ತಿಂಗಳು ರಕ್ತ ಪರೀಕ್ಷೆಯನ್ನು ನಡೆಸಲಾಗುತ್ತದೆ, ನಿಯಮಿತ ಕ್ಲಿನಿಕಲ್ ಪರೀಕ್ಷೆ ಮತ್ತು ಅನಾರೋಗ್ಯದ ರೋಗಿಗಳಿಗೆ ಆನ್ಲೈನ್ ಬೆಂಬಲವನ್ನು ಸಹ ಒದಗಿಸಲಾಗುತ್ತದೆ.

***

(Release ID: 1809398) Visitor Counter : 214