وزارت نقل وحمل اورشاہراہوں کے مرکزی  وزیرجناب نتن گڈکری نے لوک سبھا میں ایک تحریری جواب میں یہ اطلاع فراہم کی ہے کہ سڑک ٹرانسپورٹ اور شاہراہوں کی وزارت نے 27 نومبر 2020 کو تمام ریاستوں/ مرکز کے زیر انتظام علاقوں کی تعمیل کے لیے موٹر وہیکل ایکٹ 1988 کے سیکشن 93 کے مطابق موٹر وہیکل ایگریگیٹرزرہنما خطوط ، 2020 جاری کیا۔ ریاستیں /مرکز کے زیرانتظام علاقے کی  حکومتوں کے لئے  لائسنس کے اجراء کے ساتھ ساتھ ایسے ایگرگیٹرس  کے ذریعے چلائے جانے والے کاروبار کو منظم کرنے کے لیے یہ رہنما خطوط کا خاکہ مہیاکرتے ہیں ۔ پیرا 11 کے مطابق رائیڈ پولنگ کے حوالے سے رہنما خطوط میں گنجایشیں بنائی گئی ہیں۔ شہری ٹرانسپورٹ شہری ترقی کے ساتھ جڑی ہوئی ہے، جو ریاست کا موضوع ہے۔ اس طرح، پائیدار شہری نقل و حمل کے نظام کی منصوبہ بندی اور انتظام کے لیے اقدامات، بشمول سڑکوں پر ٹریفک کی بھیڑ کے مسئلے کو حل کرنے کے اقدامات، متعلقہ شہروں/ریاستوں/مرکز کے زیر انتظام علاقوں کے ذریعے اٹھائے جاتے ہیں۔ ہاؤسنگ اور شہری امور کی وزارت، شہری نقل و حمل کے معاملات کے لیے مرکزی لائن کی وزارت ہونے کے ناطے، اس علاقے میں بہتر منصوبہ بندی اور تصورات کے نفاذ کے لیے اصولوں اور حکمت عملیوں کی نشاندہی کرنے کے لیے شہروں/یو ایل بیز/ریاستوں/مرکز کے زیر انتظام علاقوں کی مدد کے لیے پالیسی فریم ورک اور دیگر رہنما دستاویزات فراہم کرتی ہے۔ شہری نقل و حمل کی موٹر وہیکل ایگریگیٹر رہنما خطوط، 2020 میں مزید کوئی ترمیم اس وزارت کے زیر غور نہیں ہے۔

*****

ش ح ۔ اک ۔ ع آ

U-3128

(Release ID: 1809116) Visitor Counter : 155