খাদি এন্দ ভিলেজ ইন্দস্ত্রিজ কম্মিসন (কে.ভি.আই.সি.)না হায়জরকপগী মতুং ইন্না, ভারত লৈঙাক্কী কম্মর্স এন্দ ইন্দস্ত্রী মন্ত্রালয়না রো অগর্বত্তি পুশিল্লকপা থিংননবা অমদি লমদমসিদা অগর্বত্তি পুথোকপা হেনগৎহন্দুনা খুঙ্গঙগী লমদা থবক পীবগী ফীভম ঙাক্তুনা থম্নবগীদমক ০১.০৯.২০১৯দগী হৌনা অগরবত্তি পুশিল্লকপগী খুজিল থৌরাং শেমদোক্তুনা মসিবু “ফ্রী” ত্রেদতগী “রেস্ত্রিক্তেদ” ত্রেদতা থমখ্রে‍। মখা তানা কে.ভি.আই.সি.না হায়জরকপগী মতুং ইন্না, শেলথুম মন্ত্রালয়না তাং ০৯.০৬.২০২০দা থোকখিবা নোতিফিকেসন্দা অগর্বত্তি পুথোকপবা শীজিন্নরিবা অকোয়বা ৱাগী মচৈ পুশিল্লকপগী দ্যুতী ১০% ওইরমবদগী ২৫%দা হেনগৎখ্রে‍। লৈঙাক্কী ফিরেপ অসিনা ৱাগী মচৈ পুথোকপগী সেক্তরদা লমদমসিদা থবক পীবগী চাং হেনগৎহল্লগনি‍।

মখা তানা, অৱাংবা ইনপুৎ কোস্তনচিংবা য়াওনা ৱাগী সেক্তরদা লৈরিবা ৱাফম খুদিংমক্কী ৱাখৈ পুরক্নবগীদমক ভারত লৈঙাক্না ২০১৮দা সেন্ত্রেল্লী স্পোন্সর স্কিম ওইনা নৌনা শেমদোক্লবা নেস্নেল বেম্বু মিসন (এন.বি.এম.) হৌদোকখ্রে‍।

এন.বি.এম.না উমং নত্তবা মফমদা ৱা থাবগী মফম হেনগৎহন্দুনা, অমদি থানবা মচাক, থাবা, খোমগৎনবগী ফেসিলিতী শেমগৎপা, তাশিনবা, প্রোসেস তৌবা, লৈবা য়োনবা, স্কিল হেনগৎহনবা অমসুং ক্লস্তর এপ্রোচ মোদতা ব্রান্দ শেমগৎপগী থৌরাংশিংদা ৱা থারিবশিংগা শীজিন্নরিবশিংগা শমজিন্ননবগীদমক ৱাগী সেক্তরদা অপুনবগী ওইনা চাওখৎপা পুরক্নবগীদমক থবক পায়খৎলি‍।

এন.বি.এম.দা লৈঙাক্কী অমদি লনাই সেক্তরদা বেম্বু ত্রীতমেন্ত এন্দ সীজনিং প্লান্তশিং, প্রাইমারী প্রোসেসিংদগী থোরকপা ৱা মথি মকুমশিং য়াওনা ৱাদা ভেল্যু এদিসন তৌবা অমসুং প্রদক্ত মেনুফেকচরিং য়ুনিৎনচিংবা লিংখৎপগী ৱাফমশিং য়াওরি‍। স্তেত বেম্বু মিসনশিংদা (এস.বি.এম.) স্কিম অসিদা য়াওরিবগী মতুং ইন্না ৱাবু ভেল্যু এদিসন তৌদুনা মচাক ওইনা মপুং ফানা শীজিন্ননবা অমদি ৱেস্ত মেনেজমেন্তকী লমদা মীৎয়েঙ চঙনবা পাউতাক পীখ্রে‍।

ভেল্যু চেনগী তোঙান তোঙানবা থৌওংশিংদা থোরকপা ৱা মথি মকুমশিং মওং চুম্না শীজিন্ননবা থৌরাং য়াওরিবা “প্রদক্ত দেভেলপমেন্ত এন্দ প্রোসেসিং”গী থবক থৌরমশিংগী মখাদা “মেনেজমেন্ত ওফ বেমবু ৱেস্ত ইন প্রাইমারী প্রোসেসিং য়ুনিৎ”কী মচাক অমা নেস্নেল বেমবু মিসন্দা য়াওরি‍। হৌজিক ফাওবদা, ২০১৮-১৯দগী ২০২১-২২ ফাওবগী মনুংদা নৌনা শেমদোক্লবা নেস্নেল বেমবু মিসনগী (এন.বি.এম.) মখাদা মেনেজমেন্ত ওফ বেমবু ৱেস্ত ইন প্রাইমারী প্রোসেসিংগী য়ুনিৎ ৩৪ লিংখৎখ্রে‍।

এম.এস.এম.ই. মন্ত্রালয়নসু ৱাগী সেক্তর য়াওনা নন-ফার্ম সেক্তরদা মাইক্রো-এন্তরপ্রাইজশিং লিংখত্তুনা লৈবাকসিদা থবক পীননবগী পান্দমদা প্রাইম মিনিস্তর্স এমপ্লোইমেন্ত জেনেরেসন প্রোগ্রাম (পি.এম.ই.জি.পি.) কৌবা অচৌবা ক্রেদিৎ-লিংঙ্ক সবসিদী প্রোগ্রাম অমা পায়খৎলি‍। পি.এম.ই.জি.পি.গী মখাদা জেনেরেল কাঙলুপ্তা লৈরিবা মীওইশৎংনা খুঙ্গঙগী লমদা ২৫% অমসুং ময়োল্লমদনা ১৫% মার্জিন মনী সবসিদী ফংবা য়াই‍। সেদ্যুল্দ কাস্ত, সেদ্যুল্দ ত্রাইব, ও.বি.সি., মাইনোরিতী, নুপী, এক্স-সর্ভিসমেন, হকচাঙ শোইনাইবনচিংবা অখন্নবা কাঙলুপ অমসুং অৱাং নোংপোক লমদমো চীং অমসুং ঙমখৈগী লমদমদা লৈরিবা বিনিফিসিয়রীশিংনা খুঙ্গঙগী লমদা ৩৫% অদুগা ময়োল্লমদা ২৫% মার্জিন মনী সবসিদী ফংবা য়াই‍। প্রোজেক্ত অসিগী খ্বাইদগী য়ামবা কোস্ত পোত্থোক পুথোকপগী সেক্তরদা লুপা লাখ ২৫ অদুগা সর্ভিস সেক্তরদনা লুপা লাখ ১০ ওইগদবনি‍। হৌখিবা চহি অহুম অমদি চৎলিবা চহিসিদা ৱাগী ইন্দস্ত্রীগী মখাদা তেংবাং পীখ্রবা পি.এম.ই.জি.পি. য়ুনিৎ মশিং মখাদা পীরি:

মসিগী মথক্তা, ত্রেদিস্নেল ইন্দস্ত্রী অমসুং খুৎহৈবশিংবু অপুনবা ওইনা খোমজিন্নবা অমদি মখোয়বু হিদান্নহন্নবা, তুং কোইনা থবক পীহন্নবা অমসুং পোত্থোকশিং য়োনবা নুংঙাইহন্নবগীদমক এম.এস.এম.ই. মন্ত্রালয়না স্কিম ওফ ফন্দ ফোর রিজেনেরেসন ওফ ত্রেদিস্নেল ইন্দস্ত্রিজ (এস.এফ.য়ু.আর.তি.আই.) পায়খৎলি‍। স্কিম অসিনা কম্মন ফেসিলিতী সেন্তরশিং (সি.এফ.সি.) শেমগৎপা, অনৌবা খুৎশু খুৎলায়শিং, প্রদক্সনগী মচাক মথুমশিং লৈবদা, রোম মেতরিএল বেঙ্ক লিংখৎপদা, স্কিল দেভেলপমেন্ত অমসুং ত্রেনিংদা, মার্কেৎ প্রমোসন থৌরাংশিংদা ঙাক্লৌ পীরি‍। স্কিম অসিগী মখাদা খুৎহৈবা ৫০০ ফাওবগী মনুংদা লৈবা ‘রিগুলর ক্লস্তর’শিংদা লুপা করোর ২.৫ ফাওবগী, অমদি খুৎহৈবা ৫০০গী মথক্তা লৈবা ‘মেজর ক্লস্তর’শিংদনা লুপা করোর ৫ ফাওবগী শেলগী তেংবাং পীরি‍। এস.এফ.য়ু.আর.তি.আই.গী মখাদা তেংবাং পীরিবা অচৌবা সেক্তরশিংদি ৱা, খোইহি, তেক্সতাইল, এগ্রো প্রোসেসিং, হেন্দিক্রাফ্ত, খাদি, কোইরনচিংবনি‍।

২০১৪-১৫দগী হৌরগা ঙসি ফাওবদা, বেমবু ক্লস্তর ৪১দা ভারত লৈঙাক্কী লুপা করোর ৯৮.৬৪গী তেংবাং অয়াবা পীদুনা খুৎংঐবা ৯১৯৭দা কান্নবা ফংহনখ্রে‍।

ৱাফম অসি মাইক্রো স্মোল এন্দ মেদিয়ম এন্তরপ্রাইজেজকী কেন্দ্রগী রাজ্য মন্ত্রী শ্রী ভানু প্রতাপ সিংহ ভর্মানা লোক সভাদা অইবা পাউখুম ওইনা পীদুনা ফোঙদোকখিবনি‍।

***

(Release ID: 1809082) Visitor Counter : 172