শহিদ দিৱসকী থৌরমদা, প্রধান মন্ত্রী, শ্রী নরেন্দ্র মোদীনা ঙসি ভীদিও কনফরেন্সিংগী খুত্থাংদা কোলকাতাগী ভিক্তোরিয়া মেমোরিয়েল হোলদা বিপ্লোবি ভারত গেলরী শঙ্গাখ্রে। নোংচুপ বেঙ্গলগী গোবর্নর, শ্রী জগদীপ ধনখার অমসুং কেন্দ্রগী মন্ত্রী, শ্রী জি. কিশন রেদ্দীনা থৌরম অদুদা শরুক য়াখি।

প্রধান মন্ত্রীনা মহাক্কী ৱারোল অদু হৌদোকপদা বির‍ভুমদা থোকখিবা হিংশাগী থৌদোক অদুগী অৱাবা তারবশিং অদুগীদমক্তা নুংঙাইতবা ফোংদোক্লি অমসুং রাজ্য সরকার অসিনা অসিগুম্বা তমথিরবা থৌওংশিং অসিগী মরাল লৈরবশিং অদুবু শোইদনা চৈরাক পীরগনি হায়বগী থাজবা অদু ফোংদোকখি। মহাক্না কেন্দ্রদগী অঙম্বা মতেং পাংগনি হায়না থাজবা পীরকখি। 
“ঐহাক্না বেঙ্গোলগী মীয়ামদা অসিগুম্বা থৌদোক থোকহল্লিবা মীওইশিং, অসিগুম্বা মরাল লৈবা মীওইশিংবু শৌগৎলিবা মীওইশিংবু কৈদৌনুংদা ঙাকপীগনু হায়নসু হায়জনীংই” হায়না মহাক্না মখা তাখি।

শহীদ দিৱস অসিদা অথৌবশিং অদুবু নিংশিংলদুনা, প্রধান মন্ত্রীনা হায়খি মদুদি অমর ওইরবা অথৌবা ভগত সিংহ, রাজগুরু অমসুং সুখদেবনা থৱায় থাখিবগী ৱারী অসিনা ঐখোয় পুম্নমকপু লৈবাক্কীদমক্তা অৱাবা লৈতনা হোৎননবা পুক্নিং থৌগৎলি। “ঐখোয়গী হৌখ্রবা মতমগী লেগেসীনা ঐখোয়গী হৌজিকপু লমজিংলি, অফবা তুংগী লম্বি অমা শেমগৎনবা ঐখোয়দা ইথিল পীরি। মরম অদুনা ঙসিদি লৈবাক অসিনা মশাগী পুৱারী, হৌখ্রবা মতমবু পাঙ্গল থৌনাগী অহিংবা হৌরকফম অমা ওইনা উরি”, হায়না মহাক্না হায়খি।

প্রধান মন্ত্রীনা হায়খি, ঙসিদি, অনৌবা ভারতনা থাইনঙৈগী অরিবা মীতমশিংবু অথিংবা অপনবা অমত্তা লৈতনা মনিংতম্না হুরান্দুনা পুরম্বা  মীরম অদুদগী অনৌবা ভারতনা লৈবাক অসিগী হেরিতেজপু অমুক হন্না পুরক্লি। প্রধান মন্ত্রীনা হায়খি মদুদি ২০১৪ মমাংগী দেকেদশিংদা মীতম খরা খক্তমক ভারত্তা পুরকপা ঙমখি। অদুবু হৌখিইবা চহি ৭ অসিদা মসিগী মশিং অসি ২২৫গী মথক্তা হেনগৎখ্রে।

প্রধান মন্ত্রীনা হায়খি মদুদি ‘নির্ভিক সুভাস’কী মতুংদা, কোলকাতাগী ফজরবা হেরিতেজতা বিপ্লোবি ভারত গেলরীগী শক্তমদা অনৌবা মোতি অমা হাপচিনখ্রে। মহাক্না হায়খি মদুদি বিপ্লোবি ভারত গেলরী অসি নোংচুপ বেঙ্গলগী হেরিতেজবু ঙাকশেন্দুনা থম্বা অমসুং ফগৎহন্নবা লৌখিবা সরকারকারগী ফিরেপ অদুগী খুদম্নি। মহাক্না খঙহনখি মদুদি রাজ্য অসিগী ফিদম্নিংঙাই ওইরবা লেন্দমার্কশিং খুদম ওইনা ভিক্তোরিয়া মেমোরিয়েল, ফিদম্নিংঙাই ওইরবা গেলরীশিং, মেতকাফ হাউসনচিংবা অমুক হন্না শেমজিনবগী থবক অদু লোইবগা পাংখক ওইরে। “ঐখোয়গী সংস্কৃতি, সভ্যতাগী খুদমশিং অসিনা ভারতকী হৌজিক্কী হৌরক্লিবা অমসুং তুংগী মীরোলশিংবু মখা তানা ইথিল পীবা ওইরসনু, মাইকৈ অসিদা মসি য়াম্না চাউবা খোঙথাং অমনি”, হায়না মহাক্না হায়খি।

শ্রী মোদীনা কঙহল্লকখি মদুদি হেরিতেজ তুরিজম হেনগৎহন্নবা ভারত্তা লৈবাক শিন-থুংনা কেমপেন চত্থরি। হেরিতেজ তুরিজম অসিবু স্বেশ দর্শনগুম্বা স্কীম কয়া অমগী খুত্থাংদা ইনোৎ হাপ্লি, হায়না মহাক্না হায়খি। প্রধান মন্ত্রীনা হায়খি মদুদি দান্দি মার্চকীদমক্তা মেমোরিয়েল, জালিয়ানৱালা বাঘ মেমোরিয়েলবু নোনা অমুক হন্না শেমজিনবা, স্তেচু ওফ য়ুনিতী, দীনদয়াল সমারক, বাবাসাহেব মেমোরিয়েল, ভগ্বান বির্সা মুন্দা মেমোরিয়েল, অয়োধ্যা অমসুং কাশিদা ঘাতশিং ফজনবা শেম্বা নত্রগা ভারত শিন-থুংনা লৈরিবা লাইশঙশিংবু নৌনা অমুক হন্না শেমজিনবগুম্বা অনৌবা খোংথাংশিং অসিনা হেরিতেজ তুরিজমগী অনৌবা ওইথোকপা য়াবা কয়া অমা হাংদোরক্লি।

চহি চামা মীনাই-নাইথাং ওইরিঙৈ মনুংদা, পাম্বৈ অহুম্না অপুনবা ওইনা নীংতম্বা ফংহল্লকখি হায়না প্রধান মন্ত্রীনা হায়খি। মসিগী পাম্বৈ অহুম অসি ইহৌ, সত্যাগৃহ অমসুং মীয়ামবু ভাব তাহনবা হায়বসিনা ওইখি। প্রধান মন্ত্রীনা মচু অহুমগী জাতিগী ফিরেল অসিগী নুংগী ৱাহন্থোক্কী মতাংদা শাংনা হায়খি। মসিগী পাম্বৈ অহুম অসি মচু অহুম অদুগী মচুনা মশক তাকই, সেফ্রন্না ঈহৌগী পাম্বৈ, অঙৌবনা সত্যগৃহ অমসুং অশংবনা লৈবাক অসিগী অনৌবা অমা শেম্বা পাম্বগী ৱাখল্লোন অদুবু তাকই। মহাক্কী ওইনদি জাতিগী ফিরালদা য়াওরিবা হিগোক অসিনা লৈবাক অসিগী কলচরগী ওইবা ৱাখল্লোন অদুবু তাকই হায়না মহাক্না হায়খি। ঙসিদি মহাক্না জাতিগী ফিরালগী মচু অহুম অসিদা অনৌবা ভারত অমগী তুংদা ওইরক্কদবা অদু উবা ফংই হায়না মহাক্না হায়খি। সেফ্রননা মথৌদাং অমসুং লৈবাক অসিগী সেক্যুরিতীগীদমক্তা পুক্নিং থৌগৎলি, অঙৌবনা সবকা সাথ, সবকা বিকাস, সবকা বিস্বাস অমসুং সবকা প্রয়াস; অশংবা অসিনা অকোইবদা লৈরিবা ঈশিং-নুংশিৎকী ফিভম ঙাক-শেন্দুনা থম্বা অমসুং হিগোক মচুগী চক্র অসিদা প্রধান মন্ত্রীনা লৈবাক অসিগী ব্লু ইকোনোমী উখি।

প্রধান মন্ত্রীনা ভগত সিং, সুখদেব, রাজগুরু, আজাদ অমসুং খুদিরাম বোসগুম্বা চহি নৌরিবা রিভোল্যুশনরীশিংবু পল্লদুনা ভারতকী নহারোলশিংনা মশাবু হন্থৈ হায়না কৈদৌনুংদা খল্লোইদবনি হায়না হায়খি। “ভারতকী নহারোলনা তৌবা ঙমদবা অদুগুম্বা থবক অমত্তা লৈতে। ভারতকী নহারোলনা ফংবা ঙমলোইদবা অদুগুম্বা পান্দম অমত্তা লৈতে”, হায়না মহাক্না হায়খি।

প্রধান মন্ত্রীনা লৈবাক অসিগী সেবা অমসুং লৈবাক নিংবগী ৱাখল্লোনদা তোঙান-তোঙান রিজনশিং, লোলশিং, রিসোর্সশিং পুল্লপ পুনশিনখিবা নিংতম্বগী লানদা উৎখিবা অপুনবা ওইবগী শক্তম অদুবু পনখি।  “ভারত ভক্তিগী হোংবা নাইদ্রবা ইথিল, অপুনবগী শক্তম অমসুং অমত্তা ওইবগী ৱাখল্লোন অসি ঙসিমকসু ঐখোয়গী খ্বাইদগী মরু ওইবা ওইগদবনি। অদোমগী রাজনিতীগী ৱাখল্লোন অদু অমা হেক্তা ওইরবসু, অদোম্না রাজনিতী দল অমা হেক্তগী মনুং চল্লবসু য়াই, অদুবু ভারতকী অমত্তা ওইবগী ৱাখল্লোন অসিদা মখল অমা হেক্তগী শীংনবা চত্থবদা মদু ভারতকী নীংতম লান্মীশিংদা খ্বাইদগী চাউনা মীনম্বনি”, হায়না প্রধান মন্ত্রীনা মরু ওইনা পনখি। প্রধান মন্ত্রীনা মখা তারদুনা “ঐখোয়না অনৌবা ভারত অসিদা অনৌবা বিজন অমগা লোয়ননা মাংদা চংশিনবা তাই। অনৌবা বিজন অসি ভারতকী ইশাদা ইশানা থাজবা, মরোলদোম লেপচবা, অরিবা মশক, তুংলমচৎকী চাউখৎপা অদুনি। অমসুং মসিদা থৌদাং মশক খঙবা অসিনা খ্বাইদগী হেন্না মরু ওই” হায়না হায়খি।

ঙসি ফংবা ঙমখিবা $ বিলিয়ন ৪০০ নত্রগা লুপা করোর লাখ ৩০গী ওইবা পোৎচৈশিং এক্সপোর্ত তৌখিবগী অচৌবা মাইপাকপা অদুবু পল্লদুনা, প্রধান মন্ত্রীনা হায়রকখি “ভারতকী চাউখৎলক্লিবা এক্সপোর্তশিং অসি ঐখোয়গী ইন্দস্ত্রী পাঙ্গল, ঐখোয়গী এম.এস.এম.ই.শিং, ঐখোয়গী মেন্যুফেকচরিং কেপাসিতী অমসুং ঐখোয়গী এগ্রিকলচর সেক্তরগী মপাঙ্গলগী খুদম অমনি।”

থৌরম অদুদা কেন্দ্রগী কলচর, তুরিজম অমসুং দেবেলপমেন্ত ওফ নোর্থ ইস্তর্ন রিজনগী মন্ত্রী, শ্রী জি. কিশন রেদ্দীনা ভগত সিং, রাজগুরু অমসুং সুখদেব থাপরবু লৈবাক অসিগী নিংতম্বগীদমক্তা মখোয়না মখোয়গী থৱায় অদুবু লৈবাক অসিগীদমক্তা  কত্থোকখিবগীদমক্তা শ্রধাঞ্জলি কৎখ্রে। থৌরম অদুদা মহাক্না নিংতম লানগী মমিং লৈরবশিং খুদম ওইনা রবিনদ্রনাথ থাকুর, স্বামি বিবেকানন্দ, সুভাস চন্দ্র বোসতসু মহাক্না ইকাইখুম্নবা উৎখি।

মন্ত্রী অসিনা হায়খি “ঐখোয়গী লৈবাক অসিগী অরিবা হেরিতেজ অসিনা হৌখিবা চহি ৮দা অমুক্তা থোকখিদ্রিবা খোংজেল অমদা ওল্লকখ্রে হায়না য়াম্না চাউথোক্না হায়বা য়াই। ”  শ্রী নরেন্দ্র মোদীনা প্রধান মন্ত্রী ওইরবা মতুংদা তোঙান-তোঙানবা লৈবাকশিংদগী আর্তিফেক্তশিং পুরক্লি হায়না মহাক্না মখাতানা পনখি। চহি ৪৬তা আর্তিফেক্ত ১৩ খক্তমক হল্লকখি, হৌজিক্তি হৌখিবা চহি ৭.৫ অসিদা ভারত্তা চাউরাক্না আর্তিফেক্ত ২২৮ হল্লকখ্রে। প্রধান মন্ত্রী নরেন্দ্র মোদীনা ভারতকী হেরিতেজ, সিভিলাইজেশন, কলচর অমসুং ত্রেদিশনশিং অসিবু মালেম অসিদা মশক তাকখি অমসুং ঙসি মালেম পুম্বনা ঐখোয়গী কলচর অমসুং ত্রেদিশনশিং অসিগা মখোয়না অনকপা মরী থম্লক্লি হায়নসু মহাক্না হায়খি।

“ঐখোয়না মসিগী গেলরী অসিবু অথৌবশিংগী নুমিত্তা নিংতম লানম্মীশিংদা খত্থোক্লি অমসুং অনৌবা ফিরেপশিং লৌনবা, অনৌবা পান্দমশিং থম্নবা, অনৌবা ৱাখল্লোনগী অনৌবা থৌনাগা লোইননা মাং লোমদা কাখৎপা, মরোমদোম লেপচবা ঙম্বা ভারত অমা শেম্নবা, ভোকেল ফোর লোকেল ওইনবা, এক ভারত শ্রেস্থা ভারতকী পান্দম অসি ফংনবগী মতম অদু ওইরে” হায়না কেন্দ্রগী মন্ত্রীনা হায়খি।

গেলরী অসিনা নিংতম লানদা রিভোল্যুশনরীশিংগী কন্ত্রিব্যুশন অমসুং ব্রিতিশ কোলোনিয়েল রুলগী ময়োক্তা মখোয়গী খুৎলাই পাইদুনা মায়োক্নিখিবা অদুবু উৎলি। মসিগী এসপেক্তশিং অসি অনম্বা মতমদা নিংতম্বগী খোংজংগী ৱারীদা নসিগী ফংফম থোকপা মফম অমত্তা পীখিদে। অনৌবা গেলরী অসিগী পান্দম অসি ১৯৪৭ ফাওবা ওইরকখিবা থৌদোকশিং অদুগী মপুং ওইবা মিৎয়েং অমা পীবা অমসুং রিভোল্যুশনরিশিং অদুনা লৌখিবা মরু ওইবা থৌদাংশিং অদুবু খঙহনবনি।

বিপ্লোবি ভারত গেলরী অসিনা রিভোল্যুশনরী মুভমেন্ত অসিবু হৌরকহনখিবগী পোলিতিকেল অমসুং ইন্তেলেকচুৱল বেকদ্রোপ অদু উৎলি। মসিনা রিভোল্যুশনরী মুভমেন্ত হৌরকখিবগী মতাংদা, রিভোল্যুশনরী লীদরশিংনা মরু ওইবা এসোসিয়েশনশিং শেম্বা, মুভমেন্ত শন্দোরকপা, ইন্দিয়ন নে্সনেল আর্মী শেম্লকপা, নেভেল ম্যুতিনীগী কন্ত্রিব্যশন, অতোপ্পা কয়া অমগী মনুংদা হায়রিবশিং অসি উৎলি।

***