ਭਾਰਤ ਨੂੰ 'ਸਸ਼ਕਤ ​​ਅਤੇ ਸਮਰੱਥ ਭਾਰਤ' ਬਣਾਉਣ ਵਿੱਚ ਮਹਿਲਾਵਾਂ ਲਗਾਤਾਰ ਅਹਿਮ ਭੂਮਿਕਾ ਨਿਭਾਉਂਦੀਆਂ ਆ ਰਹੀਆਂ ਹਨ। ਵੱਖ-ਵੱਖ ਖੇਤਰਾਂ ਵਿੱਚ ਇਨ੍ਹਾਂ ਮਹਿਲਾਵਾਂ ਦੀਆਂ ਸ਼ਾਨਦਾਰ ਪ੍ਰਾਪਤੀਆਂ ਨੂੰ ਮਾਨਤਾ ਦੇਣ ਲਈ, ਨੀਤੀ ਆਯੋਗ ਨੇ ਵੁਮਨ ਟ੍ਰਾਂਸਫਾਰਮਿੰਗ ਇੰਡੀਆ ਅਵਾਰਡਸ ਦੀ ਸਥਾਪਨਾ ਕੀਤੀ ਹੈ।

ਇਸ ਸਾਲ, ਭਾਰਤ ਦੀ ਆਜ਼ਾਦੀ ਦੇ 75 ਸਾਲ ਮਨਾਉਣ ਲਈ ਅਜ਼ਾਦੀ ਕਾ ਅੰਮ੍ਰਿਤ ਮਹੋਤਸਵ ਦੇ ਹਿੱਸੇ ਵਜੋਂ, 75 ਮਹਿਲਾਵਾਂ ਨੂੰ ਡਬਲਯੂਟੀਆਈ ਪੁਰਸਕਾਰਾਂ ਨਾਲ ਸਨਮਾਨਿਤ ਕੀਤਾ ਗਿਆ। ਇਨ੍ਹਾਂ 75 ਪੁਰਸਕਾਰ ਜੇਤੂਆਂ ਵਿੱਚੋਂ ਹਰਿਆਣਾ ਰਾਜ ਦੀਆਂ 7 ਔਰਤਾਂ ਨੂੰ ਸਨਮਾਨਿਤ ਕੀਤਾ ਗਿਆ। ਹੋਰ ਪੁਰਸਕਾਰ ਜੇਤੂਆਂ ਬਾਰੇ ਹੋਰ ਜਾਣਕਾਰੀ ਲਈ ਇੱਥੇ ਕਲਿੱਕ ਕਰੋ।

 

1. ਸੁਪ੍ਰਿਯਾ ਪਾਲ, ਗੁਰੂਗ੍ਰਾਮ, ਜੋਸ਼ ਟਾਕਸ

ਸੁਪ੍ਰਿਆ ਪਾਲ ਭਾਰਤ ਦੇ ਸਭ ਤੋਂ ਵੱਡੇ ਖੇਤਰੀ ਸਮੱਗਰੀ ਅਤੇ ਅੱਪਸਕਿਲਿੰਗ ਪਲੈਟਫਾਰਮ, ਜੋਸ਼ਟਾਕਸ ਦੀ ਮੁੱਖ ਕਾਰਜਕਾਰੀ ਅਧਿਕਾਰੀ -ਸੀਈਓ ਅਤੇ ਸਹਿ-ਸੰਸਥਾਪਕ ਹੈ। ਇਹ ਮੰਚ ਭਾਰਤ ਵਿੱਚ ਟੀਅਰ 2 ਅਤੇ ਟੀਅਰ 3 ਸ਼ਹਿਰਾਂ ਵਿੱਚ ਨੌਜਵਾਨਾਂ ਲਈ ਪ੍ਰੇਰਨਾ, ਜਾਣਕਾਰੀ, ਹੁਨਰ ਅਤੇ ਰੋਜ਼ਗਾਰ ਦੇ ਮੌਕੇ ਪੈਦਾ ਕਰਨ ਲਈ ਇੱਕ ਈਕੋਸਿਸਟਮ ਤਿਆਰ ਕਰ ਰਿਹਾ ਹੈ। ਯੂ ਟਿਊਬ 'ਤੇ 10 ਭਾਸ਼ਾਵਾਂ ਵਿੱਚ ਉਪਲਬਧ, ਸਮੱਗਰੀ ਨੂੰ ਮਹੀਨਾਵਾਰ ਆਧਾਰ 'ਤੇ 70 ਮਿਲੀਅਨ ਤੋਂ ਵੱਧ ਵਿਊਜ਼ ਮਿਲਦੇ ਹਨ। ਉਨ੍ਹਾਂ ਦੀ ਵਿਲੱਖਣ ਐਂਡਰੌਇਡ ਐਪਲੀਕੇਸ਼ਨ, ਜਿਸ ਦੇ 2 ਮਿਲੀਅਨ ਤੋਂ ਵੱਧ ਡਾਊਨਲੋਡ ਹਨ, ਜੋਸ਼ ਸਕਿੱਲਸ ਨੌਜਵਾਨਾਂ ਨੂੰ ਅੰਗਰੇਜ਼ੀ ਵਿੱਚ ਸੰਚਾਰ ਕਰਨ ਵਿੱਚ ਉਨ੍ਹਾਂ ਦੀ ਝਿਜਕ ਨੂੰ ਦੂਰ ਕਰਨ ਵਿੱਚ ਮਦਦ ਕਰਦੀ ਹੈ। ਉਹ ਅਜਿਹੇ ਸਾਧਨ ਵਿਕਸਿਤ ਕਰਨਾ ਜਾਰੀ ਰੱਖਦੇ ਹਨ ਜੋ ਹਰੇਕ ਵਿਅਕਤੀ ਦੀ ਸਮਰੱਥਾ ਨੂੰ ਪ੍ਰਭਾਵਸ਼ਾਲੀ ਢੰਗ ਨਾਲ ਪੋਸ਼ਿਤ ਕਰਦੇ ਹਨ।

ਜੋਸ਼ ਟਾਕਸ ਨੌਜਵਾਨਾਂ ਲਈ ਤਿਆਰ ਕੀਤੇ ਅਸਲ ਅਤੇ ਡਿਜੀਟਲ ਬੁਨਿਆਦੀ ਢਾਂਚੇ ਦਾ ਨਿਰਮਾਣ ਕਰਕੇ ਮਨੁੱਖੀ ਸੰਭਾਵਨਾਵਾਂ ਨੂੰ ਵਿਕਸਤ ਕਰ ਰਿਹਾ ਹੈ।

2. ਅਦਿਤੀ ਭੂਟੀਆ ਮਦਾਨ, ਫਰੀਦਾਬਾਦ, ਬਲੂਪਾਈਨ ਫੂਡਸ ਪ੍ਰਾਈਵੇਟ ਲਿਮਿਟਿਡ

ਬਲੂਪਾਈਨ ਫੂਡਸ ਦੀ ਪਰਿਵਾਰਾਂ ਦੁਆਰਾ ਦਿੱਤੀਆਂ ਗਈਆਂ ਰਵਾਇਤੀ ਪਕਵਾਨਾਂ ਦੇ ਅਧਾਰ 'ਤੇ ਸਮਾਜ ਨੂੰ ਉੱਚ ਗੁਣਵੱਤਾ ਵਾਲੇ ਪ੍ਰਮਾਣਿਕ ​​ਪਕਵਾਨ ਪ੍ਰਦਾਨ ਕਰਨ ਦੀ ਮੁਹਿੰਮ ਨਾਲ ਸ਼ੁਰੂਆਤ ਹੋਈ। ਅਦਿਤੀ ਭੂਟੀਆ ਮਦਾਨ, ਸੰਸਥਾਪਕ ਅਤੇ ਨਿਦੇਸ਼ਕ, ਖੇਤੀਬਾੜੀ ਉਤਪਾਦਾਂ ਦੀ ਵਿਸ਼ਾਲ ਸ਼੍ਰੇਣੀ ਨੂੰ ਮੋਮੋਜ਼ ਅਤੇ ਪਕੌੜੀ ਵਿੱਚ ਬਦਲ ਕੇ ਸਥਿਰਤਾ ਨੂੰ ਉਤਸ਼ਾਹਿਤ ਕਰਦੀ ਹੈ। ਉਹ ਆਪਣੇ ਉਤਪਾਦਾਂ ਨੂੰ ਬਹੁਤ ਪਿਆਰ ਨਾਲ ਬਣਾਉਣ ਅਤੇ ਬਿਨਾਂ ਕਿਸੇ ਪ੍ਰੈਜ਼ਰਵੇਟਿਵ ਦੀ ਵਰਤੋਂ ਕਰਨ ਵਿੱਚ ਵਿਸ਼ਵਾਸ ਰੱਖਦੇ ਹਨ। ਉਨ੍ਹਾਂ ਦਾ ਦ੍ਰਿਸ਼ਟੀਕੋਣ ਵਿਅਕਤੀਆਂ ਨੂੰ ਸੁਵਿਧਾਜਨਕ ਭੋਜਨ ਪ੍ਰਦਾਨ ਕਰਕੇ ਅਤੇ ਭਰੋਸੇਯੋਗਤਾ ਅਤੇ ਸਾਦਗੀ ਦੀ ਭਾਵਨਾ ਪੈਦਾ ਕਰਕੇ ਸਮਾਜ ਨੂੰ ਬਦਲਣ ਲਈ ਸਮਰੱਥ ਅਤੇ ਸਸ਼ਕਤ ਬਣਾਉਣਾ ਹੈ। ਬਲੂ ਪਾਈਨ ਫੂਡਸ ਨੂੰ ਨਵੀਨਤਮ ਰਿਐਲਿਟੀ ਸ਼ੋਅ - ਸ਼ਾਰਕ ਟੈਂਕ ਇੰਡੀਆ ਵਿੱਚ ਵੀ ਪ੍ਰਦਰਸ਼ਿਤ ਕੀਤਾ ਗਿਆ ਸੀ।

ਬਲੂਪਾਈਨਜ਼ ਫੂਡਸ ਸਿਹਤਮੰਦ ਪ੍ਰਮਾਣਿਕ ​​ਰੋਜ਼ਾਨਾ ਭੋਜਨ ਪ੍ਰਦਾਨ ਕਰਕੇ ਭਾਰਤ ਵਿੱਚ ਹਰ ਘਰ ਦਾ ਹਿੱਸਾ ਬਣਨ ਦੀ ਕਲਪਨਾ ਕਰਦਾ ਹੈ।

3. ਚਾਹਤ ਵਾਸਲ, ਗੁਰੂਗ੍ਰਾਮ, ਨੇਰਡਨੇਰਡੀ ਟੈਕਨੋਲੋਜੀਜ਼ ਪ੍ਰਾਈਵੇਟ ਲਿਮਿਟਿਡ

ਚਾਹਤ ਵਾਸਲ ਨੇ ਸਿੱਖਿਆ ਅਤੇ ਵਿਸ਼ੇਸ਼ ਜ਼ਰੂਰਤਾਂ ਵਾਲੇ ਖੇਤਰਾਂ ਵਿੱਚ ਖੋਜ-ਸੰਚਾਲਿਤ ਟੈਕਨੋਲੋਜੀ ਅਤੇ ਉਤਪਾਦ ਸਟਾਰਟਅੱਪ, ਨੇਰਡਨੇਰਡੀ ਟੈਕਨੋਲੋਜੀਜ਼ ਪ੍ਰਾਈਵੇਟ ਲਿਮਿਟਿਡ ਦੀ ਸਹਿ-ਸਥਾਪਨਾ ਕੀਤੀ ਹੈ। ਇਹ ਆਪਣੀ ਕਿਸਮ ਦਾ ਪਹਿਲਾ, ਮਜਬੂਤ ਐਂਡ-ਟੂ-ਐਂਡ ਟੈਕਨੋਲੋਜੀ ਹੱਲ ਹੈ ਜੋ ਵਿਸ਼ੇਸ਼ ਜ਼ਰੂਰਤਾਂ ਦੇ ਖੇਤਰ ਵਿੱਚ ਪੇਸ਼ੇਵਰਾਂ ਦੁਆਰਾ ਦਰਪੇਸ਼ ਵੱਖ-ਵੱਖ ਸਮੱਸਿਆਵਾਂ ਨੂੰ ਹੱਲ ਕਰਦਾ ਹੈ। ਇਸ ਉੱਨਤ ਟੈਕਨੋਲੋਜੀ ਦੀ ਵਰਤੋਂ ਸਕੂਲਾਂ ਵਿੱਚ ਵੱਡੇ ਪੱਧਰ 'ਤੇ ਸਕ੍ਰੀਨਿੰਗ ਲਈ ਕੀਤੀ ਜਾ ਰਹੀ ਹੈ ਤਾਂ ਜੋ ਉਨ੍ਹਾਂ ਬੱਚਿਆਂ ਦੀ ਪਛਾਣ ਕੀਤੀ ਜਾ ਸਕੇ ਜੋ ਨਿਊਰੋਡਿਵੈਲਪਮੈਂਟ ਵਿਕਾਰ ਯਾਨੀ ਦਿਮਾਗ ਦੇ ਵਿਕਾਸ ਨਾਲ ਸਬੰਧਤ ਸਮੱਸਿਆ ਦਾ ਸਾਹਮਣਾ ਕਰਦੇ ਹਨ।

ਉਨ੍ਹਾਂ ਨੇ 300 ਤੋਂ ਵੱਧ ਸਵਦੇਸ਼ੀ, ਵਿਹਾਰਕ ਯੰਤਰ ਵਿਕਸਿਤ ਕੀਤੇ ਹਨ ਜੋ ਪੇਸ਼ੇਵਰਾਂ ਦੀ ਚਕਿਤਸਾ ਸੰਚਾਲਨ ਵਿੱਚ ਸਹਾਇਤਾ ਕਰਦੇ ਹਨ। ਇਸ ਨੇ 18 ਆਰਮੀ ਪਬਲਿਕ ਸਕੂਲਾਂ ਵਿੱਚ ਵਿਸ਼ੇਸ਼ ਸਰੋਤ ਕਮਰੇ ਵੀ ਬਣਾਏ ਹਨ। ਉਹ ਨੈਸ਼ਨਲ ਸਟਾਰਟਅੱਪ ਇੰਡੀਆ ਅਵਾਰਡਜ਼ 2021 ਦੇ ਫਾਈਨਲ ਰਾਊਂਡ ਵਿੱਚ ਵੀ ਪਹੁੰਚੇ ਸਨ।

ਨੇਰਡਨੇਰਡੀ ਦਾ ਉਦੇਸ਼ ਵਿਸ਼ੇਸ਼ ਜ਼ਰੂਰਤਾਂ ਵਾਲੀ ਸਿੱਖਿਆ ਵਿੱਚ ਹਰੇਕ ਹਿਤਧਾਰਕ ਲਈ ਇੱਕ ਬੌਧਿਕ ਗਿਆਨ ਅਤੇ ਹੱਲ ਪ੍ਰਦਾਤਾ ਬਣਨਾ ਹੈ।

4. ਡਾ. ਗਿਰਿਜਾ ਕੇ ਭਰਤ, ਗੁਰੂਗ੍ਰਾਮ, ਮਯੂ ਗਾਮਾ ਕੰਸਲਟੈਂਟਸ ਪ੍ਰਾਈਵੇਟ ਲਿਮਿਟਿਡ

ਡਾ. ਗਿਰਿਜਾ ਕੇ ਭਰਤ ਦੁਆਰਾ ਸਥਾਪਿਤ, ਮਯੂ ਗਾਮਾ ਕੰਸਲਟੈਂਟਸ ਪ੍ਰਾਈਵੇਟ ਲਿਮਿਟਿਡ ਵਾਤਾਵਰਣ ਚੇਤੰਨ ਸਮਾਜ ਨੂੰ ਉਤਸ਼ਾਹਿਤ ਕਰਨ ਲਈ ਕੰਮ ਕਰ ਰਿਹਾ ਹੈ। ਸੰਸਥਾ ਵਾਤਾਵਰਣ ਪੱਖੀ ਹੱਲਾਂ ਰਾਹੀਂ ਭਾਈਚਾਰਿਆਂ ਦੇ ਜੀਵਨ ਪੱਧਰ ਨੂੰ ਸੁਧਾਰਨ ਦੇ ਕੰਮ ਵਿੱਚ ਲੱਗੀ ਹੋਈ ਹੈ। ਇਸ ਤੋਂ ਇਲਾਵਾ, ਸੰਸਥਾ ਦੁਆਰਾ ਆਲਮੀ ਬਿਹਰਤੀਨ ਪਿਰਤਾਂ ਤੋਂ ਗਿਆਨ ਪ੍ਰਾਪਤ ਕੀਤਾ ਜਾਂਦਾ ਹੈ ਅਤੇ ਸਥਾਨਕ ਸੰਦਰਭ ਵਿੱਚ ਲਾਗੂ ਕੀਤਾ ਜਾਂਦਾ ਹੈ। ਸੰਸਥਾ ਪਾਣੀ ਅਤੇ ਸੈਨੀਟੇਸ਼ਨ (ਪੇਂਡੂ ਅਤੇ ਸ਼ਹਿਰੀ), ਕੂੜਾ ਪ੍ਰਬੰਧਨ, ਵਾਤਾਵਰਣ ਪ੍ਰਬੰਧਨ, ਜਲ ਸਰੋਤ ਪ੍ਰਬੰਧਨ 'ਤੇ ਖੋਜ ਵੀ ਕਰਦੀ ਹੈ। ਇਹ ਮਿਸ਼ਨ ਨਾਰਵੇ ਦੇ ਇੰਸਟੀਟਿਊਟ ਫਾਰ ਵਾਟਰ ਰਿਸਰਚ (ਐੱਨਆਈਵੀਏ) ਯਾਨੀ ਜਲ ਖੋਜ ਸੰਸਥਾਨ ਦੁਆਰਾ ਸਮਰਥਨ ਪ੍ਰਾਪਤ ਹੈ।

ਮਯੂ ਗਾਮਾ ਕੰਸਲਟੈਂਟਸ ਵਿਸ਼ਵਵਿਆਪੀ ਸਰਵੋਤਮ ਅਭਿਆਸਾਂ ਤੋਂ ਗਿਆਨ ਲੈ ਕੇ, ਸੰਬੰਧਿਤ ਵਾਤਾਵਰਣ-ਅਨੁਕੂਲ ਹੱਲ ਪੇਸ਼ ਕਰਕੇ ਭਾਈਚਾਰਿਆਂ ਦੇ ਜੀਵਨ ਦੀ ਗੁਣਵੱਤਾ ਵਿੱਚ ਸੁਧਾਰ ਕਰ ਰਿਹਾ ਹੈ।

5. ਅੰਜੂ ਸ਼੍ਰੀਵਾਸਤਵ, ਗੁਰੂਗ੍ਰਾਮ, ਵਿੰਗ੍ਰੀਨਸ ਫਾਰਮਜ਼ ਪ੍ਰਾਈਵੇਟ ਲਿਮਿਟਿਡ

ਅੰਜੂ ਨੇ ਭੋਜਨ ਅਤੇ ਪੀਣ ਵਾਲੇ ਪਦਾਰਥਾਂ ਦੇ ਖੇਤਰ ਵਿੱਚ ਇੱਕ ਵਿਲੱਖਣ ਸਮਾਜਿਕ ਸੰਮਲਿਤ ਕਾਰੋਬਾਰ ਮਾਡਲ ਸਥਾਪਤ ਕੀਤਾ ਹੈ। ਵਿੰਗ੍ਰੀਨਸ ਦੇ "ਵਿਨ" ਦਾ ਅਰਥ ਹੈ ਮਹਿਲਾਵਾਂ ਦੀ ਪਹਿਲ ਨੈੱਟਵਰਕ ਜੋ ਕਿ ਵਿਸ਼ਵ ਪੱਧਰੀ ਉਤਪਾਦ ਬਣਾਉਣ ਲਈ ਵਾਂਝੀਆਂ ਔਰਤਾਂ ਨੂੰ ਹੁਨਰ ਅਤੇ ਸ਼ਕਤੀ ਪ੍ਰਦਾਨ ਕਰਦਾ ਹੈ। ਵਿੰਗ੍ਰੀਨਸ ਕੋਲ ਇੱਕ ਖੇਤੀਬਾੜੀ ਮਾਡਲ ਵੀ ਹੈ, ਜਿੱਥੇ ਇਹ ਸੀਮਾਂਤ ਕਿਸਾਨਾਂ ਨਾਲ ਉਨ੍ਹਾਂ ਨੂੰ ਤਕਨੀਕੀ ਜਾਣਕਾਰੀ ਅਤੇ ਅਨੁਮਾਨਿਤ ਆਮਦਨ ਪ੍ਰਦਾਨ ਕਰਨ ਲਈ ਕੰਮ ਕਰਦਾ ਹੈ। ਉਨ੍ਹਾਂ ਦੇ ਉਤਪਾਦ ਭਾਰਤ ਦੇ 250 ਤੋਂ ਵੱਧ ਸ਼ਹਿਰਾਂ ਵਿੱਚ ਵੇਚੇ ਜਾਂਦੇ ਹਨ। ਵਿਨਗ੍ਰੀਨਜ਼ ਦੀ ਫੂਡ ਲਾਈਨ ਵਿੱਚ ਡਿਪਸ, ਸਾਸ, ਮੇਯੋਨੀਜ਼, ਬੇਕਡ ਚਿਪਸ, ਜੈਵਿਕ ਉਤਪਾਦਾਂ ਦੀ ਵਿਸ਼ਾਲ ਸ਼੍ਰੇਣੀ, ਬੇਕਰੀ ਪ੍ਰੀਮਿਕਸ ਅਤੇ ਜੜੀ ਬੂਟੀਆਂ ਅਤੇ ਸੀਜ਼ਨਿੰਗ ਵਰਗੇ ਉਤਪਾਦ ਸ਼ਾਮਲ ਹਨ।

ਵਿੰਗ੍ਰੀਨਸ ਇੱਕ ਸਮਾਜਕ ਤੌਰ 'ਤੇ ਸਮਾਵੇਸ਼ੀ ਵਪਾਰਕ ਮਾਡਲ 'ਤੇ ਅਧਾਰਤ ਇੱਕ ਸੰਸਥਾ ਹੈ ਜਿਸ ਵਿੱਚ ਸਮਾਜ ਦੇ ਘੱਟ ਵਿਸ਼ੇਸ਼ ਅਧਿਕਾਰ ਪ੍ਰਾਪਤ ਵਰਗਾਂ ਦੇ ਲੋਕ ਇਸ ਸੰਸਥਾ ਦੇ ਥੰਮ ਬਣਦੇ ਹਨ।

6. ਨੀਤੂ ਯਾਦਵ, ਗੁਰੂਗ੍ਰਾਮ, ਐਨੀਮਲ ਟੈਕਨੋਲੋਜੀਜ਼ ਲਿਮਿਟਿਡ

ਨੀਤੂ ਯਾਦਵ, ਸਹਿ-ਸੰਸਥਾਪਕ, ਐਨੀਮਲ ਟੈਕਨੋਲੋਜੀਜ਼ ਲਿਮਿਟਿਡ, ਮੰਨਦੀ ਹੈ ਕਿ ਉਸਦਾ ਪਲੈਟਫਾਰਮ ਮੁੱਖ ਤੌਰ 'ਤੇ ਪੀਅਰ-ਟੂ-ਪੀਅਰ ਪਸ਼ੂ ਵਪਾਰ ਮੰਚ ਬਣਾਉਣ 'ਤੇ ਕੇਂਦਰਿਤ ਹੈ। ਉਸ ਦਾ ਸਫ਼ਰ ਬਹੁਤ ਉਤਸ਼ਾਹਜਨਕ ਅਤੇ ਆਸ਼ਾਜਨਕ ਰਿਹਾ ਹੈ। ਉਨ੍ਹਾਂ ਦੀ ਸੰਸਥਾ ਨੇ 2 ਸਾਲਾਂ ਦੇ ਥੋੜੇ ਸਮੇਂ ਵਿੱਚ 8 ਮਿਲੀਅਨ ਤੋਂ ਵੱਧ ਡੇਅਰੀ ਕਿਸਾਨਾਂ ਤੱਕ ਪਹੁੰਚ ਕੀਤੀ ਹੈ। ਅਗਲੇ 5 ਸਾਲਾਂ ਵਿੱਚ, ਪਸ਼ੂਆਂ ਦਾ ਉਦੇਸ਼ ਭਾਰਤ ਦੇ ਡੇਅਰੀ ਕਿਸਾਨਾਂ ਦੀਆਂ ਵਿੱਤੀ, ਬੀਮਾ, ਸਿਹਤ ਦੇਖਭਾਲ ਅਤੇ ਡੇਅਰੀ ਫਾਰਮਿੰਗ ਦੀਆਂ ਸਾਰੀਆਂ ਜ਼ਰੂਰਤਾਂ ਲਈ ਡਿਜੀਟਲ ਹੱਲ ਤਿਆਰ ਕਰਨਾ ਹੈ।

ਐਨੀਮਲ ਦਾ ਮਿਸ਼ਨ ਟੈਕਨੋਲੋਜੀ, ਡਾਟਾ ਸਾਇੰਸ ਅਤੇ ਡਿਜ਼ਾਈਨ ਦੀ ਵਰਤੋਂ ਕਰਕੇ ਭਾਰਤ ਵਿੱਚ ਡੇਅਰੀ ਈਕੋਸਿਸਟਮ ਵਿੱਚ ਕੁਸ਼ਲਤਾ ਪੈਦਾ ਕਰਨਾ ਹੈ।

7. ਸੁਚੀ ਮੁਖਰਜੀ, ਗੁਰੂਗ੍ਰਾਮ, ਲਾਈਮਰੋਡ

ਸੁਚੀ ਮੁਖਰਜੀ ਨੇ ਇੱਕ ਵਿਲੱਖਣ ਪਲੈਟਫਾਰਮ, ਲਾਈਮਰੋਡ ਬਣਾਇਆ ਹੈ, ਜਿਸ ਵਿੱਚ ਆਪਣੀ ਕਿਸਮ ਦੇ ਸਭ ਤੋਂ ਵਧੀਆ ਬੁਨਿਆਦੀ ਤੱਤ ਹਨ। ਉਨ੍ਹਾਂ ਦਾ ਉਦੇਸ਼ ਡਿਜੀਟਲ ਫੈਸ਼ਨ ਨੂੰ ਸਾਰਿਆਂ ਲਈ ਪਹੁੰਚਯੋਗ ਬਣਾਉਣਾ ਹੈ। ਹੁਣ ਤੱਕ, ਲਾਈਮਰੋਡ ਨੇ 16 ਮਿਲੀਅਨ ਤੋਂ ਵੱਧ ਗਾਹਕਾਂ ਨੂੰ ਸੇਵਾ ਪ੍ਰਦਾਨ ਕੀਤੀ ਹੈ। ਇਹ ਉਨ੍ਹਾਂ ਲੋਕਾਂ ਦੀ ਟੀਮ ਹੈ, ਜਿਨ੍ਹਾਂ ਨੇ ਡ੍ਰਾਈਵਿੰਗ ਉੱਤਮਤਾ 'ਤੇ ਧਿਆਨ ਦਿੱਤਾ ਹੈ; ਫੈਸ਼ਨ ਕਾਮਰਸ ਕੰਪਨੀਆਂ ਦੇ 2010-2014 ਗਰੁੱਪ ਦੀ ਇਹ ਇਕਲੌਤੀ ਟੀਮ ਹੈ, ਜਿਸ ਨੇ ਕੁੱਲ ਮਿਲਾ ਕੇ 10,000 ਕਰੋੜ ਰੁਪਏ ਇਕੱਠੇ ਕੀਤੇ ਹਨ।

ਲਾਈਮਰੋਡ ਇੱਕ ਵਿਲੱਖਣ ਈਕੋਸਿਸਟਮ ਦੀ ਸਿਰਜਣਾ ਦੁਆਰਾ ਅਗਲੇ 100 ਮਿਲੀਅਨ ਉਪਭੋਗਤਾਵਾਂ ਨੂੰ ਸਮਰੱਥ ਬਣਾ ਕੇ 400,000 ਕਰੋੜ ਰੁਪਏ ਦੇ ਫੈਸ਼ਨ ਉਦਯੋਗ ਨੂੰ ਡਿਜੀਟਾਈਜ਼ ਕਰਨਾ ਚਾਹੁੰਦਾ ਹੈ।

 

**********

ਡੀਐੱਸ/ਐੱਲਪੀ/ਟੀਐੱਸ

(Release ID: 1808936) Visitor Counter : 169