দাইরেক্তর জেনরেল নেস্নেল কেদেত কোর্পস (দি.জি. এন.সি.সি.) এল.তি. জেনরেল গুর্বিরপাল সিংহনা ২০২২গী মার্চ ১৬তা মালেমগী খ্বায়দগী চাউরবা য়ুনিফোর্ম য়ুথ ওর্গানাইজেসনগী থবক-থৌরমশিং য়েংশিন্নবা আগরতলা অমসুং ত্রিপুরা চৎখ্রে। জেনরেল ওফিসর অসিবু মেজর জেনরেল ভাস্কর কলিতা অমসুং গ্রুপ কম্মান্দরনা অৱাং-নোংপোক মফমগী রাজ্যশিং পুম্বদা কেদেতশিংনা পায়খৎখিবা মশিং য়াম্লবা থবক থৌরমশিং পাউদমখি।   

জেৱরেল ওফিসরনা ত্রিপুরা সরকারগী এজুকেসন মন্ত্রী শ্রী রতন লাল নাথ অমসুং রাজ্য সরকারগী ওফিসিএলশিংগা উন্নদুনা ৱারী শানখি অমসুং এন.সি.সি.গী কৎথোক্লবা ইনফ্রাস্ত্রকচর পুথোকপা, ঙমখৈগী মফমশিং চাউথোকপগী থৌরাং, কোলেজশিংদা ইলেক্তিব সবজেক্ত অমা ওইনা এন.সি.সি. হৌদোকপা অমসুং ত্রিপুরা রাজ্যদা এন.সি.সি.গী থবক-থৌরমশিংদা শাফু অমা পীবা য়াওনা ইসুশিং কয়া অমা খন্ন-নৈনখি। এন.সি.সি. অসিদা চাওরাক্না নুপী কেদেত ২,৫০০গা লোয়ননা রাজ্য অসিগী দিস্ত্রীক্ত নিপালদগী স্কুলশিং অমসুং কোলেজশিং ৯৫দগী চাওরাক্না কেদেত ৬,০০০ লৈরি।

জেনরেল ওফিসরনা য়ুনিৎশিং অসিনা হোৎনরিবা অসিবু থাগৎপা ফোংদোকখি অমসুং ত্রিপুরাগী এন.সি.সি. য়ুনিৎশিংগী মতিক চারবা কেদেতশিং, ইন্সত্রক্তরশিং অমসুং সিবিলিয়ন স্তাফতা এৱার্দশিং য়েন্থোকখি।

*****

(Release ID: 1806845) Visitor Counter : 153