সেন্ত্রেল পোলুসন কন্ত্রোল বোর্দ (সি.পি.সি.বি.)না লৈবাক শিনবা থুংবগী বাইও-মেদিকেল ৱেস্ত (বি.এম.দবল্যু.) জেনেরেসনগী চহিগী ওইবা দাতা, স্তেত পোলুসন কন্ত্রোল বোর্দশিং/পোলুসন কন্ত্রোল কম্মিতীশিং (এস.পি.সি.বি.শিং/পি.সি.সি.শিং)না পীশিল্লকখিবা চহিগী ওইবা রিপোর্তশিংগী মতুং ইন্না খোমজিল্লিবা অমদি ত্রিতমেন্ত তৌবগী চহিগী ওইবা দাতা খোমজিন্দুনা থম্লি৷ মখাতানা, হেল্থকেয়র ফেসিলিতীশিং, ক্বারেন্তিন সেন্তরশিং/কেম্পশিং, সেম্পল কল্লেক্সন সেন্তরশিং, লেবোরেতরীশিং, কোবিদ-১৯ নারবা নত্রগা নারম্বা য়াই হায়না চিংনরবা পেসেন্তশিং  ত্রিতমেন্ত তৌবদা, দাইগ্নোসিস তৌবদা অমদি ক্বারেন্তিন তৌরিবা হোম কেয়র/হোম আইসোলেসন সেন্তরশিংদগী লৈবাক অসিদা২০২০গী মে থাদগী ২০২২গী ফেব্রুৱারী থা ফাওবদা কোবিদ-১৯ বি.এম.দবল্যু.গী তি.পি.দি. ৮৪.৬১রোম পুথোরকখি৷

সি.পি.সি.বি.না ২০২০গী মার্চ থাদা “কোবিদ-১৯ পেসেন্তশিং লাইয়েং চৎথবদা, দাইগ্নোস্তিক তৌবদা অমসুং ক্বারেন্তিন তৌবগী মতমদা পুথোরকপা ৱেস্ত হেন্দলিং তৌবা, ত্রিতমেন্ত তৌবা অমসুং মফম চানা লংথোকপগী গাইদলাইনশিং” ফোংখ্রে অমদি সি.বি.দবল্যু.তি.এফ.শিংদা কোবিদ-১৯ বি.এম.দবল্যু. পুথোক্লক্লিবা অমদি ত্রিতমেন্ত তৌরিবা অদু ত্রেক তৌনবা কোবিদ১৯বি.এম.দবল্যু. কৌবা এপ্লিকেসন অমা শেমখি৷ গাইদলাইনশিং থুগাইবগী কেস অমতা লাকপা লৈতে; অদুমওইনমক, কোবিদ১৯বি.এম.দবল্যু.গী মতাংদা রিপোর্ত থারক্তবগীদমক লৈবাক অসিদা লৈরিবা সি.বি.দবল্যু.তি.এফ. ৩৩দা সি.পি.সি.বি.না নোতিসশিং থোকখ্রে, মখোয়শিং অদু মখাদা লৈরে:

• কর্নাতকাদা তরামঙা (১৫)
• মহারাস্ত্রদা মঙা (৫)
• বিহার, গুজরাত, ঝর্খন্দ, মধ্য প্রদেশ অমসুং তেলঙ্গনা খুদিংমক্তা সি.বি.দবল্যু.তি.এফ. অনি অনি(২)
• ওরিশা, রাজস্থান অমসুং উত্তর প্রদেশ খুদিংমক্তা অমা (১)

২০২০ চহিগী ওইনা এস.পি.সি.বি.শিং/পি.সি.সি.শিংনা পীরকখিবা ই-পাউগী মতুং ইন্না বাইও-মেদিকেল ৱেস্ত (বি.এম.দবল্যু.) ত্রিতমেন্ত তৌবা অমদি মফম চানা লংথোকপগীদমক লৈবাক অসিদা চলাইরিবা কম্মন বাইও-মেদিকেল ৱেস্ত ত্রিতমেন্ত ফেসিলিতী ২০৮ লৈ৷ রাজ্য-রাজ্য/য়ু.তি.-য়ু.তি.গী ওইবা অকুপ্পা মরোলশিং অদু হাপ্লি৷

রাজ্যশিং/য়ু.তি. মাপন (৯)দা সি.বি.দবল্যু.তি.এফ. অমতা চলাইদে৷  হায়রিবা মফমশিং অসিদা বি.এম.দবল্যু. ত্রিতমেন্ত তৌবা অমসুং মফম চানা লংথোকপা  অসি হেল্থকেয়র ফেসিলিতী মশামক্না কেপ্তিব ত্রিতমেন্ত ফেসিলিতীশিংগী খুৎথাংদা তৌই৷

বি.এম.দবল্যু. হেন্দলিং তৌবা অমসুং খোমজিনবগী থবক তৌরিবা ৱার্করশিংদা হেন্না শাফহন্নবা, “কোবিদ-১৯ পেসেন্তশিং হেন্দিং তৌবিবা, লাইয়েং চৎথবা অমসুং পেসেন্তশিং লাইয়েং চৎথবা, দাইগ্নোসিস তৌবা অমসুং ক্বারেন্তিন তৌবা মতমদা পুথোরক্লিবা ফৎত-হাউদিবু মফম চানা লংথোকপা”গী মতাংদা ফোংখিবা সি.পি.সি.বি.গী চৎন-কাংলোনশিংদা চাং-নাইনা সেনিতাইজেসন তৌবা অমদি পর্সোনেল প্রোতেক্তিব ইক্ব্যুইপমেন্ত খুদম ওইনা লায়র অহুমগী মাস্কশিং, স্প্লাশ প্রুফ এপ্রোনশিং/গাউনশিং, নাইত্রাইল গ্লোবশিং, গম বুতশিং অমসুং সেফতী গুগলশিং মরাং-কাইনা ফংহন্নবগী প্রোবিজন য়াওরি৷

মিনিস্ত্রী ওফ এনবাইরোনমেন্ত, ফোরেস্ত অমসুং ক্লাইমেত চেঞ্জ (এম.ও.ই.এফ.সি.সি.)না থোকখিবা বাইওমেদিকেল ৱেস্ত মেনেজমেন্ত রুল্স, ২০১৬না বি.এম.দবল্যু.গী সোর্স সেগ্রিগেসনবু কাংলুপ মরি থোক্না খায়দোক্লি অমদি ইন্সিনিরেসন, ওতোক্লেবিং, মাইক্রোৱেবিং, হাইদ্রোক্লেবিং অমসুং কেমিকেল দিসইনফেক্সন য়াওনা কেতিগোরী নাইনা খায়দোক্লিবা ইফেক্তিব তেক্নোলোজী ওপ্সনশিং শিজিন্ননবা অয়াবা পীরি৷ বি.এম.দবল্যু.এম. রুল্স, ২০১৬তা বেলিদেসনগী মতুংদা বি.এম.দবল্যু. ত্রিতমেন্তগীদমক অনৌবা তেক্নোলোজীশিং শিজিন্ননবগী প্রোবিজনশিংসু য়াওরি৷ মখাতানা, এম.ও.ই.এফ.সি.সি.না বি.এম.দবল্যু. য়াওনা ফৎত-হাউদিবু নিংথিনা অকোইবগী ফিভমদা কাইহন্দনা মেনেজমেন্ত তৌবাদা মীৎয়েং থম্লিবা ইন্নোবেতিব রিসর্স প্রোজেক্তশিংদা শেলগী তেংবাং পীনবা সেন্ত্রেল সেক্তর স্কিম অমসু চৎনরি৷

এনেক্সচর

ভারত্তা সি.বি.দবল্যু.তি.এফ.শিং চলাইবগী রাজ্য-রাজ্যগী ওইবা অকুপ্পা মরোলশিং

 

রাজ্য/য়ুনিয়ন তেরিতোরী মমিং	চলাইরিবা সি.বি.দবল্যু.তি.এফ.শিং
অন্দমান নিকোবর	অমতা লৈতে
আন্ধ্র প্রদেশ	১২
অরুনাচল প্রদেশ	অমতা লৈতে
অসাম	১
বিহার	৪
চান্দিগর	১
ছত্তিশগর	৪
দামন অমসুং দিউ অমদি নগর হাভেলি	অমতা লৈতে
দিল্লী	২
গোৱা	অমতা লৈতে
গুজরাত	২০
হরিয়ানা	১১
হিমাচল প্রদেশ	৩
ঝর্খন্দ	৪
জম্মু অমসুং কাশ্মীর	৩
কর্নাতকা	২৫
কেরলা	১
লদাখ	অমতা লৈতে
লক্ষদ্বীপ	অমতা লৈতে
মধ্য প্রদেশ	১২
মহারাস্ত্র	৩০
মনিপুর	১
মেঘলায়	১
মিজোরাম	অমতা লৈতে
নগালেন্দ	অমতা লৈতে
ওরিশা	৬
পুদুচেরী	১
পঞ্জাব	৫
রাজস্থান	১১
সিক্কিম	অমতা লৈতে
তামিল নাদু	১০
তেলঙ্গনা	১১
ত্রিপুরা	অমতা লৈতে
উত্তরাখন্দ	২
উত্তর প্রদেশ	২১
ৱেস্ত বেঙ্গল	৬
দাইরেক্তর জেনেরেল আর্ম ফোর্সেস মেদিকেল সর্ভিসেস (দি.জি.এ. এফ.এম.এস.)	অমতা লৈতে
অপুনবা	২০৮

(সোর্স:সি.পি.সি.বি.)

ৱারোল অসি ঙসি লোক সভাদা এনবাইরোনমেন্ত, ফোরেস্ত অমসুং ক্লাইমেত চেঞ্জ মন্ত্রালয়গী রাজ্য মন্ত্রী শ্রী অশ্বিনি কুমার চৌবেনা পীখিবনি৷

******

(Release ID: 1806417) Visitor Counter : 127