২০১৫-১৬ অমসুং ২০১৬-১৭ চহিগী মতমদা লেবর অমসুং এমপ্লোইমেন্ত মন্ত্রালয়গী লেবর ব্যুরিকেৎনা পাংথোকখিবা এনুএল এমপ্লোইমেন্ত-অনএমপ্লোইমেন্ত  সর্ভে অমসুং ২০১৭-১৮, ২০১৮-১৯ অমসুং ২০১৯-২০গী মতমদা স্তেতিস্তিক্স অমসুং প্রোগ্রাম ইমপ্লিমেন্তেসন (এম.ও.এস.পি.আই.) মন্ত্রালয়গী নেসনেল স্তেতিস্তিক্স ওফিস (এন.এস.ও.)না পাংথোকখিবা পেরিওদিক লেবর ফোর্স সর্ভে (পি.এল.এফ.এস.)গী মতুং ইন্না, হৌখিবা চহি মঙাদা চহি ১৫ অমসুং হেল্লবা মীওইশিংগীদমক রাজ্য-রাজ্য অমদি য়ু.তি.-য়ু.তি.গী ওইনা মহৌশাগী মতৌগুম থাক অমদা হোৎলিবা অনএমপ্লোইমেন্ত  রেত (য়ু.আর.) এনেক্সরদা লৈরে৷

এমপ্লোয়েবিলিতী হেনগৎহনবগা লোইননা থবক পীবনা সরকার অসিগী প্রাইয়োরিতী ওইরি৷ মসিগী মতুং ইন্না, ভারত সরকারনা লৈবাক অসিদা থবক পীনবগী খোংথাং কয়া অমা লৌখৎখ্রে৷ করবার তৌবদা পুক্নিং থৌগৎনবা অমদি লাইনা-লাইচৎ অসিনা পীরিবা চৈথেং অসি হন্থহন্নবা ভারত সরকারনা অত্মনির্ভর ভারত পেকেজ লাওথোকখ্রে৷ পেকেজ অসিগী মখাদা, সরকারনা লুপা কোতি লাখ কুনগা তরেৎ হেনবগী ফিস্কেল স্তিমুলস  পীরি৷ লৈবাক অসিবু মশা-মরোমদোম লেপচবা ঙমজনবা অমদি থবক্কী খুদোংচাবশিং পীনবা পেকেজ অসিদা লোঙ্গ তর্ম স্কিমশিং/প্রোগ্রামশিং/পোলিসী কয়া অমা য়াওরি৷

মহাত্ম গান্ধী নেসনেল রুরেল এমপ্লোইমেন্ত  গরেন্তী স্কিম (এম.জি.এন.আর.ই.জি.এস.) অসিনা লৈবাক অসিগী খুঙ্গংগী মফমশিংদা লৈরিবা য়ুমথোংশিংগী হিংবগী পুন্সি মরেল অসি ফগৎহন্ননবগীদমক হোৎনরিবা দিমান্দ দ্রিবন ৱেজ এমপ্লোইমেন্ত প্রোগ্রাম অমনি, মসিনা য়ুমথোং খুদিংদা শেনবা চহি খুদিংদা অনস্কিল মেনুএল ৱার্ক তৌবা পামজবা মপুং-মরৈ ফারবা মীওইশিংদা য়ামদ্রবদা নুমিৎ চাম্মগী গরেন্তী ৱেজ এমপ্লোইমেন্ত পীরি৷ এম.জি.এন.আর.ই.জি.এস.কী মখাদা, নোংমগী ওইনা পীরিবা খুৎশুমল অসি লুপ্পা ১৮২দগী লুপা ২০২দা হেনগৎলকখ্রে অমদি মসিনা ইমুং কোতি ১৩.৬২দা কান্নবা পীরি৷

কোবিদ-১৯ লাইনা-লাইচৎকী মতমদা থবক মাংলিবা মীওইশিং অদুদা থবক পীনবা  অমদি সোসিএল সেক্যুরিতী বেনিফিৎশিং পীবগা লোইননা অনৌবা থবক পীনবগীদমক এমপ্লোয়রশিংবু থৌনা হাপ্নবা আত্মনির্ভর ভারত পেকেজ ৩.০গী শরুক ওইনা অত্মনির্ভর ভারত রোজগর য়োজনা (এ.বি.আর.ৱাই.) হৌদোক্তুনা ২০২০গী ওক্তোবর ১দগী চৎনবা হৌখি৷ এমপ্লোইয়ীস প্রোবিদেন্ত ফন্দ ওর্গনাইজেসন (ই.পি.এফ.ও.)গী খুৎথাংদা চৎনরিবা স্কিম অসিনা এমপ্লোইয়রশিংগী শেলগী ওইবা পোৎলুম অদু হন্থহন্নবা অমদি অহেনবা ৱার্করশিং নেক্নবা মখোয়বু পুক্নিং থৌগৎনবা হোৎনরি৷ বেনিফিসরীশিং রেজিস্ত্রেসন তৌবগী অরোইবা মতম অদু ৩০.০৬.২০২১দগী ৩১.০৩.২০২২ ফাওবা শাংদোকখ্রে৷ ২৮.০২.২০২২ ফাওবদা ইস্তাব্লিশমেন্ত লাখ ১.৩৩গী খুৎথাংদা বেনিফিসরী লাখ ৫০.৮১দা কান্নবা পীখ্রে৷

মশানা মশাবু লাইনা থবক পীজবা ঙম্নবা সরকার অসিনা প্রধান মন্ত্রী মুদ্রা য়োজনা (পি.এম.এম.ৱাই.) চৎনরিবনি৷ পি.এম.এম.ৱাই.গী মখাদা, মাইক্রো/স্মোল বিজিনেস এন্তরপ্রাইজেস অমদি ইন্দিবিজ্যুলশিংদা লুপা লাখ ১০ য়ৌনা কোলেতরেল ফ্রী লোনশিং পীদুনা মখোয় মশানা মশাগী বিজিনেস এক্তিবিতীশিং পাইখৎপা ঙম্নবা অমদি হেন্না চাওথোকহন্নবা মতেং পীরি৷ ০৪.০৩.২০২২ ফাওবদা, স্কিম অসিগী মখাদা লুপা কোতি ৩৩.৯১গী লোনশিং কাইথখখি৷

ময়ুমদা হল্লক্লিবা মাইগ্রেন্ত ৱার্করশিংদা অমসুং বিহার, ঝর্খন্দ, মধ্য প্রদেশ, ওরিশা, রাজস্থান অমসুং উত্তর প্রদেশকী রাজ্য ৬তা লৈরিবা খনগৎলবা জিলা ১১৬কী খুঙ্গংগী মফমশিংদা লৈরিবা অসিগুম্না শোকহল্লবা মীওইশিংদা থবক পীদুনা হিংনবগী খুদোংচাবশিং পীনবা সরকারনা ২০২০গী জুন ২০দা নুমিৎ ১২৫গী গরিব কলয়ান রোজগর অভিয়ান (জি.কে.আর.এ.) হৌদোকখিবনি৷ অভিয়ান অসিনা পুন্না লুপা কোতি ৩৯,২৯৩গী চাদিং তৌদুনা মীওই কোতি ৫০.৭৮দা থবক্কী খুদোংচাবা মাই-পাক্না পীখ্রে৷

শেন্মীৎলোন ফগৎহনবা অমদি সস্তেনেবল দিবেলপমেন্তগী ওইনদি পি.এম. গতিশক্তি অসি অওনবা খোংথাং অমনি৷ খোংথাং অসি ইঞ্জিন তরেৎ মমিং ওইনা হায়রবদা, কংফানগী লম্বীশিং, রেলৱেশিং, এয়রপোর্তশিং, মাস ত্রান্সপোর্ত, ইশিংগী লম্বীশিং অমদি লোজিস্তিক ইনফ্রাস্ত্রকচরনা পুদুনা চৎলি৷ খোংথাং অসি ক্লিন ইনর্জী অমসুং সবকা প্রয়াসনা পৱার তৌবনা ময়াম পুম্নমক্তা চাওনা থবক অমসুং ওল্তরপ্রিন্যুরিএলগী খুদোংচাবশিং পীরি৷

সরকার অসিনা নেসনেল ইনফ্রাস্ত্রকচর পাইপলাইনদা লেপ্প-লৈতনা মীৎয়েং চংনা-চংনা রেলৱেশিং, কংফানগী লম্বীশিং, আর্বান ত্রান্সপোর্ত, পৱার, তেলিকোমস তেক্সতাইল্স অমদি এফোর্দেবল হাউজিংদা অখন্নবা মীৎয়েং চংখ্রে৷  বজেৎ ২০২১-২২না লুপা কোতি লাখ ১.৯৭ কাইথদুনা ২০২১-২২দগী হৌদুনা চহি মঙাগী ওইনা প্রদক্সন লিঙ্ক ইন্সেন্তিব (পি.এল.আই.) হৌদোকখি৷ হায়রিবা ইনিসিয়েতিব পুম্নমক অসিনা মল্তিপ্লাইয়র ইফেক্তশিংগী খুৎথাংদা খুৎশম্নদুনা থবক্কী খুদোংচাবা ফংহল্লগনি অমদি মেদিয়মদগী হৌরগা লোঙ্গ তর্মদা আউতপুত হেন্না পীরগনি হায়না পানরি৷

থবক পীনবগীদমক ভারত সরকারনা স্কিমশিং খুদম ওইনা মাইক্রো, স্মোল অমসুং মেদিয়ম এন্তরপ্রাইজেস মন্ত্রালয়গী প্রধান মন্ত্রীস এমপ্লোইমেন্ত জেনেরেসন প্রোগ্রাম, রুরেল দিবেলপমেন্ত মন্ত্রালয়গী মহাত্ম গান্ধী নেসনেল রুরেল এমপ্লোইমেন্ত গরেন্তী স্কিম (এম.জি.এন.আর.ই.জি.এস.) অমসুং পন্দিৎ দীন দয়াল উপধ্যায় গ্রামীন কৌশল্যা য়োজনা (দি.দি.য়ু.-জি.কে.ৱাই.), হাউজিং অমসুং আর্বান এফিয়র্স মন্ত্রালয়গী দীন দয়াল অন্ত্যোদয়া য়োজনা- নেসনেল আর্বান লিবলিহুদস মিসন (দি.এ.ৱাই.-এন.য়ু.এল.এম.)দা মরু ওইনা শেল থাদদুনা অমসুং চাদিং তৌদুনা তোঙান তোঙানবা প্রোজেক্তশিংবু পুক্নিং থৌগৎলি৷

ইনিসিয়েতিবশিং অসিগী মথক্তা, সরকারগী তোঙান তোঙানবা ফ্লেগশিপ প্রোগ্রামশিং খুদম ওইনা মেক ইন ইন্দিয়া, দিজিতেল ইন্দিয়া, স্মার্ত সিতী মিসন, গী অতল মিসন ফোর রেজুবিনেসন এন্দ আর্বান ত্রান্সফোর্মেসন, ময়াম পুম্নমক্কী য়ুম শাবিবা, ইনফ্রাস্ত্রকচর দিবেলপমেন্ত অমদি ইন্দস্ত্রীএল কোরিদোরশিংসু থবক্কী খুদোংচাবশিং পীনবা মীয়েং থম্লি৷

এনেক্সর

য়ুজুএল স্তেতস এপ্রোচকী মতুং ইন্না চহি ১৫ অমসুং হেল্লবা মীওইশিংনা থবক ফংদবগী রাজ্য-রাজ্য/য়ু.তি.-য়ু.তি.গী ওইবা চাংগী অকুপ্পা মরোলশিং

 

সোর্স: এনুএল রিপোর্ত, পেরিওদিক লেবর ফোর্স সর্ভে (পি.এল.এফ.এস.), এম/ও  স্তেতিস্তিক্স অমসুং প্রোগ্রাম ইমপ্লিমেন্তেসন অমদি এনুএল এমপ্লোইমেন্ত অনএমপ্লোইমেন্ত সর্ভেস, লেবর ব্যুরিকেৎ, এম/ও লেবর অমসুং এমপ্লোইমেন্ত

*চাংদম্ননবগীদমক, মথক্তা পল্লিবা সর্ভেশিং, লেবর ব্যুরো অমসুং পি.এল.এফ.এস.কী রিজল্তশিংঅসি সর্ভে মেথোদোলোজী অমসুং সেম্পল কল্লেক্সন শেমখিবা অসি য়েংলগা খঙবা মথৌ তারি৷

ৱারোল অসি ঙসি লোক সভাদা লেবর অমসুং এমপ্লোইমেন্ত মন্ত্রালয়গী রাজ্য মন্ত্রী শ্রী রামেশ্বর তেলিনা পীখিবনি৷

******

(Release ID: 1806047) Visitor Counter : 128