নোর্থ ইস্তর্ন দিবেলপমেন্ত ফাইনান্স কোর্পোরেসন লিমিতেদ (এন.ই.দি.এফ.আই.)না ১৫.০২.২০২২দগী হৌরগা ১৫.০৩.২০২২ ফাওবা স্তার্তঅপ ইনভেস্তমেন্ত ফেস্তিবেল অমা শিনখ্রে৷ মসিগী থৌরম অসিনা লোকেল ওল্তরপ্রিনরশিংদা মখোয়গী বিজিনেসকী ওইবা ৱাখল্লোনশিং উৎথোক্নবগী অমসুং মখোয়গী বিজিনেস চাওথোকহন্নবগীদমক কেপিতেল ফংহন্নবগী থোংদা ইনভেস্তমেন্তগীদমক মফম পীনবগী প্লেতফোর্ম অমা পীরগনি৷ মসিনা মখোয়দা অতোপ্পা খুদোংচাবশিং খুদম ওইনা হেন্দহোল্দিং সপোর্ত, এদবাইজর নেতৱার্ক, ইনভেস্তর নেতৱার্ক, মার্কেতিং সপোর্ত ফংহনবদসু মতেং পাংলগনি৷

নোর্থ ইস্তর্ন রিজন (এন.ই.আর.)গী স্তার্ত-অপশিং অমদি ফর্স্ত জেনেরেসন ওল্তরপ্রিনরশিং য়ৌনবা হোৎনবা অমদি লমদম অসিদা লৈরিবা স্তার্ত-অপ ইকোসিস্তেমবু ফগৎহন্নবা হোৎনবা হায়বসিনা থৌরম অসি শিনবগী মরম ওইরি৷

নোর্থ ইস্ত ভোল্যুম ফন্দ (এন.ই.ভি.এফ.) অসি মিনিস্ত্রী ওফ দিবেলপমেন্ত ওফ নোর্থ ইস্তর্ন রিজন (এম.দি.ও.এন.ই.আর.)গী এন.ই.দি.এফ.আই. অমদি স্মোল ইন্দস্ত্রীস দিবেলপমেন্ত বেঙ্ক ওফ ইন্দিয়া (এস.আই.দি.বি.আই.)না প্রমোত তৌরিবা এন.ই.আর.গী দেদিকেতেদ বেঞ্চর ফন্দ অমনি৷ মসি ২০১৭কী সেপ্তেম্বর থাদা হৌদোকখিবনি, মসিদা এম.দি.ও.এন.ই.আর.দগী ইন্তরেস্ত ফ্রী লোন ওইনা লুপা কোতি ৪৫ কন্ত্রিব্যুত তৌরক্তুনা, এন.ই.দি.এফ.আই. মশামক্তগী লুপা কোতি ৩০ অমসুং এস.আই.দি.বি.আই.দগী লুপা কোতি ২৫ কন্ত্রিব্যুত তৌরক্তুনা পুন্না লুপা কোতি ১০০গী শেনফম লৈরি৷ মসি সেক্তর এগ্নোস্তিক ফন্দ ওইনা এস.ই.বি.আই. (এ.আই.এফ.) রিগুলেসনশিংগী মখাদা সেক্যুরিতীস একচেঞ্জ বোর্দ ওফ ইন্দিয়া (এস.ই.বি.আই.)গা লোইননা রেজিস্তর তৌরি৷ ঙসি ফাওবদা, পুন্না প্রপোজেল ৩৬তা এন.ই.দি.এফ.আই.গী মখাদা হেল্থকেয়র, ইদুতেক, এগ্রী অমসুং এগ্রী এলাইদ, তুরিজম, ফুদ প্রোসেসিং, আই.তি. অমসুং আই.তি.ই.এস. সেক্তরশিংদা ইন-প্রিন্সিপল কম্মিতমেন্ত (সেঙ্কসন) পীখ্রে৷

অৱাং-নোংপোক লমদমদা স্তার্তঅপশিং শেমগৎনবগীদমক অখন্নবা ত্রেনিং পীনবা সরকার অসিনা তোঙান তোঙানবা ইনিসিয়েতিবশিং লৌখৎখ্রে, মসিগী মনুং চল্লিবশিং অদু মখাদা লৈরে:

(i) ২০১৮গী ফেব্রুৱারী থাদা রাজ্যশিংগী স্তার্তঅপ রেঙ্কিং ফ্রেমৱার্ক পুথোকখি, মসিগী মখাদা মখাগী ৱার্কশোপশিং/বিজিৎশিং শিনখ্রে:

(a) নোলেজ একচেঞ্জ ৱার্কশোপশিং (এস.আর.এফ. ২০১৮)

(b) নোলেজ একচেঞ্জ ৱার্কশোপশিং (এস.আর.এফ. ২০১৯)

(c) ইন্তরনেসনেল এক্সপোজর খোংচৎশিং (এস.আর.এফ. ২০১৯)

(d) নোলেজ একচেঞ্জ ৱীক (এস.আর.এফ. ২০২০)

(ii) স্তার্তঅপ ইন্দিয়া যত্র ইনিসিয়েতিব: রাজ্য পুম্বদা লৈরিবা খুঙ্গং অমদি নন-মেত্রো রিজনশিংদা ওল্তরপিরনরশিপপু গ্রাসরুত স্তার্তঅপ এস্পিরেন্তশিংগী খুৎথাংদা মখোয়দা ইনকুবেসন, মেন্তরশিপ অমদি ফন্দিং সপোর্ত পীদুনা য়োকখৎনবগীদমক দিপার্তমেন্ত ফোর প্রমোসন ওফ ইন্দস্ত্রী এন্দ ইন্তরনেল ত্রেদ (দি.পি.আই.আই.তি.)না ২০১৭তা স্তার্তঅপ ইন্দিয়া যত্র হৌদোকখিবনি৷ ইনিসিয়েতিব অসিগী শরুক অমা ওইনা, মনিপুর, অসাম, ত্রিপুরা, অরুনাচল প্রদেশ, মেঘালয়, মিজোরাম অমদি নাগালেন্দদা ২০১৯গী জানুৱারী থাদগী ২০১৯গী মার্ত থা ফাওবা বুতকেম্পশিং শিনখি, মসিদা রাজ্য ৭কী জিলা ৪৪দগী মীওই ৬৬০০না শরুক য়াখি৷ পুম্নমক্তা, ৱিন্নর ৫৭তা কেশ প্রাইজ ওইনা লুপা লাখ ২০.১গী ফন্দিং সপোর্ত অমা পীবগা লোইননা ইনকুবেসন ওফর ১৭৯ পীখি৷

(iii) ৱিঙ্গ হায়না মমিং থোনবা দি.পি.আই.আই.তি. প্রোগ্রামগী শরুক অমা ওইনা – ২০২০গী ফেব্রুৱারী ২৭-২৮দা অসামগী গুৱাহতিদা মীওই ৪৫না শরুক য়াদুনা; ২০২০গী জানুৱারী ২২-২৩দা নাগালেন্দগী কোহিমাদা মীওই ১১৪না শরুক য়াদুনা হৌজিক লৈরিবা অমদি নুপী ওল্তরপ্রিনরশিং ওইবা পাম্লিবা মীওইশিংগীদমক কেপাসিতী দিবেলপমেন্ত প্রোগ্রামশিং শিনখি৷  শরুক য়ারিবা মীওইশিংনা বে়ঞ্চর আইদিয়েসন অমদি বিজিনেস মোদেল বেলিদেসন, গভর্নেন্স, লিগেল/কমপ্লাইয়েন্স, মার্কেতিং/ব্রার্ন্দিং, দিফরেন্সিয়েল শেম্বা, শেল-থুম অমসুং শেন্থং পীবগী ৱারেপশিং, কস্তমর এক্বুইজিসন স্ত্রাতিজী মাস্তরিং তৌবা অমদি হেনগৎহনবা হায়বা থীমশিংদা তাকপি-তম্বিবগী মীফমশিং পাংথোকখি৷

(iv) মেঘালয় অমদি অসামদা স্তার্তঅপ সেন্সিতাইজেসন ত্রেনিং: দি.পি.আই.আই.তি.না ২০২১গী সেপ্তেম্বর ২৫দা ফিজিকেল ত্রেনিং সেসন অমা শিল্লোংদা শিনখি, মসিদা রাজ্য অদুগী ওল্তরপ্রিনর ৪০রোম্না শরুক য়াখি অমদি মখোয়গী এক্সপরিয়েন্সশিং অমদি মাই-পাকপগী ৱারীশিং অদু লিরকখি৷ দি.পি.আই.আই.তি.না ২০২১গী সেপ্তেম্বর ২৩দা স্তার্তঅপ বুতকেম্প অমা গুৱাহতিদা শিনখি, মসিদা অসামগী স্তার্তঅপ ৩০রোম্না শরুক য়াখি অমদি স্তার্তঅপ ইন্দিয়া ইনিসিয়েতিবকী মখাদা প্রোগ্রামশিংগী মরমদা খঙহনখি৷

(v) ইনকুবেতর কেপাসিতী বিল্দিং এনগেস্তমেন্ত (মিজোরাম): কেপাসিতী বিল্দিং প্রোগ্রামগী শরুক অমা ওইনা মিজোরাম স্তেত ওল্তরপ্রিনরশিপ দিবেলপমেন্ত মোনিতরিং কম্মিতীগা লোইননা স্তার্তঅপ ইন্দিয়ানা ২০২১গী ওক্তোবর ২২দা মিজোরামগী ইনকুবেতরশিংগা লোইননা খন্ন-নৈনবগী মীফম অমা পাংথোকখি৷

ৱারোল অসি ঙসি লোক সভাদা দিবেলপমেন্ত ওফ নোর্থ ইস্তর্ন রিজন মন্ত্রালয়গী মন্ত্রী শ্রী জি. কিসন রেদ্দীনা অইবা পাউখুম অমদা পীখিবনি৷

******

(রিলিজ আই.দি.: 1805982) ভিজিতর কাউন্তর : 148