کوئلے کی وزارت
کوئلے کی وزارت کی ،آزادی کا امرت مہوتسو کی مثالی ہفتہ تقریبات اختتام پذیر
Posted On:
11 MAR 2022 7:08PM by PIB Delhi
آزادی کے 75سا ل منانے اوریادکرنے کے لئے ا ور جب کہ بھارت امرت کال میں داخل ہورہا ہے تو ایسے میں کوئلے کی وزارت نے آزادی کا امرت مہوتسو (آئیکونک ) مثالی ہفتہ تقریبات کے حصے کے طورپرسات سے گیارہ مارچ 2022 تک ملک بھر میں خصوصی تقریبات اور پروگراموں کا اہتمام کیا۔
تقریبات کے حصے کے طور پر وزارت کی جانب سے سلسلے وار یادگاری تقریبات اور سرگرمیاں انجام دی گئیں ،جس میں کوئلے کے شعبے میں بھارت کی حصولیابیوں کو نمایاں کیا گیا اور مستقبل کے لئے ایک روڈ میپ بھی ضع کیا گیا۔
پہلادن :7 مارچ 2022
کوئلہ ، کانکنی اور ریلوے کے وزیر مملکت جناب راؤ صاحب پاٹل دانوے نے کوئلے کی وزارت کی آزادی کا امرت مہوتسو تقریبات کا افتتاح کیا جو ایک ہفتہ تک جاری رہیں گی۔ یہ آزادی کا امرت مہوتسو کی مثالی تقریبات ہیں ۔ کوئلہ، کانکنی اور پارلیمانی امور کے مرکزی وزیر جناب پرہلادجوشی نے ورچوئلی طور پر تقریب میں شرکت کی ۔ انہوں نے کوئلہ سیکٹر سے اپیل کی کہ وہ توانائی کے سیکٹر اور آتم نربھر بھارت میں مزید تعاون دیں ۔
کوئلے اور سی پی ایس یو کی وزارت کے سکریٹری اور دیگر سینئر افسروں کی موجودگی میں بھارت سرکار کے سابق سکریٹری شری راکیش کاسکر کی طرف سے ورچوئل موڈ کے ذریعہ ہندوستان میں کوئلے پر مبنی بجلی کی پیداوار کے مستقبل پر ایک مذاکرہ پیش کیا گیا۔
وزارت کی طرف سے خون کے عطیہ کے ایک کیمپ کا بھی اہتمام کیا گیا اور ملازمین کی ایک بڑی تعداد نے خون کا عطیہ دیا۔
آزادی کی جدوجہد کے موضوع پر وزارت میں ایک کوئز مقابلے کا اہتمام کیا گیاجس میں وزارت کے افسروں کی ایک بڑی تعداد نے شرکت کی ۔
دوسرا دن :8 مارچ 2022
کوئلہ کانکنی میں ماحولیات اور سماجی پائیداری سے متعلق ایک مذاکرہ ڈاکٹر اشوک جین کی طرف سے پیش کیا گیا، جو سڑک ٹرانسپورٹ اور شاہراہوں کی وزارت میں این ایچ اے آئی میں جی ایچ ڈی کے مشیر ہیں۔
وزارت میں Ideas@75 کے موضوع پر ایک سلوگن رائٹنگ مقابلے کا بھی اہتمام کیا گیا جس میں وزارت کے افسروں نے بڑی تعداد میں شرکت کی ۔
تیسرا دن : 9 مارچ 2022
کوئلے کی وزارت کے افسروں کے لئے ہندوستانی آزادی کی جدوجہد پر ایک مختصر فلم کا اہتمام کیا گیا۔
وزارت کے افسروں اور ملازمین کے اسکولی بچوں کے لئے مصوری کے مقابلے کا بھی اہتمام کیا گیا۔اس کا موضوع تھا: آزادی کی جدوجہد یا ہندوستان کا مستقبل @75سال ۔ یہ مصوری کا مقابلہ وزارت میں منعقد کیا گیا تھا، جس میں بچوں کی جانب سے کافی دلچسپی کا مظاہرہ کیا گیا۔
ماحولیات ، جنگلا ت اور آب وہوا میں تبدیلی کی وزارت کے مشیر ڈاکٹر جے آر بھٹ کی طرف سے نیٹ زیرو امیشن سے متعلق مذاکرہ پیش کیا گیا۔
چوتھا دن :10 مارچ 2022
جے این یو کے پروفیسر اتل کمار کی جانب سے ہندوستان میں دیہی بجلی کاری کے عمل کے ارتقا: ایک تاریخی پہلو سے متعلق ایک پریذینٹیشن دیا گیا۔
وزارت میں حصولیابیوں @75 کے موضوع پر نظم سرائی مقابلے کا اہتمام کیا گیا تھا ،جس میں وزارت کے افسرو ں کی بڑ ی تعدا د نے شرکت کی ۔
وزار ت کی جانب سے خون کے عطیہ کے ایک دوسرے کیمپ کا اہتمام کیا گیا۔ ملازمین کی ایک بڑی تعداد نےخون کا عطیہ دیا۔
پانچوا دن :11 مارچ 2022
ڈاکٹر ویبھو چترویدی ،سی ای ای ڈبلیو کے فیلو کی جانب سے نیٹ زیرو فیوچر کے تحت بھارت کی توانائی کے تغیر پر ایک مذاکرہ پیش کیا گیا۔
وزارت میں ایکشن @75 –ٹاپک کوئلہ اور آب وہوا میں تبدیلی بھارتی پہلو کے موضوع پر ایک ڈی کلیمیشن مقابلہ / بحث کا اہتمام کیا گیا۔
کوئلے کی وزارت کے جوائنٹ سکریٹری ڈاکٹر انل کمار جین نے اختتامی اجلاس سے خطاب کیا اور ہفتہ کے دوران منعقد مختلف مقابلوں کے فاتحین کو انعامات تقسیم کئے اور ان تاریخی سنگ میل کو منانے کی ضرورت پر زور دیا تاکہ ہماری آزادی کے لئے جدوجہد کو نوجوان نسل کی جانب سے ستائش کی جاسکے اور انہیں ملک کی تعمیر کے لئے سخت کام کرنے کے لئے متحرک کیا جاسکے ۔
بھار ت سرکار ترقی پسند ہندوستان اور اس کی تاریخ کے 75 سال پورا ہونے کے موقع پر ہندوستان کی آزادی کے 75 سال ‘‘ آزادی کا امرت مہوتسو ’’ منارہی ہے ۔ آزادی کا امرت مہوتسو کا سرکاری سفر 12 مارچ 2021 کو شروع ہوا تھا، جس نے ہماری آزادی کی 75ویں سالگرہ کے لئے 75 ہفتوں کے شمار کی مدت کو کم کرنا شروع کیا ۔وہ 15 اگست 2023 کو پایہ تکمیل تک پہنچ جائیں گی۔
*************
ش ح۔ح ا ۔رم
U-2571
(Release ID: 1805719)
Visitor Counter : 171