రోడ్డు రవాణా మరియు రహదారుల మంత్రిత్వ శాఖ మోటారు వాహనాల (రిజిస్ట్రేషన్ మరియు వెహికల్ స్క్రాపింగ్ ఫెసిలిటీ సవరణ) నియమాలు, 2022కి సంబంధించి మార్చి 10, 2022 తేదీతో GSR 192 (E) డ్రాఫ్ట్ నోటిఫికేషన్‌ను విడుదల చేసింది. వెహికల్ స్క్రాపింగ్ ఫెసిలిటీ) 23 సెప్టెంబర్ 2021 నాటి నియమాలు, ఇది రిజిస్టర్డ్ వెహికల్ స్క్రాపింగ్ ఫెసిలిటీ (RVSF) ఏర్పాటు ప్రక్రియను నిర్దేశిస్తుంది. వాహన యజమానులు, RVSF ఆపరేటర్లు, డీలర్లు, ప్రాంతీయ రవాణా అధికారులు మొదలైన పర్యావరణ వ్యవస్థలోని అన్ని వాటాదారుల కోసం వాహన స్క్రాపింగ్ ప్రక్రియను సులభతరం చేయడానికి మరియు డిజిటలైజ్ చేయడానికి ఈ సవరణలు చేశారు. నిబంధనలపై వచ్చిన ఫీడ్‌బ్యాక్ ఆధారంగా ఈ సవరణలు జరిగాయి. వ్యాపారాన్ని సులభతరం చేసేలా ప్రక్రియలు కాలపరిమితితో రూపొందించారు.

సవరణల్లోని కొన్ని ముఖ్యాంశాలు:

1.    వాహన స్క్రాపింగ్ కోసం వాహన యజమానులు డిజిటల్‌గా దరఖాస్తు చేసుకునేలా నిబంధన రూపొందించారు. వాహనాల క్రాపింగ్ కోసం అన్ని దరఖాస్తులు డిజిటల్‌గా సమర్పిస్తారు. వాహన యజమానులు తమ వాహనాలను స్క్రాప్ చేయడానికి డిజిటల్‌గా దరఖాస్తు చేసుకోవడంలో సహాయపడేందుకు RVSFలు సులభతర కేంద్రాలుగా పనిచేస్తాయి.
2.    వాహన యజమాని దరఖాస్తును సమర్పించే ముందు "వాహన్" డేటాబేస్ నుండి చేయవలసిన అవసరమైన తనిఖీలు పేర్కొంటారు. ఈ తనిఖీలలో వాహనం యొక్క అద్దె-కొనుగోలు, లీజు లేదా హైపోథెకేషన్ అగ్రిమెంట్ సరెండర్, నేషనల్ క్రైమ్ రికార్డ్స్ బ్యూరో రికార్డులలో వాహనంపై ఎటువంటి క్రిమినల్ రికార్డ్ లేదు, వాహనంపై పెండింగ్ బకాయిలు లేవు మరియు ప్రాంతీయ రవాణా అధికారులు వాహనాన్ని బ్లాక్ లిస్ట్ చేసిన దాఖలాలు లేవు. ఈ వివరాలన్నీ సరిచూసే క్రమంలో ఏదైనా/ఎందులో అయినా ఒక వాహనం విఫలమైతే దాని గురించి దరఖాస్తు సమర్పించడం కుదరదు.
3.    స్క్రాపింగ్ కోసం సమర్పించే ముందు మరియు తర్వాత వాహనం యొక్క బాధ్యతలో పారదర్శకత ఉందని నిర్ధారించడానికి వాహనాలను సమర్పించే సమయంలో వాహన యజమాని మరియు RVSF ఆపరేటర్ల ద్వారా అండర్‌టేకింగ్‌ల పరిచయం జరుగుతుంది.
4.    పేర్కొన్న సర్టిఫికేట్ యొక్క ట్రేడింగ్‌లో పారదర్శకతను ప్రదర్శించేందుకు స్క్రాపింగ్ కోసం సమర్పించిన వాహనానికి సంబంధించిన డిపాజిట్ సర్టిఫికేట్‌లో మరిన్ని వివరాలను చేర్చాలి. పేర్కొన్న సర్టిఫికేట్ వాహన యజమానులకు డిజిటల్‌గా అందుబాటులో ఉంటుంది మరియు 2 సంవత్సరాల పాటు చెల్లుబాటు అవుతుంది.
5.  ఎలక్ట్రానిక్ ట్రేడింగ్ ద్వారా డిపాజిట్ ధృవీకరణ పత్రాన్ని పొందే వినియోగదారులు లావాదేవీకి సంబంధించిన డిజిటల్ రుజువును కలిగి ఉన్నారని నిర్ధారించడానికి డిపాజిట్ బదిలీ సర్టిఫికేట్ పరిచయం అవసరం అవుతుంది.

వివరాల కోసం ఇక్కడి గెజిట్ లింక్‌లో చూడండి

***