नवी दिल्ली, 13 मार्च 2022

डेहराडून येथील राष्ट्रीय इंडियन मिलिटरी कॉलेज (RIMC), 13 मार्च 2022 रोजी आपला शंभरावा  स्थापना दिन साजरा करत आहे.

यानिमित्ताने संस्थेला दिलेल्या संदेशात, लष्करप्रमुख जनरल एमएम नरवणे यांनी आरआयएमसीएचे  (RIMC) आणि त्यांच्या  माजी विद्यार्थ्यांचे त्यांनी गेल्या शंभर वर्षांपासून राष्ट्रसेवेसाठी  दिलेल्या उत्कृष्ट योगदानाची प्रशंसा केली.

कोविड महामारीच्या काळात संस्था पूर्णपणे सुरू आणि कार्यरत ठेवल्याबद्दल त्यांनी महाविद्यालयीन कर्मचाऱ्यांची प्रशंसा केली.

भविष्यातील नेतृत्वासाठी  आणि तंत्रज्ञानातील जलद बदलांमुळे उद्‌भवणारी आव्हाने यासाठी सज्ज रहाण्याचे आवाहन लष्करप्रमुखांनी कॅडेट्सना केले.

या प्रतिष्ठित संस्थेत महिला कॅडेट्सचे स्वागत आणि त्यांना  सामावून घेण्यासाठी महाविद्यालयाने केलेल्या तयारीवर विश्वास व्यक्त करून, लष्करप्रमुखांनी "मुलींचा या महाविद्यालयात प्रवेश  हा  शताब्दी महोत्सवातील अभिमानाचा  क्षण असेल" असे नमूद  केले.

S.Kane/S.Patgaonkar/P.Malandkar

 

 

 

 

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com

(Release ID: 1805523) Visitor Counter : 273