“25 సంవత్సరాల ట్రాయ్  చట్టం: వాటాదారులకు అందుబాటులో ఉన్న అవకాశాలు (టెలికాం, బ్రాడ్‌కాస్టింగ్, ఐటీ , ఎరా  మరియు ఆధార్)” అనే అంశంపై ఏర్పాటైన సదస్సును  కేంద్ర కమ్యూనికేషన్లు, ఎలక్ట్రానిక్స్  ఇన్ఫర్మేషన్ టెక్నాలజీ మరియు రైల్వే శాఖ మంత్రి శ్రీ అశ్విని వైష్ణవ్ రేపు సెమినార్‌ను ప్రారంభించన్నారు.   25 సంవత్సరాల టెలికాం రెగ్యులేటరీ అథారిటీ ఆఫ్ ఇండియా (ట్రాయ్ ) చట్టం ద్వారా సాధించిన విజయాలను  గుర్తు చేసుకోవడానికి టెలికాం వివాదాల పరిష్కారం  అప్పిలేట్ ట్రిబ్యునల్ (టీడీ శాట్ ) ఈ సదస్సును నిర్వహించనుంది.

 టెలికాం, బ్రాడ్‌కాస్టింగ్, ఐటీ, ఎయిర్ పోర్ట్ ఇన్‌ఫ్రాస్ట్రక్చర్ మరియు ఆధార్ రంగాలలో  వివాద పరిష్కారం కోసం అందుబాటులో ఉన్న అవకాశాలతో సహా నియంత్రణ యంత్రాంగానికి సంబంధించిన అవగాహనను పెంపొందించాలన్న లక్ష్యంతో ఈ సదస్సును నిర్వహిస్తున్నారు.  ఈ అంశంపై ప్రభుత్వం, న్యాయ వ్యవస్థ, వివిధ వాటాదారుల ప్రతినిధులు, నియంత్రణ సంస్థల ప్రతినిధులు, ప్రముఖ న్యాయవాదులు తదితర నిపుణులు చర్చించి ప్రసంగిస్తారు.  కీలకమైన రంగాలు,నూతనంగా అభివృద్ధి చెందుతున్న పోకడలు మరియు వేగంగా మారుతున్న సాంకేతికత ద్వారా ఎదురవుతున్న  సవాళ్లను, వాటి పరిష్కార మార్గాలను ఈ చర్చలు  వెలుగులోకి తీసుకుని వస్తాయని  భావిస్తున్నారు.

 దేశంలో  టెలికమ్యూనికేషన్స్ రంగం అభివృద్ధి సాధించి, ప్రగతి సాధించేందుకు అవసరమైన పరిస్థితులు కల్చించి అభివృద్ధి చెందుతున్న గ్లోబల్ ఇన్ఫర్మేషన్ సొసైటీలో దేశం ప్రముఖ పాత్రను పోషించాలన్న ఉద్దేశ్యంతో  1997లో ట్రాయ్  చట్టం రూపొందించబడింది.  టెలికాం రంగంలో సంస్థల మధ్య న్యాయమైన మరియు పారదర్శకమైన పోటీని ప్రోత్సహించి అభివృద్ధి సాధించేందుకు దోహదపడే వాతావరణాన్ని అందించడం   ప్రధాన లక్ష్యంగా  టెలికాం రెగ్యులేటరీ అథారిటీ ఆఫ్ ఇండియా ఏర్పాటయింది.

 చట్టంలో పొందుపరిచిన నిబంధనల మేరకు  భారతదేశంలో టెలికమ్యూనికేషన్ రంగాన్ని నియంత్రించడానికి టెలికాం రెగ్యులేటరీ అథారిటీ ఆఫ్ ఇండియా (ట్రాయ్ ) ఏర్పాటు అయ్యింది. ట్రాయ్ అమలు చేస్తున్న  న్యాయ, వివాదాల విధులను నిర్వర్తించేందుకు  టెలికాం వివాదాల పరిష్కారం మరియు అప్పీలేట్ ట్రిబ్యునల్ (టీడీశాట్ )ని నెలకొల్పడం జరిగింది.  2000లో ట్రాయ్ చట్టానికి సవరణలు చేసి  టెలికాం వివాదాల పరిష్కారం మరియు అప్పిలేట్ ట్రిబ్యునల్ (టీడీ శాట్ )ని నెలకొల్పడం జరిగింది.