پورے قومی راجدھانی خطہ (این سی آر) میں ہوا کے معیار کو بہتر بنانے کے لیے بصیرت انگیز بات چیت کو جاری رکھتے ہوئے، ماحولیات کی وزارت کے اشتراک سے ہوا کے معیار کے بندوبست سے متعلق  کمیشن  نے  این سی آر اور ا س سے ملحقہ علاقوں (سی اے کیو ایم) کے زیر اہتمام ’’صاف ہوا کی سمت پر مذاکرے‘‘ کے دوسرے دن ماحولیات ، جنگلات اور آب و ہوا میں تبدیلی  کی (ایم او ای ایف اینڈ سی سی ) دہلی-این سی آر میں فضائی آلودگی کے مسئلے کے دیرپا حل کے لیے پالیسیوں کے ایک مؤثر فریم ورک اور فیلڈ سطح  کے اقدامات کے لیے قیمتی معلومات اور خیالات کے ساتھ پریزنٹیشنس شامل تھے۔ ماحولیات، جنگلات اور موسمیاتی تبدیلی کے وزیر مملکت جناب اشونی کمار چوبے نے تقریب میں شرکت کی اور اُن اقدامات پر تبادلہ خیال کیا ،جو تمام شہریوں کو صاف اور آلودگی سے پاک ماحول کو یقینی بنانے کے لیے اٹھانا چاہیے۔  بات چیت کے اِس  دو روزہ اجلاس  میں مرکزی حکومت، ریاستی حکومتوں، آلودگی پر قابو پانے سے متعلق  بورڈز، میونسپل اداروں ، رضاکار تنظیموں، پرائیویٹ سیکٹر، ماہر ین تعلیم اور صنعتی انجمنوں کے   متعلقہ فریق  شامل تھے۔ مختلف شعبوں کے متعلقہ فریقوں  کی تعمیری  نوعیت کی بات چیت کے ساتھ ساتھ وسائل سے بھرپور بصیرت نے بات چیت کے دو روزہ مکالمے کے  کامیاب عمل درآمد میں ایک اہم اضافہ کیا۔

 

دوسرے دن کے پہلے اجلاس  کا موضوع  ’’این سی آر میں گاڑیوں اور صنعتی آلودگی کی شدت میں کمی لانا‘‘ تھا۔ بات چیت صنعتوں اور ٹرانسپورٹ سیکٹر میں پی این جی جیسے صاف ایندھن کی سمت  منتقلی پر مرکوز تھا۔  اِس بات چیت میں پورے این سی آر میں پی این جی نیٹ ورک، بنیادی ڈھانچے اور سپلائی کے لیے روڈ میپ،  گاڑیوں کی آلودگی سے نمٹنے کے لیے ایک ممکنہ حل کے طور پر ای-موبلٹی  ٹرانسپورٹ سیکٹر میں گاڑیوں سے  ہونے والی آلودگی کے اخراج  کو کم کرنے کے طریقے،  اور ڈی جی سیٹ کے بڑے پیمانے پر  استعما ل پر  توجہمرکوز  کی گئی تھی۔

 

اگلا اجلاس  پائیدار زرعی باقیات  کے انتظام، فصل کی باقیات کو جلانے کی روک تھام اور کنٹرول کے ساتھ ساتھ فصل کے اندرونی  اور سابقہ ​​دونوں جگہوں کے  انتظامات کے لیے حکمت عملیوں، طریقہ کار اور اسکیموں پر مرکوز تھا۔’’صاف ہوا کی سمت پر مذاکرے‘‘ کے دوسرے دن کے آخری اجلاس  میں فضائی آلودگی کو کم کرنے کے لیے ہریالی اور شجرکاری کے اقدامات پر تعمیری  گفتگو شامل تھی، جس میں ایم او ای ایف سی سی کے شہری جنگلات کے اقدامات جیسی نگر وَن اسکیم وغیرہ شامل تھی۔ ریاست میں فضائی آلودگی  پر قابو پانے  کے لیے ہریانہ حکومت نے  ہریالی سے متعلق اپنے  اقدامات بھی پیش کئے ۔

 

تمام تکنیکی اجلاس، پریزنٹیشنز اور مباحثے بہت محرک اور افزودہ تھے۔ مختلف شعبوں سے تعلق رکھنے والے متعلقہ فریقوں  نے پورے این سی آر میں ہوا کے معیار کو متاثر کرنے والے مسائل کے بارے میں بھی بات چیت کی اور بصیرت انگیز معلومات  پیش کیں۔ کمیشن اور ایم او ای ایف اینڈ سی سی  نے این سی آر  میں فضائی آلودگی کی لعنت  کے خلاف مشترکہ لڑائی میں تمام متعلقہ فریقوں کی  حمایت اور تعاون کو یقینی بنایا۔

 

مذاکرات  کے اختتام کا  رُخ کرتے ہوئے جناب  چوبے نے اس دو روزہ  بات چیت  کو کامیاب بنانے میں ان کے گراں قدر تعاون کے لیے تمام متعلقہ فریقوں  کا شکریہ ادا کیا اور صاف ہوا کی سمت  اس طرح کے سوچے سمجھے مکالمے کے انعقاد کے لیے کمیشن کی کوششوں کی تعریف کی۔ ان مذاکرات میں اٹھائے گئے مختلف نکات این سی آر کی ہوا کے معیار کو بہتر بنانے کے لئے  کمیشن اور ایم او  ای ایف اینڈ سی سی   کی  مزید اسٹریٹجک لائحہ عمل کی تشکیل میں مدد کریں گے۔

 

باقیات کو  جلانے کے مسئلہ پر  اظہار خیال  کرتے ہوئے جناب چوبے نے تمام کسانوں سے اپیل کی کہ وہ شارٹ کٹ پر نہ جائیں، کیونکہ شارٹ کٹ ہمیشہ کٹ شارٹ  کرتا ہے۔ اگر ہم سب مل کر اپنے ماحول کو صاف ستھرا بنانے میں آگے بڑھیں گے،  تو یہ ہماری مادر فطرت کی بہت بڑی خدمت ہوگی۔ اگر ہم اپنی مادر فطرت کی پرواہ نہیں کریں گے تو وہ بھی ہماری پرواہ نہیں کرے گی۔ یہ ہر شہری کی ذمہ داری ہے کہ وہ اپنے اردگرد کی ہوا کی بہتری کے لیے کام کرے۔ انہوں نے مزید کہا کہ ہندوستان کے شہری ہونے کے ناطے ہم اپنی مادر فطرت کی دیکھ بھال کی واحد ذمہ دارہیں۔

 

کمیشن نے اب تک 61 ہدایات اور 7 مشورے جاری کیے ہیں، اس کے علاوہ این سی آر میں متعلقہ مختلف ایجنسیوں بشمول ریاستی حکومتوں، جی این سی ٹی ڈی،  پنجاب کی ریاستی حکومت  اور خطے میں مرکزی اور ریاستی حکومتوں کے مختلف اداروں کو انتظامی احکامات جاری کیے ہیں تاکہ  ذمہ داریوں کا تعین اور خطے میں آلودگی کو کم کرنے اور ہوا کے معیار کو بہتر بنانے کے ٹھوس  اقدامات کئے جا سکیں۔ چاہے وہ گاڑیوں سے ہونے والی  آلودگی، صنعتی اخراج، باقیات  کو جلانے، سڑک کے کنارے دھول میں اضافہ، ٹھوس فضلے کے بندوبست، گاڑیوں  سے ہونے والی آلودگی اور  ڈی جی سیٹس کے استعمال وغیرہ کے بارے میں ہو کمیشن ہر معاملے کو انتہائی تشویش کے ساتھ اٹھا رہا ہے اور اس نے تمام رکاوٹوں کو ختم کر دیا ہے۔ اس سے مؤثر طریقے سے نمٹنے کے لیے ضروری ہدایات اور مشورے جاری کریں۔

*************

ش ح ۔ ش  ا۔ک  

U. No. 2487

(ریلیز آئی ڈی: 1805054) وزیٹر کاؤنٹر : 187