• কোহিমাদা ইন্তিগ্রেতেদ আয়ুশ হোস্পিতাল অমা শঙ্গাখ্রে
• কিফিরে, মোকোকচুং, দিমাপুরগী নগালেন্দ য়ুনিবর্সিতী অমসুং ৱোখাদা ইন্তিগ্রেতেদ আয়ুশ হোস্পিতাল মরি দিবেলপ তৌখ্রে
• লোংলেংদা লুপা করোর ৭০ চংনা অয়ুর্বেদিক কোলেজ অমা দিবেলপ তৌখ্রে

আয়ুশ অমসুং পোর্তস, শিপ্পিং অমদি ৱাতরৱেজকী কেন্দ্র মন্ত্রী শ্রী সর্বানন্দা সোনোৱালনা ঙসি নগালেন্দ রাজ্যদা আয়ুশ হেল্থকেয়র সেক্তর দিবেলপ তৌনবা লুপা করোর ১০০ হেনবগী অচৌবা ইনবেস্তমেন্তশিং অমা লাউথোকখ্রে। এলোকেত তৌরবা ফন্দশিং অসিগা লোয়ননা রাজ্য অসিদা ফমুং ৩০ লৈবা আয়ুশ হোস্পিতাল অমা অমসুং ফমুং ১০ লৈবা হোস্পিতাল অহুমগা লোয়ননা অয়ুর্বেদিক কোলেজ অমা দিবেলপ তৌরগনি।

কেন্দ্রগী মন্ত্রীনা ঙসি অঙনবদা কোহিমাগী রাঝা ছেদিমাদা ইন্তেগ্রেতেদ হোস্পিতাল অমসু শঙ্গাখি। কিফিরেদা ফমুং ৩০ লৈবা আয়ুশ হোস্পিতাল অমা অদুগা মোকোকচুং, দিমাপুরদা নগালেন্দ য়ুনিবর্সিতী অমসুং ৱাখাদা ফমুং ১০ লৈবা আয়ুশ হোস্পিতাল অমমম দিবেলপ তৌরগনি। রিজন অসিদা আয়ুশতা হায়র এজুকেসন পীনবগীদমক কেন্দ্রগী মন্ত্রীনা লোংলেংদা অনৌবা থাক্কী অয়ির্বেদিক কোলেজ অমা লিংখৎনবা লাউথোকখি। কোলেজ অসিগী মমল অসি লুপা করোর ৭০দা এস্তিমেৎ তৌরি।  

থৌরম অদুদা ৱা ঙাংলদুনা শ্রী সোনোৱালনা হায়খি মদুদি অৱাং নোংপোক অসি আয়ুশ সেক্তরদা হব ওইরক্নবা অচৌবা পোতেন্সিএল অমা লৈরি। মহাক্না হায়খি মদুদি ফোল্ক মেদিসিন অমসুং ফ্লোরাগী পীগনবা মতৌদা য়ুমফম ওইবা ঐখোয়গী ইনাক খুল্লবা ত্রেদিস্নেল নোলেজকা লোয়ননা ভারতকী প্রজা লোয়ননা ঐখোয়গা য়ুমথংনরিবা লৈবাকশিংগী মীয়ামগীদমক ঐখোয়না হেল্থ অমসুং ৱেলনেস সোলুসনশিং ফংহনবা য়াই। মসিনা ঐখোয়গী ইকোনোমীগী ওইবা পাঙ্গল শক্তি পীরগনি অমদি ঐখোয়গী কম্ম্যুনিতী অসি মীওইবগী অনা অয়েকশিং লায়েংবদা ফহনবা ঙম্লগনি হায়না মহাক্না মখা তাখি।

মন্ত্রীনা মখা তানা খংহনখি মদুদি মন্ত্রালয় অসিনা নগালেন্দ অমসুং মিজোরামদা লুপা করোর ১৭২গী ইনবেস্তমেন্ত অমগা লোয়ননা আয়ুশ দিবেলপ তৌবগী মায়কৈদা খোং থাংজিল্লি। মহাক্না হায়খি মদুদি মসিগী রাজ্য অনি অসিদা অনৌবা আয়ুশ হোস্পিতাল ১০ অমসুং অয়ুর্বেদিক কোলেজ অমা লিংখৎলগনি।

রিজন অসিদা ফোল্ক মেদিসিন প্রিজার্ব তৌবা অমসুং কনজার্ব তৌবগী খোংথাংগী মতাংদা ঙাংলদুনা কেন্দ্রগী আয়ুশ মন্ত্রীনা হায়খি, “ফোল্ক মেদিসিন তম্নবা অমদি পুখৎনবগীদমক আয়ুশ মিনিস্ত্রীনা অৱাং নোংপোক্কী ইথিনিক কাংলুপশিংগী মরক্তা ক্রিতিকেল্লি এপরাইজ অমসুং ভেলিদেত লোকেল হেল্থ ত্রেদিসন্স (এল.ঐচ.তি.), ওরেল হেল্থ ত্রেদিসন্স (ও.ঐচ.তি.) অমসুং ইথনো মেদিসিনেল প্রেক্তিসেস (ই.এম.পি.)দা মল্তি সেন্ত্রিক রিসর্স প্রোজেক্ত অমা কন্দক্ত তৌরি।”

নগালেন্দ সরকারগী হেল্থ অমসুং ফেমিলী ৱেলফেয়রগী মন্ত্রী এস. পাংন্যু ফোম অমদি নগালেন্দ সরকারগী অর্বান দিবেলপমেন্ত অমসুং ম্যুনিসিপাল এফিয়ার্সকী মন্ত্রী দা. নৈকৈসালি কিরেগা লোয়ননা নগালেন্দ সরকার অমসুং আয়ুশ মন্ত্রালয়গী মকোক থোংবা ওফিসিএলশিংনা মীফম অসিদা শরুক য়াখি।

****

(Release ID: 1803075) Visitor Counter : 136