প্রধান মন্ত্রী শ্রী নরেন্দ্র মোদীগী লুচিং মখাদা কোওপরেতিব সেক্তরদা মওং চুম্না ইনোৎ হাপ্ননবগীদমক্তা, কেন্দ্র লৈঙাক্না জুলাই ২০২১দা কোওপরেসন মন্ত্রালয় শেমগৎখি‍। নৌনা শেমখিবা কোওপরেসন মন্ত্রালয়গী থৌদাং কেন্দ্রগী গৃহ মন্ত্রী শ্রী অমিত সাহদা শিন্নখি‍। শেম্লবা মতুংদা মন্ত্রালয় অসিনা অনৌবা কোওপরেতিব পোলিসী অমসুং স্কিমশিং শেমবগী থবক চঙশিন্দুনা শ্রী অমিত সাহগী ইচঙ থৌরবা লুচিং মখাদা লেপ্তনা খুমাঙ চাওশিল্লি‍।

মতাঙ অসিদা, বজেৎকী মতাঙদা স্তেকহোল্দরশিংগী মরক্তা পাক শন্না ৱাখল তাহন্নবা অমদি মশামক্কীনি হায়বা ৱাখল্লোন চেলহন্নবা, কেন্দ্র লৈঙাক্না ঙসি লৌউ-শিংউ অমসুং মরী লৈনবা সেক্তরগী মতাঙদা ‘স্মার্ত এগ্রিকলচর’ হায়বা হীরমসিদা ৱেবিনার অমা পাঙথোকখি‍। কোওপরেসন মন্ত্রালয়সু ৱেবিনার অদুদা ‘প্রোস্পেরিতী থ্রু কোওপরেসন’ হায়বা হীরমসিদা শরুক য়াখি‍। প্রধান মন্ত্রী শ্রী নরেন্দ্র মোদীনা ৱেবিনার অদু হৌদোকখি‍। মহাক্কর ৱারোলদা প্রধান মন্ত্রীনা, কোওপরেতিব সেক্তরবু মায় পাকপা কম্মর্সিএল এন্তরপ্রাইজ অমা ওন্থোক্নবা পান্দম থম্লিবা কোওপরেসনগী মন্ত্রালয় অমা লৈঙাক্না শেম্লে হায়খি‍।

কেন্দ্রগী গৃহন অমদি কোওপরেসন মন্ত্রী শ্রী অমিত সাহগী লমজিং মখাদা, কোওপরেসন মন্ত্রালয়না স্তেকহোল্দরশিংনা পীরকপা তোঙান তোঙানবা পাউতাকশিং লৌশিন্দুনা অনৌবা কোওপরেতিব পোলিসী অমগা লোয়ননা অনৌবা স্কিম কয়ামরুম পুথোক্নবা হোৎনরি‍।

কোওপরেসন মন্ত্রালয়গী ৱেবিনার অদু ফিসরিজ, এনিমেল হজবেন্ত্রী অমসুং দেরিইংগী মন্ত্রী শ্রী পর্সোত্তম রুপালানা থৌরম মপু ওইখি, অমদি কোওপরেসনগী কেন্দ্রগী রাজ্য মন্ত্রী শ্রী বি.এল. ভর্মাসু শরুক য়াখি‍। এনিমেল হজবেন্দ্রী অমসুং দেরিইংগী সেক্রেতরী শ্রী অতুল চতুর্বেদি, কোওপরেসন সেক্রেতরী শ্রী দেবেন্দ্র কুমার সিংহ, অমসুং অতৈ মকোক থোংবা ওফিসরশিংসু থৌরমদুদা শরুক য়াখি‍। অমুল, এন.সি.য়ু.আই., এন.এ.এফ.সি.য়ু.বি., আই.আর.এম.এ., ভি.এ.এম.এন.আই.সি.ও.এম.নচিংবা কোওপরেতিবকা মরী লৈনবা তোঙান তোঙানবা লূপশিংগী মীহুৎশিং, অমদি স্তেত লৈঙাকশিংসু ৱেবিনার অদুদা শরুক য়াখি‍।

ৱেবিনার অদুদা খন্নখিবা বজেৎ ২০২২-২৩গী তোঙান তোঙানবা ৱাফমশিং অমসুং কোওপরেতিবকা মরী লৈনবা মরুওইবা ৱাফমশিংদি:

• নৌনা শেম্লবা মন্ত্রালয় অসিগী লুপা করোর ৯০০০গী বজেৎকী চাকথুংগী ৱাফম‍।
• কোওপরেতিব সোসাইতিশিংদগী লৌরমবা মিনিমম অল্তরনেত তেক্স চাদা ১৮.৫দগী চাদা ১৫দা হন্থবগী ৱাফম লাউথোকখিবা‍।
• এফ.পি.ও.গী পরিংদা লৈবা লুপা করোর ১দগী করোর ১০ ফাওবগী শেন্থোক লৈবা কোওপরেতিবশিংগী সর্চার্জ চাদা ১২দগী চাদা ৭৮তা হন্থবগী ৱাফম লাউথোকখিবা‍।
• প্রাইমারী এগ্রিকলচরেল কোওপরেতিবশিং দিজিতাইজেসন তৌননবা লুপা করোর ৩৫০গী শেন্ফম‍।
• ‘প্রোস্পেরিতী থ্রু কোওপরেসন’গীদমক্তা কুম ২০২২-২৩গী ওইনা লুপা করোর ২৭৪গী শেন্ফম‍।

ৱেবিনার অদুদা মখাদা পীরিবা কোওপরেসন মন্ত্রালয়গী মরী লৈনবা মরুওইবা ৱাফমশিংসু খন্নখি:

ক.  দিজিতাইজেসন ওফ প্রাইমারী এগ্রিকলচরেল ক্রেদিৎ কোওপরেতিব সোসাইতিজ

খ.   স্কিম ফোর ক্রিএসন ওফ নেসনেল দেতাবেজ ওফ কোওপরেতিব সোসাইতিজ

গ.   কোওপরেতিব এজুকেসন এন্দ ত্রেনিং স্কিম

ঘ.   কোওপরেতিব ক্রেদিৎ গরেন্তী ফন্দ

ঙ.   কোওপরেতিব তু প্রোস্পেরিতী স্কিম

চ.   নেসনেল কোওপরেসন পোলিসী

ৱেবিনার অদুদা, য়ুজর-ওরিএন্তেদ দেতাবেজ সেয়রিং এন্দ এসেসেবিলিতী পোলিসী শেমবা, গ্রাসরুত থাক্তা ক্রেদিৎ য়ৌশিনবা ঙম্নবগীদমক ভি.এ.এম.এন.আই.সি.ও.এম., পুনেবু ওতোনোমস ইন্সতিত্যুৎ ওফ নেসনেল ইম্পোর্তেন্স ওইনা শেমগৎপা, কোওপরেতিব ক্রেদিত গরেন্তী ত্রস্ত শেমবা, কোওপরেতিব সেক্তরদা ব্রান্দিং অমসুং মার্কেতিং মপাঙ্গল কনখৎহনবা, পোত্থোক মখল মথেল পুথোকহনবা অমদি স্তার্তঅপশিংনা মতমগী ওইবা তেক্নোলোজীশিং শীজিন্নদুনা ইনোভেসনগী মতিং লৌশিনবনচিংবা ৱাফম কয়া তোঙান তোঙানবা লুপশিং অমসুং স্তেত লৈঙাকশিংনা হৌদোরকখি‍।

নোংমগী ওইবা ৱেবিনার অসিগী খুত্থাঙদা, কোওপরেতিবনা লৈবাকসিগী খুন্নাই-শেন্মিৎলোনগী য়াঙলেন শরুনি অমদি মসিনা মায়কৈ শুনা চাউখৎপা পুরক্কদবা অমত্তা ঙায়রবা মওংনি হায়বা ৱাফমশিং থম্নখি‍। ৱেবিনারদুদা শরুক য়াখিবশিংগী মফমদা মখোয়গী ৱাখল্লোনশিং budget2223suggestions[at]gmail[dot]com দা থারক্নবা ৱাফমসু থমখি‍।

****

(Release ID: 1801045) Visitor Counter : 143