ইন্দিয়ন কাউন্সিল ওফ মেদিকেল রিসার্চ (আই.সি.এম.আর.)গী মীশিংদা য়ুমফম ওইবা কেন্সর রেজিস্ত্রীনা ভারত্তা কেন্সরগী থৌদোক অসি নোর্থ-ইস্তর্ন রিজনদনা খ্বাইদগী হেন্না ৱাংনা থেংনখি। চহি খুদিংগী কেন্সরগী নেস্নেল এভরেজ ইন্সিদেন্স অসি মীশিং লাখ অমদা ৯০-১২০ ফাওবগী মরক্তা লৈ, অদুবু নোর্থ-ইস্তর্ন রিজনদদি মীশিং লাখ অমদা য়াম্না ৱাংনা ২২০-২৭০ ফাওবগী মরক্তা লৈ। আই.সি.এম.আর.গী রিপোর্তকী মতুং ইন্না, চহি খুদিংগী নোর্থ-ইস্তর্ন রিজনদা অনৌবা কেন্সর পেসেন্ত ৪৫,০০০ থেংনখি।

নোর্থইস্ততা কেন্সর কিয়রগী তঙাইফদবা অসি য়েংলগা, দা. বি. বোরুআ কেন্সর ইন্সতিত্যুত (বি.বি.সি.আই.) অসি কেন্সর পেসেন্তশিং লাইয়েংনবগীদমক্তা ভোলন্তরী ওর্গনাইজেশন অমনা লনাইগী হোসপিতাল অমা ওইনা অসামগী গুৱাহাতিদা ১৯৭৪দা লেইখৎখি। চহি ১৯৮০দা, ইন্সতিত্যুত অসি রিজনেল কেন্সর সেন্তর ফোর ত্রীতমেন্ত এন্দ রিসর্চ অমা ওইনা ভারত সরকারনা রিকোগ্নাইজ তৌখি অমসুং ১৯৮৯গী নবেম্বরদগী হৌনা, বি.বি.সি.আই.না অসাম সরকার, নোর্থ-ইস্তর্ন কাউন্সিল অমসুং ভারত সরকারগী দিপার্তমেন্ত ওফ এতোমিক ইনর্জী (দি.এ.ই.)দগী মতেং ফংদুনা লাক্লি। ২০১৭গী সেপ্তেম্বরদা, ইন্সতিত্যুত অসিবু ইন্সতিত্যুত অসিগী লৈরিবা পার্সোনেলশীং, এসেতশিং অমসুং লায়বিলিতীশিংগা লোইননা মুম্বাইগী তাতা মেমোরিয়েল সেন্তরগী এদমিনিস্ত্রেতিব কন্ত্রোল মখাদা দি.এ.ই.দা ত্রান্সফর তৌখি। ঙসিদি, কেন্সরনা নারবা অনৌবা পেসেন্ত ১৪,০০০ অমসুং অরিবা পেসেন্ত ২,০০,০০০ ফাওবা দাইগ্নোসিস, ত্রীতমেন্ত অমসুং চেক-অপকীদমক্তা চহি খুদিংগী বি.বি.সি.আই.দা লাক্লি।

 

বি.বি.সি.আই.দা নোর্থ-ইস্তকী ওইনা খ্বাইদগী হেন্না নম্না নারিবা কেন্সরশিংগী লাইয়েংনবগীদমক্তা খ্বাইদগী হেন্না নৌবা ফেসিলিতী লৈ। তৌইগুম্বসুং, স্তেতিস্তিক্সতা উৎপগী মতুং ইন্নদি লমদম অসিদা লাইয়েংনবগী ফেসিলিতীশিং অদু মশিং য়েম্না অকক্ননা লৈরি। আই.সি.এম.আর.গী রিপোর্তকী মতুং ইন্না পেসেন্তশিংগী ৯৫%দি সিক্কিমদগীনি, নেগালেন্দদগী ৫৮%, মনিপুরদগী ১৬%, মেঘালয়াদগী ১৬%না কেন্সর লাইয়েংনবগীদমক্তা নোর্থ-ইস্তর্ন রিজনদগী মপানদা থোক্তুনা লাইয়েংনরি। মসিগী মথক্তা, পেদিয়াত্রিক অমসুং এদল্ত এমাতোলীমফোইদ (ব্লদ কেন্সরশিং) মেলিগ্নেন্সীশিংগুম্বা কেন্সর খরা অসিনা লাইয়েংবদা ফবা কেন্সরেশিংগী মরক্তা অমনি অমসুং, করিগুম্বা নিংথিজনা লাইয়েংলবদি, পেসেন্তশিংনা পুনশিং শাংনা হিংদুনা অমসুং পুনশি মহাও লৈনা হিংবা ঙম্মি। তৌইগুম্বশুং, মসিগী কেন্সরশিং অসি লাইয়েংনবগী হৈ-শিংবদা মতিক-চারবশিং অদুদি লৈবাক অসিদা অখন্নবা সেন্তর খরা খক্তমক লৈ, মখোয়শিং অদুগী মনুংদা মুম্বাইগী তাতা মেমমোরিয়েল সেন্তর অসিসু অমনি। এন.ই. রিজনদা অখন্নবা পেদিয়াত্রিক ওনকোলোজী ব্লোক লিংখৎপনা মসিগী কেন্সরশিং অসি নিংথীনা লাইয়েনবগীদমক্তা হ্যুমেন রিসোর্সশিং অমসুং এক্সপর্তিজ জেনরেত তৌগনি। 

২০২২-২৩গী কেন্দ্রগী বজেততা অনৌবা স্কীম, “প্রাইম মিনিস্তর্স দিবেলপমেন্ত ইনিসিয়েতিব ফোর নোর্থ ইস্ত” অসি য়াওহনখ্রে, শম্না হায়রগা, পি.এম.-দিভাইন, অসি মিনিস্ত্রী ওফ দেবেলপমেন্ত ওফ নোর্থ-ইস্তর্ন রিজনগী নোর্থ ইস্তর্ন কাউন্সিলগী খুত্থাংদা ইমপ্লিমেন্ত তৌরগনি। অনৌবা স্কীম অসিগী পান্দমদি পি.এম. গতিশক্তিগী ৱাখল্লোনদা ইনফ্রস্ত্রকচরদা শেল থাথবনি, অমসুং মসিগা লোইন-লোইননা নোর্থ-ইস্তকী তঙাইফদবশিং অদুদা য়ুমফম ওইরগা পুথোরকখিবা সোসিয়েল দেবেলপমেন্ত প্রোজেক্তশিংদা মতেং পাংবনি।

চহি ২০২২-২৩গীদমক্তা, অহানবগী ওইনা পি.এম.-দিভাইনগীদমক্তা লুপা করোর ১,৫০০গী শেন্থং খাইদোক্তুনা লৈখ্রে অমসুং চহি অসিগী মনুংদা হৌনবগীদমক্তা মশক খঙদোক্লবা মরু ওইবা প্রোজেক্তশিংগী মনুংদা অমা ওইনা চাউরাক্না লুপা করোর ১২৯ চংনা “দা. বি. বোরুআ কেন্সর ইন্সতিত্যুত (বি.বি.সি.আই.) গুৱাহাতিদা, নোর্থ-ইস্ত ইন্দিয়াদা পেদিয়াত্রিক অমসুং এদল্ত হেমাতোলীমফোইদ কেন্সরগী মেনেজমেন্তকীদমক্তা অখন্না সার্বিসশিং লিংখৎলগনি”। মসিগী অনৌবা খোংথাং অসিনা হৌখিবা চহি ১১ অসিদা লাইয়েংনবগীদমক্তা বি.বি.সি.আই.দা রিপোর্ত তৌরকখিবা অঙাং অমসুং অহলশিংগী এমাতোলীমফোইদ কেন্সর পেসেন্ত ৩,৮৫৫ লৈখিবনা লমদম অসিদা কেন্স্র কিয়রদা য়াম্না চাউনা অনৌবা ইনোৎ অমা হাপ্লগনি হায়না থাজবা পীরি। মসিগী মথক্তা নোর্থ-ইস্ততা বি.বি.সি.আই. নত্তনা ফেসিলিতীশীং মতিক চানা লৈতবনা মসিগী অখন্না কিয়র অসি মথৌ তাবা পেসেন্ত কয়া অমা লৈরম্বা য়াই অদুবু য়ুমদগী নক্না লৈতবনা মরম ওইরগা লৈবাক অসিগী অতোপ্পা মফম কয়াদা লৈরিবা অতোপ্পা সেন্তরশিংদা চৎপগী মথৌ তাখি।

অখন্নবা পেদিয়াত্রিক ব্লোক অসিনা হেক লিংখৎপদা, মসিগী লাইওং অসিগী কাংলুপশিংগীদমক্তা লাইয়েংনবগীদমক্তা চহিগী ওইনা চাউরাক্না পেসেন্ত ১,০০০দা লাইয়েংবগী খুদোংচাবা পীবা ঙম্লগনি, মসিনা পেসেন্তশিংগী চাদিং হন্থহল্লগনি অমসুং নোর্থ-ইস্তর্ন রিজন অসিগী মীয়ামদা য়াম্না চাউনা কান্নবা পীরগনি।

*****

(Release ID: 1801033) Visitor Counter : 181