حکومت نے  ضروری خردنی اشیا  کی گھریلو دستیابی میں اضافے اور ان کی قیمتوں میں استحکام لانے کے لیے متعدد فعال اور  احتیاطی تدابیر کی  ہیں۔ ان  تدابیر کے نتیجے میں  تور/ارہر دال کی قیمت میں تیزی سے گراوٹ کی اطلاع ہے۔

امور صارفین  کے محکمہ کے سرکاری اعدادوشمار کے مطابق 22 فروری  2022 کو اطلاعات کے مطابق تور/ارہر دال کی اوسط تھوک قیمت 9255.88 فی کوئنٹل رہی،  جو کہ  22 فروری 2021 کو 9529.79  روپے فی کوئنٹل تھی یعنی   2.87 فیصد کی گراوٹ آئی ہے۔

اسی طرح  21 فروری  2022 کو اطلاعات کے مطابق تور/ارہر دال کی اوسط تھوک قیمت 9252.17 فی کوئنٹل رہی،  جو کہ  21 فروری 2021 کو 9580.17  روپے فی کوئنٹل تھی یعنی   3.422.87 فیصد کی گراوٹ آئی ہے۔

مونگ کو چھوڑکر تمام دالوں کے ذخیرے کی حد  مقرر کرنے کا نوٹی فکیشن  2 جولائی 2021 کو جاری کیا گیا۔ اس کے بعد  چار دالوں یعنی تور، ارڈ، مسور، چنا پر   31 اکتوبر 2021 تک  کےلئے  ذخیرے کی حد مقرر کرنے سے متعلق  ترمیم شدہ آرڈر  19 جولائی 2021 کو جاری کیا گیا۔

دالوں کی دستیابی کو بہتر بنانے اور قیمتوں کو مستحکم کرنے کے لیے  حکومت نے 15 مئی 2021 سے 31 اکتوبر 2021 تک  آسان  اور بلا روک ٹوک  درآمدات کو یقینی بنانے کے لیے’فری زمرہ‘ کے تحت تور، اُڑد اور مونگ کی درآمد کی اجازت دی۔ اس کے بعد تور اور اُڑد کی درآمد کے سلسلے میں  فری زمرے کی مدت 31 مارچ 2022 تک بڑھ دی گئی۔ برآمداتی پالیسی کے اقدامات  کے نتیجے میں  گزشتہ دو برسوں کی  مساوی مدت کےمقابلے میں   تور، اُڑد اور مونگ کی درآمدات میں کافی  اضافہ ہوا ہے۔

۔۔۔۔۔۔۔۔۔۔۔

ش ح۔ا گ ۔ن ا۔

U-1900

(Release ID: 1800426) Visitor Counter : 200