آیوش کے مرکزی وزیر جناب سربانند سونووال نے آج آیوروید کی تعریف کرتے ہوئے کہا کہ اس نے دنیا بھر میں اپنی چھاپ چھوڑی ہے۔ وزیر موصوف آج دھنونتری بھون کے چوتھے حصے کا سنگ بنیاد رکھنے کی تقریب میں اظہار خیال کررہےتھے۔ اس کا اہتمام آل انڈیا آیوروید کانگریس نے پنجابی باغ ویسٹ میں اپنے ہیڈکوارٹرز میں کیا تھا۔

ہندوستان کے روایتی طریقہ علاج کی ستائش کرتے ہوئے وزیر موصوف نے کہا کہ کینیا کے سابق وزر اعظم ریلااوڈنگا اپنی بیٹی کی بینائی کا علاج کرانے کے لئے ہندوستان آئے۔ آیوروید ک علاج سے اس کی بینائی بحال ہوگئی جس کے لئے انھوں نے ہمارے وزیر اعظم جناب نریندر مودی کا شکریہ ادا کیا اور آیوروید کو دنیا بھر میں پھیلانے کے لئے ان پر زور دیا۔

ہندوستان کی مالا مال ثقافت اور روایت کی تعریف کرتے ہوئے جناب سونووال نے کہا ’’ہم چاہتے ہیں کہ قدیم وقت سے ہندوستان کا جو بے مثال کلچر رہا ہے، وہ ملک کی نوجوان نسل تک پہنچے ہمیں نوجوانوں کو بتانا چاہئے کہ کس طرح ہمارے اجداد، ہمارے رشیوں منیوں نے ہمارے ملک کو مضبوط بنانے کے لئے اپنی زندگی وقف کی تھی‘‘۔

****

 

U.No:1782

ش ح۔رف۔س ا

(Release ID: 1799533) Visitor Counter : 125