جل شکتی وزارت
صاف گنگا کے قومی مشن ( این ایم سی جی ) کے ڈائریکٹر جنرل نے کورونیشن پلر ایس ٹی پی کے تعمیری کام کا جائزہ لیا
اس پروجیکٹ کے مکمل ہونے کے ساتھ 318 ایم ایل ڈی استعمال شدہ پانی جمنا دریا میں جانے سے رُک جائے گا
دلی میں ، نمامی گنگا پروگرام کے تحت 1385 ایم ایل ڈی گندے پانی کو صاف بنانے کے لئے 2354 کروڑروپے مالیت کے کُل 12 پروجیکٹ شروع کئے گئے ہیں
Posted On:
31 JAN 2022 8:12PM by PIB Delhi
صاف گنگا کے قومی مشن (این ایم سی جی )کے ڈائریکٹر جنرل جناب جی اشوک کمار نے آج دلی میں کورونیشن پلر سیویج ٹریٹمنٹ پلانٹ کا دورہ کیا تاکہ وہاں جاری تعمیراتی کام کا جائزہ لیا جاسکے ۔ کورونیشن پلر سیویج ٹریٹمنٹ پلانٹ ملک میں گندے پانی کو صاف بنانے کا ایک سب سے بڑا پلانٹ ہے۔گندے پانی کو صاف بنانے کے پلانٹ پر کام تکمیل کے پیشگی مرحلے میں ہے۔515 کروڑروپے کی تخمینہ لاگت سے یہ گندے پانی کو صاف بنانے کا پلانٹ ( ایس ٹی پی ) 318 ایم ایل ڈی استعمال شدہ پانی کو قابل استعمال بنائے گا،جس پر 414 کروڑ روپے لاگت آئے گی۔ پونجی لاگت کا 50فیصد این ایم سی جی برداشت کرے گا ۔ کورونیشن پلر پر کام کی منظوری دسمبر 2018 میں دی گئی تھی اور یہ اس سال فروری میں مکمل کرلیا جائے گا۔
اس بات کا ذکر کرتے ہوئے کہ حکومت ملک میں گنگا اوراس کی معاون ندیوں کے احیا کے لئے کام کررہی ہے ۔ جناب اشوک کمار نے کہا کہ جمنادریا میں آلودگی این جی ٹی اور مرکز کے لئے باعث تشویش ہے۔ 318 ایم ایل ڈی کورونیشن ایس ٹی پی پر کام تقریباََ مکمل ہے اور یہ فروری کے آخر تک مکمل کرلیا جائے گا۔ اس پروجیکٹ کے مکمل ہونے کے ساتھ ہی 318 ایم ایل ڈی استعمال شدہ پانی جمنا دریا میں جانے سے رک جائے گا۔ انہوں نے مزید بتایا کہ دلی جل بورڈ کے ساتھ صاف گنگا کا قومی مشن این ایم سی جی قومی راجدھانی میں بھی 10 دیگر ایس ٹی پی پروجیکٹوں پر کام کررہا ہے اور کووڈ -19 کی بندشوں کے دوران بھی خاطر خواہ کام ہوا ہے۔ این جی ٹی کے ذریعہ ان پروجیکٹوں کی نگرانی کی جارہی ہے۔ ایشیا کا سب سے بڑا ایس ٹی پی یعنی سیوریج ٹریٹمنٹ پلانٹ ، اوکھلا ایس ٹی پی پر بھی کام کافی اچھی طرح سے چل رہا ہے اور یہ پروجیکٹ جمنادریا کی نرملتا کو بحال کرنے میں مدد دیں گے ۔
سردست دلی 3273 ایم ایل ڈی گندہ پانی تخمینے کے مطابق نکالتی ہے ،جس میں سے 2340 ایم ایل ڈی گندا پانی 2624 ایم ایل ڈی کی تنصیبی صلاحیت کے ذریعہ سودھا جاتا ہے۔دریائے جمنا میں 933 ایم ایل ڈی غیر سودھے گئے پانی کا اخراج ہوتاہے۔ جمنا دریا میں آلودگی کو کم کرنے کے لئے دلی میں نمامی گنگا پروگرام کے تحت 2354 کروڑروپے کی لاگت سے 1385 ایم ایل ڈی گندے پانی کو صاف بنانے کے لئے کل 12 پروجیکٹ شروع کئے گئے ہیں۔
*************
ش ح۔ح ا ۔رم
U-1716
(Release ID: 1798988)
Visitor Counter : 141