ఇంటర్నేషనల్ ఫైనాన్షియల్ సర్వీసెస్ సెంటర్స్ అథారిటీ (IFSCA), వ్యాపార  సౌలభ్యంపై ప్రత్యేక దృష్టి సారించి, ప్రపంచ ఉత్తమ నిర్వహణ పద్దతుల ఆధారంగా పెట్టుబడి నిధుల కోసం సమగ్రమైన  స్థిరమైన నియంత్రణ విధానాన్ని  అభివృద్ధి చేసే ప్రయత్నంలో, IFSCAకి సిఫార్సు చేయడానికి పెట్టుబడి నిధుల దిశానిర్దేశంకోసం  నిపుణుల కమిటీని ఏర్పాటు చేసింది. కోటక్ మహీంద్రా అసెట్ మేనేజ్‌మెంట్ కో. లిమిటెడ్ మేనేజింగ్ డైరెక్టర్ , ప్రధానమంత్రి ఆర్థిక సలహా మండలి సభ్యుడు అయిన శ్రీ నీలేష్ షా అధ్యక్షతన IFSCలలో నిధుల పరిశ్రమ

 కమిటీ ఏర్పాటైంది. సాంకేతికత, పంపిణీ, చట్టపరమైన సమ్మతి వంటి కార్యక్రమాల అంశాలతో సహా ఫండ్ మేనేజ్‌మెంట్ నిపుణులతో  కమిటీ ఏర్పాటు అయ్యింది.

IFSCలో ఫండ్ పరిశ్రమకు సంబంధించిన విభిన్న సమస్యలను పరిశీలించడానికి కమిటీ మూడు వర్కింగ్ గ్రూపులను ఏర్పాటు చేసింది. వివిధ సమావేశాలలో వర్కింగ్ గ్రూపులు భారతదేశం , విదేశాలలోని వివిధ మార్కెట్ ప్రతినిధులతో సంభాషించాయి, ఉత్తమ ప్రపంచ పద్ధతులను పరిశీలించాయి. వీటి ఆధారంగా  వివరణాత్మక సిఫార్సులు చేశాయి. వర్కింగ్ గ్రూపుల సిఫార్సులను పరిశీలించిన తర్వాత, నిపుణుల కమిటీ జనవరి 31, 2022న IFSCA ఛైర్మన్‌కి తన నివేదికను సమర్పించింది.ఆ నివేదిక  క్రింది లింక్‌లో అందుబాటులో ఉంది:

 

https://ifsca.gov.in/CommitteeReport

 

కమిటీ నివేదికను పరిశీలించిన తర్వాత, IFSCA నిబంధనలు, 2022ని జారీ చేయాలని ప్రతిపాదించారు.  దానిపై ప్రజల నుండిఅభిప్రాయాలని  ఆహ్వానించారు. ప్రతిపాదిత నిబంధనల యొక్క ముఖ్య లక్షణాలు క్రింది విధంగా ఉన్నాయి:

 

బహుళ కార్యకలాపాల కోసం ఒకే రిజిస్ట్రేషన్:

ఫండ్ మేనేజ్‌మెంట్‌కు సంబంధించిన కార్యకలాపాలను చేపట్టేందుకు ఉద్దేశించిన ఫండ్ మేనేజర్, అనగా. రిటైల్ స్కీమ్‌లను (ఎక్స్‌ఛేంజ్ ట్రేడెడ్ ఫండ్‌లతో సహా), రిటైల్ యేతర పథకాలు (ప్రత్యామ్నాయ పెట్టుబడి నిధులు), పోర్ట్‌ ఫోలియో మేనేజ్‌మెంట్ సేవలను చేపట్టడం లేదా వివిధ ఇన్వెస్ట్‌మెంట్ ట్రస్ట్‌ లకు మేనేజర్‌గా నిర్వహించడం (REIT మరియు ఇన్విట్) IFSCA నుండి ఒకే రిజిస్ట్రేషన్‌ ద్వారా చేయవచ్చు. రిటైల్ కాని పెట్టుబడిదారుల కోసం మాత్రమే ఫండ్స్   నిర్వహించడానికి ఉద్దేశించిన ఫండ్ మేనేజర్‌కు తక్కువ అర్హత అవసరాలు ఉంటాయి. ఇంకా, వెంచర్ క్యాపిటల్ స్కీమ్ ద్వారా కొత్త ఉత్పత్తులు, కొత్త సేవలు సాంకేతికతలో ప్రధానంగా పాలుపంచుకున్న స్టార్టప్‌లు, అభివృద్ధి చెందుతున్న లేదా ప్రారంభ-దశలో ఉన్న కంపెనీల జాబితా చేయని సెక్యూరిటీలలో పెట్టుబడి పెట్టడానికి ఉద్దేశించిన IFSC ఫండ్ మేనేజర్‌కు లైట్ టచ్ అవసరాలతో కూడిన ప్రత్యేక రిజిస్ట్రేషన్ ఇచ్చారు..

ఫండ్ మేనేజర్‌లు, రిటైల్ స్కీమ్‌లు, నాన్-రిటైల్ స్కీమ్‌లు, వెంచర్ క్యాపిటల్ స్కీమ్‌లు, పోర్ట్‌ఫోలియో మేనేజ్‌మెంట్ సర్వీసెస్ ఇన్వెస్ట్‌మెంట్ ట్రస్ట్‌ ల కోసం వివరణాత్మక అర్హత నియంత్రణ అవసరాలు నిర్దేశించారు.  ‘కనీస కీ మేనేజ్‌మెంట్ పర్సనల్’ (KMPలు) పరంగా పదార్థ అవసరాలు, మౌలిక సదుపాయాల అవసరాలు, IFSC నుండి పెట్టుబడి నిర్వహణ వంటి కీలక కార్యక్రమాలు   ముసాయిదా నిబంధనలలో సూచించారు.

గ్రీన్ ఛానల్:

వెంచర్ క్యాపిటల్ స్కీమ్‌లు లేదా గుర్తింపు పొందిన పెట్టుబడిదారుల నుండి డబ్బును కోరే నాన్-రిటైల్ స్కీమ్‌లు మాత్రమే గ్రీన్ ఛానెల్‌కు అర్హత పొందుతాయి అంటే ఫైల్ చేసిన స్కీమ్‌లు IFSCAలో ఫైల్ చేసిన వెంటనే పెట్టుబడిదారుల చందా కోసం అందుబాటులో ఉంటాయి. స్కీమ్ పరిమాణం, పెట్టుబడిదారుల సంఖ్య, అనుమతించదగిన పెట్టుబడులు మొదలైన వాటిపై అవసరాలు ముసాయిదా నిబంధనలలో వివరించారు

ఎక్స్ఛేంజ్ ట్రేడెడ్ ఫండ్‌లు (ETFలు): ETFలు నిర్దిష్ట మార్కెట్‌లు లేదా అసెట్ క్లాస్‌లను తక్కువ ఖర్చుతో బహిర్గతం చేయడానికి ఒక మార్గాన్ని అందజేయడాన్ని పరిగణనలోకి తీసుకుంటే, IFSCలో నమోదిత ఫండ్ మేనేజర్‌లు కేవలం ఇండెక్స్ ఆధారిత ETFలనే కాకుండా యాక్టివ్ ETFలు మరియు కమోడిటీ ఆధారిత ETFలను కూడా ప్రారంభించగలరు. గోల్డ్, సిల్వర్ ఇటిఎఫ్‌ల కోసం ఫండ్ మేనేజర్‌లు నేరుగా బులియన్ డిపాజిటరీ రసీదులలో అంతర్లీన బులియన్‌తో పెట్టుబడి పెట్టగలరు, తద్వారా ఫిజికల్ బులియన్‌లో పెట్టుబడి పెట్టవలసిన అవసరాన్ని తొలగిస్తారు. నాణ్యత లేదా నిల్వ గురించి ఆందోళన చెందనవసరం లేదు . IFSCA సంబంధిత స్టాక్ ఎక్స్ఛేంజీల ముందస్తు అనుమతి ETFల కోసం వినూత్న నిర్మాణాలు ఏర్పాటు అయ్యాయి . ఇవి ETFలలో తగినంత లిక్విడిటీని నిర్ధారించడానికి, IFSCలోని స్టాక్ ఎక్స్ఛేంజీలు మార్కెట్ తయారీదారుల కోసం ఒక ఫ్రేమ్‌వర్క్‌ ను నిర్దేశిస్తాయి.

 

ఒత్తిడితో కూడిన ఆస్తులు:

బ్యాంకులు ఎదుర్కొంటున్న ఎన్‌పిఎల సమస్యను పరిష్కరించే ప్రభుత్వ ప్రమేయంలో IFSC యొక్క ముఖ్యమైన పాత్రను గ్రహించి, IFSCలో ఫండ్ మేనేజర్‌లు ప్రారంభించాల్సిన ప్రత్యేక సిట్యువేషన్ ఫండ్‌ల కోసం ఒక ఫ్రేమ్‌వర్క్ సూచించారు.

ఎన్విరాన్‌మెంట్ సోషల్ గవర్నెన్స్ (ESG):

పెరుగుతున్న ఇన్వెస్టర్ల సంఖ్య ఫండ్ మేనేజర్‌లు తమ పెట్టుబడి వ్యూహాలకు ESG సమస్యలను సమగ్రంగా చేయాలని ఆశిస్తున్నారు. స్థిరమైన ఆర్ధిక కార్యక్రమాలకు IFSCని కేంద్రంగా మార్చాలని ఉద్దేశ్యంతో, ఎంటిటీ స్థాయిలో, స్కీమ్ స్థాయిలో బహిర్గతం చేయడం తప్పనిసరి చేయాలని ప్రతిపాదన చేశారు.

కుటుంబ కార్యాలయం:

ప్రపంచవ్యాప్తంగా, HNI (అధిక పెట్టుబడి స్తోమత కలవారు ) అల్ట్రా HNIలు వారి కుటుంబాల సంపదను నిర్వహించడం  సంరక్షించడం కోసం ఒక అధికారిక నిర్మాణాన్ని కలిగి ఉండటం అవసరం. ఇది భారతదేశంలో కుటుంబ కార్యాలయాల కోసం పాలన యొక్క సంభావితీకరణ అవసరాన్ని సుగమం చేసింది. దీని ప్రకారం, కుటుంబ కార్యాలయం యొక్క స్వీయ-నిర్వహణ పెట్టుబడి నిధిని సులభతరం చేయడానికి ఒక విధానం ప్రతిపాదించారు. ఇంకా, బహుళ-కుటుంబ కార్యాలయాల కోసం పోర్ట్‌ ఫోలియో నిర్వహణను చేపట్టేందుకు ఫండ్ మేనేజర్‌కు కూడా అనుమతి ఉంది.

నియంత్రిత మార్గంలో వివిధ ఆవిష్కరణలకు మద్దతు ఇవ్వడానికి, డ్రాఫ్ట్ నిబంధనలలో కిందివి కూడా చేర్చబడ్డాయి:

 

a. ఫండ్ ల్యాబ్: నియంత్రిత పద్ధతిలో కొత్త వ్యూహాలను ప్రయత్నించడానికి ఆకాంక్ష ఫండ్ మేనేజర్‌లకు ఒక ప్లాట్‌ఫారమ్ అందుబాటులో ఉంటుంది.

బి. సహ-పెట్టుబడి నిర్మాణంగా ప్రత్యేక ప్రయోజన వాహనం (SPV): అంతర్జాతీయ అధికార పరిధుల మాదిరిగానే, కొన్ని షరతులకు లోబడి ఫండ్/స్కీమ్‌తో పాటు సహ-పెట్టుబడి లేదా పరపతిని చేపట్టేందుకు ప్రధాన పథకం కింద SPVలను రూపొందించడానికి ఫండ్ మేనేజర్‌లను  అనుమతిస్తారు.

సి. ప్రైవేట్ మార్కెట్లలో రిటైల్ భాగస్వామ్యం: ప్రైవేట్ మార్కెట్లలో పెద్ద పెట్టుబడి పెట్టడానికి పెట్టుబడిదారులను సులభతరం చేయవలసిన అవసరం పెరిగింది. దీని ప్రకారం, కొన్ని షరతులకు లోబడి వెల్లడి చేయని సెక్యూరిటీలలో పెట్టుబడి పెట్టడానికి రిటైల్ క్లోజ్ ఎండెడ్ స్కీమ్‌లను సులభతరం చేయాలని ప్రతిపాదించారు

 

పైన పేర్కొన్న వాటికి అదనంగా, ముసాయిదా నిబంధనలు వివిధ సంస్థల పాత్రను ప్రవర్తనా నియమావళి వివరిస్తుంది, ప్రకటనల కోడ్, పెట్టుబడి మదింపు నిబంధనలు ముఖ్యమైన పాలనా అవసరాలను కూడా ఇవి సూచిస్తాయి. ముసాయిదా నిబంధనలతో పాటు సంప్రదింపుల పత్రం IFSCA వెబ్‌సైట్ లో అందుబాటులో ఉంది

- https://ifsca.gov.in/PublicConsultation.

ఫిబ్రవరి 28, 2022న లేదా అంతకు ముందు డ్రాఫ్ట్ నిబంధనలపై సాధారణ ప్రజలు మరియు వాటాదారుల నుండి వ్యాఖ్యలు / సూచనలు, అభిప్రాయాలు  ఆహ్వానిస్తున్నారు

-

(Release ID: 1797199) Visitor Counter : 122