پیٹرولیم اور قدرتی گیس کی وزارت
ریاست یا مرکز کے زیر انتظام علاقوں کے لحاظ سے پی ایم یو وائی اسکیم کے تحت کوئی ہدف مقرر نہیں کیاگیا
غریب کنبوں کی بالغ خاتون کے نام پر ایل پی جی کنیکشن جاری کیا جاتا ہے
مہاجر کنبوں کے لئے ایڈریس پروف کے بجائے خود اعلانیہ کا استعمال کرکےنیا کنیکشن مہیا کرنے کا خصوصی انتظام کیا گیا ہے
Posted On:
03 FEB 2022 5:24PM by PIB Delhi
نئی دہلی،3فروری ،2022
پیٹرولیم اور قدرتی گیس کے وزیر مملکت جناب رامیشور تیل ینے آج لوک سبھا میں ایک سوال کے تحریری جواب میں بتایا کہ پردھان منتری اجولا یوجنا (پی ایم یو وائی) کے پہلے مرحلے کا آغاز 01.05.2016 کو کیا گیا تھا اور اس کے تحت 8 کروڑ ڈیپوزٹ فری ایل پی جی کنیکشن غریب کنبوں کو مہیا کئے جاچکےہیں۔اس اسکیم کا ہدف ستمبر 2019 کو حاصل کیا جا چکا ہے۔ اجولا 2.0 کا آغاز 10.08.2021 کو کیا گیا تھا ،جس کا مقصد 8 کروڑ ڈیپوزٹ فری ایل پی جی کنیکشن پی ایم یو وائی کے پہلے مرحلے کے تحت دینے کے بعد ،پین انڈیا کی بنیاد پر ایک کروڑ ڈیپوزٹ فری کنیکشن دینا تھا۔ اجولا 2.0 کے تحت مستفید ہونے والوں کو ڈیپوزٹ فری کنیکشن دینے کے ساتھ ساتھ پہلا مفت ریفل اور ایک چولہا بھی مہیا کیا گیا ہے۔ ایل پی جی کنیکشن غریب کنبے کی بالغ خاتون کے نام پر جاری کئے جاتے ہیں،جس میں دیگر شرائط کو پورا کرنے کے ساتھ ساتھ اس کنبے کے دیگر کسی ممبر کے نام پر پہلے سے کوئی کنیکشن جاری نہ کیا گیا ہو۔اس اسکیم کے تحت مستفید دہندگان کی شناخت یا تو سماجی و اقتصادی ذات کی مردم شماری ( ایس ای سی سی ) کی فہرست یا دیگر سات شناخت شدہ زمروں کے طورپر کی جاتی ہے ، جیسے درج فہرست ذات و درج فہرست قبائل سے تعلق رکھنے والے کنبے،بےحد پسماندہ طبقات ،پی ایم آواس یوجنا دیہی کے مستفدین ،انتیودیا انا یوجنا کے مستفدین ،جنگلات میں کام کرنے والے،جزیروں یا ندیوں کے کنارے بسے جزیروں میں رہنے والے ،چائے کے باغات میں کام کرنے والے یا چائے کے باغات میں کام کر چکے ریٹائرڈ ملازمین یا وہ غریب کنبے جو ان زمروں میں شامل نہیں کئے جاتے ہیں۔مہاجر کنبوں کےلئے نئے کنیکشن مہیا کرنے کا خصوصی انتظام کیا گیا ہے جس میں ایڈریس پروف ،راشن کارڈ کے بجائے خود اعلانیہ کا استعمال کیا جاتا ہے۔اس کنیکشن کے تحت 14.2 کلوگرام کا ایک سلینڈر /پانچ کلوگرام ایس بی سی / پانچ کلوگرام ڈبل سیلنڈر کنیکشن (ڈی بی سی)دیا جاتا ہے۔
ریاست یا مرکز کے زیر انتظام علاقوں کے لحاظ سے پی ایم یو وائی اسکیم کے تحت کوئی ہدف مقرر نہیں کیاگیا ہے۔ راجستھان اور مغربی بنگال ریاستوں میں پی ایم یو وائی اسکیم کے تحت 01.01.2022 تک ایل پی جی کنیکشنوں کے جاری کئے جانے کی تفصیلات مندرجہ ذیل ہیں:
|
ریاست
|
جاری کئے گئے کنیکشنوں کے اعدادو شمار
|
|
راجستھان
|
66.11 لاکھ
|
|
مغربی بنگال
|
108.98 لاکھ
|
جنوری 2022 ،میں حکومت نےموجودہ طریقہ کار کے ساتھ اجولا 2.0 کے تحت 60 لاکھ ایل پی جی کنیکشن جاری کرنے کےلئے اسکیم کو وسعت دی ہے۔
ش ح ۔ا م۔
U:1089
(Release ID: 1795255)
Visitor Counter : 123