সরকারনা মাইনোরিতীশিং, মরু ওইনা শেন্মিৎলোন শোনবা অমসুং খুদোংচাবা ৱাৎপা খুন্নাইগী কাঙলুপ য়াওনা খুন্নাইগী কাঙলুপ খুদিংগী য়াই য়ুম্বাল অমসুং চাউখৎহন্নবগীদমক্তা প্রধান মন্ত্রী জন আরোগ্যা য়োজনা (পি.এম.জে.এ.ৱাই.), প্রধান মন্ত্রী মুদ্রা য়োজনা (পি.এম.এম.ৱাই.), প্রধান মন্ত্রী কিসান সম্মান নিধি (পি.এম. কিসান), প্রধান মন্ত্রী উজ্বালা য়োজনা (পি.এম.য়ু.ৱাই.), প্রধান মন্ত্রী অৱস য়োজনা (পি.এম.এ.ৱাই.), বেতি বচাও বেতি পরাও য়োজনানচিংবা তোঙান-তোঙানবা স্কিম কয়া চলায়রি। মাইনোরিতী এফিয়র্স মন্ত্রালয়নসু কেন্দ্রনা শকখঙলবা মাইনোরিতী খুন্নাই তরূক (৬), মিং ওইনা পল্লবদা খৃস্তিয়ন, সিখ, বুদ্ধিস্ত, মুস্লিম, পারসি অমসুং জৈনশিংগী সোসিও-ইকোনোমিক অমসুং এজুকেসনগী মতাংদা মপাঙ্গল হাপ্নবা অৱাং নোংপোক রাজ্য য়াওনা লৈবাক শিনবা থুংবদা প্রোগ্রাম/স্কিম কয়াসু চলায়রি। মন্ত্রালয়না চলায়বা স্কিমশিংবু মখাদা শম্লপ্না পীরিঃ

(ক) এজুকেস্নেল ইম্পাৱর্মেন্ত স্কিমশিং:

(১) প্রি-মেত্রিক স্কোলর্শিপ স্কিম- স্কিম অসি ১দগী ৯ ফাওবগী মনুংদা লৈবা মাইনোরিতী মহৈরোইশিংদা স্কোলর্শিপ অসি পীবনি, মসিগী মনুংদগী ৩০%গী শরুক্না নুপীমচাশিংগী খাক্লি।

 

পোস্ত-মেত্রিক স্কোলর্শিপ স্কিম- স্কিম অসি ১১দগী পি.ঐচ.দি. ফাওবগী মনুংদা লৈবা মাইনোরিতী মহৈরোইশিংদা স্কোলর্শিপ অসি পীবনি, মসিগী মনুংদগী ৩০%গী শরুক্না নুপীমচাশিংগী খাক্লি।

 

মেরিৎ-কম মীন্স বেজ্‌দ স্কোলর্শিপ স্কিম- স্কোলর্শিপ অসি অন্দর্গ্রেজুএত অমসুং পোস্ত গ্রেজুএতকী থাক্কী প্রোফেস্নেল অমসুং তেক্নিকেল কোর্সতা তম্বা মাইনোরিতী মহৈরোইশিংদা পীবনি, মসিগী মনুংদগী ৩০%গী শরুক্না নুপীমচাশিংগী খাক্লি।

 

স্কোলর্শিপ স্কিম অহুম্মক অসি নেস্নেল স্কোলর্শিপ পোর্তেল (এন.এস.পি.)দা য়াওরি অমসুং স্কোলর্শিপকী শেনফম অসি দাইরেক্ত বেনেফিৎ ত্রান্সফর (দি.বি.তি.)গী খুত্থাংদা পীথোকই।

 

(২) মাউলানা অজাদ নেস্নেল ফেলোশিপ স্কিম – স্কিম অসিগী মখাদা, শেলগী তেংবাং ওইবা ফেলোশিপ অসি য়ু.জি.সি.-নেত নত্ত্রগা জোইন্ত সি.এস.আই.আর. য়ু.জি.সি.নেত পরিখা মায় পাক্লবা মাইনোরিতী মহৈরোইশিংদা পীবনি।

 

(৩) নয়া সবেরা – ফ্রী কোচিং অমসুং এলাইদ স্কিম – স্কিম অসিনা মাইনোরিতী খুন্নাইগী মনুং চনবা মহৈরোই/কেন্দিদেতশিংদা লেম্না কোচিং পীদুনা তেক্নিকেল/মেদিকেল প্রোফেস্নেল কোর্সকী এন্ত্রান্স একজাম অমসুং তোঙানবা কম্পিতিতিব একজাম কয়া মায় পাকহনবগী পান্দম থম্মি।

 

(৪) পরো পর্দেশ – স্কিম অসিগী মখাদা, মাইনোরিতী খুন্নাইগী মহৈরোইশিংগী মীরম লৈবাক্তা মহৈ তম্বগী এজুকেস্নেল লোনশিংগীদমক্তা ইনতরেস্ত সবসিদী পী।

 

(৫) নই উরান – য়ুনিয়ন পব্লিক সর্ভিস কম্মিসন (য়ু.পি.এস.সি.), স্তেত পব্লিক সর্ভিস কম্মিসন (পি.এস.সি.), স্তাফ সেলেক্সন কম্মিসন (এস.এস.সি.)না পাংথোকপা প্রেলিমিনারী একজামশিংদা মায় পাকপা মাইনোরিতী খুন্নাইগী মহৈরোইশিংদা তেংবাং পী।

 

(খ) ইমপ্লোয়মেন্ত ওরিএন্তেদ স্কিমশিং:

(6) সীখো ওর কমাও – চহি ১৪-৩৫গী কঙলুপ্তা লৈবা নহাশিংগী স্কিল দিভেলপমেন্ত স্কিম অমনি অমসুং মসিনা থবক পীবা, থবক ফংনবা খুদোংচাবা শীনবা, হৌজিক হৌজিক থবক শুরিবা অমসুং স্কুল দ্রোপআউতশিংগীদমক্তা থবক তৌবা য়াবগী মতিক লৈহনবগী পান্দম থম্মি।

 

 (৭) য়ু.এস.তি.তি.এ.দি. (অপগ্রেদিং দি স্কিল্স এন্দ ত্রেনিং ইন ত্রেদিস্নেল আর্ত/ক্রাফ ফোর দিভেলপমেন্ত)- মাইনোরিতী খুন্নাইগী ত্রেদিস্নেল আর্তিসান অমসুং খুৎ-শা হৈবা মীওইশিংগীদমক্তা মশানা মশাবু থবক পীজনবা, মার্কেত লৈহন্নবা য়াম্না কান্নবা প্লেৎফোরম অমনি। হায়রিবা মীওইশিং অসিদা থবক পীবা অমসুং মার্কেত লৈহন্নবগীদমক্তা লৈবাক শিনবা থুংবদা হুনর হাত কয়া পাংথোক্লি।

 

(৮) নই মঞ্জিল – স্কুল দ্রোপআউত নত্ত্রগা মদ্রাসাগুম্বা খুন্নাইগী এজুকেস্নেল ইন্সতিত্যুসনশিংদা মহৈ তম্লকপশিংগী ফোর্মেল স্কুল এজুকেসন অমসুং স্কিলিং তৌবগী স্কিম অমনি।

 

 (৯) নই রোশনি – মাইনোরিতী অমসুং নন মাইনোরিতী খুন্নাইগী নুপীশিংগী লীদর্শিপ দিভেলপমেন্ত তৌনবা স্কিম অমনি (কাঙলুপ অমমম্না বেৎচ অমদা ২৫% চাংদগী হেন্দবা)।

 

(গ) কেপিতেল স্কিমশিং:

(১০) জিয়ো পার্সি – ভারত্তা মশিং হন্থরক্লিবা পার্সি মীশিং কন্নবা স্কিম অমা।

 

(১১) হমারী ধরোহর – ভারতকী মাইনোরিতী খুন্নাইগী ইনাক খুল্লবা হেরিতেজপু ভারতকী চৎনবীগী অপুনবা ৱাখল্লোনগী মখাদা য়োকখৎনবা স্কিম অমা।

 

(ঘ) ইনফ্রাস্ত্রকচর দিভেলপমেন্ত প্রোগ্রামঃ

 

(১২) প্রধান মন্ত্রী জন বিকাস কার্য়করম (পি.এম.জে.ভি.কে.) – স্কিম অসিনা লৈবাক্কী শোত্থরবা মফমশিংদা স্কুল, কোলেজ, আই.তি.আই., পোলিতেক্নিক, হোস্তেল, সদভব মান্দপ, স্কিল দিভেলপমেন্ত সেন্তর, থক্নবা ঈশিং অমসুং সেনিতেসন ফেসিলিতী, হোস্পিতাল য়াওবা হকশেলগী প্রোজেক্ত, শান্ন-খোৎনবগী খুদোংচাবা, স্মার্ত ক্লাসরুম, অঙ্গনৱাদি সেন্তরনচিংবা তঙাই ফদবা ইনফ্রাস্ত্রকচর পীবগী পান্দম থম্মি। স্কিম অসি মাইনোরিতী মীশিংনা অপুনবা মীশিংগী ২৫% ওই হায়না খঙলবা মফমশিং অমসুং সোসিও ইকোনোমিক নত্ত্রগা তঙাই ফদবা পোৎলম নত্ত্রগা অনিমক্কী মতাংদা নেস্নেল এভরেজতগী হন্থনা লৈ খঙলবা মফমশিংদা চলায়বনি।

 

(১৩) পুম্নমক অসিগা লোয়ননা, মাউলানা অজাদ এজুকেসন ফাউন্দেসন (এম.এ.ই.এফ.)না মখাদা পীরিবা এজুকেসন অমসুং স্কিলগা মরী লৈনবা স্কিমশিং চলায়রিঃ

(ক) মাইনোরিতীশিংগী মরক্তা শেন্মিৎলোনগী ফিভম ফত্তবা কাঙলুপ্তা লৈবা লাইরিক হৈবা  নুপীমচাশিংদা পীবা বেগম হজরত মহল নেস্নেল স্কোলর্শিপ, (খ) নহাশিংদা থবক ফংহনবা য়াবা স্কিল দিভেলপমেন্তকী অতেনবা মতমগী ত্রেনিং পীনবা ২০১৭-১৮দা হৌদোকখিবা ঘরিব নৱাজ ইমপ্লোয়মেন্ত স্কিম, (গ)        এজুকেস্নেল ইন্সতিত্যুসনশিংগী ইনফ্রাস্ত্রকচর শেমগৎনবা এন.জি.ও.শিংদা পীবা গ্রান্তকী তেংবাং।

 

(১৪) মাইনোরিতীশিংদা মশানা মশাবু থবক পীজনবা অমসুং শেন্থোক লম্বী শীঞ্জিনবা কন্সেস্নেল লোন পীবগী ইক্বিতী তু নেস্নেল মাইনোরিতীজ দিভেলপমেন্ত এন্দ ফাইনান্স কোর্পোরেসন (এন.এম.দি.এফ.সি.)।

মথং মনাও (১)দগী (১২) ফাওবগী স্কিমশিংগী অকুপ্পা মরোলশিং মন্ত্রালয়গী ৱেবসাইত্তা (www.minorityaffairs.gov.in) ফংগনি অমসুং মথং মনাও (১৩) অমসুং (১৪)গীনা এম.এ.ই.এফ. (www.maef.nic.in)  অমসুং এন.এম.দি.এফ.সি.গী (www.nmdfc.org)  ৱেবসাইত্তা মথংশিৎনা ফংগনি।

নেস্নেল কম্মিসন ফোর মাইনোরিতিজ (এন.সি.এম.) এক্ত, ১৯৯২গী সেক্সন ২ (সি.)গী মতুং ইন্না, খৃস্তিয়ন, সিখ, বুদ্ধিস্ত, মুস্লিম, পারসি অমসুং জৈনশিংবু মাইনোরিতী খুন্নাইনি হায়না শকখঙলে। সেন্সস ২০১১গী মতুং ইন্না, লৈবাক অসিদা লৈরিবা মাইনোরিতী খুন্নাইগী মীশিং অসি অসুম্না পীরিঃ খৃস্তিয়ন-২,৭৮,১৯,৫৮৮, সিখ-২,০৮,৩৩,১১৬, বুদ্ধিস্ত-৮৪,৪২,৯৭২, মুস্লিম-১৭,২২,৪৫,১৫৮, পারসি-৫৭,২৬৪ অমসুং জৈন-৪৪,৫১,৭৫৩।

 

মন্ত্রালয় অসিগী বজেত্তা রাজ্য-রাজ্যগী ওইনা থাদগবা অকক্নবা শেম্ফম লৈতে। অদুবু, মমাংগী চহি ৫দা, মন্ত্রালয় অসিনা চলায়বা স্কিমগীদমক্তা লুপা করোর ২১,৯৩৪.৩৮গী শেনফম কাইথোকখি।

 

মসিগী ৱারোল অসি মাইনোরিতী এফিয়র্সকী কেন্দ্র মন্ত্রী, শ্রী মুখতার অব্বাস নাকভীনা ঙসি লোক সভাদা অইবা পাউখুম ওইনা পীখিবনি।

*****

(Release ID: 1795243) Visitor Counter : 133