অৱাং নোংপোক লমদমগী চাউখৎ-থৌরাং মন্ত্রালয়
দোনর মন্ত্রালয়গী এন.ই.সি.গী মখাদা লৈবা রেজিস্তর তৌরবা সোসাইতী - এন.ই.আর.সি.আর.এম.এস.না ইমপ্লিমেন্ত তৌখিবা পোলত্রী - সস্তেন্নেবল লিবিংগীদমক্তা থৌজাল অমা
Posted On:
19 JAN 2022 4:38PM by PIB Imphal
শ্রী মিন্থাং, মনিপুরগী চুরচান্দপুর জিলাদা, সামুলামলান ব্লোক্তা লৈ। এন.ই.আর.সি.আর.এম.এস.না খুৎ থিংজিনদ্রিঙৈগী মমাংদা এন.ই.আর.সি.ও.আর.এম. ফেজ – III প্রোজেক্তকী খুত্থাংদা মহাক্না পুংদা ওইনা থবক শুরম্মি অমসুং শেল য়াম্না লিক্না তাল্লম্মি। চাংনাইবা থবক ফংদবনা মরম ওইরগা, মহাক মহাক্কী ইমুং-মনুংগী তঙাইফদনা চংবশিং অদুবু য়াম্না ৱানা মেনখৎলম্মি। ফিভম অদুনা মরম ওইরগা; মহাক্না মহাক্কী মচাশিংদা মহৈ-মশিং নিংথিনা তমহনবা ঙম্লমদে।
চহি ২০১৫-১৬দা খুঙ্গং অদুদা এন.ই.আর.সি.আর.এম.এস.না খুৎ থিংজিনবা মতমদা, শ্রী মিন্থাংনা পোলত্রী শেনদাল লম্বি ওইনা ফংজখি। পোলত্রীগী ভেঞ্চর অসিনা মহাকপু মহাক্কী ইমুং-মনুংশিংগী চহিগী ইনকম হেনগৎহন্নবগী খুদোংচাবা অমা পীবিরে।
ইহান-হান্না, মহাক্না প্রোজেক্ত ফন্দিং ফংবা মতমদা, মহাক্না মহাক্কী পোলত্রী ফার্ম অসি য়েন ২১৫না হৌদোরকখি। নুমিৎ ৪৫নিগী মতুংদা ফার্ম অদুনা মপুং ফারবদা, মহাক্না ফার্ম অদুগী প্রোদক্তশিং অদু য়োনখি অমসুং শেন্দোং লুপা ১৫,০০০/- (লুপা লিশিং তরামঙা) ফংখি।
মতুংদা, মহাক্কী পোলত্রী বিজনেস অসিবু চাউথোক্নবা মহাক্না তাল্লকপশিং অদুগী শরুক খরা থাধৈ অমসুং য়েনগী মশিং অদু ১৫০০দগী ৩০০০দা হেনগৎলকখি। চহি কয়া অসিদা, অমমমদা য়েন ১৫০০ থম্বা য়াবা য়ুম অনি মহাক্না শাখি।
*****
(Release ID: 1791035)
Visitor Counter : 132