نئی دہلی،10جنوری ،2022

کُل 115 کمپنیوں نے بھارت میں آٹوموبائل اور آٹو کمپوننٹ انڈسٹری کے لیے پروڈکشن لنکڈ انسینٹیو اسکیم(پی ایل آئی) کے تحت اپنی درخواست دائر کی ہیں  جس کے سلسلے میں  مطلع 23 ستمبر 2021 کو کیا گیا تھا۔ یہ اسکیم درخواستیں وصول کرنے کے لیے 9 جنوری 2022 کوہندوستانی وقت کے مطابق  23:59:59 گھنٹے تک کھلی تھی۔ اسکیم کے تحت 1 اپریل 2022 سے ہندوستان میں تیار کردہ ایڈوانسڈ آٹوموٹیو ٹیکنالوجی(اےاے ٹی ) پروڈکٹس (گاڑیاں اور پرزہ جات) کی طے شدہ فروخت کے لیے مراعات کا اطلاق 5 سال کی مدت کے لیے ہوتا ہے۔

حکومت نے 25,938 کروڑ روپے کے بجٹ کے ساتھ ایڈوانسڈ آٹو موٹیو پروڈکٹس کے لیے انڈیا کی مینوفیکچرنگ صلاحیتوں کو بڑھانے کے لیے آٹوموبائل اور آٹو کمپونینٹس انڈسٹری کے لیے پروڈکشن لنکڈ انسینٹیو اسکیم (پی ایل آئی )کو منظوری دی ہے۔ آٹوموبائل اور آٹو کمپونینٹ کے لیے پروڈکشن لنکڈ انسینٹیو اسکیم(پی ایل آئی) میں ایڈوانسڈ آٹو موٹیو ٹیکنالوجی مصنوعات کی گھریلو مینوفیکچرنگ کو فروغ دینے اور آٹوموٹیو مینوفیکچرنگ ویلیو چین میں سرمایہ کاری کو راغب کرنے کے لیے مالی مراعات تجویز کی گئی ہیں۔ اس کے بنیادی مقاصد میں لاگت کی معذوری پر قابو پانا، بڑے پیمانے پر معیشتیں بنانا اور جدید آٹو موٹیو ٹیکنالوجی مصنوعات کے شعبوں میں ایک مضبوط سپلائی چین بنانا شامل ہے۔ اس سے روزگار بھی پیدا ہوگا۔ یہ اسکیم آٹوموبائل انڈسٹری کو ویلیو چین کو اعلیٰ ویلیو ایڈڈ مصنوعات میں منتقل کرنے میں سہولت فراہم کرے گی۔

موصول ہونے والی درخواستوں کی زمرہ وار تقسیم درج ذیل ہے:

آٹو سیکٹر کے لیے پی ایل آئی اسکیم اعلیٰ درجے کی آٹوموٹیو ٹیکنالوجی گاڑیوں اور مصنوعات کی حوصلہ افزائی کرے گی۔ یہ اعلیٰ ٹیکنالوجی، زیادہ موثر اور گرین  آٹوموٹیو مینوفیکچرنگ میں ایک نئے دور کا آغاز کرے گا۔ آٹو سیکٹر کے لیے پی ایل آئی اسکیم ہندوستان میں جدید آٹوموٹیو ٹیکنالوجی پروڈکٹس کی تیاری کے لیے صنعت کی لاگت کی معذوری پر قابو پانے کا تصور کرتی ہے۔ ترغیبی ڈھانچہ صنعت کو مقامی سپلائی چین/ایڈوانسڈ آٹوموٹیو ٹیکنالوجی مصنوعات کی گہری لوکلائزیشن میں نئی سرمایہ کاری کرنے کی ترغیب دے گا۔

آٹو سیکٹر کےلئے پی ایل آئی اسکیم موجودہ آٹوموٹیو کمپنیوں کے ساتھ ساتھ نئے سرمایہ کاروں کے لیے بھی کھلی تھی جو فی الحال آٹوموبائل یا آٹو کمپوننٹ مینوفیکچرنگ کے کاروبار میں نہیں ہیں۔ اسکیم کے دو اجزاء ہیں یعنی چیمپیئن او ای ایم انسینٹیو اسکیم اور کمپوننٹ چیمپیئن انسینٹیو اسکیم۔ چیمپیئن او ای ایم انسینٹیو اسکیم ایک 'سیلز ویلیو لنکڈ' اسکیم ہے، جو تمام سیگمنٹس کی بیٹری الیکٹرک گاڑیوں اور ہائیڈروجن فیول سیل گاڑیوں پر لاگو ہوتی ہے۔ کمپوننٹ چیمپیئن انسینٹیو اسکیم ایک 'سیلز ویلیو لنکڈ' اسکیم ہے، جو گاڑیوں کے ایڈوانسڈ آٹوموٹیو ٹیکنالوجی کے اجزاء، مکمل طور پر ناکڈ ڈاؤن (سی کے ڈی )/سیمی ناکڈ ڈاؤن (ایس کے ڈی) کٹس، 2-وہیلرز، 3-وہیلرز، مسافر گاڑیاں، تجارتی گاڑیاں اور ٹریکٹر وغیرہ پر لاگو  ہوتی ہے۔

آٹوموٹیو سیکٹر (25938 کروڑ روپے )کےلئے یہ پی ایل آئی اسکیم پہلے سے شروع کی گئی ایڈوانسڈ کیمسٹری سیل (اے سی سی )(18100کروڑ روپے)  اور الیکٹرک گاڑیوں(10000کروڑ روپے ) کی تیاری کی تیز رفتار موافقت کے ساتھ ہندوستان کو روایتی فوسل فیول پر مبنی آٹوموبائل ٹرانسپورٹیشن سے نظام کو ماحولیاتی طور پر صاف ستھرا، پائیدار، جدید اور زیادہ موثر الیکٹرک وہیکل پر مبنی نظام کی طرف چھلانگ لگانے کے قابل بنائے گی۔

آٹوموبائل اور آٹو کمپوننٹ انڈسٹری کے لیے پی ایل آئی اسکیم مقامی اور عالمی سطح پر ہیڈکوارٹر والے گروپوں سے موصول ہونے والی درخواستوں کے لحاظ سے ایک بڑی کامیابی رہی ہے جو کہ ایڈوانسڈ آٹوموٹیو ٹیکنالوجی گاڑیوں/مصنوعات کی تیاری میں مصروف/زیر تجویز ہیں۔

صنعت نے ایک عالمی معیار کی مینوفیکچرنگ منزل کے طور پر ہندوستان کی شاندار ترقی پر اپنا اعتماد ظاہر کیا ہے جو عزت مآب وزیر اعظم کے آتما نربھر بھارت - ایک خود انحصار ہندوستان کے اعلان کے ساتھ مضبوطی سے گونجتا ہے۔

ش ح ۔ا م۔

U:285